تعليق الشيخ محمد حسن الامدرماني على ابي جهينة الحبشاني في كتابه يا زين العصير السوداني

ذكر الشيخ محمد بن حسن الامدرماني في تعليقه على الشيخ ابو جهينة الحبشاني في كتابه الشهير
يا زين العصير عند السوادنة الخطير بعض المصطلحات والتي هي جديرة بالتناول
مثل:
العهدة على الراوي

والراوي هو من يمسك بزمام السقيا ومن شروطه ان يكون ذكرا او انثى ذوي عدل حتى لا يكب لاحد شريطا ولآخر شريطين والشريط يعادل الخط ومنه انبثقت الأغنية الشهيرة في عهد الخليفة النميري في الجاهلية الاولى وقبل ان يصبأ الخليفة ويعلن حزمة سبتمبر الشهيرة

شل شل كب لي جالون

كب لي خطين

حتى لو بالدين،

ما بكُُُّبُّه ليك

الطرمبة هديك

امشي بي كرعيك

فمصطلح الطلمبة يعني مصنع العرق وحيث ان القعدة بتكون ما بتستحمل مشورة د. نجيب زيادة فيؤتى برحيق البلح او الذرة بالجالون والعهدة على الراوي . وأيضا ذلك المغني الذي يصرخ

ارويني ارويني


(آآآآآآآآآآآي )
وهذا المصطلح لايكتمل معناه الا بملازمته (للشغل )
وهذا يتضح جليا في قول الدجاجة حين عفصتها الركشة
حيث انها انتفضت ونفشت ريشها بعد ان نزلت منها الركشة وقالت
( آآآآآآآآآآآي ده الشغل)

أما ما ذكره الشيخ ادريس بن الهادي في كتابه اشجان الانادي عن العبار

فالعبار اناء طبيعي لاتدخل في صناعته أي من المكونات البتروكيميائية فهو نصف قرعة ومنضفة صاح

ولا يسمى عبارا الا اذا امتلأ بعصير الذرة ويأخذ عصير الذرة اسمه وفقا لدرجة تخفيفه
فاذا كان مستو فهو مريسة
واذا كان نصف استواء فهو بقنية
اما اذا كان خفييف فهو عسلية
والاناء الذي يوضع فيه العصير اما بُرمة او جردل لتسهيل عملية الغرف

وللعبَّار ميقاتان
ميقات زماني ويكون بعد صلاة الضحى وحتى قبيل المغرب ، لتجهيز الساحة للصهباء بعد العشاء
اما الميقات المكاني فهو
اما شجرة كبييرة على النيل

او راكوبة في طرف الحلة
اما اهل الامصار والسابلة فميقاتهم المكاني الانادي .
وليس للمرأة كبير دور في جلسة العبار الا مناولة العبار هذا ان كانت صاحبة الراكوبة
ودائما ما يبتعد المعبرون عن النساء، عكس المُدام والتي لا يحلو طعمها الا بمنادمة بنات آوي وتسمى في هذه الحالة ( قعدة مطعمة) ِ او كما ذكر العالم العلامة طارق بن نقد في كتابه

أنسى الكونكان لو حضر عرق الجان وايده في هذا الشيخ مصطفى

د/محمد حسن


شايفك رافع الراية......


واليوم خميس...والبرد جا.....

[

Quote: شايفك رافع الراية...........

]

سمعة
من ثقافة الانادي انه حينما ترفع الراية فهذا يعني ان الانداية ما زالت تنتظر الزبائن
لكن لكا يجو الفنجرية بقولوا لي ست الانداية نزلي الراية
انا اشتريت العندك كله

اها
انا قلت ليها

نزلي الراية

الله يجازي مِحنك يا دكتور

وبما ان هاشم بن احمد خلف خلاف
من ابناء السنِّة الناعمة فانهم يخافون من جرة البغو

يا دكتور الالغام لزوما شنو ؟؟؟

Quote: المريسة اليبسط شرابا ياحليل يوم المقيل المريسة الكانت كتيرا ضاقا ود مرجان قال فطيرا واللا كملت والفاضلة ديرا من شراب عبد الله الكتير المريسه الما فيها فايدا كلوا واحد يجي كرشوا زايدا قام هرش هارون راح لزايدا جاب ورمتو الحوت الاصيل قومو برا الارض راحت الدنيا حارة ودمومنا ساحت من مرقنا الشيخة استراحت يا للا غنواليل الطويل با حليل يوم الدلالق والحدي فوق الشيه حالق شوف اخوك قلاب صوتو طالق ما بهمو اليل الطويل

يا دكتور

هل أتاك حديث (فطامة السكرة)؟

سنأتي لتعليق الشيخ محمد حسن الأمدرماني
سنأتي عليه بتفنيد يجتمع عليه كل المذكورين أعلاه ...

إنْمهل لي يا يا أمدرماني

Quote: سنأتي عليه بتفنيد يجتمع عليه كل المذكورين أعلاه ...

ان ما قام به مجلس فقهاء الشربوت والذي منه
جاء بعد تمحيص في امهات الكتب
والسير والتراجم

وكما ذكر الشيخ ادم الهلباوي والذي افتي بنحريم وجواز
وعلى كل
ان كانت المريسة ( غدا) اسكت عب

حلاة الجمعة قيلة

وحلو شمبات مقيلة

بــخ بــخ بــخ


أؤلئك قومي ,

لا يطيقون رؤيـة الكأس ملأى

ولا يطيقون رؤيتها فارغهـا,


آتني بالصبوح يا بهجة الروح , ترحني

كان في الكأس باقي,

(مواعيدك قرنيـت , يا شيخ العسـس)



أحمـد الشايقي

*

سألت الشيخ راشد القطاني عن (فطام السكرة) فهاج وماج حتي ظننته شرب عبارا من (كبس التور) وقال لي وقت ما بتعرف ( فطام السكرة) التشبر ليك شنو؟ فأفهمته بأنني حديث عهد فهدأت اعصابه وقال(فطام السكرة) هو (فكتها) وأفضل أنواع الفطام هو المرارة فقلت وان لم أجد قال فأم فتفت فقلت ان لم اجد فقال عبار من البقنية .. وظل يردد وهو يبكي يا حليل:


حتي قلنا ليته سكت

* من كتاب أشجان الانادي لفضيلة الشيخ ادريس الهادي صفحة رقم 125 الطبعة العشرين لعام 1982

لا تعليق !

كل مازكر ...........( )

Quote: تعليق الشيخ محمد حسن الامدرماني

فيك شئ يحير يغير أتجاه الزول.

،،،،أبوقصى،،،،

مجدي أبو قصى

Quote: فيك شئ يحير يغير أتجاه الزول.

الدكتور ولا العبار ؟

العبار مقدور عليه بس المشكلة في البيجلسك ويسكرك قبل العبار وذاك هو الخيار دوووك.

شكرا ياريس.

ود الناظر

Quote: سألت الشيخ راشد القطاني عن (فطام السكرة) فهاج وماج حتي ظننته شرب عبارا من (كبس التور) وقال لي وقت ما بتعرف ( فطام السكرة) التشبر ليك شنو؟ فأفهمته بأنني حديث عهد فهدأت اعصابه وقال(فطام السكرة) هو (فكتها) وأفضل أنواع الفطام هو المرارة فقلت وان لم أجد قال فأم فتفت فقلت ان لم اجد فقال عبار من البقنية ..

دي بالغت فيها يا درش... و تقول لي ما بتعرف فطام السكرة و إنت عندك فطام زي دة.؟

Quote: وظل يردد وهو يبكي يا حليل:

أتاريهو .... كلما يشوف ليهو جمل سارح في سهول نجد يعاين ليهو بكل تحنان ...

حتي قلنا ليته سكت

أها دعوتك إستجيبت .. الشيخ ليهو مدة ما مبين .. قاطع صوت و صورة.

Quote: * من كتاب أشجان الانادي لفضيلة الشيخ ادريس الهادي صفحة رقم 125 الطبعة العشرين لعام 1982

سنة 1982 كانت سنة زواجي الميمون .. مش كان تديني الصفحة دي...

Quote: فالعبار اناء طبيعي لاتدخل في صناعته أي من المكونات البتروكيميائية فهو نصف قرعة ومنضفة صاح

Quote: العهدة على الراوي والراوي هو من يمسك بزمام السقيا

د. محمد ... ياخى خلينا من قولة تيت .. نضحك فى المكتب زى المجانيين !!!
المهم .. فى كتاب نوادر الشربان فى بلاد السودان
يحكى انه و فى يوم من أيام الخريف الممطرة .. ذهب فلتة زمانو بمعية خواجية ممشوقة القد ، و ذات شعر أشقر ( طبيعى ما مصبوغ) و بعربة من ذوات الدفع الرباعى .. تتلألأ .. فى الليل البهيم .. إلى قرية نائية .. تكاد تبعد اربعة عشر ساعة . فى ذاك الزمان..
وصل فلتة زمانو .. مرهقا ، جائعا .. و بجواره ممشوقة القد .. الى مقصدهما ، بين خيران تجرى فيها المياه العكرانة . و رمال تغرق اللوارى الكحيانة .. المهم وصل الركب الميمون .. ليستقبله أحد أهالى القرية الكرام بحب وود و دلو كامل من مريسة ليست ككل المرايس .. كأنه مزيج سرمدى من الكجومورو و العسلية .. ممزوجا بالسحلب و النشا و مقادير من الخلطة السحرية! ..
و بين كلمات الترحيب ، و ارهاق الطريق و عيون المها .. التى منع غبار الطريق فلته زمانو من التطلع إليها .. وجد الدلو طريقا لجوفيهما ... و تبعته (دلاء) .. و ما بين دلو و آخر .. تدلت مشاعرهما .. و تدفقت ..
و للحديث بقية ... وممكن برضو تكمل انت
..

ياخى امتعونا كدا ..
لك لابي جهينة الحبشاني خالص ودى

عنوان عمود الهندي عز الدين غداً


أعضاء سودانيزأون لاين يحرضون الناس على شرب المريسة والبيره والخمور

محمد فرح

سلام يا حبوب

Quote: عنوان عمود الهندي عز الدين غداً أعضاء سودانيزأون لاين يحرضون الناس على شرب المريسة والبيره والخمور

دة أجمل تعليق في البوست دة.
خليني أكمل لك نهاية موضوع الهندي في سياق العنوان المقترح بتاعك :

و يطالب الهندي بجلد بكري أبوبكر و د. محمد حسن و كل المتداخلين أربعين جلدة و عمل إستفتاء على مسألة الشربوت و تحديد كثافته الكحولية و نوعيته ( إما مثيلي أو أثيلي ) و منع دخول خمائر البيرة.

والشيخ محمد فرح من جيل الخليفة النميري ومن المعروف ان شويخ ذلك الزمان الممتد يحبون النسائ والحلوى لان المؤمن حلوي
واحب ما في الدين الطيب والنساء والتعدد ، وقد عاصر الشيخ محمد فرح حقبة

( نميري يدق ونحن نبق)

كدي قبل ما نرد على الشيوخ

اغنية شربوتية

يا منادي للمَرَّاسة حِنْبِرة القايد راسها
حنبرة صغير القمة (القيمة)
وكت يلقى شراب بالدِمة (بالديمة)
صقرا نزل في رِمة
******
حنبرة اخونا الضابط
وكت يلقى ام زبدا رابط
رشرش عينيهو يخابت

Quote: انتِ يا ست المريسةُ (عبرينا) وأملائي (العبَار) ملاءً وأملأينا وأعطني (البمبر ) هذا لو سمحتي كي لتحلو (القعدة) بين الجالسينا يا ثريةُ قد أضاع (العرقي) عمري وقد وجدته في مريستك سنينا

سلام يا شباب بعد انقطاع قهري

ما في داعي للكلام الصعب ده
في الجو الجميل ده
لأنة بالطريقة دي دوام المساء بتجهجه!!!!!
تحياتي ولي عودة بمزاج عالي

Quote: نحن التاية والانداية والزرّيعة والعيزومة واتفضّل ونحن الراية مرفوعة ونحن الكلفة مرفوعة ونحن حلفت مدفوعة

سيد احمد الحردلو


[

مريستنا ملأت برمة ... على فمها يستديرالقمر
تلوح رايتها فوقنا ... شراعاً يعود بنا من سفر
يوشوش متكئاً دلقٌ ... عليه جلال النهى والخطر
تقعده بيننا كاعب ... لها عرق كالجمان أنتثر
تناولني فأسيغ الشراب ... وأجرع من قرع مُعتبر
وتطعمني من قديد الشواء ... وتطرفني بعجيب السير
حفظت لها ودها شاكراً ... وتحفظ ودي ست النفر

محمد المهدي المجذوب

وما زال الشيخ محمد حسن يبحث عن ميمية الشاعر محمدالمهدي المجذوب

ونجترع المريسة

لانلوم ولا نلام

Quote: وما زال الشيخ محمد حسن يبحث عن ميمية الشاعر محمدالمهدي المجذوب

وفى حقوى من خرز حزام
وفى صدغى من ود نظيم
واجترع المريسة فى الحوانى
واهذر لا الام ولا الوم
طليق لا تقيدنى قريش
بأحساب الكرام ولا تميم
وأصرع فى الطريق وفى عيونى
ضباب السكر والطرب الغشوم
ولى شرف .. وما جدوى صباحى
بفخر ليس بشربه النديم

Quote: لأنة بالطريقة دي دوام المساء بتجهجه!!!!! تحياتي ولي عودة بمزاج عالي

ديشااااااااك ..




يا دوك أعملو حساب العبابير فإن شرها خطييييييير ..

جيت واقف بعائن ولا كأس ولا لدوري شائـــــــــــل

في القزائز وجركانات البلاستك تلقي العرقي الزًلال

وكان عطشنا بنعطش في ضفافن وكان شربنا بنسكر ليل

نعاين في كاسات من إيدي الخرائدة وعاليات طوال

بس في المرايس بتلقي العلاج من علل في بطون العيال

تعال نشفط وأنصاص لي أنصاص بتفرق نقاوت بلح الشمال

وكان للبيرة جماله والجن الفوتكا شاله وعمائم خيلانا نال

وأنــا واقف محايد ما نال ني كأس ولا قرع شجارن مرايسنال

،،،،أبوقصى ،،،،

بعض الاقوال في المريسة : وجدت هذه المخطوطو عند الشيخ قوقل وهي وصفة للمريسة العسيرية اي من منطقو عسير ولاتختلف عن مريسة السودان في كبير شيئ
طبعا هناك أكلات ومشروبات اندثرت مؤخرا وكاد البعض يمحوها من ذاكرته ولكني ذهبت إلى مطعم شعبي ووجدت به مشروبا كان يصنع قديما(المريسة) ووجدتهم قد قاموا بتعديله وتحسينه ووضعوه تحت مسمى جديد فياجرا ووضعوا أسم المطعم بعده فأعجبني العصير وأحببت أن أضعه في منتدانا الغالي .

المقادير :

20 تمرة عجوة


كوب ماء بارد

ملعقة صغيرة سكر

قطعتين ثلج

ملعقة حليب بودرة حسب الرغبة


الطريقة:


نخرج النواة من التمر(العجوة)

ثم نضعه في خلاط العصير

ونضع عليه الماء وملعقة حليب بودرة إن كنتي ترغبين في ذلك


ونقوم بخلطة لمدة 5دقائق

ثم نقوم بنخله حتى نخرج منه قشرة التمر


ثم نضعه في كوب كبير ونضع علية قطعتين من الثلج

ويقدم مع قطعة من الكوب كيك


أتمنى يعجبكم المشروب (المريسة)

دي مريسة عسير

وغي منتدي اولاد مدني لقيت الكلام دخ

Quote: مدخل: ابو نواس شاعر الكمبو ..يعرفه سكان مايو والسلمة وعيد حسين والانقاذ والقماير وراس الشيطان..فقد اشتهر الرجل بالحنكة والكلام المعسول ..ففي حياته..ما أشتري خمراً او مريستاً قط ..ولكن كان يشرب ما يشاء ..بمدح العرقي او عبار المريسة ..او بمدح البائعة ..وان لم تأخذ (المكنة) مكانها ..وعد ابو نواس بالسداد لاحقاً . فيدخل شاعر الكمبو احدي البيوتات التجارية ..(بوهمته) المعتادة ..قائلاً: انتِ يا ست المريسةُ (عبرينا) وأملائي (العبَار) ملاءً وأملأينا وأعطني (البمبر ) هذا لو سمحتي كي لتحلو (القعدة) بين الجالسينا يا ثريةُ قد أضاع (العرقي) عمري وقد وجدته في مريستك سنينا ثريا وتبدو عليها علامة الاستياء : (كل يوم بتقول كلامك ده وتشتت) فأعطني كل حقوقي يا أخينا بدت الدهشة علي وجه أبو نواس واستغرب الطلب المباغت..فقال مشتتاً للانتباه: يا ثريةُ ما دهاك اليوم قولي ما لهذا الوجه يبدو لي حزينا وما لذاك الرجل يبدو حائراً أهناك (كشاةُ) علي طرف المدينة ببسالة وشجاعة ترد ثريا قائلة: لاتخف (يا زول وأركز) (نحنا كشاة ما بتجينا) فيقهقه ابو نواس ساخراً : أين كان الامس مني يا ثريا ألم اكن في ذلك (القسم) سجينا ثريا بدا عليها الانزعاج والقلق وخافة علي تجارتها : ياعزيزي خذ نصيبك هذا واذهب أن قول (القسم) قد يؤذي (الزبونا) فلا تكن من دون رحمة (وما بتخلي الرحمة يوم تنزل علينا) يتنفس أبو نواس الصعداء بعمق..وبدت عليه علامة الحزن..من افعال تلك الحكومات بحق هذه الامة: لا عليك يا ثريةَ لا عليك فو ال(مريسةً) هذي والصاج والعجينة ان رأتك شركة (الوسكي) لكانت انتجة لكِ أسم مشروبا..بأسم (المرسلينا) فعلامة ننعت السودان ظلمة وكل هذا النور في كلتا يدينا

Quote: فمصطلح الطلمبة يعني مصنع العرق وحيث ان القعدة بتكون ما بتستحمل مشورة د. نجيب زيادة فيؤتى برحيق البلح او الذرة بالجالون والعهدة على الراوي . وأيضا ذلك المغني الذي يصرخ

يروى ان طاعنة في السن استقلت حافلة ( خط ابوحمامة _ الصحافة ) ..
غير السائق اتجاه الحافة مما ظنت الخالة انها ركبت خطأ فصاحت اين الطلمبة ؟؟
رد عليها الكمساري بتهذيب سوف نسلك طريق الطلمبة بس اصبري شوية يا حاجة ...
مر بطلمبة حجازي واشار الكمساري للسائق بالتوقف وقال للحاجة هذه هي الطلمبة انزلي ..
قالت له لا انا نازلة قدام وعندما وصلو لطلمبة الامتداد اوقف السائق الحافلة ونادى الكمساري على الحاجة انزلي يا حاجة .. فقالت له لا انا نازلة قدام .. مما حدا باحدى الخالات ان توجه الكمساري قائلة ( يا ولدي هي بتسأل من الطلمبة عشان تعدل بيها راسها ) فضحك احد الشباب وقال في صوت واضح :

هو ده راس شنو الما بنعدل الا بطلمبة كاملة !!!!!

مولانا أحمد الشايقي

سلام

Quote: لا يطيقون رؤيـة الكأس ملأى ولا يطيقون رؤيتها فارغهـا,

ديل ال بيقرضوا المزة قبال المنكر ما يخلص .. تلقى خشمهم دة أصلو ما بيسكت .. حتى بعد العشا تلقاهم واقعين صحن الترمس ..

ديل ال بيستحقوا كلمة ( بخ بخ ) ..

أستاذنا الريس أبو جهينـة

Quote: تلقى خشمهم دة أصلو ما بيسكت .. حتى بعد العشا تلقاهم واقعين صحن الترمس .. ديل ال بيستحقوا كلمة ( بخ بخ ) ..

وفي رواية أخرى ....... من صـحـن اللــوز


تحياتي باذخـة



أحمـد الشايقي

يا جميل يا نور الشقايق
أملأ كاسك واصبر دقايق
مجلسك مفهوم شوفو رايق
عقدو ناقص زول ولا تام

ائتني بالصبوح

يا بهجة الروح

ترحني

ان كان في الكأس باقٍ

سئل الشيخ تمبس عن الاضافت للشربوت

فاجاب

اذا اضفت اليه السفن اب فلا حرج

اما اذا اضفت البيبسي فانه يدخل في باب المنكر

والله يا دكتور البوست ناقصو أغنية من أغانى زيدان ديك
قطعتا نفسنا الليلة ياخى

Quote: سئل الشيخ تمبس عن الاضافت للشربوت فاجاب اذا اضفت اليه السفن اب فلا حرج اما اذا اضفت البيبسي فانه يدخل في باب المنكر

وفي رواية الشيخ راشد القطاني أن افضل الاضافات للشربوت هي كسيرة من خبز بعد اليوم الثالث وتركه بعدها اربعة ايام قلت ثم ماذا قال (أشرب وماتدي الجنبك)

من كتاب أشجان الانادي صفحة 315

Quote: (أشرب وماتدي الجنبك)

وفي كتابه الشعير

جن العباد في الشربوت بعد خم الرماد

ذكر الشيخ راشد القطاني

انه نسبة لاغلاق الطلمابت بعد وقفة عرفة لنفاذ الطاقة

حرص على شربوتك

عشان الخريف ما يفوتك

صفحة 10 في مقدمة الهداية لاصحاب الانداية

صبنت الكأس عنا أم عمرو ... وكان الكأس مجراه اليمينا

ي العدد القادم الحديث عن
مريسة الفقرا