حمـــام الوالي يا راحــــــل ..

مع البرشــــــــة ..

يا سيدا الكورة كم ؟؟

والله يا معتصم جماعتنا خلو الجماعة خشمهم ملح ملح ..

اللهم لا شماته ..

عاش هلال الملايين ومبروك والله رفعتو راسنا عالي في العلالي ....



ود الباوقة

والله يا ريس الواحد مبسوط من هنا لغاية إستاد المريخ ..



لكن الجماعة ديل في ملعبنا نغلبهم وفي ملعبهم نغلبهم ؟


عاش الهلال ..
عاش سيد البلد ..

مع البرشة

المسائية


مبروك لكن الاقوان شوية

قودون ما جاب قون

أبوقوته يا رشاشا ..
لكن نسوي شنو مره في العراضة ومره في القائم ..
الناس دي الفكي بتاعها قوي وكاربنها شديد ..
لكن برضو كلاتشي في ومهند الطاهر في وكرنقو دا خليهو يظهر لي ما كان لاعب زاااته
أهداف كلها ملعوبة وجميلة ..


نعود للتحليل بي رواقه ..

الف مبروووووك
الجمااعة خشمهم ملح...ملح

مبروك عليك يا محمد ..
الناس دي فضة بره وجوه ..
المره الجاية نعمل ليهم مدياليات ملح ملح ..



بنجيكم بالفيديو أنتظرونا ..

Quote: مبروك عليك يا محمد .. الناس دي فضة بره وجوه .. المره الجاية نعمل ليهم مدياليات ملح ملح .. بنجيكم بالفيديو أنتظرونا ..

عليك الله يا معتصم
شوفو لينا الصور بتاعت لعيبة
الهلال فوق خشبة المرمى مع الاعلااام و الكاس...

راجينكم...

مبروك يا معتصم وبننتظركم في اللفة الجاية مافي مشكلة
الف مبروك فعلا

اللفة جنوب يا الزبير ولا وين ..
مافي مشكلة نحن طوالي منتظركم ..
هسي الوالي في مشاورات يعمل ليهو كاس رديف للوصيف يلعبوا فيهو باقي الفرق ..
وكاسنا دا بقى حكر خمسة مرات في وجه العرضة جنوب ..


معليش هاردلكم ..

معتصم الجميل

ألف مبروك الفوز مع أن الأداء لم يكن بالمستوي المطلوب و الفوز على المريخ لم يعد من طموحات الهلال ( طبعاً لأنو حمام ميت و كدة اللهم لا شماتة) و المطلوب مزيد من الجهد لإعداد فريق يحرز اللقب الأفريقي السنة القادمة.

خالد يا صاحب كيفك يا حبيب ..
ومبروك ليك انت ولكل الهلالاب ..

Quote: ألف مبروك الفوز مع أن الأداء لم يكن بالمستوي المطلوب

حقيقي لم يعجبني أداء فريق الهلال ولكن في النهاية حقق ما يصبوا إليه ونال كأس الدوري الممتاز ودي حصيلة موسم كامل بذل فيه اللاعبين كل ما عندهم ..
ولابد من الإستعداد للموسم الجديد بعد أخد راحة وتغذية الفريق بتسجيلات جيدة تعينهم في مشوارهم الخارجي ..

شكراً جميلاً ..

يا حرااااااااااااااااااام


انا كنت داير المساكين ديل يغلبو عشان نشوفهم هنا


لكن الله ما راد ...

باقي ليكم كده ذو القعده الجاي بنشوفهم؟

Quote: باقي ليكم كده ذو القعده الجاي بنشوفهم؟

ياخي ذو القعدة دي حاره شديد عليهم يا ولي ..
باقي ليك (البركه) أقصد (القعدة) دي بقوموا منها تاني ..

مبروك يا وليد ولكل الهلالاب ..

مبرووووووووك هلال الملايين....يا سيد البلد !

اقول للعجب ..

نسال الله ان يجنبك ( مرمطة الكبر ) ان لم تعتزل ....


ود الباوقة

عملوها الأولاد وحققوا ما وعدوا به ..
خمسة مرات بطولة الدوري الممتاز إنه لرقم قياسي ومشرف ..
مبروك ليك انت يا عبدالله وكل القبيلة الزرقاء ..

..

مع التحيات (الكتارات) للأخ المريخي المتعصب
علي محمد علي بشير
بجنوب المملكة
وها أنا يا صديقي (أبكي) وتمبس (بجانبي ) ومعتصم
يمسح في دموعنا
يا صهيووووووووووووووووووووووووني

والله يا عمران حنيت في حال محمد ولدك ..
متأثر أكتر من العجب والوالي لا عشاء اتعشى ولا نوم جاهو ..
بعدين صاحبك أساسي طوالي قافل جوالو في اللحظات دي ..

مبروك ليكم يا رشاشات ..
لكن بيني وبينك الضرب على الحمام الميت حرام ..

رشاااااااااااااااااااااااااشة
وبرُش

حلوة يا معتصم

حمام الوالي ياراحل

بالمازذا العربية

وكانت ساعة النصر إكتمال الهلال ..
ياهم ديل أولادنا دائماً يزرعون الفرح فينا ..
لقد أكدوا جدراتهم ونيلهم بطولة الدوري الممتاز للمره الخامسة على التوالي ..
عارف يا دكتور محمد مباراة الأمس دي كان لها وقع خاص في نفوسنا ..
وعادت البسمة لشفاه الهلالاب بعد أن فقدوا بطولة أندية أفريقيا وهم الأقرب لها ..

مبروك مجدداً ..

كرنقو .. كلاتشي .. مهند الطاهر ..

التوقيع عندك

كنا نحسب ان بالهلال مشجعين معتدلين وكنا نرى ان ود دفع الله احدهم ولكنه لافرق بين ودفعالله والختميه وكلهم فى الهواء سوا فعلا كم انت عظيم يامريخ هم غالبين وبرضوا يهضربوا بيك دى العظمه زاتها

بالله يامعتصم اسأل لى مهدى الصادق مبارة الحسم يوم السبت

الساعةكم وعلى ياتو قناة

كيفك يا باشمهندس مزاحم ..
ألف مبروك الفوز الغالي ..
دي بعيدوها في قناة الشروق بس التاريخ لسه ما اتحدد

إتصل على الصديق والصحفي الهلالي ياسر فضل المولى متسائلاً ..
في حالة الحمى النزفية المهددة البلاد أي من الحمام يفضل اكله ..
حمام ميت ..
حمام مشوي ..
أم حمام مظبي ..

يحول السؤال لأهل الإختصاص ..

مهدي سلام وهاردلك ياخ ..
حاشى لله أن نسي لفريق المريخ بل بالعكس نحترمه ونقدره كفريق ند للهلال ..
التعبير عن الفرح ياتي بأشكال كثيره بعيداً عن التجريح والإنتقاص من قدر الآخر ..
ولك أن ترجع لما يكتبه اعلام المريخ أو صحفيي المدرجات والإنتقاص من قدر الهلال وتبخيس إنتصاراته ووصفه بأشياء أنت كمريخي تخجل لها ..
درجت على أن لا أنجرف للمهتارات التي تحدث حين تكون فرقنا لاعبه خارج الوطن وفي منافسات دولية بل بالعكس حاولت أن أكتب ما يفيد الفريقين من باب متابع من بعيد تهمه مصلحة الوطن وتسعده إنتصارات فرقنا فيها ..
النصر والهزيمة صنوان يوم لك ويوم عليك، يفوز الهلال اليوم وغداً ينتصر المريخ ودا شي مسلم بيهو وطبيعي في كرة القدم والعبره من يتخذ من هزائمه دافعاً لتصحيح الأخطاء وليس تبريرها ..
وحتى في حالة الفوز هذا نقول أن هناك أخطاء حدثت في المباراة وتراخي في معظم فتراتها من فريق الهلال ونعترف بها ونساعد لإبرازها كي تعالج ولا تعمينا الفرحة عن قول ذلك ..

وعذراً إن أصابك شيئاً من ما كتبنا ..
ولك العتبى حتى ترضى ..

سلام يا هندسه
مبروك الفوز كوم حظ ؟؟؟؟؟؟؟؟؟؟؟
الزعلنى اكثر موضوعكم مع ريس الهلال واتصاله من قاهرة المعز على الطلاق لو فى محلكم كلكم (طرفنا ) كنت تركت تشجيع الهلال والى الابد معليش الما بيعرفك ما بيقيمك والعلاقات الشخصيه لعبت دورها وابراهومه لعبها صاح

يا الشرفاء ياناس الهلال مبروك الكاس مع انو شى طبيعى بالنسبة و عادى لنا . لنو هذا حالنا من خمسة سنوات و الحمد لله الهلال عظيم برجالة و لاعبية و مشجيعية فالف مبروك لكم و لنا يا يا مشجيعى الهلال هنا و خارج المنبر التحية للجهاز الفنى و الى ادارة النادى و و الى اللاعبين الاشاوس . بعدين ملحوظة و الشى الجميل فيكم انكم لا ترمون هزائكم على بعضم زى ناس المريخ مرة المدرب مرة التحكيم و مرة اللاعبين و كمان اخر مرة قال من رئس النادى جمال الوالى هل جمال يدفع و يلعب ؟؟؟؟ يا اخوان قولو ليهم و يا معتصم قول اختشو

الناظر سلام وألـ1000ـف مبروك هذا الإنتصار الكبير ..
ياخي نحن فريقنا غالب مغلوب بنقيم أدائه ونشوف علله وين ونحاول نساعد في علاجه ..
ولا يخفى عليك قد ظهرت بعض الجوانب التي يجب النظر فيها بعين الإعتبار وتلافي الأخطاء ..
وياهو دا الهلال زارع الفرح في قلوب الملايين ..
وحصوله على بطولة الدوري جاءت بعد مجهود وتعب طوال هذا الموسم ..
التحية لإدارته وجهازه الفني ولاعبيه وجمهوره الكبير الوفي الذي لم يبخل بالوقوف معه في أحلك الظروف ..

والتحية لك وين ما كنت ..

Quote: حمـــام الوالي يا راحــــــل ..

مباااالغة يامو

لو في كاس فضلوها ناس سيدا حقو يدوك ليها في العنوان دا

يا ملكي سلام ..
ومبروك عليك أضعاف هذا الفوز المستحق ..
هسي في محاولة نسمي شارع العارضة بشارع كرنقو ..
وبي تحت تحت سمعت إنو ناس الأمم المتحدة عايزه تحقق في صواريخ كرنقو دي ..
في ناس قالوا دي صواريخ نووية

مش حرام تسيبم للريح
وعارف القاسو ما شوية

صغارك مشتهين .. ترجع
للعرضة الجنوبية ..
تسيبهم .. مش حرام
للهزائم ..
و عارف القاسو ..
ما شويه ..

معتصم

مبروووووووووك للهلال العظيم

اسمع

انت شتات غاطس وين

والله يا معتصم عنوان قلبت فيهو الهوبة
هسع يقراهو الوالي يقوم يرحلك ..

أقصد يسجلك..

لو نازل السودان أنزل بعد انتهاء موسم التسجيلات..

تعرف يا معتصم من زمان خليت كلام الكورة حقت السودان
لكن فى ناس كده عاوزة اعزيهم
وهم اصحابى جدا
يلا خلينى اعزى اولن شى
جعفر سعيد الريح
محمد نعيم سعد
وعمر الشاعر
وسؤال ليه الفنانين معظمهم مريخاب؟

سلمى ازيك ..
ومبروك عليك هنا وهناك ..
اليومين دي أيام الأفراح إن شاء الله دائمة عليك ..
كثيرون هم الفنانون الذين يشجعون الهلال ولا شك فيهم من مريخاب ..
والمريخاب منهم ديل هلالاب زعلانين نعزيهم معاك ..

أبقي طيبة يا غالية ..

نصرالدين سلام ومبروك بحجم المليون ميل مربع ..
هسي الهوبه دي يجو الجماعة يمسكو فيها ويقولو ليك الهوبه السورية
غايتو طريقة تسجيل تاني مافي لينا ..
لكن خلي الوالي يشوف ليهو طريقه في الخرد ديل ..
سؤال عابر كده ..
انت دحين أليجاتانا دا موووش مسجل في المريخ ؟


أبقى طيب يا حبيب ..

ومبروك عليك يا انعام ولكل الأهلة ..

شتات كابي الزوغه اليومين دي ..
وعامل فيها رايح

معتصم يا جميل
تهانينا الحارة

Quote: تعرف يا معتصم من زمان خليت كلام الكورة حقت السودان لكن فى ناس كده عاوزة اعزيهم وهم اصحابى جدا يلا خلينى اعزى اولن شى جعفر سعيد الريح محمد نعيم سعد وعمر الشاعر وسؤال ليه الفنانين معظمهم مريخاب؟

سلمى الشيخ سلامة
تحياتي
يكفينا فقط كرومة ومحمد وردي..

أن رحل حمام الوالي فهجرته حيث التواجد الخارجي !!!

نبارك بذات الروح الحلوه التي أدوا بها النجوم المباراة وكان فعلا نجوم .

عصومي !!!

مبروك ولكن !!

بما إني مريخابية أبا عن جد و زعلانة لمن ... بقول ليكم

الحمام كان طار بتسو منو شمار !!!

إنتظروا الموسم القادم وياما !!!!

غايتو يا عواطف حمامكم دا إلا تسوهو شوربه ..
وكان (ركّ) نقول يحيي العظام وهي رميم ..
منتظرنكم من هسي لي كاس السودان والموسم القادم ..
بعيداً عن أي حاجة فريقكم عايز تجديد دماء ومدرب محنك يعرف واجباته جيداً ولا يجامل في عمله ومن خلفه إدارة فنية تسهل كل معوقاته ولا مجال للمجامله في هذا الشي ..

تقديري يا غالية ..

والله دي الروح العايزنها يا أبوقصي ..
لا هلال بدون مريخ ولا مريخ بدون هلال ..
ويا ريت البقية يساعدونا بالفهم دا والعمل على مصلحة الكرة في بلادي وتطويرها ..
بدون تصفية الحسابات والحساسية المفرطة والتعصب الأعمى الذي أضر بنا كثيراً ..

هاردلك يا حبيب ..
والقادم أكيد أحلى ..

سلام أبو محمد ..
ياخي فوز الهلال أول أمس دا ليهو طعم جميل وخاص ..
أكد قوة الهلال وتفوقه ونيله بطولة الدوري للمره الخامسة على التوالي ..
مبروك ليك يا حبيب وعقبال كاس السودان ..

ألأخ/معتصم

مبروك الفوز..

وتخيل لو المريخ ده لاسمح الله إتشتت..بتقدر تناكفهم بالحلاوة دى..........

عمومآ نأمل ان يعود الحمام للقفص ولصغاره..ويجهز نفسو للجاى....

ألأخت/سلمى :

وسؤال ليه الفنانين معظمهم مريخاب؟

لآن الفنون جنون..وهناك إرتباط بين ألأوان والفن..وحبهم للأوان الشاذة زى ألأحمر وألأصفر....رأيك شنو فى التحليل ده..أموت فى ألأزرق..

مالو بوستك ده كلو ريش كده؟

مودتى..إسماعيل محمد احمد عباس........

اسماعيل ازيك يا حبيب ..
مبروك عليك الفوز الكبير وعقبال الجمع بالكاسين ..

Quote: عمومآ نأمل ان يعود الحمام للقفص ولصغاره..ويجهز نفسو للجاى....

بس لو يشيلو إبراهومة ومازدا ديل ..

Quote: مالو بوستك ده كلو ريش كده؟

ريش .. كباب شيش طاؤوق ..
ما دا كلو عشان القفص العاملنو دا ..


يديك العافية ونشوفك قريب ..