بالعديل والزين نبارك للعريسين عبدالله ومرتضي الطيب شيقوق

Post: #1
Title: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 07:25 AM
Parent: #0

يكمل عبدالله ومرتضى أبناء الأخ الطيب شيقوف
نصف الدين ونصفهم الحلو في ثاني أيام العيد
نتمي لهم زواج سعيد وبيت مال وعيال
ربنا يتتم لهم بخير وتتابع جديدم وتبارك عيدم يا أبوعبدالله

Post: #2
Title: Re: بالعديل والزين نبارك للعريسين عبدالله ومرتضي الطيب شيقوق
Author: هاشم أحمد خلف الله
Date: 12-15-2007, 07:44 AM
Parent: #1

الف الف مبروك لعيال الشيخ ود شيقوق
وتحية خاصة ومباركة خاصة ليك انتي يا ست الكل , دائماً حاضرة في المواقف السعيدة
الله يطول لينا في عمرك يا ملكة يا بت ملوك النيل
تهئنية خاصة للشاب الوجيه الطيب ود شيقوق زواج ابناءه
تهئنية خاصة للمهندس بكري ابوبكر عشان تم إعلان هذا الخبر بواسطة سودانيزاون لاين .

Post: #3
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-15-2007, 08:18 AM
Parent: #2

Quote: يكمل عبدالله ومرتضى أبناء الأخ الطيب شيقوف
نصف الدين ونصفهم الحلو في ثاني أيام العيد
نتمي لهم زواج سعيد وبيت مال وعيال
ربنا يتتم لهم بخير وتتابع جديدم وتبارك عيدم يا أبوعبدالله

الله يديك العافية يا بت ملوك النيل كما يحلو دوما للاخ العظيم هشومي

Post: #4
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-15-2007, 08:24 AM
Parent: #3

Quote: الف الف مبروك لعيال الشيخ ود شيقوق
وتحية خاصة ومباركة خاصة ليك انتي يا ست الكل , دائماً حاضرة في المواقف السعيدة
الله يطول لينا في عمرك يا ملكة يا بت ملوك النيل
تهئنية خاصة للشاب الوجيه الطيب ود شيقوق زواج ابناءه
تهئنية خاصة للمهندس بكري ابوبكر عشان تم إعلان هذا الخبر بواسطة سودانيزاون لاين .

هشومي مالك على اخوك جننتني وهوشتني ويا ريت اكان كنت قريب منى تشوف اخوك بيعرض كيف مع نغم الحنة الجميل ده . العمانيون جو ليك المكتب لقوني بعرض مع نغمك ده وكلهم تركوا الشغل وراحوا راقصين الرقص الخليجي بالاكتاف .

هييييييييييييييه هشومي املانا نغم تاني خلينا نطرب .

Post: #22
Title: Re: بالعديل والزين نبارك للعريسين عبدالله ومرتضي الطيب شيقوق
Author: saif addawla
Date: 12-15-2007, 01:44 PM
Parent: #4

نبارك ونهنئ الاخ الطيب شيقوق ، الرجل العالم الذي يتلبس وشاح عامة الناس ، ( العربيبي )الذي فات الفرنجة في ..... كل شيئ ، للعرسان التهنئة موصولة وللاهل

عمهم سيف الدوله

Post: #29
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 02:36 PM
Parent: #22

Quote: عمهم سيف الدوله

مبروك ياعمهم غلي وليدات أخوك
عندهم سيف يهزوا بيهو بين الناس
عقبال محمد وميادة

Post: #5
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 08:48 AM
Parent: #2

Quote: تهئنية خاصة للمهندس بكري ابوبكر عشان تم إعلان هذا الخبر بواسطة سودانيزاون لاين .
]
أخي الحبيب هاشم ياوش الفال وقدم الخير وتمومة الجرتق أشكرك وعقبال الوليدات والبنيات
لايفوتني أن أشكر معك الباشمهندس بكري أبوبكر وعيال شيقوق تحت أمر أعضاء وفراء سودانيزأونلاين
مهندس عبدالله الطيب شيقوق
خريج كمبيوترمان ويعمل الآن مدير مركز شيقوق لتقنية المعلومات يأمدرمان
مرتضى الطيب شيقوق
تخرج بدرجة الإمتياز في كلية علوم الطيران ويعمل ضابط عمليات جوية بسودانير

Post: #7
Title: Re: بالعديل والزين نبارك للعريسين عبدالله ومرتضي الطيب شيقوق
Author: ولياب
Date: 12-15-2007, 09:34 AM
Parent: #5

ألف مبروك للأخ شيخ العرب العاربة وبرضو كمان شيخ العرب المستعربة (بس العرب المستغربة لا)

الف مبروك أخي الطيب ، بيت مال وعيال ، وربنا يتمم على خير .

التهاني للعريسين وللأهل أجمعين

Post: #6
Title: Re: بالعديل والزين نبارك للعريسين عبدالله ومرتضي الطيب شيقوق
Author: Alshafea Ibrahim
Date: 12-15-2007, 09:31 AM
Parent: #1

الأخت سمية شكرا للخبر السار ... ود شيقوق مليون مبروك لهما ..وبيت مال وعيال . ربنا يتم على خير ... مع خالص شكرنا ..
الشفيع إبراهيم

Post: #8
Title: Re: بالعديل والزين نبارك للعريسين عبدالله ومرتضي الطيب شيقوق
Author: مدثر محمد ادم
Date: 12-15-2007, 09:42 AM
Parent: #6

الاخت سمية سلامات

والف مبروك وربنا يتم بخير

Post: #32
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 03:21 PM
Parent: #8

الأخ مدثر محمد آدم
مرحبا أبها الشاعر الجميل
يباركوا ليك الجديد والسعيد
والخير حالك وفالك إنشاء الله

Post: #31
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 03:05 PM
Parent: #6

الأخ الشفيع إبراهيم
عقبال عندكم الأفراح والليالي الملاح
شكرا جزيلا

Post: #54
Title: Re: بالعديل والزين نبارك للعريسين عبدالله ومرتضي الطيب شيقوق
Author: Salah Waspa
Date: 12-15-2007, 06:01 PM
Parent: #6

Quote: الأخت سمية شكرا للخبر السار ... ود شيقوق مليون مبروك لهما ..وبيت مال وعيال . ربنا يتم على خير

salah waspa

Post: #57
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 08:04 PM
Parent: #54

صلاح واسبة
يباركوا ليك الجديد والعيد
شكرا لك

Post: #9
Title: Re: بالعديل والزين نبارك للعريسين عبدالله ومرتضي الطيب شيقوق
Author: abubakr
Date: 12-15-2007, 09:45 AM
Parent: #1

ديشليون مبروك ايها العرريب "العجوز"

Post: #10
Title: Re: بالعديل والزين نبارك للعريسين عبدالله ومرتضي الطيب شيقوق
Author: nourelhadi awad
Date: 12-15-2007, 10:06 AM
Parent: #1

ياعديلة يابيضا
ياملايكة والملكة سيري وراه
ودشيقوق تحضر جنا جناهم
ربنا يديم البسط

Post: #11
Title: Re: بالعديل والزين نبارك للعريسين عبدالله ومرتضي الطيب شيقوق
Author: عبدالله
Date: 12-15-2007, 10:09 AM
Parent: #10

Quote: Quote: يكمل عبدالله ومرتضى أبناء الأخ الطيب شيقوف
نصف الدين ونصفهم الحلو في ثاني أيام العيد
نتمي لهم زواج سعيد وبيت مال وعيال
ربنا يتتم لهم بخير وتتابع جديدم وتبارك عيدم يا أبوعبدالله

الف مبروك وبيت مال وعيال
واولئك الاشبال من ذاك الاسد

Post: #12
Title: Re: بالعديل والزين نبارك للعريسين عبدالله ومرتضي الطيب شيقوق
Author: الفاتح الجنيد
Date: 12-15-2007, 11:01 AM
Parent: #11

الزين والعديل ،، سووها ليه غنوات
بنتوتنا المِتِل ،، صاقع النجم باقَّاتات
دقولو المجمًر ،، هلال سِبُوع ما فات
ربطولو الحريره ،، ولبًسو الحجبات

...
إتلم الفريق ،، شايلين سيوف لامعات
لى حوبة البطانه ،، ركزوا لى الجنيات
أبوك يالملزم ،، بحلها العوجات
حمًال للتقيله ،، ما بقول ليك هات

سارو ... عديله يا بيضه (عبد الله + مرتضى)

ومبروووك أبو العرسان ، وإنشاء الله تحضر جديدهم

الفاتح الجنيد (

Post: #13
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-15-2007, 11:22 AM
Parent: #12

الرطاني - اات عارف ام الاولاد الايام دى منزعجة قالت الفيضان ده خايفة يخومها هى ذاتها
ولياب
مدثر
نور الهادي
الشفيع
الفاتح ود الجنيد
عبد الحافظ ود نقد الله

بت طلحة وهشومي

طبعا ابو العريس ما فائق ليكم هسع لابس الجلابية والعمة والشال ويتجوجل يمين وشمال فرحان بقدومكم .

طبعا السلاح بولع في السماء
والفسحة كبييييييرة لناس العربات والجمال

راجع ليكم واحد واحد

بت طلحة ما تبعدي من بوستيك ده استقبلي ضيوفك وردى عليهم

وقوا كلكم عقبال لي انا ذاااااااااااااتي

Post: #14
Title: Re: بالعديل والزين نبارك للعريسين عبدالله ومرتضي الطيب شيقوق
Author: خالد علي محجوب المنسي
Date: 12-15-2007, 11:44 AM
Parent: #13

Quote: يكمل عبدالله ومرتضى أبناء الأخ الطيب شيقوف
نصف الدين ونصفهم الحلو في ثاني أيام العيد
نتمي لهم زواج سعيد وبيت مال وعيال
ربنا يتتم لهم بخير وتتابع جديدم وتبارك عيدم يا أبوعبدالله

ألف مبروك وربنا يتمم بالعديل والزين
ياودشيقوق بعد دا بس فضل ليك الحج والموت ( نمزح إن شاءالله بعد عمر طويلا وعملا صالح ) في الدنيا دي والوليدات وعرسو بعد دا عذرك شنو ابقى مارق علي الحج انتَ وأم العيال.

سيرو الجِنيات بِرو
العريس مرق يلا هللو
نحرو اب رديف يامطر الخريف
سيرتو مابتقيف لبري الشريف
العريس قمر وعاد عروسو كيف

سمية سلااام يا العديلا وزينا

خالد

Post: #37
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 03:51 PM
Parent: #14

Quote: سيرو الجِنيات بِرو
العريس مرق يلا هللو
نحرو اب رديف يامطر الخريف
سيرتو مابتقيف لبري الشريف
العريس قمر وعاد عروسو كيف

العروس ضاوية السباتة
العريس ود الحيشان التلاتة

تسلم ياخالد يباركوا ليك
وأيامك كلها سعيدة ياسمح يازين/B]

Post: #15
Title: Re: بالعديل والزين نبارك للعريسين عبدالله ومرتضي الطيب شيقوق
Author: Muna Khugali
Date: 12-15-2007, 11:47 AM
Parent: #13

ماشاء الله ربنا يتمم علي خير ويبعد عنهم شرور الدنيا..
ويسعدهم ويمد في عمر سعاتهم..

انت يالطيب أخوي..
مالن باقي ايام السنه؟
كملن؟
في شنو ساوي عرس الوليدات في اليوم ذاته؟
نعلهن العروسات أخوات؟
ياربي كدي التكلفه اقل؟
يا ربي العروسات قرايب بس؟

مني في حالة تدخل في سافر في شئون الناس!

سلام يا سمسم..

Post: #17
Title: Re: بالعديل والزين نبارك للعريسين عبدالله ومرتضي الطيب شيقوق
Author: عبده عبدا لحميد جاد الله
Date: 12-15-2007, 11:58 AM
Parent: #15

الف مبروك للعرسان عبدالله ومرتضي الطيب شيقوق
انشاء الله بيت مال وعيال
تهانينا للأستاذ ود شيقوق

شكراً استاذة سمية

Post: #42
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 04:21 PM
Parent: #17

الأستاذ / عبده عبدا لحميد جاد الله
شكرا لك أخي الكريم
هتأك الله بالتقوى والإيمان
وبارك لك وبارك فيك
وكل عام وانت بخير وسعادة

Post: #38
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 04:02 PM
Parent: #15

منى ياختى تكاليف شنو عليك الله
أنا خايفة عليهم من العين
ربنا يحفظم
نشوف إجابة أبوهم شنو !!
تسلمى يسلمك الله سيدي

Post: #24
Title: Re: بالعديل والزين نبارك للعريسين عبدالله ومرتضي الطيب شيقوق
Author: abubakr
Date: 12-15-2007, 02:12 PM
Parent: #13

Quote: وقوا كلكم عقبال لي انا ذاااااااااااااتي

هوووي السلاح البلعلع دة بعدين خليك تلعلع .. انت عقبالك تشوف جنياتم وبس !!! اوع كمان تمشي تحت ؟؟ ابو عريسين حتات تبقي مشكلة ؟؟؟ الزم الجابرة وخليك راسي واقعد في المقاعد الورا خالص وخلي الشباب يبتهجو وما تجي ناطي كلما تشوف رقصة برييك .. بعدين كراعينك يحصلهن برييك وتبقي في اليلزك ... نوم بدري كمان ..

Post: #36
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 03:41 PM
Parent: #13

Quote: بت طلحة ما تبعدي من بوستيك ده استقبلي ضيوفك وردى عليهم

أجي ياود أمي بقت عليك حكاية المقالة:
( العاونوه في قبر أبوه دسّ المحافير )
أنا بقوم بالفرض وأنت قوم بالواجب
أتفقنا ؟ ياالله شيل شيلتك

Post: #33
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 03:30 PM
Parent: #10

عديلة بيضا زي ورقكم وانتو تلونوها وتشكلوها
نسير وين يانور الهادي
بري يايابا البمرقنا في الدندر شنو
نحنا وانتم نفرح من على البعد
شكرا يافنان وعقبال عندكم

Post: #16
Title: Re: بالعديل والزين نبارك للعريسين عبدالله ومرتضي الطيب شيقوق
Author: ناذر محمد الخليفة
Date: 12-15-2007, 11:56 AM
Parent: #1

ألف مبروك لي ود شيقوق وعيالو ...

شكرا للخبر الجميل يا سمية ..

يديك العافية ...

Post: #18
Title: Re: بالعديل والزين نبارك للعريسين عبدالله ومرتضي الطيب شيقوق
Author: فيصل عثمان الحسن
Date: 12-15-2007, 12:20 PM
Parent: #16

الأستاذ الطيب شيقوق صاحب طرفة وقلم جميل محبب , تشعرنا كتاباته بأنه
أخو الجميع فى هذا المنبر رغم قدره الرفيع الذى ما زاده الا تواضعا , لذا
فرحتنا بفرحته تكون مضاعفة , ألف مبروك يا رجل زواج وليداتك وربنا يسعدهم ,
ويفرحك أنت وأمهم بالأحفاد بنين وبنات يملؤون عليكم الدار بهجة.
شكرا للأستاذة سمية الحسن على هذا الخبر الجميل .

Post: #49
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 05:03 PM
Parent: #18

الأستاذ الطيب شيقوق صاحب طرفة وقلم جميل محبب , تشعرنا كتاباته بأنه
أخو الجميع فى هذا المنبر رغم قدره الرفيع الذى ما زاده الا تواضعا
الأستاذ / فيصل عثمان الحسن
لك التحايا والإحترام
من قدر الناس حق قدرهم
فقد علم قدر نفسه
أشكرك على هذا الجمال
فقد منحتنا السمو والرقي
ولك الأفراح والسعادة نرجو

Post: #39
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 04:13 PM
Parent: #16

هوووي السلاح البلعلع دة بعدين خليك تلعلع .. انت عقبالك تشوف جنياتم وبس !!! اوع كمان تمشي تحت ؟؟ ابو عريسين حتات تبقي مشكلة ؟؟؟ الزم الجابرة وخليك راسي واقعد في المقاعد الورا خالص وخلي الشباب يبتهجو وما تجي ناطي كلما تشوف رقصة برييك .. بعدين كراعينك يحصلهن برييك وتبقي في اليلزك ... نوم بدري كمان ..
الله يباركك يا أبوبكر
الطيب سوي الوصايا دي في بالك
( غايتو مصاريني أتقطعن بالضحك )

Post: #43
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 04:24 PM
Parent: #16

ناذر محمد الخليفة
الله يعافيك ويبارك فيك ياعريس
يازول انت مشيت وين
انا مادايراك في شورة
في بوست أطفالنا الحلوين
عقبال عندك وليدات وبنيات
كل سنة وانت طيب

Post: #19
Title: Re: بالعديل والزين نبارك للعريسين عبدالله ومرتضي الطيب شيقوق
Author: صديق الموج
Date: 12-15-2007, 12:27 PM
Parent: #1

بالله يا سمية الطيب اولادو بقوا للعرس عينى بارده انا ما قايلوا قدرنا لوووول
الف مبروك ابو الطب وربنا يهنىء الوليدات وعقبال عزابة المنبر
وتانى مبروك،،،

Post: #20
Title: Re: بالعديل والزين نبارك للعريسين عبدالله ومرتضي الطيب شيقوق
Author: سلمى الشيخ سلامة
Date: 12-15-2007, 01:03 PM
Parent: #19

صديقى الاسفيرى الطيب
بقينا دفعة ؟ حلوة دى مش ؟
الف مليون مبروك وعقبال تشيل وليداتهم وتفرح بيهم
وتانى مبروك

ويا سمية اختى يا السمحة وزينة تسلمى
على الخبر السمح ودايما فرحانين
قولى امين
اقعدوا عافية

Post: #47
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 04:51 PM
Parent: #20

آمييين ياسلمى
ويدوم عليك الهنا والسرور
وكل عام وانت بخير وزايدة حبور
انت وشيقوق ركبتوا نفس القطر
وعقبال الجميع

الله يعافيك ياالحبيبة

Post: #48
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 04:56 PM
Parent: #20

آمييين ياسلمى
ويدوم عليك الهنا والسرور
وكل عام وانت بخير وزايدة حبور
انت وشيقوق ركبتوا نفس القطر
وعقبال الجميع

الله يعافيك ياالحبيبة

Post: #45
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 04:41 PM
Parent: #19

وكمان ياصديق الموج بريد روحو بالحيل
يقول للدنيا ولا أمشي ولا خليني أنمشي
شكرا ليك ياأصيل

Post: #21
Title: Re: بالعديل والزين نبارك للعريسين عبدالله ومرتضي الطيب شيقوق
Author: سجيمان
Date: 12-15-2007, 01:12 PM
Parent: #1

الف الف مبروك

بيت مال وعيال

والفال الحسن

Post: #23
Title: Re: بالعديل والزين نبارك للعريسين عبدالله ومرتضي الطيب شيقوق
Author: الزاكى عبد الحميد
Date: 12-15-2007, 01:44 PM
Parent: #21

ألف مبروك لعبد الله ومرتضى وبيت مال وعيال..

العريريب ما أعلن الخبر زايغ من البوش في النادي ولا شنو يا سمية!

تحياتي

الزاكي

Post: #25
Title: Re: بالعديل والزين نبارك للعريسين عبدالله ومرتضي الطيب شيقوق
Author: احمد معتصم الطيب
Date: 12-15-2007, 02:22 PM
Parent: #23

ألف ألـف مبروك للعريسين عبدالله ومرتضي

وبيت مال وعيال
وتمنياتي لهم بحياة زوجية
سعيدة .
وألـف مبروك أبو العرسان الطيب شيقوق،

Post: #27
Title: Re: بالعديل والزين نبارك للعريسين عبدالله ومرتضي الطيب شيقوق
Author: رأفت ميلاد
Date: 12-15-2007, 02:34 PM
Parent: #23

ألف مبروك للعزيز الطيب شيقوق
ويتمم الله للأبناء بألف بخير .. واتمنى لهما كل السعادة

وخلاص يا شيقوق أقعد فى الوا طة و بطل الجبجبة معانا
نحن لسة صغار وأولادنا لسة ما عرسوا وما بتقدر علينا

شكرآ أخت سمية ومشتاقين والله

Post: #59
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 08:19 PM
Parent: #27

Quote: وخلاص يا شيقوق أقعد فى الوا طة و بطل الجبجبة معانا
نحن لسة صغار وأولادنا لسة ما عرسوا وما بتقدر علينا

وكمان أسمع كلام رأفت أخوي دا ياشيقوق
ولو إتنين قالوا ليك راسك مافوقك ألمسو
مشتاقين كتير يارأفت
تحياتي يانبيل

Post: #58
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 08:11 PM
Parent: #23

زايغ من البوش ياالزاكي ولا نحنا الزايغيين من الختة
قال الدايرني يلحفني في الدندر
عقبال بنياتك

Post: #26
Title: Re: بالعديل والزين نبارك للعريسين عبدالله ومرتضي الطيب شيقوق
Author: Raja
Date: 12-15-2007, 02:32 PM
Parent: #1

ألف مبروك للراقي الطيب شيقوق زواج نجليه الكريمين مرتضى وعبدالله

حفظهما الله وبارك في خطوتهما الميمونة

التهنئة للعروستين وأم العريس

Post: #28
Title: Re: بالعديل والزين نبارك للعريسين عبدالله ومرتضي الطيب شيقوق
Author: Alsa7afa_30
Date: 12-15-2007, 02:35 PM
Parent: #1

تهانينا الحارة ..

ألـ1000ـف مبروك ..

Post: #30
Title: Re: بالعديل والزين نبارك للعريسين عبدالله ومرتضي الطيب شيقوق
Author: munswor almophtah
Date: 12-15-2007, 03:03 PM
Parent: #28

بخيت وسعيد عجبنا وسر مهجتنا أمانينا للعريسين وزوجتيهما
بسعادة وتوفيق ولود شيقوق وأهله التهانى والأمانى والدعاء
بالحرس والحففظ وألف مبروك وبيوت خير وذريه صالحه يا كريم
وربنا يفرحكم أنتم كذلك يا سميه بفرح الأبناء والبنات ولك ولود
شيقوق وأهلكم السلام.........

منصور

Post: #34
Title: Re: بالعديل والزين نبارك للعريسين عبدالله ومرتضي الطيب شيقوق
Author: احمد العمار
Date: 12-15-2007, 03:33 PM
Parent: #30

الف مبروك يا شيخ العرب ود شيقوق

ربنا يتمم على خير وكل عازب (عاشق) عقبالو

العزيزة / سمية الف شكر وعقبال عيالك

أحمد العمار

Post: #61
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 08:32 PM
Parent: #34

العزيز /احمد العمار
ربنا يحقق آمالك
والخير حالك وفالك
وعقبال عندك في المسرات

Post: #35
Title: Re: بالعديل والزين نبارك للعريسين عبدالله ومرتضي الطيب شيقوق
Author: محمد المرتضى حامد
Date: 12-15-2007, 03:33 PM
Parent: #30

شايلين المحنه وهمنا نبني جنه.. جنه تلمنا،
الطيب..جِدو..
تاني ما أسمع علامتك التجاريه هيييييع ..
عفيت منك يا مرتضى.. ثم عبدالله.

Post: #40
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-15-2007, 04:16 PM
Parent: #35

ود المنسي

مالك كاتلني ات قايل عرس اهلك ناس المدينة ولا عرس خواجيتك دى انا معرس عمري 14 سنة وقتها كنت في اولي ثانوي عام وحرم هسع ما تفرز الابو من الولد امسكوا الخشب بس .

منى خوجلي

كل استنتاجاتك صاح

بعد ده اناذاتي اتفرغت للعرس اعملي حسابك

الباشمهندس الرطاني

هييييييييييييييع كمان حت ثنائي معاهو تطش مع السمحة ام ولدى كية ليك كده بس

عبدو ود جاد الله

يا ريت اكان جيت شفت حتى مع السمحة ام ولدى لحدى الصباح

ناذر ود الخليفة

حرم طلتك نيّة بدون نغم تعاودنا وشايل باغة من النغم الجميل

الاخ فيصل عثمان -

الله يديك العافية ايها الحبيب

الاخ اللذيذ صديق الموج

معاك نعم عقبال عزابة المنبر وعزبات المنبر كمان

الصديقة الحلوة سلمة الشيخ سلامة

اكيد نحن دفعه ويطول عمرك انت يا جميلة الخلقة والراي

الاخ سجيمان

مالك يا ود امي رامي ليك كلمتين وماشي عليك ربك تعود تاني وتقول لينا كلامك اللذيذ داك

الاخ الزاكي عبد الحميد

فعلا انا زائغ من البوش لانى عارفكم ما عندكم برامج وبتقوموا تشغلوني وانا بجهز في لبسة العرضة

الاخ احمد المعتصم

شكرا ايها العزيز - بس حلاة لبستك دى واخوك حالف يسويها للعرس ويهز في الناس

العزيز الباسم دوما رافت ميلالالالالالالالالالالاد

هو انت متزوج كمان ؟ هيييييييييييييييع الكلس انا قايلك صغير كمان

الاخت الجميلة رجاء العباسي

تسلمي يا الكلك ذوق

الاخ الصحافة 30

شكرا وربنا يخليك وطبعا عروسة واحدة في الصحافة كمان

الاخ منصور ود المفتاح

الله يحفظك من كل شر

الاخ احمد عمار

يطول عمرك ودامت افراحك

الاخ الاستاذ محمد المرتضى حامد

شكرا ليك ايها الجميل

بس الاديتها باليمين سحبتها بشمالك مالك على والله هيييييييييييييييع وتاني هيييييييييييع وقول لعزابيات المنبر ود شيقوق بقى برّه للعرس التاني وكمان راجل المرة الاولادو عرسوا مش حلو حلاة عسل عديييييييييييييييييييل كده .

وتعال انت والرطاني شوفوا الحت والتطش مع السمحة ام ولدى

Post: #41
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-15-2007, 04:16 PM
Parent: #35

ود المنسي

مالك كاتلني ات قايل عرس اهلك ناس المدينة ولا عرس خواجيتك دى انا معرس عمري 14 سنة وقتها كنت في اولي ثانوي عام وحرم هسع ما تفرز الابو من الولد امسكوا الخشب بس .

منى خوجلي

كل استنتاجاتك صاح

بعد ده اناذاتي اتفرغت للعرس اعملي حسابك

الباشمهندس الرطاني

هييييييييييييييع كمان حت ثنائي معاهو تطش مع السمحة ام ولدى كية ليك كده بس

عبدو ود جاد الله

يا ريت اكان جيت شفت حتى مع السمحة ام ولدى لحدى الصباح

ناذر ود الخليفة

حرم طلتك نيّة بدون نغم تعاودنا وشايل باغة من النغم الجميل

الاخ فيصل عثمان -

الله يديك العافية ايها الحبيب

الاخ اللذيذ صديق الموج

معاك نعم عقبال عزابة المنبر وعزبات المنبر كمان

الصديقة الحلوة سلمة الشيخ سلامة

اكيد نحن دفعه ويطول عمرك انت يا جميلة الخلقة والراي

الاخ سجيمان

مالك يا ود امي رامي ليك كلمتين وماشي عليك ربك تعود تاني وتقول لينا كلامك اللذيذ داك

الاخ الزاكي عبد الحميد

فعلا انا زائغ من البوش لانى عارفكم ما عندكم برامج وبتقوموا تشغلوني وانا بجهز في لبسة العرضة

الاخ احمد المعتصم

شكرا ايها العزيز - بس حلاة لبستك دى واخوك حالف يسويها للعرس ويهز في الناس

العزيز الباسم دوما رافت ميلالالالالالالالالالالاد

هو انت متزوج كمان ؟ هيييييييييييييييع الكلس انا قايلك صغير كمان

الاخت الجميلة رجاء العباسي

تسلمي يا الكلك ذوق

الاخ الصحافة 30

شكرا وربنا يخليك وطبعا عروسة واحدة في الصحافة كمان

الاخ منصور ود المفتاح

الله يحفظك من كل شر

الاخ احمد عمار

يطول عمرك ودامت افراحك

الاخ الاستاذ محمد المرتضى حامد

شكرا ليك ايها الجميل

بس الاديتها باليمين سحبتها بشمالك مالك على والله هيييييييييييييييع وتاني هيييييييييييع وقول لعزابيات المنبر ود شيقوق بقى برّه للعرس التاني وكمان راجل المرة الاولادو عرسوا مش حلو حلاة عسل عديييييييييييييييييييل كده .

وتعال انت والرطاني شوفوا الحت والتطش مع السمحة ام ولدى

Post: #44
Title: Re: بالعديل والزين نبارك للعريسين عبدالله ومرتضي الطيب شيقوق
Author: مهيرة
Date: 12-15-2007, 04:32 PM
Parent: #41

الف مبروك أخي الطيب ، بيت مال وعيال ، وربنا يتمم على خير .

التهاني للعريسين وأمهم وعروساتهم

وان شاء الله العديلة تقدمه وتبراه

Post: #46
Title: Re: بالعديل والزين نبارك للعريسين عبدالله ومرتضي الطيب شيقوق
Author: حيدر حسن ميرغني
Date: 12-15-2007, 04:46 PM
Parent: #44

ألف مبروك

نتمنى لهم حياة زوجية سعيدة

تهانينا للاخ الطيب شيقوق وحرمه

Post: #50
Title: Re: بالعديل والزين نبارك للعريسين عبدالله ومرتضي الطيب شيقوق
Author: عواطف ادريس اسماعيل
Date: 12-15-2007, 05:07 PM
Parent: #46

ألف مبروك لأولاد العز والعجن !!!

ود شيقوق قالو السلاح رطن ..

عقبال الباقين إنشاء الله ..

شكرا سمسمة على هذا الخبر الجميل ..

تحياتنا لناس مسقط الجميلين ...

Post: #62
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 08:36 PM
Parent: #50

عواطف البت السمحة الخاتمة السماحة وعارقاها
أريتك يايما إتي بت البنوت لا حدهن
ناس مسقط يزيدو شرف بسلامك
تسلمي ياجميلة

Post: #96
Title: Re: بالعديل والزين نبارك للعريسين عبدالله ومرتضي الطيب شيقوق
Author: سجيمان
Date: 12-16-2007, 12:46 PM
Parent: #41

Quote: مالك يا ود امي رامي ليك كلمتين وماشي عليك ربك تعود تاني وتقول لينا كلامك اللذيذ داك

والله يا الطيب الايام دي فوقي جنس محن....

ممحنني ناس الحيكومة والضحية... ناس يقولو ضحو.... وناس يقولو ما تضحو الغنم مرضانة....

انا ووليداتي اتفقنا نضبح لنا عشرة جدادات.... وخلاص...واللا اقوم اتعاور واضبح لي تمساح كية لي الحمى النزفية دي....

Post: #60
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-15-2007, 08:23 PM
Parent: #30

دمت ياالمنصور ودامت الأفراح
ربنا يسمع منك يازول ياصالح
ويفرحك ويفرح بك أهلك
وعقبال عندكم
لك الشكر والسلام

Post: #51
Title: Re: بالعديل والزين نبارك للعريسين عبدالله ومرتضي الطيب شيقوق
Author: معتصم دفع الله
Date: 12-15-2007, 05:11 PM
Parent: #1

تهانينا للأخ الطيب وللعريسين ..
ربنا يجعله زواجاً مباركاً ..

تحياتي سمية ..

Post: #52
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-15-2007, 05:34 PM
Parent: #51

الاخت الجميلة عواطف

يديك العافية ويطول عمرك وربنا يجعل ايامكم افراحا

الاخت مهيرة بت الجعلي

شكرا ليك يا العزيزة وانشاء الله اهلك كويسين

الاخ حيدر حسن ميرغني

الله يديك العافية ووين زولك مفقوووووووود

الاخ معتصم دفع الله

لك ودي وشكري

Post: #71
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-16-2007, 08:27 AM
Parent: #51

الزول الفنان
معتصم دفع الله
بارك الله فيك
وبارك لك في أهلك
شكرا جزيلا لك
عاطر التحايا

Post: #53
Title: Re: بالعديل والزين نبارك للعريسين عبدالله ومرتضي الطيب شيقوق
Author: abubakr
Date: 12-15-2007, 05:46 PM
Parent: #1

يالعرريب انت "ابو عريسين" مش واحد وما شاء الله يعني دحين مفروض تكون راكب الحمار وقاطع النهر الجاف وماري علي القري كلها تدعوهم للعرس والعشا والحفلة مش حايم اسفيري من بطن بيتكم وعزائم مراكبية ما خسران فيها الا تمن النت......وبعدين حكاية الحمي النزفية دية ما سبب كافي لانك ما تضبح تيران وعجول ...دحين خلك من شغل الافندية واتحزم واتوكل علي الواحد القهار وروح اشتري الضبايح وامشي لاصحابك في قندهار وسوق الناقة اعزمم يجو العشا ومعاهم حلل عشان يشيلو معاهم كمان ويوفرو شوية ... تحسبو لعب "ابو عريسين" سااااي

Post: #55
Title: Re: بالعديل والزين نبارك للعريسين عبدالله ومرتضي الطيب شيقوق
Author: هجو الأقرع
Date: 12-15-2007, 06:02 PM
Parent: #53

مبروك بيت مال وعيال ، وربنا يتم على خير ، ولله فرحت لزواج اولاد شيخ العرب .... يا عديلة يا بيضة يا ملائيكة سيرى معاهم .

Post: #56
Title: Re: بالعديل والزين نبارك للعريسين عبدالله ومرتضي الطيب شيقوق
Author: ismeil abbas
Date: 12-15-2007, 06:25 PM
Parent: #1

ألأخت/سميةبنت الحسن طلحة

ألف ألف مبروك لعبدالله ومرتضى الطيب شيقوق.......ونسأل الله أن يبارك لهم ويرزقهم الذرية الصالحة.

ويديكم الصحة والعافية ويجعل أيمنا وأيامكم كلها أفراح..

مودتى..

إسماعيل محمد احمد عباس........

Post: #63
Title: Re: بالعديل والزين نبارك للعريسين عبدالله ومرتضي الطيب شيقوق
Author: هاشم أحمد خلف الله
Date: 12-15-2007, 08:37 PM
Parent: #56

ود شيقوق ندي القلعة كيف ؟؟؟؟؟؟؟؟؟؟؟؟؟؟؟؟

Post: #64
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-15-2007, 09:01 PM
Parent: #63

هاشم ود خلف اله
الله يطول عمرك وانت سيد حق اوع تمشى من هنا اكان ما ضمنت الناس كلها اتكفت وفرحت

هجو الاقرع

كتر خير يا سيد الناس وربنا يخليك ودائما ليك وجود في محلات الواجب

الاخ اسماعيل عباس

سعدنا بطلتك البهية والجزاء في الافراح

الاخ الباشمهندس ابو بكر

هيييييييييييييييييع امانة ما تلاقاني مسردب بالحيل للضيوف اصلك ما تخاف العالم كلها جاية القضاة والمحامين ووكلاء النيابات ووجهاء البلد كلهم في انتظار العريريب . وانا بعمل فيها تقلة لحدى اشحتف ليك روحهم عشان اظهر. لكن التعليمات صادرة للقائمين على ادارة الاحتفال لتوزيع المهام على الشباب لتغطية كل الضيوف باكرامياتهم .

واقول ليك الاهم من ده اخوك حالف بطلاق ما يمسك فلس من واحد يكفي مشاركة الاهل والاحباب .

Post: #65
Title: Re: بالعديل والزين نبارك للعريسين عبدالله ومرتضي الطيب شيقوق
Author: خالد علي محجوب المنسي
Date: 12-15-2007, 10:04 PM
Parent: #64

ها زول ها العرس وين أدينا خبرو وارقد قفا إن بقى في السلطنة تب بجيك لكن في السودان دا شعراً ماعندنا لي رقبا بنقول مبروك من محلنا دا

شليل وينو ؟؟؟

تحياتي ودشيقوق

Post: #66
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-16-2007, 06:07 AM
Parent: #65

ود المنسي الفين سلام

Quote: لكن في السودان دا شعراً ماعندنا لي رقبا بنقول مبروك من محلنا دا

اوع يكون مطلوب القبض عليك هناك ولا الخواجية حاكماك من السفر لاهلك؟

Post: #68
Title: Re: بالعديل والزين نبارك للعريسين عبدالله ومرتضي الطيب شيقوق
Author: الصادق خليفة
Date: 12-16-2007, 07:12 AM
Parent: #66

مبروك للعرسين
مبروك لوالدهما ود شيقوق.

Post: #75
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-16-2007, 08:49 AM
Parent: #56

الأخ الكريم إسماعيل محمد أحمد عباس
الله يسلمك ويعافيك ويدوم عليكم الهنا والسرور
شكرا جزيلا لك وربنا يقبل ويسمع منك
وكل عام وأنتم بخير

Post: #67
Title: Re: بالعديل والزين نبارك للعريسين عبدالله ومرتضي الطيب شيقوق
Author: أبوبكر أبوالقاسم
Date: 12-16-2007, 06:36 AM
Parent: #1

الأخت/ سميةالحسن طلحة تحية طيبة

شكراً على زفة الخبر الجميل وطبعاً دايما أخونا ودشيقوق سابق رفقاته حتى فى العديل والزين.

أخى ودشيقوق ربنا يتم على خير وكان النية مشاركتكم أفراحكم وما مصدقنك إنت حا تفكر فى العرس لأن أم العول يا دوب تفرغت ليك وحا نشوفها بعد دا فى مسقط.

بالمناسبة عازمين الضيوف على شنو يا ودشيقوق؟

أبوبكر

Post: #76
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-16-2007, 09:03 AM
Parent: #67

الأخ الكريم أبوبكر أبو القاسم
شكرا لك فأنت سباق لفعل الخيرات
وانتو أهل القانون أسياد وجعة
والبيت بيتكم والبكا بحررو أهلو
لك أطيب التحايا

Post: #69
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمرية
Date: 12-16-2007, 07:16 AM
Parent: #1

Post: #70
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-16-2007, 07:32 AM
Parent: #69

الاخت سمرية

شكرا على ذوقك الجميل وهدية قمة في الروعة ربنا يخليك . وزى ما قلت ليك انا ماشى الريف وحنعمل ليك لعبة شليل مصورة بالفديو .

الاخ الصادق خليفة :

ربنا يسعدك ويدوم افراحك ايها الحبيب

الاخ ابو بكر ابو القاسم

والله كنت فاكر انا حأتفرغ لكن جننتني جن بكلامك فعلا فات حلى هى الحتتفرغ وتبقى لي في تولا . يا زول هوى الاولاد حيسكنوا معاى بزوجاتهم وتاني اخوك يجلس في الصالون سااااااى والاحفاد يجوا ينططوا قدامي اشيل ده واقرص ده واشدق ده وام اولادى تكون مرتااااااااااااحة بس يجيبوا ليها وتاكل .

هيييييييييييع اول مرة يكون عندنا اولاد امدرمانيين بالميلاد زى ناس المرتضى ود حامد

Post: #72
Title: Re: بالعديل والزين نبارك للعريسين عبدالله ومرتضي الطيب شيقوق
Author: أبو الحسين
Date: 12-16-2007, 08:30 AM
Parent: #1

ألف مبروك عبد الله ومرتضى مقدماً وإنشاء الله بيت سعادة وهناء يااااااااااارب...

صادق تهانينا لصديقي الجميل الطيب شيفوق وعقبال ما نناديك بجدو الطيب...

قواسيب مودتي وتحياتي الشيخة سمية بت الخلفاء...

أبو الحُسين...

Post: #73
Title: Re: بالعديل والزين نبارك للعريسين عبدالله ومرتضي الطيب شيقوق
Author: abuguta
Date: 12-16-2007, 08:42 AM
Parent: #72

مبروك ياود شيقوق

للعيال

يابت طلحة وين العرس دا

خلونا نكتل الحفلة

Post: #103
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-16-2007, 07:25 PM
Parent: #73

حباب أب قوتة سيد البكرة المربوطة
يازول والله أريتا حفلة الجنيات والبنيات لاحدهم
عربي وأفرنجي مخير تجغم مخير تقرش
الدندر ... أم درمان وبالعكس

Post: #74
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-16-2007, 08:47 AM
Parent: #72

جمال الدين أحمد الحسن

اخي الحبيب

ابن المقل الساكن الخبر

كتر خيرك بقواسيب مودتك الرائعة ولك منى باقة من اجمل اغاني عثمان اليمني .

الاخ ابو قوته

مرحب بيك البيت بيتك والديار ديارك تعال اكتل معانا الحفلة

Post: #80
Title: Re: بالعديل والزين نبارك للعريسين عبدالله ومرتضي الطيب شيقوق
Author: محمد على طه الملك
Date: 12-16-2007, 09:29 AM
Parent: #74

هلت علينا البشائر قبالة العيد ..
شكرا بنت القبائل ..
عبد الله ومرتضي عمكم ود الملك ببارك ليكم جديدكم ..
ربنا يملا بيوتكم سعادة وهناء ..
جدو .. ادّني العكاز دا وخلي النقذي لي عمهم ..
أبشرو ..

العقبا لي وليداتنا وبنياتنا ..

Post: #104
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-16-2007, 07:52 PM
Parent: #80

حباب الملك ود الملك محمد على طه الملك
عقبال الوليدات والبنيات بركة قبايل العيد السعيد
كل سنة وأنت طيب

Post: #102
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-16-2007, 07:13 PM
Parent: #72

أبو الحسين العريس بجلالك جيتنا زاير
هي يايابا مبروك عليك إتا وبيت مال وعيال
سائلين منك بالحيل والله ولقيت خبرك عند هاشم خلف الله
منور البورد تقبل خالص التحايا والتهاني

Post: #77
Title: Re: بالعديل والزين نبارك للعريسين عبدالله ومرتضي الطيب شيقوق
Author: abubakr
Date: 12-16-2007, 09:11 AM
Parent: #1

Quote: هيييييييييييييييييع امانة ما تلاقاني مسردب بالحيل للضيوف اصلك ما تخاف العالم كلها جاية القضاة والمحامين ووكلاء النيابات ووجهاء البلد كلهم في انتظار العريريب . وانا بعمل فيها تقلة لحدى اشحتف ليك روحهم عشان اظهر. لكن التعليمات صادرة للقائمين على ادارة الاحتفال لتوزيع المهام على الشباب لتغطية كل الضيوف باكرامياتهم .

شوف خلينا من الزمزغة ورسل تذاكر سفر بيزنس كلاس واقامة في الخرطوم روتانا الي الثلاث الف الا نت داعيهم هنا اسفيريا دييل ..بعدداك نشوف النقلة بتاعتك دي ...

Post: #79
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-16-2007, 09:28 AM
Parent: #77

Quote: شوف خلينا من الزمزغة ورسل تذاكر سفر بيزنس كلاس واقامة في الخرطوم روتانا الي الثلاث الف الا نت داعيهم هنا اسفيريا دييل ..بعدداك نشوف النقلة بتاعتك دي ...

هوى يا زول ناسك ديل حدهم الهواء ده بس واحد طالبين جيتو مافي .
اقول ليك كلام الناس البرة ديل كلهم ناس الامن منتظرنهم في المطار والله الواحد اكان رسلت ليهو طائرة خاصة ما بجيك .

هسع دحين نوع هشام هباني اخوى ده لو دعيناهو بتشوفوهو تاني ؟ لكن الغريبة منى خوجلي السنة المضت مشت وكمان اتحكرت في عناقريب قندهار ومافي حد هبب ليها كمان يمكن تكون لابسة حجبات .

Post: #78
Title: Re: بالعديل والزين نبارك للعريسين عبدالله ومرتضي الطيب شيقوق
Author: شادية الطيب
Date: 12-16-2007, 09:25 AM
Parent: #1

الطيب شيقوق
مبروك للعرسان وربنا يتم ليهم على خير وعقبال باقي الاولاد والبنات
أها عملتوا العرس وين في السودان ولا في مسقط ؟؟ وبعدين ليه ما انتظرتو لينا موسم الاجازات عشان نحضر العرس ؟؟ (سمعت قالو انك عاوز تقلل التكاليف فعرست للوليدات بنيات اخوات وعملت العرس في موسم الناس كلها في بلاد الغربة )

تهانينا مرة تانية ولأم العرسان

Post: #81
Title: Re: بالعديل والزين نبارك للعريسين عبدالله ومرتضي الطيب شيقوق
Author: محمد سنى دفع الله
Date: 12-16-2007, 09:35 AM
Parent: #78

الف مبرووووك
والف تحية للعروسين والعروسات
وربنا اتمم على خير
كل التهاني والمشاعر النبيله
مودتي يا أبو العرسان

Post: #82
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-16-2007, 09:43 AM
Parent: #78

الاخت شاااااااااادية بت الطيب

حبابك عشرة ونورت بعد غيبة طويييييييلة انشاء الله خير

Quote: أها عملتوا العرس وين في السودان ولا في مسقط ؟؟ وبعدين ليه ما انتظرتو لينا موسم الاجازات عشان نحضر العرس ؟؟ (سمعت قالو انك عاوز تقلل التكاليف فعرست للوليدات بنيات اخوات وعملت العرس في موسم الناس كلها في بلاد الغربة )

العرس في السودان وما انتظرناكم شفقانين عليكم من سفر الصعيد البعيييييييد .
والله يا شادية اختى فعلا تقليل تكاليف لكن الاهم من ده الاولاد الاتنين مستعجلين للعرس ما عارف الحاصل شنو وكمان قلنابدل نعمل عرسين وندعو الاهل لمناسبتين متباعدتين فضلنا نسهل عليهم ونوحد ليهم المشوار شفتي كيف -

المهم نحن عرسنا بيحول متى تجى بتلقينا مهججين ومتى تجينا بنفططك الدم تعالي ومرحب بيك في امدرمان كمان .

Post: #83
Title: Re: بالعديل والزين نبارك للعريسين عبدالله ومرتضي الطيب شيقوق
Author: sunrisess123
Date: 12-16-2007, 10:00 AM
Parent: #82

حبيبنا ود سنار الف مبروك ، بيت مال وعيال ، وربنا يتمم على خير .

Post: #84
Title: Re: بالعديل والزين نبارك للعريسين عبدالله ومرتضي الطيب شيقوق
Author: mamkouna
Date: 12-16-2007, 10:06 AM
Parent: #1

ألف ألف مبرووووك يا عبد الله و مرتضى..ربنا يهنيكم و يسعدكم..
إن شاء الله نسوان خَرَفكم..الما يتحلوا من طَرَفكم..
و بإذن الله إنتو رجال خَرَفهن..الما يتحلو من طَرَفهن.

التهنئة موصولة لبابا جدو...!

Post: #85
Title: Re: بالعديل والزين نبارك للعريسين عبدالله ومرتضي الطيب شيقوق
Author: مي أبوقصيصه
Date: 12-16-2007, 10:17 AM
Parent: #84

يا ملكة ملوك النيل

حذرناه ود شيقوق من العين بس ما سمع كلامنا إن شاء الله ربنا يجعله عليهم سعيد وبخيت وبيت مال وعيال ويحفظهم من عيون خلقه.

ألف مبروك يا ود شيقوق

Post: #107
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-16-2007, 07:57 PM
Parent: #85

مي أختي وحبيبتي ربنا يهنيك ويسعدك
منورة ياملاك وكل عام وانت بخير

Post: #91
Title: Re: بالعديل والزين نبارك للعريسين عبدالله ومرتضي الطيب شيقوق
Author: abubakr
Date: 12-16-2007, 11:19 AM
Parent: #84

Quote: إن شاء الله نسوان خَرَفكم..الما يتحلوا من طَرَفكم..
و بإذن الله إنتو رجال خَرَفهن..الما يتحلو من طَرَفهن.

انتي نضم الحبوبات دة بتجيبي من وين ؟؟ يعني ما معقول من هاري بوتر وفلادلفيا الي "نسوان خرفكم"...انا طبعا اخدت وقت احاول اقري النضم دة اول مرة قت يمكن "خزفكم" و"خزفهن " بالزيين( من الخزف قت يمكن متاثرة بالبوتري مدام بتقري هاري بوتر ) بعدين ما ركبت لحد وووين!! بعدين اتذكرت اصلو الحالة "الخرف" ذاتا ملازمني اليوميين دييل ...

Post: #86
Title: Re: بالعديل والزين نبارك للعريسين عبدالله ومرتضي الطيب شيقوق
Author: شادية الطيب
Date: 12-16-2007, 10:21 AM
Parent: #1

خلاص جايينكم تب اول ما نصل البلد نعمل ليكم غارة برية وسيرة من بحري لأمدرمان بالبصات والتكاليف القللتوها دي بنرجع ندفعكم ليها كلها ( حسادة كدة ) ويمكن كمان نمشي معاكم لحد البادية هناك

اها رايك شنو ؟؟؟؟؟؟؟

بالنسبة لإختفائي فترة من الزمن بصراحة كنت مكتفية بالقراءة فقط !!!

Post: #87
Title: Re: بالعديل والزين نبارك للعريسين عبدالله ومرتضي الطيب شيقوق
Author: الفاتح ميرغني
Date: 12-16-2007, 10:35 AM
Parent: #86

شكرا أخت سمية على ايراد هذا الخبر المفرح.
ملايين التبريكات والتهاني.
و لحبيبنا الطيب شيقوق التهاني مستمرة

شكرا مرة تانية أخت سمية

Post: #108
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-16-2007, 08:03 PM
Parent: #87

الأخ الكريم الفاتح ميرغني
حبابك والله حبابك آلآف
ربنا يهنيك ويبارك لك ويبارك فيك
وكتر خيرك لمالانهاية

Post: #88
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-16-2007, 10:42 AM
Parent: #86

Sunrisess123

شكرا وربنا يسعدكم كمان

الاخت ممكونة

Quote: التهنئة موصولة لبابا جدو...!

كمان ؟ يعني هسع تاني مافي امل يا ممكونة اختى؟

الاخت الاستاذة مى ابو قصيصة

لك اطيب الاماني

شادية بت الطيب

افو افو انت اكان كده ما عارفة حاجة بس اصلي انت والاسرة وحتشوفي البدع .
بقيت على الاطلاع ساى قلت ؟ والله بيني وبينك البعد ولا البلاد ام سعد والمنبر بقى مليان سعد ولا شنو ؟

Post: #89
Title: Re: بالعديل والزين نبارك للعريسين عبدالله ومرتضي الطيب شيقوق
Author: خالد علي محجوب المنسي
Date: 12-16-2007, 10:48 AM
Parent: #88

Quote: اوع يكون مطلوب القبض عليك هناك ولا الخواجية حاكماك من السفر لاهلك؟

ألحقي يا سمية يا ريحانة البطانة
ودشيقوق رماني بي شيتن كبير بالحيل ( الخواجية تمنعني من زيارة أهلي )
والله ياودشيقوق لو ماتراجعت من حديثك دا ياني الجايي وبي لوري من أوروبا عليك الله ماتصر لانو وضعي المادي كعيب الايام دي يعني حن لكن مابقول الرووووووب إن اصريت الباقية التبقى بي وراها مافي ندم

Post: #109
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-16-2007, 08:13 PM
Parent: #89

ياخالد
ودشيقوق دا بقت عليه حكاية المقالة:
الما بتلحقه جدِعو والما بتاكله لحِّمو
ظنيتو بقران منك كان مايبقى حاسدك

Post: #90
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-16-2007, 10:54 AM
Parent: #88

محمد على طه المك

كيفك يا زول ما قلنا ليك ما تبعد من البوش ده

استاذي محمد السنى دفع الله

لك ايها العزيز خالص شكري وعميق امتناني وربنا يخليك وعقبال لاولادك وبنياتك

Post: #92
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-16-2007, 11:42 AM
Parent: #90

الفاتح حسن ميرغني

كييييييييييييفك ومشتاقون سالنا منك الود الحنكوش المعاك ده

Quote: شكرا أخت سمية على ايراد هذا الخبر المفرح.
ملايين التبريكات والتهاني.
و لحبيبنا الطيب شيقوق التهاني مستمرة

بطلاق بعاين ليك من اول يوم دقو فيهو تاتيبة راكوبة البوست ده لكنك ظاهر مشغول انشاء في المليان !!!!!!!!!!
هييييييييييييع عفو منك قطع شك في المليان انت اصلك طلقتك ما بتقع واطه .

معزتي

Post: #93
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-16-2007, 11:53 AM
Parent: #92

ود المنسي

Quote:

Quote: ودشيقوق رماني بي شيتن كبير بالحيل ( الخواجية تمنعني من زيارة أهلي )

هسع ود المنسي دحين مرات بتتشاور معاك في غنيمياتك وبقيراتك ؟
ارسل ليكم عيدان!!!!!!؟

Post: #122
Title: Re: بالعديل والزين نبارك للعريسين عبدالله ومرتضي الطيب شيقوق
Author: abulinah
Date: 12-17-2007, 06:16 AM
Parent: #93

الف مبروك للعرسان عبدالله ومرتضي الطيب شيقوق
انشاء الله بيت مال وعيال
تهانينا لأستاذنا الطيب.

و كل عام و أنتم بخير،،

وليد أبكــــم

Post: #123
Title: Re: بالعديل والزين نبارك للعريسين عبدالله ومرتضي الطيب شيقوق
Author: abulinah
Date: 12-17-2007, 06:17 AM
Parent: #93

الف مبروك للعرسان عبدالله ومرتضي الطيب شيقوق
انشاء الله بيت مال وعيال
تهانينا لأستاذنا الطيب.

و كل عام و أنتم بخير،،

وليد أبكــــم

Post: #137
Title: Re: بالعديل والزين نبارك للعريسين عبدالله ومرتضي الطيب شيقوق
Author: Adil Isaac
Date: 12-17-2007, 05:51 PM
Parent: #93

ألف مبروك , نتمنى لهم حياة زوجية سعيدة

Post: #94
Title: Re: بالعديل والزين نبارك للعريسين عبدالله ومرتضي الطيب شيقوق
Author: على احمد النعيم
Date: 12-16-2007, 12:00 PM
Parent: #90

الف الف مبروك لابناء الاخ الكريم ود شيقوق وأسأل الله ان يتمم لهم على خير وان شاء الله بيت مال وعيال كما وأسال الله عز وجل ان يبارك لهم فى زواجهم هذا ويدى ود شيقوق الصحة والعافية وطولة العمر حتى يحضر جديدهم كلهم. والتحية موصولة لك بت طلحة لان لفتى انتباهنا الى هذه المناسبة السعيدة. جزاك الله خيرا والعيد مبارك عليك مقدما.

----------------
طبعا اب حريره سافر يا بت طلحة وكنا حاجزين سوا، ولكنى تخلفت مع اخى المريض الذى احضرته من السودان للعلاج . وكما يقولون:
يريد المرء ان يعطى مناه * ويأبى الله الا ما يريد
والحمد لله على كل حال.

عليه وبالانابة عن الاخ ابو حريره بلغى التهانى للاخ ود شيقوق لان اكبر الظن ان الاخ احمد لا يستطيع متابعة المنبر ايام العيد.

Post: #95
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-16-2007, 12:14 PM
Parent: #94

الاخ على ود النعيم

كتر خيرك ياخي

Quote: طبعا اب حريره سافر يا بت طلحة وكنا حاجزين سوا، ولكنى تخلفت مع اخى المريض الذى احضرته من السودان للعلاج . وكما يقولون:
يريد المرء ان يعطى مناه * ويأبى الله الا ما يريد

يا اخي امبارح حكت لى بت طلحة عن مرض اخوك ياخي وتالمت جدا وربنا يشفيهو وقلوبنا معك يا شيخ العرب - بالتاكيد ما بتقصر لكن عارفنك مشغول بالحيل .

بلغ تحايانا لابو حريرة والمنو وصلت طاااب يا على اخوى .

Post: #110
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-16-2007, 08:21 PM
Parent: #94

الأخ الكريم /على احمد النعيم
شاهد الله ماغبتوا عن البال
البارح القريبة دي كنا ماسكين طاريكم
ودعواتنا لأخيك في هذه الليالي المباركة بالشفاء التام
والخير في ما أختاره الله
ربنا يسعدك ويهنيك وبحقق أمانيك ويعافيك دنيا ودين
والعيد مبارك عليكم ربنا يعيده عليكم بالخير والبركة

Post: #97
Title: Re: بالعديل والزين نبارك للعريسين عبدالله ومرتضي الطيب شيقوق
Author: Ali Alameen
Date: 12-16-2007, 02:13 PM
Parent: #1

الف مبروك و انشاء ربنا يتم على خير

Post: #98
Title: Re: بالعديل والزين نبارك للعريسين عبدالله ومرتضي الطيب شيقوق
Author: AnwarKing
Date: 12-16-2007, 02:29 PM
Parent: #1

بارك الله لكما وبارك عليكما وجمع بينكما في خير

Post: #99
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-16-2007, 04:38 PM
Parent: #98

انور كنج ذاااااااااااااااتو

يا مراحب يا باشمهندس نورت ديارنا ربنا يخليك يا عظيم انت

الاخ على ود الامين

كتر خيرك وانشاء الله موفور الصحة والعافية

Post: #100
Title: Re: بالعديل والزين نبارك للعريسين عبدالله ومرتضي الطيب شيقوق
Author: ابوعسل السيد احمد
Date: 12-16-2007, 04:42 PM
Parent: #99

الطيب شيقوق
ألف ألف مبارك لإبنيك زواجهما الميمون
و بحول بيوت مال و عيال.. و نشوفك على
"ولادة الصغرة" دي جد..
...
.. الملكة سمية..
شكرا على زف هذه البشرى

Post: #113
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-16-2007, 08:35 PM
Parent: #100

بوعسل كل عام وانت بخير
سغرة شنو ياخوي بعد دا
خلي الراجل يستسلم جدو جدو
شكرا ياأصيل تسلم

Post: #101
Title: Re: بالعديل والزين نبارك للعريسين عبدالله ومرتضي الطيب شيقوق
Author: Mohammed Ahmed Saeed
Date: 12-16-2007, 04:50 PM
Parent: #98

الاخ الطيب شيقوق
مبروك على الابناء عبداللة ومرتضى وربنا يهنيهم

لاول مرة اتاكد من انك فعلا كنت متزوج ايامنا الطلبة بالجامعة لانك دائما كنت تذكرها ونكذبك .

سوف اظل دائما اذكرك بانك كبرت بعدم تذكرك لى سلم لى على الرطانى العاصرك عصر الزيت ربنا مارحيم ما بخلى ليك طولت لسانك فى الناس

وتسلم ياشيخ العرب

ومبروك كمان للعيال
وبطل النطيط علينا واللة العرس لو مجانى ماتقدر تقرب منو

مع تحياتى

Post: #105
Title: Re: بالعديل والزين نبارك للعريسين عبدالله ومرتضي الطيب شيقوق
Author: elsharief
Date: 12-16-2007, 07:53 PM
Parent: #101

الأخ الطيب

الف مبروك للعرسان عبدالله ومرتضى مع الامنيات لهما بحياة زوجية سعيدة

Post: #106
Title: Re: بالعديل والزين نبارك للعريسين عبدالله ومرتضي الطيب شيقوق
Author: انعام حيمورة
Date: 12-16-2007, 07:56 PM
Parent: #1

سمسم ازيك واخبارك عقبال اولادك

الف الف مبروك يا عمو

Post: #112
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-16-2007, 08:31 PM
Parent: #106

Quote: الف الف مبروك يا عمو

انعام والله دي مافي زول صبقك عليها ههههه
يازولة والله مشتاقة ليك شوق السحابة الراااحلة
آمين يارب العالمين عقبال وليداتي وبنياتي
بوجودك يانعومة وكل سنة وانتي طيبة ياااطيبة

Post: #111
Title: Re: بالعديل والزين نبارك للعريسين عبدالله ومرتضي الطيب شيقوق
Author: بله محمد الفاضل
Date: 12-16-2007, 08:28 PM
Parent: #1

بيت مال وعيال
وربنا يهنيهم ويسعدهم

Post: #114
Title: Re: بالعديل والزين نبارك للعريسين عبدالله ومرتضي الطيب شيقوق
Author: معتصم عبدالرحيم
Date: 12-16-2007, 08:55 PM
Parent: #111

ألف مبروك ...للعريسين
وبالعديل والزين .. ورضا الوالدين
والفال الزين
الف مبروك .... الف مبروك

ولك يابت ملوك النيل التقدير علي ايراد الخبر الطيب

معتصم العربي

Post: #115
Title: Re: بالعديل والزين نبارك للعريسين عبدالله ومرتضي الطيب شيقوق
Author: هند محمد
Date: 12-16-2007, 10:15 PM
Parent: #114

ألف مبروك وامنياتى بحياة زوجية هانئة ..

ربنا يسعدهم ويهنيهم ..

تسلمى استاذة سمية ..

Post: #116
Title: Re: بالعديل والزين نبارك للعريسين عبدالله ومرتضي الطيب شيقوق
Author: Osman Musa
Date: 12-16-2007, 11:09 PM
Parent: #115

والله الف مبروك
وده اسعد خبر فى سنة 2008
انشاء الله ربنا يتمم على خير
الف مبروك

Post: #117
Title: Re: بالعديل والزين نبارك للعريسين عبدالله ومرتضي الطيب شيقوق
Author: Rawia
Date: 12-17-2007, 02:37 AM
Parent: #116

الف الف مبروك ويتم على خير يارب
التهنئة للعروسات والعرسان والاهل

Post: #118
Title: Re: بالعديل والزين نبارك للعريسين عبدالله ومرتضي الطيب شيقوق
Author: هشام هباني
Date: 12-17-2007, 03:16 AM
Parent: #117

هلا هلا هلا هلا

هيييييع الليلة وين لي وين يا عيني انا عجبوني كالوا العين!

العزيز شيخ العرب ود شيقوق عجبنا ليك ومبروك للوليدات وربنا اتمم علي خير
والعاقبة عندكم في المسرات.
بس ان شاء الله العسلية والبقنية جاهزات وكمان سيطان البطان!
ان شاء الله بيت مال وعيال.
عمكم ود هباني

Post: #119
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-17-2007, 05:32 AM
Parent: #118

هشام ود هباني
Quote: هلا هلا هلا هلا

هيييييع الليلة وين لي وين يا عيني انا عجبوني كالوا العين!

العزيز شيخ العرب ود شيقوق عجبنا ليك ومبروك للوليدات وربنا اتمم علي خير
والعاقبة عندكم في المسرات.
بس ان شاء الله العسلية والبقنية جاهزات وكمان سيطان البطان!
ان شاء الله بيت مال وعيال.

الله يديك العافية وحرم عسلية تخليك تخيّط الدرب وبقنية ذبدها يتقطّع وبطان مع الدلوكة

هييييييييييييع

الاخ ابو عسل :
Quote: نشوفك مع ولادة الصغر

يديك العافية يا العسل

محمد احمد سعيد

Quote: اول مرة تاكد لي انك متزوج كنا بنكذبك

عليك ربك الكلام ده كان في اى مرحلة ؟ يبدو من كلامك اننا تقابلنا في واحدة من المراحل الدراسية وفعلا انا ظل اسمى الطيب العريس من الثانوية العام حتى الجامعة .

لك شكري ايها الحبيب

الاخ الشريف

ها زول انت وين والله فاقدنك بالحيل والاهل السنة شبعانيين عيش وسمسم
الله يديك العافية - وقطع شك ابراهيم اخوك واقف مع العرسان هسع

الاخت الجميلة انعام

طابت ايامك فانت على الدوام حاضرة في مواقع الواجب

الاخ بله محمد الفاضل :

شكرا ليك ايها العزيز اللذيذ

الاخ معتصم عبد الرحيم

انت سيد الدار وبباركوا ليك وكل عام وانت بلف خير

الاخت الجميلة هند

زادك الله جمالا وكل عام وانت بالف خير

الاخ عثمان موسى

كيفك ياخي مقابل طراوة وتجى اخر الناس حرام عليك لكن الغائب عذره معاهو سامحناك لك عاودنا

الاخ راوية الجميلة

طابت ايامك وكتر خيرك وكل عام وانت بالف خير

Post: #120
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-17-2007, 05:35 AM
Parent: #119

الاخت سمية الحسن طلحة

وفي منتدى اهلك واهلي بشبكة منتديات سنار تتواصل افراحنا بمناسبة زواج الاولاد

http://sennar-net.com/vb/showthread.php?t=213

Post: #121
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-17-2007, 05:53 AM
Parent: #120

العزيز مولانا سيف الدولة حمدنا الله

Quote: نبارك ونهنئ الاخ الطيب شيقوق ، الرجل العالم الذي يتلبس وشاح عامة الناس ، ( العربيبي )الذي فات الفرنجة في ..... كل شيئ ، للعرسان التهنئة موصولة وللاهل

عمهم سيف الدوله

الله يطول عمرك ويديك العافية ايها الاديب الاريب وفارس الكلمة الاسفيرية .

وبطلاق انت يباركوا ليك مش تبارك . الاولاد اولادك يا ود العزاز ولذاذ

Post: #124
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-17-2007, 09:50 AM
Parent: #121

Quote: الف مبروك للعرسان عبدالله ومرتضي الطيب شيقوق
انشاء الله بيت مال وعيال
تهانينا لأستاذنا الطيب.

و كل عام و أنتم بخير،،

وليد أبكــــم

العزيز وليد ابكم ذااااااااااااتو

ازيك يا ابو لينا طوووووووولة والله

الله يديك العافية يا ايها ال Undisclosed member

وكل عام وانت بالف خير مع تحياتي للينا وامها والعريس الجديد حسب آخر معلوماتي

اخوك شيقوق

Post: #132
Title: Re: بالعديل والزين نبارك للعريسين عبدالله ومرتضي الطيب شيقوق
Author: abubakr
Date: 12-17-2007, 04:53 PM
Parent: #120

Quote: وفي منتدى اهلك واهلي بشبكة منتديات سنار تتواصل افراحنا بمناسبة زواج الاولاد

زوغان هدييييييل ....وين التذاكر ؟؟ عزومة مراكبية وبعدين زوغان لسنار ؟؟ يالملكة العرريب دة خليكي منو ومن ضيوفو بعد شوية يقول ليكي سفريهم علي حسابك ؟؟؟ اها بختك الضبايح علي حس الوادي المتصدع قالو رخصت .. انت بس اجرك ليك طبيب بيطري خصوصي ولف علي الزرايب..

العرريب ودالنعيم .. سلامة اخوك ونسال الشافي ان يشفيه من كل سقم ويفرحكم بتمام صحتو .. انت بس خليك بعيد من ودشيقوق الحتات

Post: #136
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-17-2007, 05:48 PM
Parent: #132

Quote: يالملكة العرريب دة خليكي منو ومن ضيوفو بعد شوية يقول ليكي سفريهم علي حسابك ؟؟؟

أبوبكر كل سنة وأنت طيب
غايتو توووبة ياحبوبة
عامل نفسه مشغول بجهز للسفر
ورامي علي المسئولية
وكما مجنني بالتلفونات
يعني أنا فاضية ؟؟؟
العيد دا الله يتممه على خير بس

Post: #126
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-17-2007, 10:35 AM
Parent: #115

الشاعرة الرقيقة هند محمد
كل عام وأنت بخير
تسلمي ياراقية

Post: #125
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-17-2007, 10:22 AM
Parent: #114

الأخ الكريم معتصم عبد الرحيم
كل عام وانت بخير
وعقبال عندك الأفراح والمسرات
لك الشكر والتقدير والإحترام

Post: #127
Title: Re: بالعديل والزين نبارك للعريسين عبدالله ومرتضي الطيب شيقوق
Author: محمد المرتضى حامد
Date: 12-17-2007, 11:17 AM
Parent: #125

الطيب،
عندكم ضبيحه؟ هسه الناس اللي إتلموا ديل بتضيفم بشنو؟ أوعا تقول لي هييييع وكلام فاضي
بتضيفم بشنو مع الكلام الداير في البلد وزوغة الناس من الضحيه؟
أوعا تقولي هييييع أنا أبوك يا مرتضى والكلام إياهو المابسند ضهر دا،
شايف هباني سألك عن البطان.. قول ليهو دا كان زمان قبل الشاشات الإلكترونيه وال CMA .
يا شماتة الباش abubakr فيك.
والله يا سميه ما قادر أصدق انو الولد شيقوق دا ممكن يكون جد عما قريب.
هييييع.

Post: #128
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-17-2007, 11:39 AM
Parent: #127

Quote: عندكم ضبيحه؟

هنا بيحصل ادغام تغم الضحية (ان وجدت) مع التيران

Quote: هسه الناس اللي إتلموا ديل بتضيفم بشنو؟

Quote: بتضيفم بشنو مع الكلام الداير في البلد وزوغة الناس من الضحيه؟

قدح الشرموط مهووووول والما خمج بشيلوهو بالهباب يا المرتضى مش كوكتيلات ناس البندر البنضفوها بالكلنكس اكلنا خرت اصابع عدييييييييل كده .

هييييييييييع

Quote: أوعا تقول لي هييييع وكلام فاضي

هييييييييع لقدحنا ابو خرز

Quote: شايف هباني سألك عن البطان.. قول ليهو دا كان زمان قبل الشاشات الإلكترونيه وال CMA .

هشام برجع ليهو يا المرتضى هو ترك السياسة عايز يتلح عرس اولادي كمان

Quote: يا شماتة الباش abubakr فيك.

الباش فاكر الشغلانية في حياة رجنسي ولا في الهولي دى إن - نحن بنبهل القداحة في صقيعة الله اكبر وبنصنقر ليها في التراب الواحد ياكل لحدى يقوم شايل لو طينة في راحة رجليه من العرق .

Quote: والله يا سميه ما قادر أصدق انو الولد شيقوق دا ممكن يكون جد عما قريب.
هييييع.

انتو وين الجدودية ذاتها اتعولمت يا المرتضى والحبوبات اتعولمن هسع سماحة منى خوجلي وطفولتها دى بتقول ولدت بتها اية العروس .

Post: #129
Title: Re: بالعديل والزين نبارك للعريسين عبدالله ومرتضي الطيب شيقوق
Author: Moneim Elhoweris
Date: 12-17-2007, 12:16 PM
Parent: #128

الطيب اخوى,
مبروك والف مبروك الجات متاخرة شوية لمرتضى وعبدالله.
وبيت مال فقط عشان خايفين لو العيال عملوها!!!! بيكبروك وود خالك معاك ولا ما كده??
يازول مبروك تقطع الجبال والبحار وتصلكم وانتم تحتفلون بالابناء فى ارضنا الطيبة.
شكرا الاخت سمية بصفتى عم العريسين على هذا البوست.
وكل عام والجميع بخير.

Post: #138
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-17-2007, 05:55 PM
Parent: #129

Moneim Elhoweris
مبروك عى أولاد أخوك
والبيت بيتك حبابك آلآف
كل عام وانت بألف خير

Post: #130
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-17-2007, 02:24 PM
Parent: #127

مرتضى كل سنة وأنت طيب
ياخ الطيب دا ( حِجيري )
أصلو مابكبر
الله يكبر العقول

Post: #131
Title: Re: بالعديل والزين نبارك للعريسين عبدالله ومرتضي الطيب شيقوق
Author: Ahmed al Qurashi
Date: 12-17-2007, 04:19 PM
Parent: #130

الاخاالعزيز/ الطيب شيقوق

الف مبروك لعبدالله ومرتضى وان شاء الله بيت مال وعيال وربنا يتم على خير وادعو ان تكون جدا فى القريب العاجل .... لكن عندى سؤال يالطيب انت داسى عرس اولادك ده ليه ؟ كتر خير الاستاذة سمية طلحة الورتنا الخبر ده

Post: #139
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-17-2007, 06:04 PM
Parent: #131

الدكتور أحمد القرشي
كل سنة وأنت طيب
عقبالك السيرة والجديد
بركة قبايل العيد السعيد
وأنا أفتح لك بوست التهاني

الطيب زايغ من البوش والنقطة
على حد زعمي وزعم الزاكي

Post: #133
Title: Re: بالعديل والزين نبارك للعريسين عبدالله ومرتضي الطيب شيقوق
Author: ماجدة عوض خوجلى
Date: 12-17-2007, 05:23 PM
Parent: #1

الف مبروك للعرسان عبدالله ومرتضي الطيب شيقوق
انشاء الله بيت مال وعيال
الف مبروك اخى الطيب وربنا يتمم بخير ياام العرسان
و كل عام و أنتم بخير،،
شكرا سمية كتير

Post: #134
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-17-2007, 05:39 PM
Parent: #133

Quote: زوغان هدييييييل ....وين التذاكر ؟؟ عزومة مراكبية وبعدين زوغان لسنار ؟؟ يالملكة العرريب دة خليكي منو ومن ضيوفو بعد شوية يقول ليكي سفريهم علي حسابك ؟؟؟ اها بختك الضبايح علي حس الوادي المتصدع قالو رخصت .. انت بس اجرك ليك طبيب بيطري خصوصي ولف علي الزرايب..

العرريب ودالنعيم .. سلامة اخوك ونسال الشافي ان يشفيه من كل سقم ويفرحكم بتمام صحتو .. انت بس خليك بعيد من ودشيقوق الحتات

وانت تفتكر انا معرس للاولاد الاتنين في وقت واحد ليش؟ هسع ود الجبل ذاتو بقدر بعرس لاتنين في وقت واحد البركة بس في حمى الوادي المتصدع التيران برماد خشمها ولا محتاجة لبيطري العايز يجي مرحب بيهو والما عايز كتر خيرو برضو ونحن كمان بنتكي التور ساى بدون بيطري وناكل كبدة الابل نية كمان اها رايك شنو .

هييييييييييييع قال طبيب بيطري ود البندر المتحنكش

Post: #135
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-17-2007, 05:44 PM
Parent: #133

الاستاذة الروحانية الجميلة ماجدة بت العوض

والله بعاين ليك من اول يوم ماني قايلك تتاخري انت ست البيت ذاتك وتعزمي الضيفان وين منال كمان منى جات وباركت وهزت كتر خيرها

دكتور احمد القرشي

اها يا اخوى انا عايز ابدأ تاني من الاول معاكم رايكم شنو؟ تاني يا ابوى ابقى زيكم القميص التي شيرت والبنطلون الجنز والعطور الاخاذة .

هيييييييييييع الخضار الفاتق جديد

Post: #140
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-17-2007, 06:17 PM
Parent: #133

الحبيبة الماجدة ماجدة
كل عام وانت بخير
عيد سعيد ربنا يهنيك
ويسعدك ويديك العافية

مودتي أبدا

Post: #141
Title: Re: بالعديل والزين نبارك للعريسين عبدالله ومرتضي الطيب شيقوق
Author: علاء الدين حيموره
Date: 12-17-2007, 07:17 PM
Parent: #140

الجد / الطيب شيقوق

كل سنة وانتو بالف خير ..

الف الف مبروك للعرسان وان شاء الله بيت مال وعيال ..

شكرا استاذة سمية ..

Post: #142
Title: Re: بالعديل والزين نبارك للعريسين عبدالله ومرتضي الطيب شيقوق
Author: ود محجوب
Date: 12-17-2007, 08:21 PM
Parent: #141

أولا مبروك للفارسين عبد الله ومرتضى وبيت مال وعيال

ومبروك لعمو الطيب شيقوق واسعدك الله بالأحفاد

وشكرا للملكة سمية بت الشيخ بشارة الخير

Post: #143
Title: Re: بالعديل والزين نبارك للعريسين عبدالله ومرتضي الطيب شيقوق
Author: محمدين محمد اسحق
Date: 12-17-2007, 08:31 PM
Parent: #142

الف مبروك للعريسين عبدالله ومرتضي الطيب شيقوق
و بيت مال و عيال ..

شكرا سمية علي الاخبار السعيدة ..

Post: #144
Title: Re: بالعديل والزين نبارك للعريسين عبدالله ومرتضي الطيب شيقوق
Author: خالد علي محجوب المنسي
Date: 12-17-2007, 10:30 PM
Parent: #143

أهداء خاص لأبناء الطيب الشيقوق
عمكم الذي ابت أن تتب رجله مصوقر في ليلة مسيرتكم لبيت الحلال ... والدمع يقطر لعدم المشاركة لأخ في زفاف ابنيه عبدالله ومرتضى ونعم الأخ والدكما عرفناه عبر الفضاء الواسع ولم نراه بعين لكن سبق الأحساس والعقل العين حباً له ... ايقن حسن تربيتكم مادام والدكما حجر الزلط الطيب ودشيقوق.

خالد محجوب

Post: #145
Title: Re: بالعديل والزين نبارك للعريسين عبدالله ومرتضي الطيب شيقوق
Author: خالد علي محجوب المنسي
Date: 12-17-2007, 10:46 PM
Parent: #144

ود شيقوق بعرف لسانك
والله ما بتمنى ليك تتكسر.. لكن كل مناي ليك أن يكونا عبدالله ومرتضى ركيزا ستند عليها وضل ضحى تستجم فيه وشيالين تقيلة.

Post: #146
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-18-2007, 05:53 AM
Parent: #145

الاخوة علاء الدين حيمورة

Quote: الجد/ الطيب شيقوق

يا ولدي كتر خيرك على الزيارة وام جركم - يا علوية - ما بتأكل حولين صاح؟

ود محجوب :

مشتاقون لتحكرتك الحنينة على البوستات

وعمو بحييك وخلاص زمنا فات وغناينا مات ولا شنو؟

الاخ محمدين محمد اسحاق

يديك العافية ويطول عمرك للزيارة وما قصرت طاااااااااب والجزاء في الافراح

خالد ود المنسى :

انت اصلا ما بقول ليك حاجة لانك صرت لحمة ودم والناس بهنئوك انت ذاتك لان الاولاد اولادك بس عليك الرسول بناتك المهجنات ديل خلي لينا منهن حاجة لسع الاولاد عندنا عايزين ننسل من الخواجيات ديل .

وشكر على الهدية ولكنها لم تظهر يمكن دى عين ولا شنو ؟

Post: #147
Title: Re: بالعديل والزين نبارك للعريسين عبدالله ومرتضي الطيب شيقوق
Author: Nader Abu Kadouk
Date: 12-18-2007, 06:12 AM
Parent: #146

الجميل ودشيقوق
الف الف مبروك
ودابكدوك

Post: #148
Title: Re: بالعديل والزين نبارك للعريسين عبدالله ومرتضي الطيب شيقوق
Author: Nader Abu Kadouk
Date: 12-18-2007, 06:28 AM
Parent: #146

الجميل ودشيقوق
الف الف مبروك
ودابكدوك

Post: #149
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-18-2007, 06:50 AM
Parent: #148

الاستاذ نادر ابو كدوك

الله يديك العافية ويطول عمرك على هذه الطلة الجميل يا ود القبائل

كل عام وانت بالف خير

Post: #150
Title: Re: بالعديل والزين نبارك للعريسين عبدالله ومرتضي الطيب شيقوق
Author: Imad Khalifa
Date: 12-18-2007, 08:06 AM
Parent: #149

ألف مبروك للعريسين
مع الامنيات لهما وللعروسات بحياة زوجية سعيدة

Post: #151
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-18-2007, 09:35 AM
Parent: #150

الشقيق منعم الحويرص

Quote: الطيب اخوى,
مبروك والف مبروك الجات متاخرة شوية لمرتضى وعبدالله.
وبيت مال فقط عشان خايفين لو العيال عملوها!!!! بيكبروك وود خالك معاك ولا ما كده??
يازول مبروك تقطع الجبال والبحار وتصلكم وانتم تحتفلون بالابناء فى ارضنا الطيبة.
شكرا الاخت سمية بصفتى عم العريسين على هذا البوست.
وكل عام والجميع بخير.

الله يديك العافية يا ود الخال وعم العريسين المناسبة هولك والفرح هولك والضيوف هولك

بس يا اخي ام جركم ما بتاكل حولين ولا مش؟

الاخ عماد خليفة

لك خالص شكري وتقديرى والجزاء في الافراح

Post: #161
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-18-2007, 04:59 PM
Parent: #143

محمدين محمد اسحق
كل عام وانت بخير
أسعد الله وهنأك بالتقوى والإيمان
شكرا جزيلا وعقبال عندكم

Post: #160
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-18-2007, 04:50 PM
Parent: #142

Quote: ومبروك لعمو الطيب شيقوق واسعدك الله بالأحفاد

دكتور عمر والله الزول دا سغيير سغراً خلا
كل سنة وأنت طيب
وأنشاء الله القابلة نجتمع في عرفات

Post: #158
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-18-2007, 04:30 PM
Parent: #141

الأخ / علاء الدين حيمورة
كل عام وأنتم بألف خير بخير
شكرا للطلة البهية
وعقبال عندكم الأفراح والمسرات

Post: #152
Title: Re: بالعديل والزين نبارك للعريسين عبدالله ومرتضي الطيب شيقوق
Author: Adil Osman
Date: 12-18-2007, 10:15 AM
Parent: #1

تهانينا للاستاذ الطيب شيقوق بزفاف ابنيه عبد الله ومرتضى.
الظاهر الطيب شيقوق دخل الجامعة وهو متزوج!

Post: #153
Title: Re: بالعديل والزين نبارك للعريسين عبدالله ومرتضي الطيب شيقوق
Author: مجاهد عبدالله
Date: 12-18-2007, 10:33 AM
Parent: #1

الف الف مبروك لعبدالله ومرتضى وبيت مال وعيال..
وربنا إنشاءالله ياودشيقوق تشوف فرح جناهم ..

ــــــــــــــــــــــــــــــــــــــــــــــــــــــ
تاني كدي قول مــــاكــ جدنا...

Post: #154
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-18-2007, 10:41 AM
Parent: #153

الاخ Adil Osman

Quote: الظاهر الطيب شيقوق دخل الجامعة وهو متزوج!

الحقيقة الطيب شيقوق دخل الثانوي العام وهو متزوج يا عادل اخوى - الله يديك العافية

الاخ مجاهد او بالاحري الابن مجاهد عبد الله

انت فين كنت عايز اتم ليك رحلة العمر عشان تشوف البدع في مرحلة الزواج

هيييييييييييع جدك

Post: #155
Title: Re: بالعديل والزين نبارك للعريسين عبدالله ومرتضي الطيب شيقوق
Author: عبدالله داش
Date: 12-18-2007, 10:49 AM
Parent: #1

مبروك لمرتضى وعبدالله وآل شيقوق

نسأل الله الكريم
بعدد ما كان وعدد مايكون
وعدد الحركات والسكون
أن يجعل زواجهما مباركاً

وألف مبروك

Post: #157
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-18-2007, 01:40 PM
Parent: #155

الاخ عبد الله داش

اكرمت ايها الحبيب وشكرا لهذا الدعاء
وكل عام وانت بالف خير

Post: #156
Title: Re: بالعديل والزين نبارك للعريسين عبدالله ومرتضي الطيب شيقوق
Author: ماجدة عوض خوجلى
Date: 12-18-2007, 01:38 PM
Parent: #1

Quote: الاستاذة الروحانية الجميلة ماجدة بت العوض

والله بعاين ليك من اول يوم ماني قايلك تتاخري انت ست البيت ذاتك وتعزمي الضيفان وين منال كمان منى جات وباركت وهزت كتر خيرها

والله ذى اولادى والتاخير فى الدخول والله العظيم بدون قصد العتب على النظر معليش اخوى اعذرنى وربنا يديم
عليكم الافراح وماتشوفو شر (منال ماموجودة وبالتاكيد ماشافت البوست )
اها الطيب اخوى احنا بنعمل حفلتنا هنا فى حوشنا ده قبلنا
سمية حبيبه بعد اذنك انا قلت طالما احنا بعيدين ماحاضرين نعمل حفله بجاى اسمحى انزل الاغنيه دى

Post: #162
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-18-2007, 05:03 PM
Parent: #156

ماجدة يازولة الحكاية رابة بي جاي وأنا ماعندي خبر
البيت محروس وستو تكوس
أها جيتكم أرح أرح أيييوا

Post: #159
Title: Re: بالعديل والزين نبارك للعريسين عبدالله ومرتضي الطيب شيقوق
Author: zumrawi
Date: 12-18-2007, 04:36 PM
Parent: #1

الف مبروك للعريسين
والف مبروك استاذ الطيب شيقوق

Post: #163
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-18-2007, 06:36 PM
Parent: #159

مااااااااااااااااااجدة بالغت عديييييييييل يطول عمرك وسديت واجب البيت كلو

والله يا ريت اكان جيتي شوفتيني متحزم ومتلزم للطائرة بكرة وبعد فتحت النت والهجيج اتبهل فيني شتت العفش كلو وقفلت ابواب الشقة وهاك يا حت غايتو عملت بروفة عدييييييييل مع شريط الهجيج ده .

الرطاني كان سمعه اقسم ليك انزل حت عدييييييييييل .

اها كل عام وانتم بخير ويا ريت اشوفكم في امدرمان بعد العودة من الدندر . عشان نعمل لينا حفلة مصغرة في البيت وننزلها للرطاني خليهو يطرشق

الاخ زمراوي

لك منى خالص الشكر والتقدير وكل عام وانت بالف خير

Post: #164
Title: Re: بالعديل والزين نبارك للعريسين عبدالله ومرتضي الطيب شيقوق
Author: Tragie Mustafa
Date: 12-18-2007, 07:19 PM
Parent: #1

العزيز الطيب شيقوق
الف مبروك وبيت مال وعيال ان شاء الله.
وحياتك اتأخرت وما دخلت البوست ده قايلاه هظار ساكت
وبتكاوي فيك اخيتك سميه.

لحد ما دخلته ولقيت الحفله قائجه ورابه.

الف مبروك يا اخي...وواضح زي ما قلت انك اتزوجت صغير
وجيد انك زوجته ايضا الوليدات وهم صغار.

تحياتي.

Post: #166
Title: Re: بالعديل والزين نبارك للعريسين عبدالله ومرتضي الطيب شيقوق
Author: سمية الحسن طلحة
Date: 12-18-2007, 08:02 PM
Parent: #164

الطيب دا حتى لو كاويتو ياتراجي ما بهتم
ياجبل ماتهزك ريح والعارف عزو مستريح
لأنه فعلا صغير لمن كان في عمر أولاده دبل
كمل ولادته كلها وبقى يلعب معاهم كأنه طريدهم
شكرا ليك ويباركوا ليك الجديد

Post: #165
Title: Re: بالعديل والزين نبارك للعريسين عبدالله ومرتضي الطيب شيقوق
Author: Tragie Mustafa
Date: 12-18-2007, 07:19 PM
Parent: #1

العزيز الطيب شيقوق
الف مبروك وبيت مال وعيال ان شاء الله.
وحياتك اتأخرت وما دخلت البوست ده قايلاه هظار ساكت
وبتكاوي فيك اخيتك سميه.

لحد ما دخلته ولقيت الحفله قائجه ورابه.

الف مبروك يا اخي...وواضح زي ما قلت انك اتزوجت صغير
وجيد انك زوجته ايضا الوليدات وهم صغار.

تحياتي.

Post: #167
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-18-2007, 08:08 PM
Parent: #165

اختى العزيزة تراجي

كتر خيرك ويطول عمرك
لكن بحق وحقيقة كنت مترقبك شدييييييييد وقلت اشوف اخر البوست ده تراجي بتجي تبارك ولا ما بتجي وفكرت اتصل فيك واعاتبك لكن لحقت نفسك .

المهم الما بريدك ما بعاتبك يا تراجي اختى وفعلا هظارنا كتير وبقت ليك زى قصة محمود والنمر .

المهم انو الاولاد الاتنين حيتزوجوا في العيد ده وانا ماشى احضر الزواج انشاء الله .

كتر خيرك يا تراجي ورديت لي روحي بعد زعلة حارة .

Post: #168
Title: Re: بالعديل والزين نبارك للعريسين عبدالله ومرتضي الطيب شيقوق
Author: Tragie Mustafa
Date: 12-19-2007, 00:32 AM
Parent: #167

العزيز الطيب شيقوق
ان شاء الله بيت مال وعيال لهم
وربنا يكمل لهم على خير:
Quote: المهم انو الاولاد الاتنين حيتزوجوا في العيد ده وانا ماشى
احضر الزواج انشاء الله .

كتر خيرك يا تراجي ورديت لي روحي بعد زعلة حارة .

وتمشي وتجيء بالسلامه انت وامهم
وربنا يحفظهم لك من العين.

ويا سميه ان شاء الله في سمح وليداتك.
ودوم خوتكم يا اختي.

Post: #169
Title: Re: بالعديل والزين نبارك للعريسين عبدالله ومرتضي الطيب شيقوق
Author: الطيب شيقوق
Date: 12-19-2007, 10:24 AM
Parent: #168

الله يديك العافية يا تراجي ويحفظكم انتم في ارض الشتات

المهم انا ماشى خلاص الصعيد من الصباح وحاموت من فراق المنبر العام اتسوّد خطوة بكري ابو بكر الخرب طبعنا مرة واحدة والواحد يا تراجي اختى لو ماشى لاولاده بقى بحس بانو مفارق احباب يعز عليه فراقهم

لكم منى عميق مودتى
وكل عام وانتم بخير
وانشاء الله اعود القاقكم متعافين ومتحابين في الصقيعة الاسفيرية دى .

اها ودعتكم الله والعفو والعافية