Post: #1 Title: لقاء خاص ..ماذا قال "البشير" علي قناة الجزيرة Author: Elkhawad Date: 12-11-2007, 06:38 PM
Post: #2 Title: Re: لقاء خاص ..ماذا قال "البشير" علي قناة الجزيرة Author: Elkhawad Date: 12-11-2007, 07:10 PM Parent: #1
تقديم:عبدالصمد ناصر ضيف اللقاء:عمر البشير - الرئيس السوداني تاريخ بث اللقاء:14/11/2007
Post: #3 Title: Re: لقاء خاص ..ماذا قال "البشير" علي قناة الجزيرة Author: AnwarKing Date: 12-11-2007, 09:14 PM Parent: #1
نزار تحياتي... حضرت اللقاء في القناة زاتها يوم البث...وجد حاجة تحيّر كونو الرئيس يقول بأنو لا علم له أو للخارجية بزيارة سلفا كير لامريكا!!! حاجة غريبة فعلاً!
Post: #4 Title: Re: لقاء خاص ..ماذا قال "البشير" علي قناة الجزيرة Author: Elkhawad Date: 12-11-2007, 09:50 PM Parent: #3
انور العزيز انتا في دا ولا كمية الكوميديا الموجوده في اللقاء ده ... ياخي دي المهزله الفيه اشده من بتاعه الفريق الاولمبي عليك ارجع للدقيع 12 وشوف الرد بتاع سعاتو كان كيف علي السؤال ولا الدقيقه 16 ولا ولا ... ولا زمان الحب حبيتي ولا .. .. عارف اليوم ده كان قافل من صباحات الرحمن لكن بعد اللقاء ده يادوب استعدل والنيجه يا هم مواهيم .. يا نحنا مواهيم يا كمان الله عندو صرفه براهو غايتو ..
Post: #5 Title: Re: لقاء خاص ..ماذا قال "البشير" علي قناة الجزيرة Author: نصار Date: 12-11-2007, 11:00 PM Parent: #1
العزيزان الخواض و انور الكذاب دا الله يهده.. ما بخجل و لا بستحي.. يكذب كما يتنفس...
Post: #7 Title: Re: لقاء خاص ..ماذا قال "البشير" علي قناة الجزيرة Author: سلمى الشيخ سلامة Date: 12-11-2007, 11:29 PM Parent: #5
يا خواض يا ولدى جنس دا ما شفناه شفت درس التاريخ الداير يدينا ليهو؟ قال السودان مستهدف؟
فى عزاء السيدة علوية الرشيدى زوجة الفنان محمد وردى كانت اول مرة اشوف الريس عينك عينك عارف قال شنو لما جا داخل لحظتها كنت واقفة مع محمد وردى فى العزاء والمواساة والكلام دا اها عمنا دا جا خاشى ووقف قصادى لحدى اللحظة ديك ما كنت عارفة الوقف منو لغاية ما قال لوردى ـ الفاتحة يا وردى عمر البشير معاك ياخى اقول ليك ، مش بيت بكا وناس حزنانة ضحكت لمن دمعت وجريت مرقت وقلت بينى وبين نفسى دا رئيسنا ؟ غايتو يا نحنا ما بنفهم ولا فى حاجة غلط فينا
Post: #6 Title: Re: لقاء خاص ..ماذا قال "البشير" علي قناة الجزيرة Author: AnwarKing Date: 12-11-2007, 11:28 PM Parent: #1
Quote: عليك ارجع للدقيقة 12
مبـــــــــالغة لكن يا عمر غير مرتاحين لوجود شريك ؟!؟
سلامات يا نصار
Post: #8 Title: Re: لقاء خاص ..ماذا قال "البشير" علي قناة الجزيرة Author: نصار Date: 12-12-2007, 00:01 AM Parent: #1
يا نيزو عافي ليك تسببك في رفع ضغطي و انكماش الرئة و انه قصرت و ورمت و جاتني استكاريا.. ياخي دا زول كارثة آمنت بالله.. لو ما عارف نفسه حتي و هو نايم بكضب ما كان قبل بشك المذيع في كل الاجابات.. تصور انه المسكين مفروضة عليهو الرئاسة من اخوانو من البداية و الذ حاجة حقاية المنظمة الخيرية.. انت فيك خير?? و ما تتصور الارواح الازهقتها بتروح شمار في مرقة.. الظاهر خيالك ذاتو كضاب و راسم ليك مستقبل وردي.. يالخو في اولياء دم و ضحايا بيوت اشباحك و من حاربتهم في و من شردتهم و لا حقتهم... ديل بالهم طووووووووول و كضبك حبلو اقصر من خيالك,, فلا تخدع نفسك و الذي لا الاه الا هو ان فنينا دونك سوف يدركك من ننشأهم علي حب الخير و علي كراهيتك و الشر و لعنة الله عليك و علي اخوانك الشياطين..
Post: #9 Title: Re: لقاء خاص ..ماذا قال "البشير" علي قناة الجزيرة Author: نصار Date: 12-12-2007, 00:14 AM Parent: #1
تسلم ابو النور دا زول محنة يا صديقي كدي شوفوا لينا سوفت وير يصلح لينا اعصابنا التلفت دي و الله يا سلمي يا البضحك في البكا و يبكي في الفرح.. و (مثله) يؤتي من بلاد بعيدة ليضحك ربات الخدور البواكيا ياريت كان قعد في بلادو البعيدة الحير مكان الطيب صالح الما عرفو جا من وين... نحنا بنبقي ارقوزات عشان نضحك بواكينا... هو زاتو ما بكون في حز يقول عليهو لولا المحن البتلولي صغارا الوقعت علينا سنة 89..
Post: #10 Title: Re: لقاء خاص ..ماذا قال "البشير" علي قناة الجزيرة Author: الشيخ صاح محمد Date: 12-12-2007, 08:51 AM Parent: #9
Quote: الفاتحة يا وردى عمر البشير معاك ياخى اقول ليك ، مش بيت بكا وناس حزنانة ضحكت لمن دمعت
حلوة منك والله با بت الشيخ
تقبلي تحياتي
Post: #11 Title: Re: لقاء خاص ..ماذا قال "البشير" علي قناة الجزيرة Author: نصار Date: 12-14-2007, 11:12 PM Parent: #1
الراحل اسماعيل حسن رحمه الله حكي حبوتي قال انها هي الالف المثل البقول الكضب من دورين يقوم يلحقو الصح في فريد يوم.. كلام زي دا اللصوص الكذبة ديل ما سمعوا بيهو لعنة الله عليهم اجمعين... شوفوا المخلوق دا بيحاول يبدي الهدوء كيف و هو يتبع الكذبة بكذبا العن منها.. قال جمعية خيرية قال يا تتجمع في الصقور قول آمين..
