Post: #1
Title: كسـّار قلم جيليان
Author: Ashraf el-Halabi
Date: 12-02-2007, 07:39 PM
Parent: #0
حيوه معي سعادة المشير
فالرجل أثبت أنه يستأهل هذا اللقب عن استحقاق
|
Post: #2
Title: Re: كسـّار قلم جيليان
Author: نصار
Date: 12-02-2007, 07:42 PM
Parent: #1
حرامي... اقصد حامي بيضة الاسلام
|
Post: #3
Title: Re: كسـّار قلم جيليان
Author: Ashraf el-Halabi
Date: 12-02-2007, 07:44 PM
Parent: #1
قد يقول قائل من ضعاف البصر والبصيرة "باستضافته لأكبر قوة في تاريخ الأمم المتحد من القوات الدولية كان الأصوب أن نلقبه بـ (عشا الخواجات) أو (ديوان الـ UN)!!"
لكن نقول لأصحاب تلك النظرة هذه نظرة ضحلة ولا تنفذ إلى جوهر الأشياء
فالرجل جينياً ورث ما يجعله يقلب الطاولة على الجميع
فلا تستعجلوا الأحكام وإن لاحت الصورة عكس ذلك، فلا شك بعد ذاك القسم المغلظ أنه محيي سُنّه المتمة
|
Post: #4
Title: Re: كسـّار قلم جيليان
Author: نصار
Date: 12-02-2007, 07:45 PM
Parent: #1
الشي اصله بقي ورل عشان تقول عليهو حرامي بيض..
lool
|
Post: #5
Title: Re: كسـّار قلم جيليان
Author: Ashraf el-Halabi
Date: 12-02-2007, 07:55 PM
Parent: #4
سامحك الله يا أخي
الرجل ما زال يسكن في بيت الحكومة وتصفه بالحرامي!!
آآآي فترة حكمه تعتبر أزهى فترات السرقة والفساد في دولة على وجه البسيطة
ولاّ يعني عشان هو الحاكم باسم الله!!
يا أخي حتى مجتمع المدينة أيام الخلافة الراشدة لم يخل من الفاسدين
فشنو يعني لما يكون في فساد في حكومة متمسكة بإعلاء كلمة الله!!
مالكم، كيف تحكمون!؟
|
Post: #6
Title: Re: كسـّار قلم جيليان
Author: Ashraf el-Halabi
Date: 12-02-2007, 08:08 PM
Parent: #4
| Quote: الشي اصله بقي ورل عشان تقول عليهو حرامي بيض.. |
أقول ليهو "إعلاء كلمة الله" يقول لي ورل وبيض!! 
يا نصار ما تبهت الورلّة ساكت
الورل رضع الغنم بس أمشوا كوسوا السرق البيض منو!!
|
Post: #7
Title: Re: كسـّار قلم جيليان
Author: Ashraf el-Halabi
Date: 12-03-2007, 09:22 AM
Parent: #1
هسة الكتاب دي فرقها شنو من عمود الزول صاحب جني المشتهي يعضيهو في راسو؟
عيبوها لي!!
|
Post: #11
Title: Re: كسـّار قلم جيليان
Author: نصار
Date: 12-03-2007, 09:26 PM
Parent: #7
| Quote: هسة الكتاب دي فرقها شنو من عمود الزول صاحب جني المشتهي يعضيهو في راسو؟ |
ايش جاب لجاب يا اشرف بيه.. ذاك مجد لن ندركه
فهلا استطعت الصعود الي الهاوية و اتخاذ ذلك هواية..
انت قايل جني عقل البساهل فادرك موقع العض كما ادرك الشاعر العباسي موضع السجدة في الشعر و قال للشيخ ني ادرك ما قلت و انت تدركها في القرءان.. الحكاية ما ساهلة و من ربطت سيرته بجني يقول عن نفسه انه طاعم و لا ادر ان كان كاسيا او انه ككتاباته نسأل الله السلامة و نشيح بوجهنا تعففا..
|
Post: #12
Title: Re: كسـّار قلم جيليان
Author: Ashraf el-Halabi
Date: 12-04-2007, 00:01 AM
Parent: #11
عزيزي نصار
ياخي ود الباوقة وشخصي الضعيف أبلينا بلاءاً لا يقل عن (البلا) الدواهو عضة لكن يبدو فعلاً أن زامر الحي لا يطرب ولا كرامة لنبي بين قومه و.. إلخ.
ــــــ
حكاية الشاعر العباسي دي جبتها من وين!؟ ما مرت علي قبل كدا!!
كدي أديني فكرة
|
Post: #8
Title: Re: كسـّار قلم جيليان
Author: Ashraf el-Halabi
Date: 12-03-2007, 09:57 AM
Parent: #1
وتتوالى الألقاب
كسّـار سجن جيليان
ولا عزاء للمتظاهرين
|
Post: #10
Title: Re: كسـّار قلم جيليان
Author: Ashraf el-Halabi
Date: 12-03-2007, 07:45 PM
Parent: #1
طبعاً أبو مدية دا بعد العفو بكون أداها صنّة!!
لو كنت مكانك يا أبا مدية كنت أديها سَنّة (المدية) وأوقفت أقرب تاكسي آمراً السائق "القصر الجمهوري بلااااي"
|
Post: #13
Title: Re: كسـّار قلم جيليان
Author: نصار
Date: 12-04-2007, 02:33 AM
Parent: #1
Quote: حكاية الشاعر العباسي دي جبتها من وين!؟ ما مرت علي قبل كدا!!
كدي أديني فكرة |
يجازي محنك يا اشرف
مخصوص عمم و صف الشاعر عشان ما اتقبض, طبعا اقبلها من ذاكرة تعاقر في المنافي منذ نيف و عشرون عاما بين الاعاجم و البكمlool
تبقي بين ثقوب الذاكرة ان شاعرا اظنه الفرزدق و ان لم يكنه فهو غريمه جرير.. واحد منهم القي عليه شيخ متدين ابيات شعر فسجد الشاعر و بعد اعتداله قال للشيخ اني اعرف موضع السجود في الشعر كما تعلمه انت في القرآن.. خلي دي تصبيرة لمان اجيب ليك الاكيدة..
الكلام دا عالق في ذهني مع مقولة خالد بن الوليد لمان قدم احد جنوده ليصلي بالناس -لقد اضاع علينا الجهاد كثير من حفظ القرآن- ...
|
Post: #14
Title: Re: كسـّار قلم جيليان
Author: حيدر حسن ميرغني
Date: 12-04-2007, 03:15 AM
Parent: #13
اشرف
سلامات
الظاهر إنو الهرشة بدأت من عند سفير السودان فى لندن،
شوفو هنا بعد ما خرج من وزارة الخارجية البريطانية التى استدعته لتوجيه رسالة لحكومة السجم دي
شكلوا كده سمع ليهو كلام ما راكب عدلو ..
|
Post: #16
Title: Re: كسـّار قلم جيليان
Author: Ashraf el-Halabi
Date: 12-04-2007, 08:32 PM
Parent: #14
حيدر سلامات
Quote: الظاهر إنو الهرشة بدأت من عند سفير السودان فى لندن،
شوفو هنا بعد ما خرج من وزارة الخارجية البريطانية التى استدعته لتوجيه رسالة لحكومة السجم دي
شكلوا كده سمع ليهو كلام ما راكب عدلو .. |
تخيل المسألة ما كان فيها أي هرشات!!
لكن حسب البي بي سي كان فيها الأكعب من الهرشة:
| Quote: قال الناطق باسم الخارجية أن أولى الموضوعات التي ستطرح على السفير السوداني ستكون "ما هي الأسباب المنطقية التي أدت لإدانة المعلمة!؟" |
فتأمل!!
يعني لما لما يقولوا ليك فسر لينا تصرف زي دا حسب المنطق زي لمن يقولوا ليك أقسم لينا 38 على 7 من غير تقريب
ياخ دي أخير منها يدوك كفين
هسة سعادتو يكون جاتو عقدة من كلمة (منطق)!!
|
Post: #15
Title: Re: كسـّار قلم جيليان
Author: Ashraf el-Halabi
Date: 12-04-2007, 07:53 PM
Parent: #13
يا نصار نصيبتك دي قدر ما حاولت أقوقلا حلفت
لو لميت فيها قول لي عوك
|
Post: #17
Title: Re: كسـّار قلم جيليان
Author: نصار
Date: 12-05-2007, 00:07 AM
Parent: #1
القصة شكلها شغلتك شغلة شديد خالص
انا مزنوق و زانق القوقل معاي في بلاوي ناشفة
عضم.. ان لقيت لي فرقة بجي اشلوح معاك يا قدرنا علي القوقل يا قدر علينا...
|
Post: #19
Title: Re: كسـّار قلم جيليان
Author: Ashraf el-Halabi
Date: 12-05-2007, 08:44 PM
Parent: #18
| Quote: وَجَلا السّيُولُ عَن الْطّلولِ كأنّه *** زبُرٌ تُجِدَّ مُتُونَها أقْلامُها |
الشرح:| Quote: جلا : كشف ، يجلو جلاء ، وجلوت العروس جلوة من ذلك ، وجلوت السيف جلاء صقلته ، منه أيضا ، السيول : جمع سيل مثل بيت بيوت ، شيخ وشيوخ ، الطلول : جمع الطلل ، الزبر : جمع زبور وهو الكتاب ، والزبر الكتابة ، والزبور فعول بمعنى المفعول بمنزلة الركوب والحلوب بمعنى المركوب والمحلوب ، الإجداد والتجديد واحد يقول : وكشفت السيول عن أطلال الديار فأظهرتها بعد ستر التراب إياها ، فكأن الديار كتب تجدد الأقلام كتابتها .. فشبه الشاعر كشف السيول عن الأطلال التي غطاها التراب بتجديد الكتاب سطور الكتاب الدارس ، وظهور الأطلال بعد دروسها بظهور السطور بعد دروسها ، وأقلام مضافة إلى ضمير زبر ، وأسم كان ضمير الطلول |
عمك طلع ما براهو يا نصار!
|
Post: #20
Title: Re: كسـّار قلم جيليان
Author: نصار
Date: 12-05-2007, 09:52 PM
Parent: #1
حمد الله سلامة يا اشرف
ما دام ربنا فرجه عليك في حضرة البشير او في رحابه يبقي فالو عليك كويس تتفائل بيهو و تعلقو حرز في اي مكان و فالك طيب.. اي نعم هو زول شوم و رموم لك اتخذة كحدوة حصان lool. زي جماعتنا ديل بيتفاؤل بالزول البنضف مداخن العمارات, بكون ملتخ بالسكن و عوالق الدخان بجي يلمسوهوا عشان ياخدوا السواد العلي جسمه و هدوموا و يمسحوا بيهو ما تيسر من اجسامهم.. اليومين ديل جوائز اليانصيب وصلت ارقام قياسية و عمال المداخن وقعوا في قضب الله... لو كانوا طالبوا برسوم علي اللمسة كانوا غنوا... اها نواصل ونسة علي الاقل يكون الرئيس نفع في شي في حياته.. تاني اجيب ليك مصيبة تحتاج القوقله.. قال ليك جرير علي ما اعتقد برضو.. في قمة صراعة التفاخري بالانسان و الامجاد اراد ان يري احد اهل العلم في اللغة و الشعر مدي قدراته و مخيلته الشعرة.. اخد الزول لبيته و مشبيهو لزريبة البهايم.. ابو الشاعر ظاهر عليه التخلف العقي و عليهو ملابس الغنم لابسة احسن و انضف منو lool. التفت جرير للراوي و سأله ماذا تقول عن شاعريتي التي فاخرت بها العرب بهذا الاب.. طبعا الصياغة بتصرف لمان غلط.. كلما اقرا او اسمع من يدافع عن الانقاذ اتذكر الحادثة دي.. يا ريت اخونا محمد ابو جودة يظهر لانه زول من السالكين في درب عبد الله الطيب جزل و يولف بين الفصحة و الدارجية بسلاسة و عذوبة و لهو اسلوب في الاستشهاد,, حتي لو انه اورد من ذلك ما نعرف يخيل لنا انه انا ابدع في حينه.....
صبيتك موش?? lool
|
Post: #21
Title: Re: كسـّار قلم جيليان
Author: Ashraf el-Halabi
Date: 12-05-2007, 10:20 PM
Parent: #20
ياخي أنا لاقيك وين
عارف يا نصار لنكك الفات دا أخد مني يوم أمس كله، دخلني في دروب وزقاقات محببه ولي منها زمن
باقي أخوك عندو غرام مع قصص الشعر الزي دي.
كدي نسق مع أبو جودة وشوفوا لينا بوست بالخصوص
على الأقل تمرقونا من معاقرة محن ناس البشير ديل
حكاية عمال المداخن والتبرك بيهم دا مالو بشبه تبركنا في الشرق بالدراويش!؟
الإتنين فقرا !!
ولا يكون نوع إرضاء الذات بالاعتذار عن التفوق الطبقي!!
ياخ إبن آدم دا عجيب!!
|
Post: #22
Title: Re: كسـّار قلم جيليان
Author: نصار
Date: 12-05-2007, 10:56 PM
Parent: #1
لا البشير بكون حاضر في كل احوال
لكن نزركشو بيجاي و بجاي من باب الترويح علي
النفس,, اتخيلو زي النخلة الحمقاء واقف في طرقنا
لا ظل و لا ثمر...
ود اب جودة الله يظهرو بس....
|
|
