Post: #2 Title: Re: من هو يا جماعه هذا المبدع (نصر الدين محمد) Author: amir jabir Date: 12-11-2007, 02:23 AM Parent: #1
الله يا تراجى لكن
Post: #3 Title: Re: من هو يا جماعه هذا المبدع (نصر الدين محمد) Author: Tragie Mustafa Date: 12-11-2007, 02:29 AM Parent: #2
يا عامر بالله شفته الزول ده مبدع كيف؟؟؟ وحياتك ما كنت عارفه انه عندي مسعاة روعة الا مع صوته. يازول ده كثر خيره جاب لي كل البلد لحد عني من خلال اغنيته هذه. الله عليك يا نصر وينصر دينك يا اخي.
Post: #4 Title: Re: من هو يا جماعه هذا المبدع (نصر الدين محمد) Author: amir jabir Date: 12-11-2007, 02:38 AM Parent: #3
يا تراجى الزول دة من عندنا خلى بالك
اهديكى دى
Post: #5 Title: Re: من هو يا جماعه هذا المبدع (نصر الدين محمد) Author: Tragie Mustafa Date: 12-11-2007, 02:55 AM Parent: #4
شايفاه يا عامر يا ود امي وما غابت عني الملامح الحنينيه دي
Quote: يا تراجى الزول دة من عندنا خلى بالك
اهديكى دى
بس ما تطمأنتي يا عامر على عيونه؟؟؟ هل مجرد رغبة في ارتداء نظارات سوداء ام به اصابة؟؟؟ صوته مبالغه ولالزت محتفله باكتشاف صوته في منفاي هذا صوت يحمل لي الوطن اعندي ويحتضنني بحنين غامض احسست فيه بصوت ابي وامي واخوتي....حتى السودانيه بهذه القوة اشتقتها في صوته وعانقتها وحيده...في ليلي كندا الصقعيه.
Post: #6 Title: Re: من هو يا جماعه هذا المبدع (نصر الدين محمد) Author: سلمى الشيخ سلامة Date: 12-11-2007, 03:23 AM Parent: #5
نار الالفة البينا سنين صحت فينا احلام يوم باكر
يا سلام عليك يا تراجى صوت جميل ادء متسق ولاحظى الموسيقى والالات رغم بساطتها لكنها امدت هذا العمل بجميل الق رحم الله مصطفى سيداحمد وامد الله فى ايام الشاعر قاسم ابو زيد وهذا الشاب فلته فنية اتمنى ان يكون له مساحة خاصة به فهو يشى بفنان قادم والعزاء فى صغر سنه وامامه الدرب طويل شكرا لاشراكنا فى هذا الجو الفنى الرائع
Post: #7 Title: Re: من هو يا جماعه هذا المبدع (نصر الدين محمد) Author: Tragie Mustafa Date: 12-11-2007, 03:43 AM Parent: #6
معذره نشر في غير موقعه.
Post: #8 Title: Re: من هو يا جماعه هذا المبدع (نصر الدين محمد) Author: Tragie Mustafa Date: 12-11-2007, 04:52 AM Parent: #6
العزيزه سلمى الشيخ عليك الله شفتي الولد ده مبدع قدر شنو؟؟
Quote: هذا الشاب فلته فنيه
فعلا هو ما قلتي.... وربنا يخضر دربه ويساعده في صقل موهبته ويمتعنا بابداعه. شكرا لمرورك.
Post: #9 Title: Re: من هو يا جماعه هذا المبدع (نصر الدين محمد) Author: Tragie Mustafa Date: 12-12-2007, 07:19 AM Parent: #8
فوق كمان لمزيد من الابداع.
Post: #10 Title: Re: من هو يا جماعه هذا المبدع (نصر الدين محمد) Author: Al-Shaygi Date: 12-17-2007, 01:36 AM Parent: #1
برضي راجيك يا تراجي
عضويتي ويناه...................
والله ما أخليك إلا تقولي دايراك ولا ما دايراك
الشايقي
Post: #11 Title: Re: من هو يا جماعه هذا المبدع (نصر الدين محمد) Author: Al-Shaygi Date: 12-17-2007, 01:37 AM Parent: #1
حذف للتكرار
Post: #12 Title: Re: من هو يا جماعه هذا المبدع (نصر الدين محمد) Author: amir jabir Date: 12-17-2007, 01:47 AM Parent: #11
كل صاحب عاه جبار الاخت العزيزة تراجى ؟؟ لا ادرى والله عن نظره لكنه مبدع
تحياتى
رايكم فى البت دى شنوا حضور وصوت قوى
Post: #13 Title: Re: من هو يا جماعه هذا المبدع (نصر الدين محمد) Author: السمندل Date: 12-17-2007, 11:26 AM Parent: #1
ازيك يا تراجي ، وكل عام وانتِ بخير، وشكراً على هذا الطرب .. أول مرة استمع للشاب نصر الدين ، وواضح انه يغني باطمئنان ، بالرغم من بعض الهنات التي ما تزال تصيب كلّ من يغني لمصطفى وذلك لما في اغاني مصطفى من صعوبة ، سببها المفردة ، اللغوية واللحنية بحد سواء. لكن في العموم ، بدا لي صوت نصر الدين ثابت ، ومرتاح .. ولفت انتباهي اكثر عندما وصل للمقطع الذي يقول : (وادي الفرح امتدّ مساحة/ نادى الأمل الـ جوة عيونا) ، حين شرع في مدّ كلمة (مساحة) لتصير (مسااااااحة) كما لو أنه يمثلها ـ بحباله الصوتية ـ على ارضٍ فضاءٍ بالأمتار ، طبعا مصطفى يفعل ذلك ، وهذه من بصمات الملحن الفذ الذي يتمثل المفردة بشكل درامي فلا يهمل تصويرها كما يُصوّرُ الخيالُ واقعاً . (والواقعيُّ هو الخياليُّ الشريدُ ،،، يقول درويش).
الأغنية الثانية التي اهداها لنا الأخ عامر ، وله تحياتي ومباركاتي بالعيد ، واحدة من اصعب ما غناه مصطفى ، في تقديري ، وقد اداها (صلاح كوستي) بحرفنة شديدة . واقول حرفنة شديدة لأن صلاح لم يترك لنفسه حرية الركون الى صوته الحر ، فمضى يستلهم صوت مصطفى وطريقة ادائه ويستتبع خطاه . وليت صلاح لم يفعل ذلك ، فهذا الرجل له خامة صوتية ممتازة ولونية اداء وتطريب عالية ، لا انسى اننا كنا نجنّ بها ، في زمن قديم في كوستي .
وشكرا على الاغنية الثالثة .
نزار السمندل
Post: #14 Title: Re: من هو يا جماعه هذا المبدع (نصر الدين محمد) Author: AMNA MUKHTAR Date: 12-17-2007, 01:20 PM Parent: #1
صوت جميل فعلا يا تراجى..
شكرا عامر جابر على بروفايلك الرائع.
شكرا السمندل على تحليلك الراقى .
Post: #15 Title: Re: من هو يا جماعه هذا المبدع (نصر الدين محمد) Author: الطاهر عثمان Date: 12-17-2007, 03:02 PM Parent: #1
بالجد غناي والله وتطريب عالي جدا اتذكر انا حضرته الحلقة دي وكان نفسي اسمعه تاني وسبحان الله شاءت الصدف ان اسمعه مرة اخرى عيدية حلوة ياتراجي