ود عقيد ، منى خوجلى ، دوما ، جنى ، الاقرع ، عصام دهب عاليه ، عبدالطيف بكرى، القلب النابض(جلابة)

هذا ما كتبه احدهم فى احد المواقع........



فقد شاهدنا بالحلقة الأولي الميدانية والمبثوثة علي الهواء مباشرة، أناس نحاف البنية، شاحبو الأوجه، غائري الأعين وهم يربطون العصبات الحمراء، يتوشحون الكلاشنكوف يكبرون و يهللون متيمنين صوب جبهات القتال قاتل أو مقتول، تعرفنا عليهم من ملامحهم ونكاد نسميهم بقبائلهم من بقارة ونوبة وجوامعه كردفان وفونج وفور وزغاوة وامتداداتهم من بقايا أنصار مهدية وسكان أطراف الخرطوم و أحفاد المهاجرين الأوائل لمشاريع لقيط القطن وسكب قصب السكر بالجزيرة وسنار والنيل الأبيض والأزرق و فلاته وبرقد وبرقو وتاما ومساليت وبرنو وتنجر ومراريت. أنهم يحملون نفس الملامح والشبهة لبريمة ادم، محمد النور كبر، عبد الرازق الطالب، عبد الرحمن عزاز، سعد الدين عبد الرحمن، محمد حامد جمعه، احمد محمد هارون، نور تاور و علاء الدين تمبس.

أما أولئك الذين شاهدناهم بالحلقة الثانية بمسرح الجزيرة فكانوا منتفخين الأوداج تكسوهم مظاهر النعمة من ملبس ومقتنيات وأساور بمعاصم نساءهم وخلاخل، يحملن أطفال في قمة الدلال يرتدون بامبرس، جلودهم مدهونة بأحدث صيحات كريمات تفتيح وتنعيم البشرة تجمعهم سحنة واحدة أنهم جعل وشايقية ودناقلا ، أتوا من كل حدبا وصوب يؤدون دورهم المرسوم لهم بدقة ألا وهو شحذ الهمم لاؤلئك المدجنين الذين شاهدناهم بالحلقة الأولي. شاهدنا علي إبراهيم اللحو، عماد، سيف الجامعة، البعيو --- الخ والجالسون بالصفوف الأمامية ذات الكراسي الوثيرة، ونساء وأطفال بقمة النشوة يتمايلون ويرددون الأهازيج يحملون نفس الملامح والشبهة لعبد الله عقيد، دوما، جني، مني خوجلي، هجو الأقرع، عالية عوض الكريم، القلب النابض، عصام دهب وعبد اللطيف بكري.

الأدوار تم توزيعها بعناية، علي الغرابة وبمختلف مشاربهم حمل البندقية والتوجه لساحات المعارك لقتال أعداء دولة الجلابة وحماية الدين من الكفار، وعلي أولاد البلد (الجلابة الخلص) ونساءهم حراسة مكاتب الشركات ذات المجالس الوثيرة مع قهوة الصباح يقدمها الخدم والحشم من العمالة الاسوية، دورهم يقتصر علي شحذ الهمم وترديد الأناشيد و أهازيج الحماسة بمسارحهم الليلية الممددة علي ضفاف النيل و نسائمه العليلة لأولئك السذج مقابل فتات فضلات يرمونه لهم مع وعود شفهية (غير موثقة) بتزويجهم من الحور العين (بنات جلابة يعني).

غدا باذن الله تفاصيل اوفى .

ننتظر غدا الحلقه الجايه...

واثناء ذلك ساواصل وضع الكريم علي وجهي و بارفان Envy لجوشي!!

تحياتي ..

صاحب الطرح العجيب ، اسمه محمد الزاهد فى منبر السودان الجديد .... وسنواصل الطرح العجيب وبقية المداخلات الاغرب .

Quote: ود عقيد ، منى خوجلى ، دوما ، جنى ، الاقرع ، عصام دهب عاليه ، عبدالطيف بكرى، القلب النابض

الاستاذ هجو الاقرع
السلام عليكم ورحمة الله

Definitely, this type of business besides food and medicines are the most profitable things these days
Why you do not open a branch in Thailand instead of our forum

من المؤكد ان هذا النوع من التجارة بجانب تجارة الاطعمة و الدواء من الاشياء المربحة في هذه الايام
فلماذا لا تفتح لك فرعا في التايلاند بدلا عن المنبر؟؟


و ذلك خوفا من الكساد

اخونا حامد برقو ، اكيد فى حاجة غلط ، ممكن توضح شوية .

Quote: أنهم يحملون نفس الملامح والشبهة لبريمة ادم، محمد النور كبر، عبد الرازق الطالب، عبد الرحمن عزاز ، سعد الدين عبد الرحمن،

حين يتحدث انسان بجهل سواء ان كان زاهدا او طموحا عن اشخاص لم ير
ملامحهم في حياته فذلك مؤشر جيد اننا نهدم حائط العرقيين العنصريين
طوبة طوبة!!



بالواضح كدا يا الزاهد وشرزمة عنصريي السودان الجديد المزيف، اذا كان الخيار
بين امثالكم و ما تسمونهم "جلابة" هؤلاء، فإنني اختار جانب هؤلاء القوم لاكون
شوكة في نحر كل عرقي بغيض ملئ بالعقد سواء ان كان من الشمال او الغرب
او الجنوب او الشرق!

قريبي هجو ...
والله لا أحد غيرك في هذا المكان المعافى
ينقل لنا تلك القاذورات من ذلك الكنيف
المسمى بالسودان الجديد ...
ياخي رفقا بنا ....
دي دعاية مجانية ليهم ...

Quote: دي دعاية مجانية ليهم ...

Quote: والجالسون بالصفوف الأمامية ذات الكراسي الوثيرة، ونساء وأطفال بقمة النشوة يتمايلون ويرددون الأهازيج يحملون نفس الملامح والشبهة لعبد الله عقيد، دوما، جني، مني خوجلي، هجو الأقرع، عالية عوض الكريم، القلب النابض، عصام دهب وعبد اللطيف بكري.

غايتو الزول الكتب الكلام دا كضاب لكن برضو أنا متكيف منو ..
لأنو عمل لينا برستيجات و أهميات و ختانا في الكراسي الوثيرة شكل وهمة بتاعت أولاد جلابة و كدا ..
و في الحقيقة أنا ولد جلابة و دي أنا ما داسيها كلو كلو لأني على الأقل من ناحية الأم أنتمي للجلابة الهوارة ـ و هي القبيلة التي ينتمي لها المقدم الشهيد / حسن حسين عثمان عربي ـ و الجلابة الهوارة هم غرابة أصلاً و فصلاً و أسياد بلد في الغرب لحدي أنجمينا ذاتها .. و فوق هذا و ذاك أنا من الأبيض و الما عارف يسأل أخوي في الجلبنة / عبد اللطيف بكري ..

ياهجو ..

تحياتى ...

البلمك شنو مع ناس جنى ودومه ومنى خوجلى وعاليه عوض الكريم؟
ديل ناس سودان ديمقراطى يسع الجميع ..تتوزع فيه الحقوق
على اساس ا لمواطنة ..دا الشيء البعرفو من عرفت الناس دى ..
الزول الصنفكم مع بعض حاصل ليه تخليط وتشويش ..والمنهج
الاستخدمو فى الوصول للنتيجة دى منهج (عضير) ..
لكن المحيرنى انت طوالى اخدت بتصنيفو دا ..ياخوى
افرز لينا الكيمان وماتقشر بجماعتنا ديل ..
..
...

الاخ محمد عبدالرحمن كيفك ، لو صبرت شوية وخلتنى احضرت باقى المداخلات كان عرفت الزول ده خلها (كلو عند العرب صابون ) بعدين يا محمد عبدالرحمن ناس السودان الجديد جنهم وجن ناس حزب الامة ، اعمل حسابك ، روق المنقة شوية، لا اظن ابدا ان يفوت عليك ان الرجل فكره فقط اننا جلابة. [ B]

احمد عبدالله يا خوى يعنى نخلى محمد الزاهد يتفسح و يجلقب براهو .... انا منتظر الجماعة يخلصو و اقبل عليهو .

ود عمى

يعنى كرسيك بين منى وعالية طيب الطربيزة القدامك فيها زول ولا اجى اقعد فيها

لالالابيكون خاتين فيها العصير .....

طيب قالو النفوس لو اتطايبت الكرسى بشيل اتنين زح لى شوية كدة نحضر معاكم الحفلة دى

ولا هى ديسكو

يا اخى انت جلابى وكمان اسمك عمر ود سعد ، الزول ده مالو ما ختاك معنا، بزح ليك الطربيزه بس فى العيد القادم .... عليك الله ما تنسى تجيب الانصارى محمد عبدالرحمن وود خالتو بدرالدين .

اليكم النموذج الاول


التقسيم العنصري داخل قوات الجيش والشرطة كثيرا ما كنا نسمعه باحاديث الناس، وكيف ان جل اولئك الذين يذهبون لمسرح العمليات من جهات محددة واولئك الذين يجنون الغنام والترقيات من جهة أخري وتحديدا ابناء الشمال النيلي المسيطرين علي القيادة الجيش والدولة. ولكن لاول مرةبالصدفة المحضة اشاهد بنفسي صورة طبق الاصل تاكد ما ظللت اسمعه

النموذج الثانى.
مالم نواجه الحقيقة عارية لن نستطيع الصمود امام الرياح العاتية التي تجتاح الوطن القارة وعندها سنعضي اصابع الندم يوم لا ينفع الندم.

فلنعري الواقع ونتحاسب ونحدد مكامن النقص والتقصير ونحاول سدها بالحسنى ما استطعنا الي ذلك سبيلا، وألا فاننا لن نترك وطن تقرر مصيره أقلية لا يشرفها الانماء اليه والي شعبه. أقلية تستهويها امجاد وتاريخ امم تدعي ذورا وبهتانا الانتماء اليها.

لن نترك أقلية تمثيلها لا يتعدي خانة الاحاد راهن ارادة امتنا لحلفاءها الجشعين الطامعين بخيرات وثروات بلادنا.

مع اسفي للتكرار المدخلة بعاليه.

النموذخ الثالث و الخطير لست الدار
ودعوني اعطيكم مثال بسيط لحرص الاقليه على السيطره منذ القدم.

قيل في توزيع فرص القبول بالكليه الحربيه....كان مثلا يتقدم من دارفور 300 طالب
يأخذوا منهم 10 فقط...لحفظ التوازنات بينما من الشماليه يتقدم 10 فياخذون ال 10 كلهم,بغض النظر عن قصرهم او عيوبهم او معدل النجاح او اي حاجه لانهم حريصين ان يحفظوا النسبه وبس!!


اما بالنسبه لل 290 المتقدمين من دارفور مثلا كانوا يحسوا بغبن مبالغ فيه
فبعضهم معدلاته اعلى...بعضهم حاصل عى جوائز رياضيه مثلا....فما كانوا
يعرفون سبب الاستبعاد وان الدولة دولة عنصريه وترى ضرورة عدم السماح
لهم بان يصيروا غالبيه في المناصب العليا الجيش!!

اما الجنديه فانها كلها للهامش...لانهم يعرفون عدم اهميتها يعني 5000 عسكري
من ابناء درافور وعليهم ضابط واحد من الشماليه في القياده فان معنى ذلك ان
ال 5000 كلهم تحت امر ال 1 !!


اخبرتني امرأه من كردفان لاحقا وهي زميلتنا بهذا المنبر باسم ام غسان وقالت
لي انها كانت قريبه من الاسلامين في الجامعه ولها علاقات زماله بكثار منهم
ان اختها تقدمت لوظيفه مؤخرا....الوظيفه يبدو انه لها علاقة بالآمن....وحاولت
ان تجد لها واسطه من الكيزان فقالوا لها انسي الموضوع....لا كردفان ولا دارفور
خاصة بعد احدث جنود مناوي ومذبحة المهندسين كلهم محظورين من هذه الظائف!!

بل اوضحت لها بعض المتنافسات معها بانه جاءتهن اوامر ان يكتبوا في كراسة الاجابة
بقلم الرصاص فوق(الشماليه) اي ان صاحبة الاجابه من الشماليه!!

اي بعض الكراسات التي تخلوا من كلمة السر لن يتم حتى تصحيحها!!
لانها لا تحمل كلمة (الشماليه) وهذا اخبروها به بعد انتهاء الامتحان طبعا!!

فيا اخوتي
من يعتقدون ان علينا عدم تناول الامر لانه سيقسم الوطن
فانهم فعلوا وانتهوا....ومالم نتناول الامر بصراحه ونتراجع
عن كل هذه الجرائم التي كانت تترتكب تجاه ابناء الوطن الواحد
فلن يتم تعايش او خلافه.
تحياتي.

ياهجو ..

فى كلامى الفوق داك قلت ليك الزول دا حاصل ليهو
تخليط ومنهجو (عضير) ..لانو وضع جنى ودوما
وعالية ومنى مع هجو فى جهة واحدة ..الداعون
لسودان ديمقراطى متعدد الثقافات وصاحب الرؤية
الاحادية والثقافة الواحدة ودا بتجسدو انت
عضو المؤتمر الوطنى ..

التخليط والتشويش مرات بكون عن جهل ومرات بكون
متعمد ...فى حالة كاتب المقال التشويش الحاصل
ليهو دا ناتج عن قصور فى الرؤية ..اما التشويش
المتعمد دا بقوم بيهو المؤتمر الوطنى واعلامو ..
وكلنا بنتذكر محاولات حشد الشباب للقتال فى الجنوب
والخطاب الجهوى الاتقدم ..حيث حاول اعلام المؤتمر
الوطنى تسويق خطاب ان المعركة فى الجنوب هى
معركة عرقية فى المقام الاول ..وان قرنق قادم
لشرب القهوة فى المتمة وغيرها من الترهات ..
والآن ياهجو يواصل الطيب مصطفى وصحيفته الانتباهة
ومنبره يواصل لعب نفس الدور ..حيث يجتهد لتصوير
ان الصراع هو صراع اهل الجنوب مع اهل الشمال ..

وياهجو شخصيا ضد كل فكرة تحركها الجهوية والعرقية
ومع سودان ديمقراطى تسود فيه العدالة وتتوزع فيه
الثروة والسلطة بين ابنائه بالتساوى ..

سودان مااااهل يشيلنا كلنا..بسحناتنا وقبائلنا
واديانا ..

ودا سودان ناس جنى ودومه ومنى وعاليه والذى
بالطبع لايشابه سودانك الذى يقيمه المؤتمر
الوطنى الذى تنتمى اليه ..عرفت الفرق شنو ؟
والمنهج الذى يفرز الناس بهذه الطريقه لايتخلف
عن منهج المؤتمر الوطنى كثيرا ..

Quote: عليك الله ما تنسى تجيب الانصارى محمد عبدالرحمن وود خالتو بدرالدين .

محمد عد الرحمن ساكى بهاء بكرى شكلو كان داير يورثو

اما الامير استايلو لبنانى (مو هيك) ما بنفع معاكم.

بريمة ادم، محمد النور كبر، عبد الرازق الطالب، عبد الرحمن عزاز، سعد الدين عبد الرحمن، محمد حامد جمعه، احمد محمد هارون، نور تاور و علاء الدين تمبس.


لان هؤلاء شرفاء و يختلفون معه اراد ان يزج باسمائهم

Quote: بريمة ادم، محمد النور كبر، عبد الرازق الطالب، عبد الرحمن عزاز، سعد الدين عبد الرحمن، محمد حامد جمعه، احمد محمد هارون، نور تاور و علاء الدين تمبس. لان هؤلاء شرفاء و يختلفون معه اراد ان يزج باسمائهم

طيب نحنا الفي رايك ماشرفاء..زج باسمنا ليه؟؟

.....

.......

Quote: صاحب الطرح العجيب ، اسمه محمد الزاهد فى منبر السودان الجديد .... وسنواصل الطرح العجيب وبقية المداخلات الاغرب

ثم صححت مني من جلستها ونظرت لمصدر الحديث وقالت بلهجة أهلها لهجو وهي تشيح بيدها تجاه
اليمين بطريقة امشي كده ولا كده.. وتحول وجهها تجاه اليسار في امتعاض ..

ايه بس..قدر مصدرك وقدر وقدر الطرح وسيده!!
ماكان تقول من الأول ده ياهو البوكان الجبت منه خبرك!!

الاخت الكريمة منى بنت خوجلى ، انت ست الشرف كلو .

الاخ الكريم محمد عبدالرحمن ، وانا معك فى سودان واسع وماهل يشيل الناس كلها ، محمد عبدالرحمن ورب الكعبة انا مش مؤتمر وطنى ، ريح نفسك ، بس لو الناس اتعنصرت فى الانتخابات ممكن اصوت للمؤتمر الوطنى . وبرضو بكره الاحزاب الطائفيه و الاسياد، عليك الله الفرق شنو بين الوطنى وجماعتك مش كلهم ماشين بالاشارة .... اتمنى يا محمد عبدالرحمن ان تحدثنا عن اول انقلاب بقيادة حزب الامة على الديمقراطية ....

ود عمى اها انت مرقت منها

بس انا البقنع لى الطقى شنو انو انا ما يسارى


ناس البترول ديل غنيانين كدى امشى اتبرع لى فى البوست حقى دة ان شا اللة بجالون جاز

ود عمى اها انت مرقت منها

بس انا البقنع لى الطقى شنو انو انا ما يسارى


ناس البترول ديل غنيانين كدى امشى اتبرع لى فى البوست حقى دة ان شا اللة بجالون جاز

أخي عصام دهب : لك التحية والتقدير وأشعر بمثلما
تشعر به من المرار والأسى أن تجنى علينا بعضهم
بالتصنيف الذي ورد في هذا البوست ، والمؤسف حقاً
أن يكون هذا هو ديدن بعض مثقفي هذا المنتدى ،،

يبدو أنننا في السودان أمام حالة مشابهة لحالات
ثلاث أعقبتها فوضى عارمة يصعب لملمتها فيما بعد:

1- إندلاع الثورة الفرنسية وتحكم الرعاع في شتى
مناحي الحياة التي سادتها النزعات الإنتقامية فقضوا
على كل أخضر ويابس ولم يفرقوا بين أعدائهم ومناصريهم
ولحق الحيف بمنظري الثورة وقادتهما جان جاك روسو وفولتير
لأنهم فيما بعد إعتبروهم من الجلابة ،،

2- الثورة البلشفية التي كانت الأولى للشيويعين في العالم
ومئات الألاف من القتلى سقطوا على يدي ستالين من نساء وأطفال
الشيوعيين أنفسهم وهم من تأملوا بعيش كريم تسوده العدالة
والمساواة بعد زوال القيصر ،،

3- الفوضى الحديثة التي شهدناها بأم أعيننا بعد سقوط تمثال
صدام حسين والوضع الآن جعل مناصري الثورة وقادة الحرب في
العالم يزرفون الدمع على فناء من كان يحزم هؤلاء الغوغاء ،،

ذلك كله مدعاة لتوخي الحذر والتفطن لما سيعقب أخذ الناس
بالشبهات وإطلاق مثل هذا التعميم العقيم ورفع شعارات
الإنتقام على الأبرياء من أبناء الوطن الواحد،،

والله إنه لأمر معيب أن يتولى بعض من إخوتنا تأليب البعض
الآخر وحفزهم على التغابن وكراهية الأعراق وفرز السحنات
بلونها وتجريمها على ما خلق الله فيها من تباين،، كما
أنه لأمر جد خطير أن تكون إثنية المرء أو لونه أو دينه
هو الجريمة المسبقة التي تحتم وقوع العذاب عليه دون
رأفة،،،

أقرار:
إنه لشرف عظيم أن أكون ضمن هذه القائمة المنتقاة وأفخر
بما يجمعني وإياهم ، فهم جميعهم فخر للعلاقات الراسخة و
الرائعة في هذا المنتدى ،، ولا غرو فالأخ عصام دهب نتقاسم
وإياه ذكريات عروس المدائن في غرب السودان،، القلب النابض
شقيقتي وتوأم الروح ، ود عقيد زول النصيحة في هذا المنبر
منى خوجلي الكل يتمنى أخت مثلها ، دوما ما رأيت أحد يلاحقه
الرشاش بهتانا كما هي ، جني أتناصح وإياه وأختلف معه
كثيرا وحذرته كثيرا من هذه العاقبة ، أما الأخ / هجو
فهو يقارع بالحجة كلها والمنطق ولا يبادر برد الظلم
الذي يحيق به كلما أبدى رأيه في شيء وأعجب شخصيا برباطة
جأشه وصلابته في الثبات على مواقفه ،،


أصدقائي من أبناء دارفور والجنوب سيسوؤهم دون شك هذا
التصنيف أكثر من غيرهم ،، وأنا كلي يقين بأن تأدبي
في الرد على مثل هذا القول إنما هو مزيد من الشوق لهم
ولإخائهم النقي والذي لم يخالطه يوماً إحساس بتميز
أو نفور أو إستعلاء ،،

==
فوق كل هذا وذاك ما أتى به الأخ زاهد هو طعن في خلق
الله وعتاب صريح له سبحانه وتعالى ألا يخلق إلا ما تعجب
هؤلاء سحنته أو لونه، أما كيف نحس أو كيف نتفاعل مع قضايا
وطننا فإنكم وحدكم من يحدد ذلك ولا أحد سواكم:أيها الثوار
الجدد،،

Quote: ايه بس..قدر مصدرك وقدر وقدر الطرح وسيده!! ماكان تقول من الأول ده ياهو البوكان الجبت منه خبرك!!

Quote: منى خوجلي الكل يتمنى أخت مثلها

الافتاء عن الآخرين..هو البورد ده عندو ناطق رسمي ولا شنو؟؟؟؟
من قال لك يا البكري من حقك تقول عننا الكل؟؟؟؟ ومنو
قال لك انت مفوض باسمنا؟؟؟؟؟عشان تفتي؟؟؟؟

Quote: الافتاء عن الآخرين..هو البورد ده عندو ناطق رسمي ولا شنو؟؟؟؟ من قال لك يا البكري من حقك تقول عننا الكل؟؟؟؟ ومنو قال لك انت مفوض باسمنا؟؟؟؟؟عشان تفتي؟؟؟؟

الأخت تراجي مصطفى
أولاً أعيب عليك أفتقارك للباقة في الحديث معي وأنا
دائما أتخير معك بالذات من العبارات التي تبقيني
معك على وفاق ،،
وأحاول جاهداً ما استعطت إلى ذلك سبيلاً أن لا تتسبب
إختلافاتي في وجهات النظر مع الآخرين أن تنأى بي
عن الرابط الإنساني والوشائج المفخرة التي تربطنا
نحن أهل السودان،،
ولكن أختي أجدك دائما عنيفة في التعامل مع الأمور
بشكل يوحي بأنها مافارقة معك أن تسقطي الناس
من حساباتك فور حدوث خلاف أو خطأ أو مشادة من نوع
ما في هذا المنبر،،
الكناية فرع للبلاغة وفيها علاقة الكلية حين تطلق
الكل وتريد الجزء كقول الله ((يضعون أصابعهم في
آذانهم من الصواعق حذر الموت)) ولم يقصد الحق
اصابعهم وأنما أطرافها ،، فأنا حتماً لم تخطري
بذهني حين قلت الكل ،، على العموم يمكنك إستثناء
نفسك من هذا التعميم متى ما شئت ،،

Quote: ومنوقال لك انت مفوض باسمنا؟؟؟؟؟ عشان تفتي؟؟؟؟

ومن الذي فوضك بإستعمال (نا) هذه وهي تشملني
أيضاً ، ومن فوضك بالمرافعة عني وعن البقية؟؟

ثم أقولها لك صريحة : أنا لا أتشرف أن أكون ناطقاً
بإسمكم أو مفوضا عنكم أو تراودني أحلام كهذه،،

بعدين لماذا لم تعلقي على هذا التصنيف المشين
الوارد بالبوست؟؟

عموماً ياستي ولا تزعلي : أنا اتمنى أختاً زي منى خوجلي
وأعتذر للتعميم،،

Quote: عموماً ياستي ولا تزعلي : أنا اتمنى أختاً زي منى خوجلي وأعتذر للتعميم،،

شكرا يا بكري..وانا يشرفني جدا ان اكون أختك وأخت كل مهذب يحترم نفسه..

وما تزعل نفسك من أول الصباح..

تحياتي..