Post: #1 Title: استفسار بسيط جدا .. وبسرعة جدا Author: tmbis Date: 12-08-2007, 08:20 AM
يا جماعة السلام عليكم .. أنا قبل شوية كنت قاعد ( افطر ) وفي نفس الوقت فاتح لي بوست وقاعد اكتب لي في رد .. وفي نفس الوقت .. خاتي قدامي كباية الشاي .. وفي نفس الوقت بتذكر في حبيبتي .. كل الحاجات دي مع بعض كدا ضربة واحده.. في نفس الوقت .. اتصل علي واحد من الأخوان المتابعين البورد .. قال لي بالحرف الواحد: كان عندك بوست اهداء قبل شوية .. قال لي فتحتو فتحت لي بوست تاني عشان اقراهو وأرجع اقرا الاهداء بتاعك دا .. قال لي لقيت بوست الاهداء مافيش .. لذلك صديقي هذا في حيرة .. وأنا أحير منو .. انا أحير منو لانو ما ممكن بوست اهداء يكون عادي كدا يقوم بكري يوديهو سقطك لقط .. وهو متحير لانو قال لي نضاراتي دي بقت مجنونة واللا شنــو ..؟ بقت تشوف على كيفه.. انا متحفظ بي اسم صاحب / ة الأهداء .. بس بلاي الشاف البوست دا ... يجي يخت لي نقطة .. والقراهو .. يخت لي نقطتين .. والمتحير يخت لي تلاتة نقاط ... والأحير من دا كلو ... ممكن يخت ليهو اكتر من نقطة .. والعايز يجاملنا .. ممكن نديهو رقم الحســاب يرسل لينا برقية تهاني بمناسبة شم النسيم ..
أخوكم .. الرقيب اول ( د. تمبس )..
Post: #2 Title: Re: استفسار بسيط جدا .. وبسرعة جدا Author: فيصل نوبي Date: 12-08-2007, 08:24 AM Parent: #1
...
__ تمام يا سعادتكـ نوبي المهذب
Post: #11 Title: Re: استفسار بسيط جدا .. وبسرعة جدا Author: tmbis Date: 12-08-2007, 08:44 AM Parent: #2
Quote: نوبي المهذب
ما كمان ما ممكن يا إما في هكــر بيناتنا .. يا كمان اكون فطرت بي ( بنج ) .. كان إنت نوبي يازول.. قول كلمة الســر، وإللا .. فالزنكلوني قاعد يسمع في كلامك دا
ـــــــــ
Post: #14 Title: Re: استفسار بسيط جدا .. وبسرعة جدا Author: فيصل نوبي Date: 12-08-2007, 08:55 AM Parent: #11
Quote: كان إنت نوبي يازول.. قول كلمة الســر، وإللا .. فالزنكلوني قاعد يسمع في كلامك دا
Post: #16 Title: Re: استفسار بسيط جدا .. وبسرعة جدا Author: tmbis Date: 12-08-2007, 08:59 AM Parent: #3
Quote: بس امكن الهدبة ما مادية؟
كيف يعني يا المـــر ..؟ كيف ما مادية ..؟ المر ياخ عليك الله الدنيا صباح .. اكتب لينا كلام بتفهم.. أنا اللقاها منك واللا من بكري .. ؟ يعني يوم السبت دا تاني ما نجي البورد واللا شنــو ..؟ واللا الواحد يفطر في البيت ويجيكم واقف كلب عرس بس .. واللا كمان يتذكر حبيبتو في البيت ويجي يقعد في المكتب زيو وزي اي ورقة رونيو A4 SizE ومن غير حبيبة؟ ياخي انا لو ما اتذكرت حبيبتي في المكتب يعني ح اقعد كيف يا المــر ..؟ تقول لي ما مادية..؟ غايتو يا المر الفيك اتعرفت .. انا قاعد هنا دا حقي بجيني لي عندي .. والبوست دا .. أنا كان ابرك ليهو فكي بجيبو .. عليك الله خلي الما مادية دي تضوي ليك.
Post: #4 Title: Re: استفسار بسيط جدا .. وبسرعة جدا Author: أميرة فاروق عبد العال Date: 12-08-2007, 08:25 AM Parent: #1
أنا تبع ناس "رقم الحساب"..
مودتي..
Post: #23 Title: Re: استفسار بسيط جدا .. وبسرعة جدا Author: tmbis Date: 12-08-2007, 09:24 AM Parent: #4
Quote: أنا تبع ناس "رقم الحساب".. مودتي..
مشتاقين يا اميرة .. ما عندك مشكلة .. أخوك عندو فكرة في سوق الأموال .. ومحلل مالي خطير جدا .. ومرات مرات سمسار بتاع اراضي .. ومرات مرات تاجر شنطة.. .. ومرات مرات ( بننزل ) قروش بس الايامات دي .. في سوق الأسهم وتجارة المواشي بالنسبة للعيد وكدا كان عندك حاجة عايزه يستثمروها ليك .. ما عندك مشكلة.. واهو شم النسيم قرب .. والموسم دا شكلو مطمن .. فرسلي طوالي ..
لا تترددي في ارسال اي قسيمة مالية .. هناك من يهتم بكل حركاتك ويراجع افكارك .. مواليد برج الأسد اكث حظوظا في اغتنام الفرص ولا يترددون في اتخاذ المواقف .. الفرصة متاحة للانطلاق والصعود إلى اعلى يوم السعد السبت .. رقم الحظ ببتدي من عشرة الف دولار ولي فوق ..
Post: #5 Title: Re: استفسار بسيط جدا .. وبسرعة جدا Author: عمر الفاروق Date: 12-08-2007, 08:28 AM Parent: #1
غايتو يا تمبس كان ما أخاف الكضب أقول ليك الهدية من تراجي .. وعليه نتمنى أنك ترد عليها بأحسن منها وتقول ليها : هدية من إيدك مقبولة ..معناها إني على بالك .. ونعيد الأيام الأولى وأتذكر حسنك وجمالك .. وإنت جميل والجابك ليّ ملاك وجميل .. يا منديل ..
تخريمة : يا ربي يكون ده الهكر؟
Post: #6 Title: Re: استفسار بسيط جدا .. وبسرعة جدا Author: smart_ana2001 Date: 12-08-2007, 08:32 AM Parent: #5
....................................... انا غايتو ما شفت حاجه و لا فاهمه حاجه ! لكن للضمان كده ..اهو ده صف نقاط كامل
Post: #28 Title: Re: استفسار بسيط جدا .. وبسرعة جدا Author: tmbis Date: 12-08-2007, 11:45 AM Parent: #6
Quote: اهو ده صف نقاط كامل
كيفك ياسمارت..؟ بي الطريقة دي ح نصنفك طبعا من فئة الأحير .. ودي طبعا بنديها النمرة الكاملة .. واحتمال مع راس السنة دا نعمل ليها حفل تسليم جوائز .. ياخي اقول ليك حاجة:؟ مرات كدا إنت زاتك بتحيرينا وبتخلي الواحد ينقط صف من النقاط .. ياخي حسع الزول الفي الصورة دا منــو .. يا اسمارت الله يرضى عليك ..؟ المرة الفاتت بعد تلتلة قدرت اللقط الصور بتاعت كاثرين .. وفنسنت ـ حسع عايزه تاني تخلينا نمشي نشوف الزول دا من ناس وين..؟ ورينا الحاصل وخلينا في الصورة ياسمارت .. يعني الواحد تبقى عليهو اتنين .. صورة ما عارفه وبوست محذوف.. ؟
Post: #7 Title: Re: استفسار بسيط جدا .. وبسرعة جدا Author: حيدر حسن ميرغني Date: 12-08-2007, 08:32 AM Parent: #5
تمبس
كان فى بوست اهداء خاص موجه لك من الاخت تراجي وارفقت فيه هذه الاغنية التى يحبها ابنها حازم بحسب قولها
Post: #29 Title: Re: استفسار بسيط جدا .. وبسرعة جدا Author: tmbis Date: 12-08-2007, 11:54 AM Parent: #7
Quote: كان فى بوست اهداء خاص موجه لك من الاخت تراجي وارفقت فيه هذه الاغنية التى يحبها ابنها حازم بحسب قولها
كيفك ياحيدر ؟؟ والله اي هدية مهما كانت قيمته ومهما كان حجمها اكيد بتكون مقبولة .. لكن انا الح يطرشق نافوخي .. بكري شال البوست ليه ؟؟ يا بكري قال ليك الهدية لا تهدى ولا تباع بثمن .. معقولة بوست ما ياخد ليهو عشرة دقايق يروح في خبر كان .. يا جماعة .. يعني الواحد يربط الجرس بتاعو تاني زي زمان واللا شنــو ..؟ يا بكري: الواحد يربط الجرس بتاعو تاني يعني..؟ مالك ياخ كلما الواحد يبقى عاقل .. تااني ترجعوهو لي حركات الشرامة زي ما قالت قدس الله سرها الأديبة آمنة مختار.
Post: #27 Title: Re: استفسار بسيط جدا .. وبسرعة جدا Author: tmbis Date: 12-08-2007, 11:35 AM Parent: #5
Quote: غايتو يا تمبس كان ما أخاف الكضب أقول ليك الهدية من تراجي ..
يعني يا عمر السمالة دي بدون ( نقاط ) يعني بنظام خروج المهزوم واللا شنــو..؟ طيب قول الهدية دي من تراجي .. قدس الله سرهــا.. وإنت عارف اخوك طبعا صوتو كعب جدا .. حسع كان قلت ليك غني لي الاغنية دي .. بتغنيها .. لي ؟ والله دي اسرع هدية الواحد بقى منقطة عديل كدا يهدو ليهو ويمسحو .. وينقطو .. قلت لي قال ليك: دونت يوز زس نمبر اقين .. عـــذاب يــاخ..
Post: #8 Title: Re: استفسار بسيط جدا .. وبسرعة جدا Author: osman abdala Date: 12-08-2007, 08:34 AM Parent: #1
....
Post: #31 Title: Re: استفسار بسيط جدا .. وبسرعة جدا Author: tmbis Date: 12-08-2007, 12:20 PM Parent: #8
Quote: ....
+
Quote: ***
عثمان عبد الله والطاهر عثمان .. يعني الواحد كان هدو ليهو حاجة اصلو ما يعتمد عليكم ..؟ خلاص خليكم على كدا ... بس ما تنسو بعدين الواحد لما يعمل ليكم الحركة دي خلو روحكم رياضية..
Post: #9 Title: Re: استفسار بسيط جدا .. وبسرعة جدا Author: الطاهر عثمان Date: 12-08-2007, 08:38 AM Parent: #1
***
Post: #10 Title: Re: استفسار بسيط جدا .. وبسرعة جدا Author: الأمين عثمان صديق محمد Date: 12-08-2007, 08:41 AM Parent: #1
تامبا صباحاتك نور والله المنبر دا عايز ليهو كم نقطة بوليس وكشك بسط امن شامل ياخي اليوم داك سويت لي بوست عديل واول من ضغطت على ايقونة الاضافة عمل صاين اوت !! والبوست راح مشكلات فنية ولا مشكلات عاطفية ما عارف كما ود البشرى المسلط دا ما كان عرفتو راح وين
***** ***** *** *** ** ** *** *** ***** *****
Post: #12 Title: Re: استفسار بسيط جدا .. وبسرعة جدا Author: ابو جهينة Date: 12-08-2007, 08:51 AM Parent: #10
يا أبو منصور
Quote: أنا قبل شوية كنت قاعد ( افطر ) وفي نفس الوقت فاتح لي بوست وقاعد اكتب لي في رد .. وفي نفس الوقت .. خاتي قدامي كباية الشاي .. وفي نفس الوقت بتذكر في حبيبتي .. كل الحاجات دي مع بعض كدا ضربة واحده.. في نفس الوقت ..
الفطور + البوست+ الشاي+ الحبيبة
معقول يا تمبس ؟
غايتو تحليلي إنو إختلاط الباندويدث عندك و عند بكري عملوا Touch
Post: #13 Title: Re: استفسار بسيط جدا .. وبسرعة جدا Author: Hussein Mallasi Date: 12-08-2007, 08:54 AM Parent: #12
.
Post: #15 Title: Re: استفسار بسيط جدا .. وبسرعة جدا Author: وليد محمد المبارك Date: 12-08-2007, 08:55 AM Parent: #13
هو في ايه ؟
Post: #17 Title: Re: استفسار بسيط جدا .. وبسرعة جدا Author: حيدر حسن ميرغني Date: 12-08-2007, 09:00 AM Parent: #15
لا ادرى لما سحب ذلك البوست
كان الغرض منه بريئا جدا
حيث شبَهتك تراجي بأخيها الراحل الذي لم استطع استحضار اسمه الان
وقالت فيك كلام جميل عنك
وبعدين طلب منها ابنها ان تهدي الفيديو المرفق اعلاه لاحد اصدقائها فى المنبر
فأهدته لك
Post: #18 Title: Re: استفسار بسيط جدا .. وبسرعة جدا Author: tmbis Date: 12-08-2007, 09:10 AM Parent: #17
Quote: كان الغرض منه بريئا جدا حيث شبَهتك تراجي بأخيها الراحل الذي لم استطع استحضار اسمه الان وقالت فيك كلام جميل عنك وبعدين طلب منها ابنها ان تهدي الفيديو المرفق اعلاه لاحد اصدقائها فى المنبر فأهدته لك
استاذ حيدر معليش ح ارد ليك من بعد اذن الشباب الفوق ديل كلهم .. اول حاجة اشكرك على ادراجك للملف .. تاني حاجة عرفت البوست بتعلق بي ابن الزميلة تراجي .. وانا احب الاطفال جدا .. وعلاقتي مع كل الاطفال حميمة .. واحسهم جزء من عصافير الجنة تحلق في هذا العالم لتمنحنا الحياة .. اتمنى لو توافيني بما مكتوب بداخل البوست لو حالفك الحظ وحفظت البوست .. أو ما زال مفتوح بطرفك .. واكون من الشاكرين .. ولو تعذر عليك ما طلبت لاسباب تراعي فيها تقدير لوائح هذا المكان أتمنى ان توافيني على البريد الالكتروني الخاص بي: tmbisco(at)hotmail.com
ملحوظة: يهمني ما يكتب عني ممن اختلف معهم في الرأي .. اكثر ممن يتفقون معي في الراي على الاقل من يختلف معك في الراي يمنحك المزيد من الفرص لتقوم بها نفسك .. إذا فرضنا ما جاء به خاليا .. من اي ( سموم مدسوسة ) في ما هو دسم.
Post: #19 Title: Re: استفسار بسيط جدا .. وبسرعة جدا Author: موسى الحسين سيد أحمد Date: 12-08-2007, 09:11 AM Parent: #17
Quote: أنا قبل شوية كنت قاعد ( افطر ) وفي نفس الوقت فاتح لي بوست وقاعد اكتب لي في رد .. وفي نفس الوقت .. خاتي قدامي كباية الشاي .. وفي نفس الوقت بتذكر في حبيبتي ..
الأخ رقيب اول د/تمبس
انت كنت بتفطر فعلاً ولا بتعمل في حاجة تاني .
Post: #52 Title: Re: استفسار بسيط جدا .. وبسرعة جدا Author: tmbis Date: 12-09-2007, 10:58 AM Parent: #19
Quote: الأخ رقيب اول د/تمبس انت كنت بتفطر فعلاً ولا بتعمل في حاجة تاني .
.. يا موسى .. إنت نفس موسى بتاع يا حليل موسى داك ..؟ طيب كان دا ما إنت برضو يحليلك .. .. ياخي اقول ليك حاجة: انا نظامي كالاتي بالنسبة للطعام وكدا.. أنا باكل الكترونيا.. بمعنى تاني: ما بعرف افطر وانا بعيد من الكمبيوتر .. يوم الخميس والجمعة عادة بكون قاعد في البيت العطلة الرسمية بتاعتي .. يوم الخميس .. بصحى بعاين للكمبيوتر كدا من بعيد لي بعيد والعين التانية على التلاجة .. لاحظ دا في حال إني اصحى من تلقا نفسي .. لانو بعيد عنك في شخصية سغيلة جدا متخصصة فيني يوم الخميس .. اها في الأيام العادية غير الجمعات والعطلات الرسمية بتلقاني قاعد قدام الكمبيوتر وبمنجر .. لحدي ما الكمبيوتر زاتو اتعود على المسالة دي .. اقول ليك حاجة: حسع قاعد اضرب لي في شاي .. يعني عايزني اكل من سنامي واللا شنــو ..؟ بعدين بالنسبة لي إني باكل الكترونيا دي .. دي فيها مجال كويس إنو الواحد يبقى روبوت .. ( ما ربوت كنترول ) .. الربوت العادي دا .. يعني عادي المرة الجاية كان عزمتك في كافتريا قوقل تكون عامل حساب إنك احتمال تضرب ليك كم قيقا بايت عصير قصب .. على كم كيلو بايت بسبوسة .. ناس اليوتيوب شايفهم عاملين عرض عندهم طعمية اونلاين مبالغة
Post: #22 Title: Re: استفسار بسيط جدا .. وبسرعة جدا Author: Waly Eldin Elfakey Date: 12-08-2007, 09:14 AM Parent: #17
......
Post: #21 Title: Re: استفسار بسيط جدا .. وبسرعة جدا Author: محمد سنى دفع الله Date: 12-08-2007, 09:12 AM Parent: #15
متين رقوك رقيب اول وما دعيتنا للكرامة بعدين كلام ابوجهينة مليون صاح الجاب الحبيبة مع الفطور والشاي بي لبن وتعسيلة الصباح وفتح البوستات شنو ؟؟ قال حبيبة !! حبيبة بتاعت حنانك رقيب اول محبة هو في شنو ؟؟
Post: #45 Title: Re: استفسار بسيط جدا .. وبسرعة جدا Author: tmbis Date: 12-09-2007, 09:02 AM Parent: #15
يا ملاسي تعرف يا عمووو لو ما الاعترافات .. بي نقطتك دي كان اخليك تفتو هنا .. وأنا عارفك طريفي وزول نصيحة .. لكن شايلنك للتقيلة يا عموووو وما بتقصر . ..
وليد يا شفت: أيه اللي في أيه ..؟ واخد بالك . إنت تروح من هنا عدل ع. اللي اسمو ايه دا معرفش .. إذا ابلت اي واحد مي القماعة بتوعيكم وحب يعمل معاك اي حاقه كدا واللا كدا .. تقولو ع. طول أنا قاييلك من اسطى تمبس .. وبقولك هو بيصبح على الحبايب كمان .. وسمعني اجدع سلام .. بس بعدين ما تقوليش مكانش اصدي .. كدا انا ازعل منك اوي ...
Post: #43 Title: Re: استفسار بسيط جدا .. وبسرعة جدا Author: tmbis Date: 12-09-2007, 08:33 AM Parent: #12
Quote: غايتو تحليلي إنو إختلاط الباندويدث عندك و عند بكري عملوا Touch
.. والهل يا ريس بي صراحة الـ Touch حاصل من يوم الجمعة الصباح .. في زي سلكين كدا أن اشك انو فيهم خلل .. كدي نديها لحدي يوم الوقفه.. نشوف البيحصل شنـو .. يعني بي صراحة الواحد لحدي يوم الوقفة ح يعتمد ليك المسالة الالكترونية دي .. ونظام الكنترول بانيل .. لكن أول يوم في العيد حدي مع السلوك دي .. لحدي بعد الفطــور .. يا كمان غيرت ( سلوكـه ) وانسترت معانا يا كمان بنقلب ( كيمياء ) طوالي وندخل المعمل قالو البيبسي ح يزيدوهوا .. ما عارف ليه عندي احساس انو الخميرة برضو ح تروح في ستين داهية ـ أمبارح مشيت اجيب العشاء لقيت لي واحد ( سودانيز ) طابق ليهو كيس .. وفيهو كيسين خميرة .. قلت ليهو متين اصبحت هي حسع عليك الله ..؟؟ الناس يا ريس بجهزوا في العدة تقول لي سلوك يا ريس ..؟ دا نظام تمويه واللا شنــو؟؟
Post: #42 Title: Re: استفسار بسيط جدا .. وبسرعة جدا Author: tmbis Date: 12-09-2007, 07:32 AM Parent: #10
Quote: تامبا صباحاتك نور والله المنبر دا عايز ليهو كم نقطة بوليس وكشك بسط امن شامل
.. صباح الورد يا ابو اللمين .. ياخي نقطة بوليص شنـو..؟ والله يا اللمين في نوعية كدا عايزه مفاعل نووي عديل كدا .. تلم فيهم تشبك ليهم وصلة درب جلكوز من المفاعل النوووي دا .. يا المفاعل دا ضرب يا كمان ضرب ..
Quote: ضغطت على ايقونة الاضافة عمل صاين اوت !!
تعرف يا للمين الحركة دي بقت عادية .. خاصة وانو في نوعية كدا انا الظاهر لي بكري برمجة وعمل ليها اكواد مخصوصة .. اكواد عالية الحساسية .. عاملة زي اجراس الانذار .. يعني الواحد فيهم بعدما ينزل البوست بتحصل يهو عملية بتاعت احتراق ذاتي للبوست شفت احتراق ذاتي دي كيف ..؟ يعني البوست الرد الأول والتاني .. وببح .. ياخي انا لي كم يوم كدا في بوستات والله افتح عشان ارد .. وحيات الخوة فررر اللقى ليك الصفحة العجيبة ديك .. لكن طبعا اخوك اتعلم الحرفنة .. والغتاتة .. قبلما ارسل الرد بكون عملت منو كوبي على الجمب .. وحات خوتك حسع اي جهاز اكون قدامو .. تلقاهو مدرع مداخلات . انا خايف يوم اجيب لي ( طاقية كمبيوتر اللبسه ليك في راس رد تاني ) زي ما حصل معاي قبل كم يوم .. لكن ربك كريم ناس نوبي وود البشرى يكونو الوكت داك في سابع نومه..
Post: #20 Title: Re: استفسار بسيط جدا .. وبسرعة جدا Author: طلحة عبدالله Date: 12-08-2007, 09:11 AM Parent: #1
العزيز تمبس امبارح حصلت لى قصة زى بتاعتك الفرق كنت بشرب كبشتينو و بقرا فى بوست من البتقفل النفس المهم كنت عامل لى بوست اطلب فيه من بكرى انو يحذف لى بوست تانى انا عملتو و ما عاجبنى الحصل فى 5 دقايق البوست العاملو اتحذف و الطلبت حذفو لسة قاعد بعاين لى و مادى لى لسانو تفتكر اكون اتهكرت
Post: #30 Title: Re: استفسار بسيط جدا .. وبسرعة جدا Author: Rihab Khalifa Date: 12-08-2007, 11:56 AM Parent: #1
. . .
Post: #32 Title: Re: استفسار بسيط جدا .. وبسرعة جدا Author: أبو عبيدة البصاص Date: 12-08-2007, 01:50 PM Parent: #1
سعادتك
نخت النقط كيف من فوق لي تحت ولا من اليمين لي الشمال
مدخل للخروج : واحدين قالوا شفنا الشافه ما شفتوها ياخلاني
تمبس انت شاعر الاغنية دي قريبك ولا شنو ؟
البصاص
Post: #33 Title: Re: استفسار بسيط جدا .. وبسرعة جدا Author: abuguta Date: 12-08-2007, 02:01 PM Parent: #32
ياحبيب انا يوم السبت بكون اووووف
عشان كدا ما شفت حاجة
Post: #34 Title: Re: استفسار بسيط جدا .. وبسرعة جدا Author: mahmed alhassan Date: 12-08-2007, 02:23 PM Parent: #33
الاخ/ علاء بعد تفكيــك طلاسم البوست المحزوف مــررنا للتحية والســلام وكل سنـــة وأنت طيب
Post: #35 Title: Re: استفسار بسيط جدا .. وبسرعة جدا Author: حيدر حسن ميرغني Date: 12-08-2007, 03:32 PM Parent: #34
up
Post: #36 Title: Re: استفسار بسيط جدا .. وبسرعة جدا Author: Tragie Mustafa Date: 12-08-2007, 08:29 PM Parent: #35
يا تمبس كيفنك؟؟ وحياتك القول هو ما قاله حيدر انا رايقه وفايقه كده وبسمع في الاغنيه دي مع سند قررنا نهديها لك وجاء اسم البوست هكذا....
اهداء من (سند) لخالو(تمبس)...
Quote: عارف يا تمبس ما قدرت اكرهك ليه؟؟لانك بتشتبه المرحوم ياسين اخوي وياسين كان شاب ظريف ولطيف ومحبوب جدا واظنه هلالابي كمان. ولو بقدر اعمل اسكانر كان نزلت لك صوره.
المهم اتذكرناك حسه وهذه اغنيه بنحبها انا وسند وبنرقص عليها قام سند قال لي اهديها يا ماما لواحد من اصحابك الظراف قلت ليه مافي ظراف بنهديها لتمبس تمبس ده قالوا كان بتاع مزيكا وباسط الجماعه في المنبر قرش ونص..ونحن من جينا لا لقينا مزيكا ولا يحزنون نقه وبس..اها تعال نرجعه لعهد المزيكا.
ويا تمبس عليك الله شوف الطفل المصيبه ده رقاص ولذيذوني كيف؟؟؟
تخيل ان هذا بوست يحذفه بكري؟؟؟ عارف ليه؟؟؟ بكري اتغاظ مني لاني كتبت ليه كيف يارشف بوست اساسي بتاع اسخف زول...ومليان باذئه.واي يوم يتلقى بكري بوست نقدي معلن طوالي بينتقم هكذا بحذف عدد من بوستاتي وكأنه يحدد لنا ماهو الذي يرهق البندوث من عدمه يازول ده زول غريب وقريب حنفرتق منه. المهم تحياتي لك وكل عام وانت بخير.
Post: #37 Title: Re: استفسار بسيط جدا .. وبسرعة جدا Author: Tragie Mustafa Date: 12-08-2007, 08:35 PM Parent: #36
اها يا تمبس اوع تذوق وسند راجي هدية منك انكش الذاكره وورينا ما تعرفه عن عالم الاطفال ويا ريت لو عندك حاجات تخص العيد ولو بالعرب راضين برضوا.
Post: #38 Title: Re: استفسار بسيط جدا .. وبسرعة جدا Author: ابن الرشيد Date: 12-08-2007, 09:26 PM Parent: #1
Post: #39 Title: Re: استفسار بسيط جدا .. وبسرعة جدا Author: مصدق مصطفى حسين Date: 12-08-2007, 09:44 PM Parent: #1
تمبس
بس بس .. أنا عرفت ليك الحاصل شنو ... فطور + حبيبه ع البال + كباية شاى + فاتح بوست + رد فى بوست تانى ........... ياخ حاجاتك الكتيره دى نستنى أنا زاتى داير أقول شنو ! أصلو إنت .... و لا بلاش مشاكل ،
مشتاقين .
Post: #40 Title: Re: استفسار بسيط جدا .. وبسرعة جدا Author: Tragie Mustafa Date: 12-09-2007, 06:42 AM Parent: #39
شنو يا تمبس وين قاطع مويه ونور؟؟؟وعامل زوغبير؟؟؟ ما دخلنا لك البوست ده قبال 8 ساعات وانت ما رجعته لحسه؟؟؟ هو الحاصل شنو يا جماعه الهلال لاعب وين؟؟؟؟
Post: #41 Title: Re: استفسار بسيط جدا .. وبسرعة جدا Author: حاتم تاج السر المبارك Date: 12-09-2007, 07:13 AM Parent: #40
صباحتو بيوض وللكلام كلام و السكوت خير كلام فتك بعافية و اركز
Post: #44 Title: Re: استفسار بسيط جدا .. وبسرعة جدا Author: محمد أبوالعزائم أبوالريش Date: 12-09-2007, 08:52 AM Parent: #1
الرقيب اول ( د. تمبس )..
كيف السعادة
يا زول خلينا من نقطة ونقطتين بتاعتك دي .. وتعال ورينا حكايتك شنو؟ كل مرة يا ماشي تفطر .. يا قاعد تفطر .. يا بتظبط في الشاي .. يا نادوك للعشا ... ياخي عيد الضحية على الأبواب وإنت لسة رمضان قايم بيك.
خارج النص
والله إنت وتراجي ديل (أعسل) ناس .... خليكم كده طوالي
Post: #46 Title: Re: استفسار بسيط جدا .. وبسرعة جدا Author: محمد عبد الماجد الصايم Date: 12-09-2007, 09:43 AM Parent: #1
(تم تعديل (أحينا) بـ (أخينا) .. وشتان بين الكلمتان)
Post: #47 Title: Re: استفسار بسيط جدا .. وبسرعة جدا Author: ismeil abbas Date: 12-09-2007, 10:01 AM Parent: #1
يارقيب أول.. أجمع هتا.......
إنت يوم الجمعة إتغديت وين وبى شنو؟
وكان عندك صداع وبلعت 4حبات بندول إكسترا......
ده التحرى........
والسبب جمال الكمونية....بتاعة أم أحمد...........يسلم هاشم أحمد خلف الله وتلك الشلة الراقية.
مودتى........................
تخريمة:
ما ملاحظ إنو ألأيام دى ذكريات الزمن الجميل بدت تطفح فى راسك........
إسماعيل محمد احمد عباس..........
Post: #48 Title: Re: استفسار بسيط جدا .. وبسرعة جدا Author: تيسير عووضة Date: 12-09-2007, 10:02 AM Parent: #1
Quote: والهل
إنت لسه ..
Post: #50 Title: Re: استفسار بسيط جدا .. وبسرعة جدا Author: امير عوض الجمري Date: 12-09-2007, 10:30 AM Parent: #1
Quote: وفي نفس الوقت بتذكر في حبيبتي ..
دي اهم حاجة في كلامك ده كلو يا تامبا
سيبك من الباقي ..
قال بوست قال ..
بوست بتاع قلبك!!
Post: #51 Title: Re: استفسار بسيط جدا .. وبسرعة جدا Author: محمود بكر Date: 12-09-2007, 10:47 AM Parent: #1
الفاضل تمبس
موضوع البوست الطشى تراجي جابت ليك خبره
لكن انا مع حكاية الحبيبة في الصباح ومع الفطور وفي المكتب دي
اولا صحي عندك حبيبة؟ دي للتوثيق
لاننا لم نسمع مثل هذا الاعلان من قبل نفرض فرضا انها موجودة تذكرها في الصباح دي ليها وقفة اولا انت مفروض ما تنساها عشان تتذكرها
ثانيا تذكرت طرفة
كنا في الصباح في طريقنا للعمل وباص الثورة بالشنقيطي مستف للاخر واحد قام يترنم باغنية للجابري عمك عجوز قال ليه (يا ولدي الجابري ده بسمعوه اخر الليل) لك ودي
Post: #53 Title: Re: استفسار بسيط جدا .. وبسرعة جدا Author: smart_ana2001 Date: 12-09-2007, 11:36 AM Parent: #51
الرقيب اول المحامى القبطان( د. تمبس ).. الحمد لله على السلامه...اهو انت عرفت سر البوست اللممسوح..و ما يتمسح ليك تانى بوست فى بورد (قول أّّّمييين)
Quote: مرات كدا إنت زاتك بتحيرينا وبتخلي الواحد ينقط صف من النقاط .. ياخي حسع الزول الفي الصورة دا منــو .. يا اسمارت الله يرضى عليك ..؟ المرة الفاتت بعد تلتلة قدرت اللقط الصور بتاعت كاثرين .. وفنسنت ـ حسع عايزه تاني تخلينا نمشي نشوف الزول دا من ناس وين..؟ ورينا الحاصل وخلينا في الصورة ياسمارت .. يعني الواحد تبقى عليهو اتنين .. صورة ما عارفه وبوست محذوف.. ؟
هسى عليك الله صوره فنسنت و كاثرين ديك كانت عاوزه ليها تلتله ؟؟؟ و هلى يخفى القمر ؟؟؟ الصوره الجديده لزول فى مسلسل جديد ( ليه حوالى 3 سنين ). و عشان الهديه اللى راحت عليك ..هاك دى هديه( منى انا) بعض المشاهد من المسلسل.
ان شاء الله ما تكون اندهشت ...ايوه.... بطل المسلسل طبيب شاطر جدا و لكن( على غير العاده ) زول ما عندو اخلاق و لا حتى ضمير
Post: #55 Title: Re: استفسار بسيط جدا .. وبسرعة جدا Author: خالد علي محجوب المنسي Date: 12-09-2007, 12:33 PM Parent: #53
......... ......... .........
كيف جمعتهم فطور وشاي وحبيبة وكمان بتكتب في رد ( كيف بي أضانك ) الكل مشغول اليدين والفم الاسنان اللسان البطن القلب والعقل .. القلب يحن العقل يفكر في مكيدة
تحياتي تمبس
Post: #56 Title: Re: استفسار بسيط جدا .. وبسرعة جدا Author: Fadl Karrar Date: 12-09-2007, 12:49 PM Parent: #55
تمبس سلام
Quote: استفسار بسيط جدا .. وبسرعة جدا
عملت لي شنو في الموضوع؟؟؟؟؟؟؟
Post: #57 Title: Re: استفسار بسيط جدا .. وبسرعة جدا Author: Tragie Mustafa Date: 12-09-2007, 03:20 PM Parent: #56
شفتوا المحنه؟؟؟ وهرب تمبس من البوست!!
تمبس لم يصدق كل الحب الذي حملناه له!! تمبس كأنه كان مبسوط بمعاركه الهوميه الخالقه هنا وكان قايل بقطامته ولماضته قدر ينجح في اقناعنا بانه شرير تفجأ بان تراجي بتقول له اطلع منها يا ولد انا عارفك زول طيب
Quote: خارج النص
والله إنت وتراجي ديل (أعسل) ناس .... خليكم كده طوالي
ابو الريش تحيتي لك وشكرا لمروك
تمبس مصر الا يرى ذلك وحزين انني احبطت وقطعت له في راسه كل خططه الشريريه للعام الجديد ويا تمبس لازلنا بنتظارك وما تنسى مش براي معاي (سند) المنتظر يشوف ( الراجل البشبه خالو ياسين) ده غطس وين؟
كل عام وجميعكم بخير.
Post: #58 Title: Re: استفسار بسيط جدا .. وبسرعة جدا Author: tmbis Date: 12-09-2007, 03:46 PM Parent: #57
Quote: شفتوا المحنه؟؟؟ وهرب تمبس من البوست!!
..
Quote: تمبس لم يصدق كل الحب الذي حملناه له!! تمبس كأنه كان مبسوط بمعاركه الهوميه الخالقه هنا وكان قايل بقطامته ولماضته قدر ينجح في اقناعنا بانه شرير تفجأ بان تراجي بتقول له اطلع منها يا ولد انا عارفك زول طيب
يا تراجي يا وهم .. بطلي حركات الجــلابة دي .. البوست دا لامي ناس حلوين وبحبهم كلهم واحد واحد حتى إنت يا الشترا من ضمنهم.. وحتى الناس القرو البوست دا من بره .. ويكون في علمك فعلا انا شاعر بي نفسي بقيت طيب الأيامات دي اكتر من شخص اتصلو علي بخصوص البوست دا ... بالجد، ما هربت منو لكن ما قادر احك راسي .. جيت داخل البيت حسع دي من الشغل .. غيرت هدومي وحسع دي طالع .. بعد الرد دا طوالي عشان كدا ما تعملي فوضى خليني اجيك راجع .. انا زول ليل شغال بي توقيت قوى الظلام .. ناس كوستاوي وناس استيف وباقي الأمريكان ديل بطلي حركات الجلابــة دي .. وما تجوطي البوست دا لحدي ما اجيك.
Post: #59 Title: Re: استفسار بسيط جدا .. وبسرعة جدا Author: Waly Eldin Elfakey Date: 12-09-2007, 05:56 PM Parent: #58
هو الواحد هسع يصدق شنو ولا شنو نقوم نصدق يجو يقطعوها لينا في راسنا نقوم ما نصدق ........
Post: #60 Title: Re: استفسار بسيط جدا .. وبسرعة جدا Author: Tragie Mustafa Date: 12-11-2007, 05:31 AM Parent: #59
منتظرنك يا وهم تقول لي مشغول وانت فاضي من الشكل مع ناس بريش؟؟
و هلى يخفى القمر ؟؟؟