مزمل (الكضاب) يبيع الوهم .. لأخوانا (المريخاب) !!!

مواصلة لتبخيس انتصارات (الهلال) العظيم، سيد البلد والزعيم (بالكذب)،كتب (مزمل) لاعب الكرة الطائرة السابق (المغمور) ما يلى:-

Quote: في الرابع عشر من نوفمبر الماضي بلغ عمر نادي المريخ 99 عاماً.. بخلاف ما هو مدون في أوراقه الرسمية التي تحمل عبارة تأسس عام 1927 .. لأن ميلاد المريخ الحقيقي تم في العام 1908!

هذا كذب صراح .. فالمريخ بهذا الاسم تاسس عام 1927، قبل ذلك كان اسمه (المسالمه)، ولو بقى اسمه على حى (المسالمه) لكن مصيره مثل (حى العرب) لا يلعب فى الدرجة الرابعه، اللهم الا اذا كان (مزمل) يريد أن يقول بأن مستوى (المريخ) الحالى (درجة رابعه)!
وتحول اسمه قبل عام 1927 الى (فكتوريا) ولا يمكن أن نعتمد هذا الاسم الا اذا كان (مزمل) يريدنا فعلا أن نثبت عليهم اسم (قوارير فكتوريا) بسبب هزيمتهم الفضيحه المخجله داخل الديار من (التوانسه) 2/4 .. وفى رواية أخرى 2/ 8 !!!
وكان اسم (المريخ) قبل عام 1927 (النجمه) وعدد كبير من الأندية سمى باسم النجم، لكنها جميعا (افلت) و(انكدرت) و(هوت) نحو (القاع)، ولهذا فلا مانع أن نعتبر بأن المريخ بدأ تاسيسه قبل عام 1927 اذا رضى المريخاب بأن فريقهم قد هوى نحو (الدرك) الأسفل كما هو حاصل الآن على عهد (كابتنه) العجب !!
وكان اسم المريخ قبل عام 1927 (العمدة)، فلا مانع أن نعتبر المريخ هو (العمده) بشرط أن يقبل المريخاب بتسميتهم (العمده) عوير امو !!
واذا كانت القصة كذب وتضليل فدعنا نقول بأن الهلال تم تاسيسه فى عام 7 الف سنه قبل الميلاد، الم يكن (الهلال) يظهر فى سماء السودان قبل 7000 سنه ؟؟

وكتب (مزمل) مبخسا انتصارات الهلال بالكذب والخداع والتضليل ما يلى:-

Quote: * وابتكروا معجزة الفوز بالدوري بلا هزيمة ولا تعادل .. وفازوا به بتعادلٍ واحد فلم يدركه منافسهم إلا بعد أكثر من ثلاثة عقود!

وهذه كذبة كبيره يصر عليها لاعب الكرة الطائرة المغمور (سابقا)، فما حققه المريخ من انجازات كان فى (دورى الخرطوم المحلى) لا (بطولة الدورى الممتاز) لعموم اندية السودان، التى يحفل فيها ترايخه بفضائح عديده منها هزيمته من مريخ الأبيض 4/صفر، وهزيمته من مريخ بورتسودان 4/ صفر، وهزيمته من هلال بورتسودان ب 9 لاعبين 1/ صفر!!

وتعادله مع منتخب القطينة

سلام تاج السر
كون تاريخ تأسيس المريخ يعود للعام 1908 يفرغ فرمالة المريخاب عن صبر الهلال لـ 77 سنة بدون كأس خارجي من معناها
فبالحساب صبر المريخ لـ 78 سنة قبل إحراز سيكافا أول لقب خارجي له
و صبر لـ 81 سنة قبل إحراز مانديلا
فحقو تخليهم في مكنتهم دي
بس نتوقع منهم شوية موضوعية و الأكتفاء بإحداهن
يعني لو احتفلوا بالمئوية العام القادم استنادا على تاريخ التأسيس 1908
ما دايرين نسمع قصة الـ77 سنة دي تاني
اما إذا مصرين عليها في الحالة دي يرخوا حكاية 1908
ولا كيف؟

هو لو كان مافي مريخ كان في هلال ؟!!!

يا مشجعي إبننا الضاااااال ...

لقد خرج (هلالنا) على وزن ولدنا من ضلع

(العمدة) زي ما قال تاج السر

نشأ من شجرة (الزعيم) (كبير البلد)

وهااااكم دا لقب جديد (الرائد) ...

يعني نحنا الساس ونحن الراس

=============================

يا ود البشرى

نحنا صبرنا 78 سنة لغاية ما جبنا أول كأس خارجي

إنتو يا كافي البلا كأس ليلة واحدة ما جبتو

ولا حتجيبوا ... وإذا إنتا فاكر إنو حتحرزوا

كأس السنة دي تبقى بتحلم ..

Quote: حنا صبرنا 78 سنة لغاية ما جبنا أول كأس خارجي إنتو يا كافي البلا كأس ليلة واحدة ما جبتو ولا حتجيبوا ... وإذا إنتا فاكر إنو حتحرزوا كأس السنة دي تبقى بتحلم ..

ما اختلفنا يا نادر
مادام صبرتوا 78 سنة يبقى ماليكم حق تقدونا بـ77
اصبروا علينا السنة دي و ذوق منكم هاودونا في سنتين تلاتة - كان عندك ذوق

بعدين يا خي ما نحلم مالو
الحلم حق مشروع خضوصا إذا كان مشفوع بالعمل
حنحلم السنة الجاية و البعديها و البعديها و إلى ما شاء الله
طالما عندنا الثقة في تيمنا وفي لاعبينا و ايمانا بالله قوي

Quote: اصبروا علينا السنة دي و ذوق منكم هاودونا في سنتين تلاتة - كان عندك ذوق

لا لا ما عندنا ذوووق ...

مش ندويا قالت (الذوق والفهم في الهلال) !!

أحلامكم دي أحلام زلووووووووط سمعتا بيها ؟!!

Quote: طالما عندنا الثقة في تيمنا وفي لاعبينا و ايمانا بالله قوي

ونعم بالله .. ما إختلفنا ...

الحلم وبتحلموهو لكن وينو العمل

البيشفع ليكم دا ؟!!! .. بطلوا ضحك على الدقون ياخي ..

عثمان عبدالله
كتب:-

Quote: وتعادله مع منتخب القطينة

تعرف يا عثمان ما عائز أكشف ليك اسرار حبيب الملايين .. لأنه العبد لله البسيط ده قبل سنه عمل نشيد (للهلال) .. سمعنا لى فرفور بعد شهر عمل شريط كامل (للمريخ) .. وكل يوم بقى يظهر نشيد جديد (للزعيم) أو (للبعيو) .. (ما مشكله) !!!

هسه (الهلال) كل يوم خادع (البعيوات) قبل كل مباراة معاهم .. تلاحظ الهلال اما لعب مع (ام بده) أو (القطينه) أو (التاكا) ويتعمد الهلال الهزيمه أو التعادل، ولمن ندخل (الرد كسر) عينك ما تشوف الا النور .. اما (البعيوات) فتلقاهم غلبوا ليك (حى العرب) 5 وما عارف (بيت المال) 9 .. يدخلوا الميدان (يرقدوا) سلطه.. يعنى (اسد على الميرغنى وأمام الزعيم حمامه) !!
العمليه البنعملها فيهم دى زى واحد حريف (كنكان) لما يشرك ليك بى (شياب) .. يجدع ليك 3 (شياب) .. اول ما تفك ليهو (شائب) اسود يقول ليك 50 !!

محمد البشرى
ملاحظتك فى السلك !!
بس انا اول حاجه دورى اوضح انه لو شالو كاسات (الحمام الميت) للصباح ما عندى بيها (شغله) .. البطولة هى بطولة (رجال) أفريقيا .. اقصد (ابطال) افريقيا!!
ومثلى دائما زى (السوط) معلق .. تانى (الطب) ما بساويهو (اول زراعة) حتى كان زرع السودان كلو !!
فى الأول يورونا ليه ما قدروا يصلو .. لدور الثمانيه فى بطولة (الرجال) لى 35 سنه ليه؟
امس القريب ده (مزمل) ذكر انه الهلال وصل دور الأربعه وحصل على 4 نقاط ، والبعيو حصل على (وصيف) بطولة الحمام الميت، وحصل على 3 نقاط، ده كلو عشان يستثنى ويلحق ببطولة الأندية .. يعنى عائز يدخل بأستثناء يمنح فى الجامعات لأولاد الموظفين فى وزارة التربيه والتعليم ما (بضراعو) و(نمرو) !!
الذ حاجه عمل مقارنه طريفه جدا .. قال (وصيف) الكونفدراليه حصل على 400 الف دولار .. بطل الدورى الممتاز حصل على شنو ؟؟
عليك الله ده ما كلام خرف ؟؟
الدخل (الكونفدراليه) مع (الدورى الممتاز) شنو ؟؟ وليه ما سال عن الوصل دور الأربعه فى بطولة الرجال حصل على شنو ؟؟
ده كلو هين .. افترض انه (حكومتنا) و(اتحادنا) بقوا من الأغنياء زى دولة الأمارات وعملوا جائزة بطل الدورى الممتاز 3 مليون دولار، فهل هذا يعنى انه من حصل على بطولة الدورى الممتاز أفضل من (وصيف) الكونفدراليه ؟؟
فى كل يوم بنتعلم من (الصحاف) الجديد فى عالم كرة (القدم)!!

Quote: انا اول حاجه دورى اوضح انه لو شالو كاسات (الحمام الميت) للصباح ما عندى بيها (شغله) .. البطولة هى بطولة (رجال) أفريقيا .. اقصد (ابطال) افريقيا!!

إنتو شلتوهو كأس (الرجال) دا ؟!!!!!!

ما تقولي جينا فيها الوصيف مرتين

وكنا في دور الأربعة ...

سؤال ورد غطاهو .. شلتوووها؟!!! ...

الإجابة بالنيابة عنك : لاااااااااااااااا

Quote: فى كل يوم بنتعلم من (الصحاف) الجديد فى عالم كرة (القدم)!!

قولة حق أريد بها باااااااطل ..

كتب نادر محمد الراضى

Quote: وهااااكم دا لقب جديد (الرائد) ...

نعم ما قلت الا الحق المريخ بقى (الرائد) يونس !!!!!!