عمر بخيت..... لو نويت القشة ما تعتر ليك

لم يعجبني شكل عمر بخيت و شروده الذهني لحظة التتويج
الكل فرحان
البرنس وعلاء الدين بصمة وحمودة والمعز و رتشارد و كرنقو وجوليت ومساوي ومعتز وعلاء جبريل
وكل الأجانب كانو في غاية الفرح في تلك اللحظات الخالدة الا عمر بخيت
كان مهموما وشاردا وهو في منصة التتويج
ولم يستجيب لكل محاولات علاء الدين و مساوي لاشراكه في الفرحة...

هل لموضوع (ولدنا) علاقة بتلك الحالة؟؟؟
أتكون تلك الايادي الطويلة أمتدت(عن جهالة مزدوجة من عمر ومنهم)نحوه
ولو فكرت مجرد فكرة في الذهاب للمريخ أو الضغط علي الهلال نقول ليك القشة ما تعتر ليك....
أذهب فأنت من الطلقاء....
ولا خاسر سواك

صديقي القرضابي:

لاحظت ذلك فعلا....من اهم اساليب ناس المريخ في المباريات والتي قرأناعنها في صحيفتهم الصدأ وفهمنا انها التركيز علي اهم لاعب واغراءه بأن يتم تسجيله للمريخ لقاء مبلغ خرافي لايمكن رفضه ويتم تسليمه عربون ضخم لتأكيد الشغلة...ثم يبدأ الشغل الاعلامي المصاحب من شاكلة ولدنا ..والكاش البيقلل النقاش
بدأت المحاولات مع قودوين سابقا..المعز في المباراة الفاتت
حاول المريخ تسجيل سيد معوض من الاسماعيلية وكذلك محمد فضل
نجوم دولفين و
كوارا
الصفاقصي مع النفطي وسمعنا ان المبلغ وصل مليونين ونصف دولار وذلك قبل المباراة

ثم يتم التطنيش ونسيان الامر بعد المباراة المهم هو تشتيت الذهن خلال المباراة وقد اثبتت هذه الفكرة فشلها الكبير

لذا لا استبعد ممارسة الفكرة مع عمر بخيت خاصة وانه يعتبر اهم لاعب الان

ولكن اذا لم يتعظ من تجربة طمبل فهو سيكون الخاسر الاول اذا فكر مجرد التفكير ولكن استبعد ذلك..

تحياتي

العزيز دكتور ياسر
الهلال أكبر من الجميع وان يتأثر بغياب أحد
سألت عمر بخيت عن الموضوع اثناء تواجده الاخير بالامارات ولمست منه فتورا تجاه الهلال
ليس مثل علاء الدين جبريل الذي هب ثائرا عندما أخبرت عمر بخيت انني سأكتب تحت صورته (ولدنا)
وفال لي يا زول أنتا دخيل ولا شنو؟؟
عرفت أن الهلال بخير طالما هناك لعيبة تحبه أكثر من المشجعين
فليذهب من يذهب
ويبقي الهلال

الملاحظة فى محلها والحاضرين علقوا

يعنى بصراحة ماكان فى اى ملامح فرح

وكان فى حالة شرود ذهنى واضح

ربنا يكضب الشينة

المحيرنى وعامل لى قلق لو مسالة عمر بخيت والمعز نجحت ومشو المريخ

ضيف ليهم خريجى ومفصولى الهلال التلاتة الكانو لاعبين مجاهد وطمبل وطيارة

ومعاهم خمسة من المحترفين البلقطوهم السماسرة

يعنى الموسم الجاى نحن نشجع الهلال والوصيف ولا شنو

لأنى واقولها بصراحة لم استطيع تكوين شعور عدائى ضد اولادنا التلاتة فى المريخ

بل اتعاطف احيانا مع صالح سنار وخالد دنقلا وكل اولادناالخريجين

وافتونا

Quote: أتكون تلك الايادي الطويلة أمتدت(عن جهالة مزدوجة من عمر ومنهم)نحوه

تحياتي اولا
ياتري لما انت تغير مكان عملك من شركة ل شركة اخري مستفيد من مزايا راتب واشياء اخري يعتبر جهل.....لعب كرة القدم احتراف مهني بالدرجة الاولي واستثمار لموهبه لاعبين كبار انتقلوا لانديه كبيره خليك من مريخ وهلال.....علما بان ل عمر بخيت اخويين لعبا لانديه القمه ادريس الجريف وحمد وسجم رمادهم ما عندهم واحسن ليهو يشوفوا رزقوا وين؟؟؟؟
لم يستفيد المريخ من هيثم طمبل شيئا بل هيثم استفاد قروش تسجيل من الهلال ثم من فريق جنوب افريقي ثم مليار من المريخ سنه سنتين ويقعد في البيت ويكون استثمر صاح.....

الجهالة التي أتحدث عنها باللوائح
ولا اتحدث عن ثقافة الاحتراف
فمن حق كل لاعب أن يبحث عن الوضع الأفضل له
خاصة لو كان من الفاقد التربوي الذي تحدث عنه شداد
أنا أتحدث عن الجهل باللائحة التي لا تجيز انتقال عمر بخيت للمريخ
لكن في ظل وجود المسلكاتية في الاتحاد كل شي جايز

القرضابي

الهلال ما واقف علي عمر بخيت ولا اي لاعب غيرو

اي لاعب كورة مهما كبر حجمه وزادت اهميته وبقي مقطع الكورة ومنقطها....ما بيكبر علي الهلال...حتي لو البرنس ولا المعز ولا جكسا زاتو

الما داير..... ببساطة شديدة جدا يفرتق

وبهدؤ بدون جوطة وكواريك وجرايد وشكل

بنمشي نلقط الشفع ديل من ميادين بحري وامدرمان والليق وبنجيبهم نعلمهم الكورة ونغلب بيهم المريخ تاااااني....كالعادة

عمر بخيت

لو داير المريخ

يشتت طوالي

دربو اخخخخخخدر

قشه ما تعتر ليه

الباب يفوت فيل مرفوع في بطاح 18 قدم

لكن زي ما قلت ناس المريخ بقيادة حسن عبد السلام و مزمل بعد ما الكورة العديلة غلبتهم بقي يلعبوا بي تحت تحت
مزمل يبدأ الموضوع في الجريدة

والباقي علي السماسرة

لكن برضو ما بحلهم.........

الهلال ما عمر بخيت ولا عمر فاروق

الهلال 30 مليون سوداني.......خلي الوالي يمشي يشتريهم كلهم!!!!!

قال صفوة قال

ياخ فكونا بلا لمة

الاخ عمر التوم
تحياتي
من يقنع الوالي بأن الهلال لا يفوز علي المريخ بنجومه
الهلال كيان وانتماء
ولا مكان لمن ليس له انتماء
وانا لو كنت المسؤل حا أبيع اللاعب للمريخ لو وقفت اللائحة عقبة في طريق الانتقال

اولا : التحية للجميع والف مبروكين
ثانيا : الهلال سجل لاعب من المريخ بعدما استلم حافز التسجيل واشترى سيارة وعزم اللعيبة في جبل اولياء دهـ عشان يمكن تكونوا ناسين

فمن حق المريخ ان يسجل اي لاعب من الهلال ممكن يفيد المريخ
فما تقعدوا تجقلبوا

وبالمناسبة
في تلاتة تانين كمان والبادىء اظلم

تحياتي

Quote: وبالمناسبة في تلاتة تانين كمان والبادىء اظلم

الحبيب عمر : اولا سلامات و تحايا و عبرك لاخواني عماد و عصام
الكل لاحظ ذلك و لكن عمر بخيت للذين يعرفون طباعه خجول وهادئ لو لاحظت حتي في طريقة لعبه رغم انه خانته في الملعب تتطلب الاحتكاك و الكلام الكتير مع الحكام لكن عمر طبعه لا يتحدث كثيرا و الحاجة المهمة انه تحوير كل قوانين الدنيا لا تسمح له بالانتقال للمريخ الا في ديسمبر 2010 عشان كده اطمئن خالص اما اذا كان عايز يمشي و جاهر بالكلام ده مفروض الهلال يشطبوا و يقول ليه مع السلامة الهلال مسيرته لاتتوقف مهما كان وزن اللاعب

كلنا شاهدناه ولاحظنا عدم تفاعله

خليوه يمشى,,,ربنا يسهل عليه,,,

مافى زول مشى المريخ بلعب ضد الهلال بقلب قوى
على عكس المريخاب البجو الهلال,,,شوف علاء الدين يوسف
ممكن يغلب المريخ لوحدة,,

لكن كل مشاطيب الهلال ما بقدرو يعلعبو ضد باستماتة

لو هنالك ناس قريبين من عمر بخيت ينصحوه
الولد دا داير يدمر نفسو .ززشفو هيثم طمبل بلعب خجلان خجلان

تمنياتى له بالاستمرارية فى الهلال

Quote: اولا : التحية للجميع والف مبروكين ثانيا : الهلال سجل لاعب من المريخ بعدما استلم حافز التسجيل واشترى سيارة وعزم اللعيبة في جبل اولياء دهـ عشان يمكن تكونوا ناسين فمن حق المريخ ان يسجل اي لاعب من الهلال ممكن يفيد المريخ فما تقعدوا تجقلبوا وبالمناسبة في تلاتة تانين كمان والبادىء اظلم

طبعا حلالا" عليهم وحراما" علينا

ستشربون من نفس الكأس يا حبايب

على عثمان


انتو الا تغيرو الاسم

يعنى تسجلو الهلال ذاتو باسمو

المشكلة مش فى اللعيبة,,,المشكلة فى الفنلة

قال فى واحدين تانين,,,


هههها هههها ههههاا

Quote: وماذا عن عمر بخيت ؟؟ عقد عمر بخيت مع الهلال لايحتاج الى تجديد لانه غير منتهى واذا اراد الاتحاد العام ان يطبق عليه المادة 28 من اللائحة فاننى اتحدى ان يطبقها عليه اقول ذلك من منطلق ان العقد شريعة بينى وبين اللاعب واذا كان مجدى شمس الدين او اىة جهة تعمل على نقل لاعب من الهلال للمريخ يجب ان يتم ذلك وفقا للقواعد العامه فانتقالات اللاعبين تحكمها القواعد العامه وان اللوائح منظمة لما ورد فى القواعد العامه وهى ليست تشريعا لان التشريع يأتى عن طريق الجمعية العمومية فلايمكن ان تكون هناك قواعد عامه تنظم الانتقال وتكون هناك ايضا لوائح من الداخل تلغى هذه القواعد لا اقول هذا الكلام لمصلحة الهلال ولكن من مبدأ ان الذين يريدون مصلحة المريخ عليهم ايضا بالعودة لهذا المبدأ وانا غير خائف وغير متردد وان هذا الكلام ماسيحصل !! وفى هذه الجزئية اقول لك ان الكلام الذى كتبته فى عمودك كان رواية خاطئة فانا قلت فى اللقاء الجماهيرى البيدفع للاعبنا اكثر مما سندفع له ولم اقل العندو قروش اكثر منا هذا الكلام يفرق كثيرا لان ماكتبته انت فيه استفزاز وغرور لايصدر منى ولم اتحدث من قبل عن اموالى او اموال الهلال لكن اتكلم عن قدرة الهلال واذا لم يستطع الهلال ان يوفر للاعب المبلغ المعروض عليه فساوافق على انتقاله وهذه حصلت مع طمبل وقلت له انا مابدفع لك وعندى 27 لاعبا غيرك ** ولكن هذه اللائحة التى ترفضها تم تطبيقها على اخرين ؟؟ هذه دعوة لشداد ان يطبقها والفيفا التى يتباهى بعلاقاته معها ساعرف كيف اذهب اليهاودعوة للمريخ او غيره ان يطبق هذه المادة حتى اعرف شداد ( تلت التلاتة كم ) !!

الريس صلاح إدريس
هنــــــــا
http://goansport.net/article/id/2865

سلامات يا ALGARADABI

رغم قناعتي بأن الفقرة الخاصة بفسخ العقود لا تنطبق على عمر بخيت؛ إلا
أني مع حرية اللاعب في السعي لتأمين مستقبله عن طريق تسويق موهبته.
عمر بخيت أخلص لشعار الهلال منذ انضمامه له في ديسمبر 2002 "أي أنه
أسهم مع زملاءه في المتواليات الخمس".

مرحبا به قائدا للهلال إن بقي، وشكرا له على مجهوده المقدر وإسهامه
الفاعل في خلق شكل مميز لفريق الهلال مع زملاءه اللاعبين.

Quote: من حق المريخ ان يسجل اي لاعب من الهلال ممكن يفيد المريخ

ده كلام صاح

Quote: فليذهب من يذهب ويبقي الهلال

وده برضو كلام صاح.

يا شباب انتو بنيتو وجهة نظركم علي (عبوس ) او عدم تفاعل اللاعب مع فرحة الكأس ، اسع يمكن الزول ده عندو ظرف ما

اسري مثلا... بعدين هو لو ماشي للمريخ البخلي ما يفرح شنو ؟ يعني اذا كان ح يلعب مع المريخ بعد نهاية الموسم ، فهذا لا ينفي انتمائه لهذا الانجاز....


لكن بصراحة شديدة انا لو في محلوا بسعي لتسويق نفسي لاي فريق ، لان هذه مهنة قصيرة الاجل .... من حقه -كما قال قبلي اخرون- من حقه تسويق نفسه خاصة انه يشهد قمة تالقه هذه الايام ...



عمر بخيت اذا بقيت في الهلال ، فهذا ما نحبه

واذا ذهبت الي المريخ ، فشكرا لك علي ما قدمته للهلال .....