Post: #1
Title: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: omar altom
Date: 11-29-2007, 10:07 PM
علي غرار احتفالات المريخ بالهزيمة مرتين من الصفاقصي
واستقبال لاعبيهم بالورود تقديرا لخسارتهم مرتين فقط من مجموع مباراتي النوهائي
وبمناسبة تحفيز مجلس الادارة للاعبين لخروجهم المشرف من الموسم ملوص
لكل هذا وذاك:
نتوقع انو جرايد بكرة ان تتغزل في لاعبي المريخ اللذين قهروا الصعاب وتحدوا المستحيل وعانقوا
الثري (دي من مزمل) واستطاعوا ان يحافظوا علي مركز الوصيف للمرة الخامسة علي التوالي( خمسة وخميسة
في عين الي ما يصلي ع النبي)
الهلال بطل الممتاز......عاااااااااااااااادي
المريخ وصيفا............اكتر من عادي
|
Post: #2
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: gamal
Date: 11-29-2007, 10:20 PM
Parent: #1
اخي omar altom
مبروووووووووووووووووووك الفوز
مبروووووووووووووووووووووووووك الفوز
وجوة استادم نحن اسيادم
|
Post: #3
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: omar altom
Date: 11-29-2007, 10:25 PM
Parent: #2
شكرا جمال
لكن الجماعة ديل ويننهم
راكوبة
كيجا
حسين يوسف
ثابت محمدابو ورود ورياحين
عبد الماجد اب قلم احمر
اساسي
فرانكلي
وبقية العقد الفريد
|
Post: #4
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: ثابت محمد
Date: 11-29-2007, 10:34 PM
Parent: #1
عمر التوم
شكراً نبيلاً على هذا المجهود
الآن تقوم قناة النيل الأزرق بإعادة المباراة ويمكنك مشاهدتها والحكم عليها
حكمك الآن سيكون أكثر حيادية .. وسترى بعينك المستوى الذي لعب به المريخ
المريخ فعلاً لعب مباراة أجمل من الهلال بكثير
لكن
كرة القدم لا تعرف غير لغة الأهداف وهذا ما نجح فيه الهلال
فريق المريخ تقدم مرتين في هذه المباراة
تقدم بالهدف الأول ليتعادل الهلال من صاروخ كرنقو الجميل والقوي
التعادل جاء في الدقيقة الخامسة والأربعين من الشوط الأول ( لاحظ نهاية الشوط )
للمرة الثانية تقدم المريخ مع بداية الشوط الثاني بهدف العجب
بعدها أضاع هيثم طمبل هدف وهو على إنفراد تام بمرمي المعز ( شبكة )
أردفها إيداهور بإضاعة كرة كان يمكن تمريرها لطمبل الخالي من الرقابة
ضاعت هاتين الفرصتين والمريخ متقدم بهدفين لهدف
لو أحرز أحدهما لكانت النتيجة ثلاثة أهداف لهدف .. مما يجعل مهمة الهلال مستحيلة
أستغرب من لاعبي المريخ وهم لا يستطيعون الحفاظ على التقدم مرتين في مباراة واحدة
حدث كل هذا
ليتعادل الهلال من ضربة جزاء في كرة لم تكن تشكل خطورة على مرمي بهاء الدين
ثم يتقدم الهلال من كرة مرتدة من القائم
لاعبي المريخ هم من رفضوا الفوز على الهلال بعد أن تقدموا مرتين
أهدروا فرصاً أسهل من التي أحرزوا منها الهدفين
إجمالاً وهذا ما لن يعجبك
المريخ قدم مباراة أجمل وأقوى من الهلال بكثير
وكانت النتيجة للهلال
مللنا الحديث عن الحكام
لاعبي الهلال لعبو بعنف مع باولينو وإيداهو وقلق
وتخصص قودين اليوم في العنف مع أمير دامر .. والحكم نايم
كل ما قام به الحكم توزيع الكروت الصفراء .. المعز .. علاء شلوت .. كلاتشي
بس سؤال ياعمر التوم
إنتو لمتين في المحلية دي ؟؟
تشيلو الدوري عشان تعملو بيهو شنو يعني ؟؟
شكراً نبيلاً على فتح البوست نيابة عن راكوبة وثابت .. ما قصرت
مبروك للهلال الكاس وهاردلك المريخ
وكاس السودان على الأبواب
|
Post: #6
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: محمد البشرى الخضر
Date: 11-29-2007, 11:10 PM
Parent: #4
هاردلك يا ثابت
الحمدلله اللمينا فيك انا فكرتك مشيت تلقط الأكياس الماقدرت تكمل لقيطها يوم الصفاقسي
كلامك زين ما قلنا حاجة , مظهر الهلال في الشوط الأول بالذات كان غريب
لكن احفظ لشباب الهلال عدم إستسلامهم و قدرتهم على تعديل النتيجة و العودة للمباراة في أي لحظة
وللامانة ضيعكم إيداهو كما أسلفت (هيثم ولدنا و الدم بحن ما بنلومو)
لكن دي ما فهمتهاso what?
ما ليها علاقة أو كبير تأثير على النتيجة
لكن خليك يا عمك من الأداء و بتاع
اها الموسم دا الشطب كيف ؟
صحي قالوا حافلة كاملة واقفة في الباب
|
Post: #11
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: omar altom
Date: 11-30-2007, 01:48 AM
Parent: #4
ثابت محمد
بركة بي الشوفة يا اخوي
| Quote: المريخ فعلاً لعب مباراة أجمل من الهلال بكثير |
جمال اللعب والاداء ليس مقياسا او معياريا لتحديد الابطال
وحدها الاهداف هي التي تفعل....مثل اهدف كرنقو وكليتشي ومهند
Quote: إجمالاً وهذا ما لن يعجبك
المريخ قدم مباراة أجمل وأقوى من الهلال بكثير |
رجعت تاني للبكاء علي اللبن المسكوب
ولك ان تعلم- ياثابت- ان الانتصار الذي حققه الهلال جاء - اولا - بسبب العزيمة القوية والاصرار الكبير الذي لعب به اللاعبون المباراة بالاضافة للثقة المفرطة للاعبين في انفسهم وفي قدراتهم وعدم خروجهم - اطلاقا من جو المباراة- رغم تقدم المريخ مرتان...وهذا هو الفرق بين الهلال والمريخ
عزيمة قوية
اصرار بلا حدود
ثقة بالنفس
ايمان بالقدرات
الهلال-ياثابت- فاز لانه الافضل وليس لان المريخ هو الاسوأ!!!!!!
اذا اراد المريخ العودة- المشروطة- للبطولات عليه ان يبدأ من العبارة اعلاه ......
شكرا لك علي الظهور العلني في هذا البوست بعد الهزيمة المرة....وهذه شجاعة احسدك عليها!!!!
|
Post: #5
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: Naji A.Moniem
Date: 11-29-2007, 10:59 PM
Parent: #1
ثابت ازيك
وهاردلك
مداخلتك حتى وان اختلفت معاك فى بعض ما جاء فيها
الا انها افضل مداخلة مريخية اقراءها اليوم
لم تبحث عن شماعة للهزيمة وكنت منطقياً فى اغلبها
اما عن الاداء فانا كنت متوقع المريخ يكون افضل من قبل
المباراة لانو لاعبى المريخ دافعهم اللعب من اجل البقاء
التسجيلات على الابواب وكتاب المريخ جهروا بانتقاد
اللاعبين ،محليين ومحترفين
هذا غير حوجة المريخ للفوز ليحصل على فرصة مباراة اخرى
على عكس الهلال الدخل المباراة بتلاتة فرص (عجائب الاتحاد العام)
وكل لاعبيه المشاركين فى المباراة بعيدين تماماً عن فوبيا الشطب
اداء المريخ الافضل نسبياً فى الشوط الاول لا يعطيه الافضلية المطلقة فى
المباراة واذكرك بمباراة الصفاقصى واداءه المختلف فى تونس عن امدرمان
Quote: بس سؤال ياعمر التوم
إنتو لمتين في المحلية دي ؟؟
تشيلو الدوري عشان تعملو بيهو شنو يعني ؟؟ |
وانتو يا ثابت لمتين حتقعدو مفرملين فى كاس ليهو قريب ال10 سنوات
واتلغى حتى
وتتناسو انو ليكم 5 سنوات وصيف
معقولة بس يا ناس فريق عالمى وفريق بطولات وصفوة
5 مواااسم وصيف
وتقولو لينا زعيم برضو!!!
صاحبى ياسر اب شنب كان زعلان بعد هدف طمبل وبقول
اى زول الا طمبل الاشتر
قلت ليهو المشكلة مافى طمبل المشكلة انو المريخاب
تانى حيفرملو فى شربكة المعز فى الشبكة حتى لو
اتغلبو 5
واهو الحصل
|
Post: #7
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: ahmed khidir
Date: 11-29-2007, 11:33 PM
Parent: #5
عمر التوم
ســــــــــلامات
المفقودين ادناهم , يا جماعة لو فى زول شافهم يوديهم استاد المريخ محل البكاء
شوف كلامهم قبل الكورة
راكوبة
Quote:
.
تاريخ التسجيل: 05-02-2002
مجموع المشاركات: 5734
Re: هام جدا جدا : إلى جميع الهلالاب بدولة قطر (Re: على محمد على بشير)
Quote: لانو يومها ستكون بطن الهلالاب كلهم طامه
طامة وقالبين هوما والاجتماع حيكون ( ميطي)
|
كلام على محمد على بشير
Quote: 29-11-2007, 08:50 ص
على محمد على بشير
.
تاريخ التسجيل: 07-08-2005
مجموع المشاركات: 3268
Re: هام جدا جدا : إلى جميع الهلالاب بدولة قطر (Re: محمد ميرغني حسين)
Quote: انعقاد الاجتماع العام للرابطة في تمام الساعة
السابعة والنصف من يوم السبت الموافق 1/ 12/ 2007 م في مركز أصدقاء البيئة.
ياخ كان تشوفوا يوم غير السبت دا
لانو يومها ستكون بطن الهلالاب كلهم طامه
|
نادر محمد الراضى
Quote: 29-11-2007, 07:41 ص
نادر محمد الراضي
.
تاريخ التسجيل: 15-02-2007
مجموع المشاركات: 795
Re: أنهم يقولون: (المريخ) يشترى (الهلال) ونحن نقول (الزعيم سيد البلد) يهزم (البعيوات) !! (Re: تاج السر حسن)
مشوا موطن النجوم وقلعة الحمر ....
عشان يكملوا باقي الذابح اللي ...
بدوها في زريبة العيش حقة النويدي ...
|
اما الاخ شيبا من يوم الرجاء والتعادل فى امدرمان ما لامين فيهو
احمــد خضــر
|
Post: #8
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: رقم صفر
Date: 11-30-2007, 00:10 AM
Parent: #7
عمر التوم ،،
الضرب علي الميت حرااام ....
المزعلني انو حاسس الهلال ده كان لاعب بنص ماكينة ، وكأن النتيجة في جبيها ، والله لو شدو حيلهم
الليلة خمسة كانت بسيطة ..... لكن يبدو فعلا هم قالوا (الضرب علي الميت حرام )
|
Post: #9
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: ثابت محمد
Date: 11-30-2007, 00:49 AM
Parent: #1
Quote: so what?
ما ليها علاقة أو كبير تأثير على النتيجة |
محمد البشرى الخضر
كيف سو واط .. القال ليك منو سو واط .. ومنوالقال ما فرقت كتير ؟
It is only 2 minutes to finish the first half wining 1/0
وكانت تفرق كتير لو إنتهى الشوط الأول بتقدم المريخ بهدف
كانت ستكون أمام المدرب فترة الراحة ليحدد مهام جديدة لكل لاعب
التقدم بهدف كان سيختلف عن التعادل .. والمريخ لابديل له غير الفوز
أوردت هذا الحديث في سياق عدم مقدرة لاعبي المريخ الحفاظ على تقدمهم
وقع ليك ؟؟
|
Post: #10
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: علاء الدين حيموره
Date: 11-30-2007, 00:57 AM
Parent: #9
|
Post: #12
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: omar altom
Date: 11-30-2007, 02:57 AM
Parent: #10
الاخوة الاعزاء
علاء الدين حيموره
رقم صفر
ahmed khidir
Naji A.Moniem
محمد البشرى الخضر
gamal
شكرا علي المرور ومبروك عليكم بطولة الممتاز رغم انو فقدنا القدرة علي الفرح بسبب عدم وجود منافس حقيقي للهلال في هذه البطولة.
|
Post: #13
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: شهاب الفاتح عثمان
Date: 11-30-2007, 04:35 AM
Parent: #1
الف مبـــروك للهلال و جمـاهيره انجـازهم الغير مسبـوق ...
و هاردلك شهر 11 يا مريخاب ..
ولابــد للشــروق من زمـــان ...!
|
Post: #14
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: عمار يس النور
Date: 11-30-2007, 04:56 AM
Parent: #13
الإخوة الكرام
تحية و إحترام
Quote: المريخ قدم مباراة أجمل وأقوى من الهلال بكثير
|
ممكن تقول كان افضل نسبيا في الشوط الاول
الشوط الاول في مجمله لم يكن جميلا
المريخ كان افضل و لكن من غير اي فعالية
و لم تكن هنالك اي هجمات خطيرة على الهلال طيلة الشوط الاول عدا كرة هدف طمبل
وحتى الهدف لم يكن هجمة منظمة إنما كان خطأ دفاعي غبي جدا
الشوط الاول تكتيكيا كان في صالح الهلال لانه لم يكن يحتاج اكثر من التعادل
أما الشوط الثاني فقد كان متكافئا و افضل بعض الشئ فنيا من الفريقين
تحياتي
عمار يس النور
عاشق بخت الرضا
عاشق هلال الملايين
|
Post: #15
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: abuguta
Date: 11-30-2007, 07:13 AM
Parent: #14
عمر التوم
انا كنت فى اجمل حالاتى
واعصابى تلاجة,,,لانى عارف ان الهلال ممكن يعود للمباراة فى اى لحظة
الهلال وضعومستقر
مدرب رايق الزهن,,لعيبة الهلال متشبس فيهم وبقية الاندية حاطه عيناه عليهم
ثم الفرص الثلاثة نصر, تعادل , اعادة,,والله دى فرص تخلى الزول يجيب مرتبتو
وينوم داخل الاستاد,,,عدد الفاولات 13 فاول للمريخ مقابل 3 للهلال
دا الشوط الاول
الهلال تعادل مرتان,,لكن لما يتقدم الهلال المريخ طلع من المباراة خالص
ليه,,فريق قادم من بطولة اندبة كبار,,واخر من بطولة اندية صغار
كيف يتساون,,,ثم الاحتكاك مع فرق مثل الترجى الاهلى المصرى اسيك العاجى
النجم الساحلى الزمالك المصرى
يقابله احتكاك المريخ مع قطن شلف كوارا دولفين,,ووضح تما ما ان المريخ لم
يكن جاهز من مباراة القطن الشادى,,
انا ضد من يقولون ان مباراة القمة لها حسابات تانية,,دا كان زمان ايام الندية
لكن اسى الهلال فريق جاهز,,فريق قارع الكبار,,
انظرو لبدلاء الهلال,,هم الدين احرزو الاهداف,,,
المريخ فريق مشتت الزهن,,فريق جريح,,مذبوح من الصصدى ومذبوح من المدرب
ومذبوح من السماسرة,,فلابد من ان تبان فطاسته حتى يظهر للجميع
ومن الان انا بقول مبروك للعجب موسم كروى ثانى,,ومبروك لطمبل موسم
كروى ثانى,,اما البقية كلهم اتثناء مجاهد سفارى,,امير دامر
عليهم حزم امتعتهم والسفر لقرهاهم,,,بما فيهم المدرب الوطنى مازدا
وين اليجا
وين نتالى
وعنتر
وين عبد الحميد,,,,
انتو ياجماعة الخير امس مازدا دا استبدل لاعب غير علاء بابكر,,
شكرا جزيلا ثابت محمد
موعدنا الموسم القادم,,
قلت لى نسوى شنو بالابطال,,,,على الاقل قاعدين نحفظ وجه السودان المشرق
فى امدرمان يعنى مما بننهزم حتى لو من نادى القرن,,,
شفت كيف,,,,دا الفرق بينا سيد البلد وصيف البلد وكمان جبتو لها انجاز ثانى
وصيف قارى
|
Post: #16
Title: Re: المريخ يقهر المستحيل ويحرز المركز التاني للممتاز....بوست نيابة عن راكوبة وثابت محمد!!!!
Author: omar altom
Date: 11-30-2007, 07:32 AM
Parent: #15
اب قوتا
الف مبروك الفوز يامان
Quote: نصر, تعادل , اعادة,,والله دى فرص تخلى الزول يجيب مرتبتو
وينوم داخل الاستاد |
ده الكلام
وبي حقنا يامعلم.....خدمة يمين وعرق جبين
علي الساده المريخاب ان يفهموا ان الهلال فاز لانه الافضل وليس لان المريخ سيئ!!!!
ثقه اللاعبين في انفسهم
مهاراتهم العالية
اصراهم علي الفوز
عزيمتهم القوية
ايمانهم بحظوظهم
هي الاسباب التي ادت الي فوز الهلال واحرازه بطولة الممتاز....وعلي المريخاب المحاولة في الموسم القادم
شكرا ابقوتة
|
|