يا احباب ظريف الهلال محمد ود البشرى وين

الظريف محمد البشرى اختفى ، مع مسمار ايداهو ، يا ربى حالو كيف ؟

أولا نبارك ليكم ياعمنا فشتكم دي
أنا كنت برة و هدي الجية

ثانيا هيستريا الفرح دي وعودة اقلام كانت قد توارت خجلا و حنقا
يدل على عظمة الدخلها فيكم الزعيم
تخيل منظركم الليلة لو كانت النتيجة غير كدة

ود البشرى لك التحايا ، ولله انا فقدت قلمك الظريف ليس إلا ، ودعمى القرضابى اليوم داك اوصلت له التهنئة على الهاتف ، واسع انا قاعد منتظر ، بعدين فعلا الايام ديك كنت مع الزوجة فى المستشفى ، وبرضو والله اليوم راجع من المستشفى بس شفته الهدف فى النيل الازرق .... بس حاجة عظمة .

سلامة ام الولاد يا عمنا
أقول ليك حاجة بيني و بينك
ام حتوت مريخابية لكن ما بالحيل , يوم كورة النجم الساحلي في سوسة و نحنا مزنوقين وفي عرض قون واحد
قلت ليها ادعي لينا
كتر خيرها تعاطفت معاي و زعلت للهزيمة
جات كورة الصفاقسي في امدرمان
القون الاول بعد دقيقة ما قلنا حاجة
بعد تلاتة دقايق رشوكم بالتاني انا اضايقت لكن مراعاة لشعورها ووقفتها معاي أكلتها
بعد التالت و قدلة السدر غلبني يا عمك
قمت على حيلي و عرضت عديل
عاينت لي بقعر عينها وقالت لي أصبر
يوم كورة الممتاز بتاعة كرنقو ديك
عجاجتنا في السما , كل ما المريخ يتقدم هي تزغرد ولما ندرن انا اعرض و أبَشر
لغاية ما رشيناكم قمت بدعت ومثلت ليها مجنون
اسي زي ما قلت ليك كنا برة وهي ما كانت عارفة النتيجة
لكن أسي إعادة الكورة شغالة و شكلي حاامشي أنوم واقفل الأوضة علي احسن قبل ما يجيبوا القون

والله يا ود البشرى لو كلو الناس بتعاملو بى ظرافتك هذه ، ما كان عندنا تشنج رياضى ، عليك الله ابقى عشرة على بنت عمنا و اختنا ، لكن ولديك الله يدهو العافيه شكلو معاك .... النصيحة وانا خارج من المستشفى هاتفنى احدهم بتقدم المريخ ..... المهم بعد ربع ساعة عاينت فى الساعة واتصلت فى البيت وسمعت الجماعة مكهربين عندى اتنين رشاشات ، قبال ما يسالوا عن امهم سمعت اختهم الصغير تصفق وتقول خلاص صفر عرفت جماعتى انضربوا قلت للمتوسط تستاهل يالله امشى ارقدنوم، المهم واحد تعشى واحد مبوز فى اوضتو .... بس ولله محتار ليه ابو بكر وقع فى الزواية التانية ؟