يا اخوانا ناس المريخ ديل طردوني

تم منعي من رؤية منتدي محبي المريخ والكتابة فيه بالرغم من اني عضو في ذلك المنتدي اكثر من عامان ورغم انه مشاركاتي محدودة الا ان ذلك سببا غير مقنع للطرد
فؤجت وانا ادخل امس بعد مباراة المريخ اني محظور
مع العلم باني اكتب هناك بنفس اسمي اساسي

يا اساى

الحركه دى عادى بتحصل لينا
بس كرر المحاوله وبيفتح معاك البورد

والله يا محمد زعلت قمت رسلت للادمن ما رد علي
المشكلة اني دخلت من البيت والمكتب وكررت اكتر من عشرين مرة
اخوك اتقطع معاهو ناشف وبقي مشروع رشاشة تحت الاستقطاب

ما تبقى ثقيل كده ياخ....

دي اسمها ينتهي العزاء بانتهاء مراسم الدفن...


لكن باسلوب مريخابي شويه كده

ياخ انت جلدكـ تخين
هو راكوبتكم مفروض يقفلوهوا عشان الثلاثية تقول لي موقعكم العندو يرقان ده

تعرف يوم الكورة سجلت في موقع الهلال عشان أشوف ردود الأفعال في أقل من ثلاث دقائق و دخلت المنتدي و حاولت أعمل نفس الشيء في منتدي المريخ و الي الآن لم يتكرم آحد بتشغيل الحساب يبدو أنو الجماعة لسع آثار صاروخ كرنقو مازالت باقية



الله يجازيك يا كرنقو كرهتنا المنتديات زاتو ....

Quote: و حاولت أعمل نفس الشيء في منتدي المريخ و الي الآن لم يتكرم آحد بتشغيل الحساب

يا خالد

فى شروط مطروحه فى منتدى المريخ للهلالابى البيطلب تفعيل
عضويته معانا
عليك الرجوع وقراءتها وتنفيزها ومن ثم سيفعل حسابك .. سمح

أساسي الأساسي ..
حبي وتقديري ..

زي ما قاليك الأخ محمد علي
كثيرا ما يحدث معنا ذلك
ولكن بحكم وجودنا بالسودان
بسرعة نعمل تلفون لأحد المشرفين
ويزيل العطل التقني ..
وكثير من الأعضاء يشكون من هذا الأمر
وحين تكرر تم طرحه للنقاش فعرفنا
أن هناك محاولات قبيحة لتهكير المنتدى
تتم بين وقت وآخر ..
فشلت في منتدى محبي المريخ
ولكنها نجحت في منتدى جماهير المريخ

المهم يا صديقي مشكلتك في هذه اللحظة
وصلت للمشرفين وتابع الايميل بتاعك المسجل
به وستحل المشكلة باذنه تعالى ...

تخريمة :

هل تعلم أن ادارة منتدى محبي المريخ
تعرفك كعضو في سودانيس أونلاين أكثر
من كونك عضو في المنتدى !!!!!

أصحى يا صديقي ..

عم على

Quote: يا خالد فى شروط مطروحه فى منتدى المريخ للهلالابى البيطلب تفعيل عضويته معانا عليك الرجوع وقراءتها وتنفيزها ومن ثم سيفعل حسابك .. سمح

و الله قريتها و وافقت عليها و أنا أصلاً ما زول ما بتاع هكر و أنت عارف و أصلاً الهكر ما بستأذن و لا كيف؟؟ بعدين أسه هم عرفوني هلالابي كيف؟

أساسي اخوي أسمع كلام الببكيك ولا تسمعنّ كلا م البضحكك
...
...
...
الناس ديل يابا إتشاءموا منك ... يعني بالعربي الفصيح (إتطيروا منك أخا العرب)
...
...
...
ـــــــــــــــ
[U]تخريمة :[/U]
سمع تحت تحت والعهدة على الراوي أنوا في هلالاب بلموا في حافز إعادة تسجيل (بهاءالدين) في المريخ

Quote: تعرف يوم الكورة سجلت في موقع الهلال عشان أشوف ردود الأفعال في أقل من ثلاث دقائق و دخلت المنتدي و

وأنا سجلت في منتدى الهلال تقريبا
قبل ستة أشهر ولم أستطع دخول المنتدى
سجلت باسم ورد ولم أستطع الدخول
وباسمي الرسمي ولم أستطع الدخول
وباسم حسين المريخابي كما أعتقد
ولم استطع الدخول ..
فما رايك ؟؟
ومع كل ذلك لم أغضب لأني مؤمن أن لكل
منتدى قوانينه التي تمنح بموجبها العضوية
وربما لن تنطبق قوانين المنتدى على حالتي .
وهسع مستعد أسجل وبالاسم العايزو إنت
عشان أثبت ليك إنو أي منتدى لديه قوانينه
الخاصة به ويجب علينا احترامها ..

Quote: حاولت أعمل نفس الشيء في منتدي المريخ و الي الآن لم يتكرم آحد بتشغيل الحساب

هل تستطيع أن تلتزم بشروط المنتدى ؟؟
وهل تحترم قوانين المنتدى ؟؟

علما أن اسمه : منتـدى محبي المـريـخ ..
فهل أنت من محبي المريخ ؟؟

أرجو أن أجد لديك رد وبعد ذلك أسألني أنا
من تفعيل عضويتك ؟؟

محبتي ..

Quote: حاولت أعمل نفس الشيء في منتدي المريخ و الي الآن لم يتكرم آحد بتشغيل الحساب

خلينـا نشـغل الحساب هنا
أول حاجة ..
وهل توافق على ما يراه عضو
استشاري منتدى الهلال عن منتديات
المريخ أم لا ؟؟





لنبـدأ تشغيل الحساب
يا عزيزي !!!

الأخ حسين

Quote: هل تستطيع أن تلتزم بشروط المنتدى ؟؟ وهل تحترم قوانين المنتدى ؟؟ علما أن اسمه : منتـدى محبي المـريـخ .. فهل أنت من محبي المريخ ؟؟ أرجو أن أجد لديك رد وبعد ذلك أسألني أنا من تفعيل عضويتك ؟؟ محبتي ..

الإجابات على تساؤلاتك في مداخلتي أعلاه و بالمناسبة أنا سجلت في المنتدي الموجود في موقع نادي المريخ و أول مرة أعرف أنو المنتدي حصري على (محبي المريخ) و بالمنطق دي نحن هنا في سودانيزأونلاين مفروض نمنع أي شخص غير سوداني من دخول الموقع مش نحن سودانيزأولاين ولا كيف؟

عموماً يا شباب و الله العظيم ما حاولت أدخل موقعكم لأي خراب أو أي كلام خارج عن النص و إن فعل هذا أحد الهلالاب من قبل فهو مسئول عن نفسه فقط و لا يمثلني وأنارغبت في التسجيل فقط لأتمكن من قراءة تعليق الأعضاء على المستجدات في الساحة الرياضة ولم أكن أعلم أن هذا محظور وأخيراً تقبلوا آسفي الشديد.

محبتي الشديدة


خالد

Quote: الناس ديل يابا إتشاءموا منك ... يعني بالعربي الفصيح (إتطيروا منك أخا العرب)

يمعنى تاني كجيتنا يا اساسي

Quote: يمعنى تاني كجيتنا يا اساسي

آه عزيزي سعد الدين ..
أه .. لو تدرك مدى الحب الذي
يحظى به الأخ أساسي هناك ..؟؟

هل تعلم أن معظم مواضيعه هنا يتم
استنساخها هناك ..

احتمال عشان كدا قالوا الزول دا مافي داعي
يدخل في منتديات المريخ طالما مواضيعو بتجي
براها !!!!

محبتي ..

اذا كانوا هناك يحبون مواضيع (اساسى) مثلما يحبون مواضيع (مزمل) تبقى دى مصيبه !!

ولا يوجد تمايز بين الحق والباطل!!

وفى حب يا اخوانا أكتر من كده ؟؟

يا اساسى

طبعا انا ما ممكن اتقدم لنيل عضوية منتدى المريخ حتى لو غنوا للهلال

لكن المنتدى كان (مفتوح) على مصراعيه زى (مرمى) بهاء الدين

واول ما نقلت مواضيع كتبها مريخاب عن (مزمل) ومحاميه

تم اغلاق المنبر وعدم السماح للدخول والمطالعه

لأنه فى مريخاب شرفاء لا يراد أن يظهر صوتهم وهو صوت المريخ (الاصيل)!!

الأخ أساسي
بعد السلام .. شكراً لطرح المشكلة

أنا مسجل في منتدى محبي المريخ ولم تصادفني مشكلة
لكن
سجلت قبل أيام في منتدى جماهير المريخ
تم قبول عضويتي ووصلتني رسالة التفعيل
راجعت وفعلت الحساب .. ودخلت الموقع لمدة يومين بدون مشاكل

الآن ومنذ يومين أحاول دخول موقع جماهير المريخ ويتم الدخول بشكل طبيعي هكذا





ثم ّ هذه الرسالة الغير مبررة هكذا



كما تشاهد فأنا مسجل بنفس إسمي في سودانيز اونلاين
وقد قمت البارحة بتحرير رسالة غاضبة لمدير الموقع
ومازلت أنتظر الرد
إن كان السبب تقني نرجو حل المشكلة . وحسب معرفتي ليست مهمة صعبة
نرجو من مدير الموقع تصحيح هذا الوضع بأقرب فرصة ممكنة
وإن كان قرار إداري ( أستبعد ذلك ) نرجو إفادتنا


ويظل المريخ عشقنا الدائم

عفواً .. حذف للتكرار