نَـفــَســـِك هــِيــــــــْل

غَـامَتْ بِيْن أمْوَاج الْغُرْبَـة الحْـَالْكَة

وْقَالـَت

قَـلْـبَكْ قـِنْدِيـلْ

مـَاجَتْ

بِين أمْوَاج أَحْزَانِي وحِزْنَت ،

نَزَلِتْ مِنَّهَا دَمْعَة وقَاَلتْ

قَلْبَكْ مِنْدِيْل .

ِبْين اْلِفْعل

وَصَدّ الْفِعل

تَاهَتْ مِنَّها كُل خَطْوَاتَها

هِي الْمَمْدُوَدة

ِبْين الْشَمسِ

وَشاطِي الّليْل

نَدَهَت

َيازُوْلاً عَاشِق

شَايِلْ تـَاج الْعِزَّة

ورَاُيه سَدَيـْد

أبْقَالـِي دَلِيْل.

نـَامَت بِيْن أَجْفَان أحْلامِي

وْحِلْمَتْ

شَافَت

قِيْفَة تْطَارِد مُوجةَ اْلِنْيل،

صَرخَت

هُوي

يـَاصِْبَيَّنْ سَدَرُوا

وخَلّوا الْشَتْل النَّيْ عَطْشَان

أقـِيْفــُو ا

وشِيْلوا مَلَوْد الْمَغْنَى

عَشَان

َنبْذِر كِلْمَة تَْجابْه الْرِيْح

هوي

يـَا جَنُّويـَاً

يِسِنْدُوا الحِْيْل

الْبــَلَد

الْقَيَّل فِيْ مَرْجَاكُم

صَابِر،

أسْرِجُوُا صَهْوَ الجِّْن الْجَامِح

خِيْل

وصُدُّوا عَلَيْهُ

الْبَلَد الْوَاقْف

فِي الْحَرَّايَة

هَجِيْرَها الَّلافِح

رَاجِي ضِلِيْل.

شَافَتْ غِيْمَة مْسَافْرَة رُؤاك

صَرَخَت اصْحِي،

فَزِّيْتِي

وجِيْتِي عَلَيْ

قَلْبـِك يِضْرُب زَيْ (هَبَّابَة)

حُضْنَك

حُضْنَكْ

وجَرَيْت تَالاَك

وِطِيْت الْجَمْر الْبِيْنِي وبِيْنِك

وَانَا حَفْيَان

حُضْنِك إنْتِ

مَلاذِي الآمِنْ

لَهَجِك طَاهِر

ونَفَسِك هِيْل

يَا مُشْوَار رِيْدَتْنَا الْحَانِي

ويا مُرْوَاد الْسَّهَر الْسّاكِن

فِي الْعِيْنِيْن

يَا مُشْهَاد الْنَّاس الْوَاقْفَة

تْعَايِنْ

رَغْم الْجَمْر الْبِيْنِي وْبِيْنَها

ورَغْم الضِيْم الشَّاِقْق صَدْرَهَا ،

لْمَّا يِجِيْنِي الْبَرْد الْشَّاتِي

صَدْرَها دَافِي.

هَدَأَتْ بِيْن أَنْفَاسِي وقَالَت

رَغْم الْجَمْر الْبِيْنِي وبِيْنَك

قَلْبَك صَامِد زَيَّك

ولِسَّة حَنِيْن.

ولِسَّة مَوَسَّم وَسْم الْنِيْل

لَمَّن يِكْبَر يِفِيْض الْخِيْر

ولَمّن يِزْعَل يِهْدِر سِيْل

يا جنا إتْ ماك نصيح ؟

Quote: غَـامَتْ بِيْن أمْوَاج الْغُرْبَـة الحْـَالْكَة وْقَالـَت قَـلْـبَكْ قـِنْدِيـلْ

و أنا صبري قليل ... فتيل القنديل يمكن يخلص ..

Quote: مـَاجَتْ بِين أمْوَاج أَحْزَانِي وحِزْنَت ، نَزَلِتْ مِنَّهَا دَمْعَة وقَاَلتْ قَلْبَكْ مِنْدِيْل .

و دة ال خلّى كل المحبوبات يعتمدن على مناديل قلوبنا .. هن يبْكن .. و نحن نمصر

Quote: ِبْين اْلِفْعل وَصَدّ الْفِعل تَاهَتْ مِنَّها كُل خَطْوَاتَها هِي الْمَمْدُوَدة ِبْين الْشَمسِ وَشاطِي الّليْل

بين الشمس و شاطي الليل ... و قلبها في النهاية حيكون دليلها

Quote: نَدَهَت َيازُوْلاً عَاشِق شَايِلْ تـَاج الْعِزَّة ورَاُيه سَدَيـْد أبْقَالـِي دَلِيْل.

مش قلت ليك ؟

Quote: نـَامَت بِيْن أَجْفَان أحْلامِي وْحِلْمَتْ شَافَت قِيْفَة تْطَارِد مُوجةَ اْلِنْيل،

تشبيه بليغ يا دكتور .. بليغ .. فيهو عكس المعنى لتثبيت المستحيل.

Quote: صَرخَت هُوي يـَاصِْبَيَّنْ سَدَرُوا وخَلّوا الْشَتْل النَّيْ عَطْشَان أقـِيْفــُو ا وشِيْلوا مَلَوْد الْمَغْنَى عَشَان َنبْذِر كِلْمَة تَْجابْه الْرِيْح هوي يـَا جَنُّويـَاً يِسِنْدُوا الحِْيْل

و الحيل إنْهدَّ .. و بير الوجعة ما بْينسدَّ

Quote: الْبــَلَد الْقَيَّل فِيْ مَرْجَاكُم صَابِر، أسْرِجُوُا صَهْوَ الجِّْن الْجَامِح خِيْل

مساير بنوتنا لجام ... خدود أولادنا ركايب

Quote: وصُدُّوا عَلَيْهُ الْبَلَد الْوَاقْف فِي الْحَرَّايَة هَجِيْرَها الَّلافِح رَاجِي ضِلِيْل.

و ما زلنا نستجير بالرمضاء من النار

Quote: شَافَتْ غِيْمَة مْسَافْرَة رُؤاك صَرَخَت اصْحِي، فَزِّيْتِي وجِيْتِي عَلَيْ قَلْبـِك يِضْرُب زَيْ (هَبَّابَة) حُضْنَك حُضْنَكْ وجَرَيْت تَالاَك وِطِيْت الْجَمْر الْبِيْنِي وبِيْنِك وَانَا حَفْيَان حُضْنِك إنْتِ مَلاذِي الآمِنْ لَهَجِك طَاهِر ونَفَسِك هِيْل يَا مُشْوَار رِيْدَتْنَا الْحَانِي ويا مُرْوَاد الْسَّهَر الْسّاكِن فِي الْعِيْنِيْن يَا مُشْهَاد الْنَّاس الْوَاقْفَة تْعَايِنْ رَغْم الْجَمْر الْبِيْنِي وْبِيْنَها ورَغْم الضِيْم الشَّاِقْق صَدْرَهَا ، لْمَّا يِجِيْنِي الْبَرْد الْشَّاتِي صَدْرَها دَافِي. هَدَأَتْ بِيْن أَنْفَاسِي وقَالَت رَغْم الْجَمْر الْبِيْنِي وبِيْنَك قَلْبَك صَامِد زَيَّك ولِسَّة حَنِيْن. ولِسَّة مَوَسَّم وَسْم الْنِيْل لَمَّن يِكْبَر يِفِيْض الْخِيْر ولَمّن يِزْعَل يِهْدِر سِيْل

رَغْم الْجَمْر الْبِيْنِي وبِيْنَك

قَلْبَك صَامِد زَيَّك

ولِسَّة حَنِيْن.


من أجمل ما قرأت مؤخرا
يديك العافية

قبلة على جبين التومات

دووك ،،،أبو النسَب ،،،

Quote: ويا مُرْوَاد الْسَّهَر الْسّاكِن فِي الْعِيْنِيْن يَا مُشْهَاد الْنَّاس الْوَاقْفَة تْعَايِنْ رَغْم الْجَمْر الْبِيْنِي وْبِيْنَها

وماتفضل به حادينا الريس من ترجمان للأحاسيس

نجلس عند القيفة الواقفه فوقه بين جمر البين والبينك وبينها

دي مصاهرتنا عديـــل.

يديك العافية يادووك محمد نعجز أن ندخل هذا المحرآب إلا لو وقفة الحروف عن نزيفها حتي تجفف المناديل.

،،،،أبوقصى،،،،

Quote: نجلس عند القيفة الواقفه فوقه بين جمر البين والبينك وبينها ¡¡¡¡

ابو قصي

اك تسمعني اقول

القتني في العشق مكتوف

وقالت

اياك اياك

ان تبتل بالنار

اسعدني بهاءك هنا

Quote: من أجمل ما قرأت مؤخرا يديك العافية

النطاسي البارع الجهني

استعملت مبضعك

وازلت كثير من غشاوة الرمز
فابنت لذوي البصير رؤى
استعذب جرحك
فانت موله

ومعطن بالمعنى

ويديك الف عافية

الماجدة

يانفس الكلمة

وروح الوصفة الطالعة تشقشق

بطن المعنى

وتدى الصورة

اجمل لون

جوة قليبي فتحت مسارب

واتحكرتي سكون وشجون

-

د. محمد!!!

ودي ,,,

يديك العافية والسعادة بقدر ما أدخلت في نفوسنا هذا الكم من الوهج والإشعاع وهذا الكيف من الإبداع

والشفافية ,, كلماتك تكاد تنطق ,,, لا غرو أنها تأتلق وأنها بالعبير تعبق ,,, ربنا يسعدك ...

Quote: ربنا يسعدك ......

العواطف

اهلا بها الطلة

وربنا يسعد الجميع وانت اولهم

العزيز/محمد حسن

زى ماقلت...

كلمة أكيده

قصيدة جميلة..

رائعة فريدة...

مودتى

إسماعيل محمد احمد عباس.......

Quote: مودتى .......

اسماعيل يا جميل

نغرقني بالمودة

فاتنفس جمالك

تشكرات يا سمعة

بوحميد


انشـــاء الله ما ينفعك



( ملود المغنى )

ياااخ ما عافى ليك



يا صــهو الجن الجامع


يخدر ضراعك

يا أخدر

آمين ألقاك معاى

منتهي الروعة والجمال يا دكتور اليومين ديل شيطان شعرك مجنون عديل كده !!

Quote: اليومين ديل شيطان شعرك مجنون عديل >

وانا زاتي مشوطن

شكرا ليك يا هاشم

Quote: آمين ألقاك معاى[/QUOT آآآآآآآمين

---

Post: #14 Title: Re: نَـفــَســـِك هــِيــــــــْل Author: Alsa7afa_30 Date: 11-29-2007, 11:07 AM Parent: #1 Quote: نَزَلِتْ مِنَّهَا دَمْعَة وقَاَلتْ قَلْبَكْ مِنْدِيْل . كلامك سمـح بالحيــل ..

---

Post: #15 Title: Re: نَـفــَســـِك هــِيــــــــْل Author: د.محمد حسن Date: 11-29-2007, 11:16 AM Parent: #14 صحافة يامدهش سلام واحترام اسمح لي استأذنك تنزل لي اغنية مصطفى سيد احمد لحظة شهيق مع وافر التقدير

---

Post: #17 Title: Re: نَـفــَســـِك هــِيــــــــْل Author: Alsa7afa_30 Date: 11-29-2007, 12:08 PM Parent: #15 لحظـة شهيق

---

Post: #19 Title: Re: نَـفــَســـِك هــِيــــــــْل Author: د.محمد حسن Date: 12-01-2007, 08:07 PM Parent: #17 صحافة يا زول يا قيافة وفايت الناس مسافة لك امتناني وتقديري ايها الانسان

---

Post: #20 Title: Re: نَـفــَســـِك هــِيــــــــْل Author: د.محمد حسن Date: 12-02-2007, 09:37 AM Parent: #1 اقيفي معاي نشيل كتف الغنا الميل

---

Post: #21 Title: Re: نَـفــَســـِك هــِيــــــــْل Author: تماضر الخنساء حمزه Date: 12-02-2007, 10:06 AM Parent: #1 Quote: وجِيْتِي عَلَيْ قَلْبـِك يِضْرُب زَيْ (هَبَّابَة) حُضْنَك حُضْنَكْ وجَرَيْت تَالاَك وِطِيْت الْجَمْر الْبِيْنِي وبِيْنِك وَانَا حَفْيَان حُضْنِك إنْتِ مَلاذِي الآمِنْ لَهَجِك طَاهِر ونَفَسِك هِيْل يَا مُشْوَار رِيْدَتْنَا الْحَانِي ويا مُرْوَاد الْسَّهَر الْسّاكِن فِي الْعِيْنِيْن يَا مُشْهَاد الْنَّاس الْوَاقْفَة تْعَايِنْ وجيت أتلفَّح قولة أهلاً بين عينيك الوطن الضايع مني لقيتو فيهو حبايب شالوا الكلمة الطيبة وماني ملام لو إني ..هويتو

---

Post: #22 Title: Re: نَـفــَســـِك هــِيــــــــْل Author: د.محمد حسن Date: 12-03-2007, 12:37 PM Parent: #21 الوعد البينا في الغيب مكتوب بنية صبية وشاعرعاشق وبينا الحرف الحائر ووطنا في الضيم مغلوب واتلاقينا كلام وقصيد وشعر منضوم يفرح عين ويسري قلوب

---

Post: #23 Title: Re: نَـفــَســـِك هــِيــــــــْل Author: ابو جهينة Date: 12-03-2007, 12:46 PM Parent: #22 قلت شنو يا أبو التومات ؟ كدة قول تاني سمعني كويس ... قال هيل قال

---

Post: #24 Title: Re: نَـفــَســـِك هــِيــــــــْل Author: ماجدة عوض خوجلى Date: 12-04-2007, 02:25 AM Parent: #1 Quote: وجيت أتلفَّح قولة أهلاً بين عينيك الوطن الضايع مني لقيتو فيهو حبايب شالوا الكلمة الطيبة وماني ملام لو إني ..هويتو Quote: د.محمد حسن الوعد البينا في الغيب مكتوب بنية صبية وشاعرعاشق وبينا الحرف الحائر ووطنا في الضيم مغلوب واتلاقينا كلام وقصيد وشعر منضوم يفرح عين ويسري قلوب كلامكم الاتنين اجمل من بعض تحياتى وتسلمو

---

Post: #25 Title: Re: نَـفــَســـِك هــِيــــــــْل Author: د.محمد حسن Date: 12-04-2007, 09:35 AM Parent: #24 Quote: كلامكم الاتنين اجمل من بعض ] والاجمل هو انت لقدومك روائح القرنفل وسماحة اهل البلد

---

Post: #26 Title: Re: نَـفــَســـِك هــِيــــــــْل Author: الفاتح الجنيد Date: 12-04-2007, 10:05 AM Parent: #25 Quote: شَافَت قِيْفَة تْطَارِد مُوجةَ اْلِنْيل، صَرخَت هُوي يـَاصِْبَيَّنْ سَدَرُوا وخَلّوا الْشَتْل النَّيْ عَطْشَان أقـِيْفــُو ا وشِيْلوا مَلَوْد الْمَغْنَى عَشَان َنبْذِر كِلْمَة تَْجابْه الْرِيْح هوي يـَا جَنُّويـَاً يِسِنْدُوا الحِْيْل الْبــَلَد الْقَيَّل فِيْ مَرْجَاكُم صَابِر، أسْرِجُوُا صَهْوَ الجِّْن الْجَامِح خِيْل وصُدُّوا عَلَيْهُ الْبَلَد الْوَاقْف فِي الْحَرَّايَة هَجِيْرَها الَّلافِح رَاجِي ضِلِيْل. ياخى ده كلام .... والله ما عارف أقول شنو !!! الله يسمِّح قلمك ، أكتر مما هو سمح ،،،

---

Post: #27 Title: Re: نَـفــَســـِك هــِيــــــــْل Author: د.محمد حسن Date: 12-06-2007, 06:59 AM Parent: #26 Quote: ياخى ده كلام .... والله ما عارف أقول شنو !!! B] الحبيب الفاتح لو انت يا اهل الكلام غلبكم الكلام نحن نقول شنو مشتاقين

---

Post: #28 Title: Re: نَـفــَســـِك هــِيــــــــْل Author: د.محمد حسن Date: 12-07-2007, 11:28 AM Parent: #1 فلبي الموسوم بيقين ريدك ريدي الموسوم بالفال لما يصابحني بعد الصيام عيدك

---

Post: #29 Title: Re: نَـفــَســـِك هــِيــــــــْل Author: د.محمد حسن Date: 12-08-2007, 12:23 PM Parent: #1 بييني وبينك جمر الغربة ونار الويل لما اجيك واطوي بيادر الحلكة الجاثمة ويفقع يبين من بين اللون الحالك وجهك زي القمرة الشاقة الليل

---

Post: #30 Title: Re: نَـفــَســـِك هــِيــــــــْل Author: د.محمد حسن Date: 12-08-2007, 07:07 PM Parent: #1 سرحت وصدحت وغنت قالت يا دخري الشيل

---

Post: #31 Title: Re: نَـفــَســـِك هــِيــــــــْل Author: د.محمد حسن Date: 12-11-2007, 08:11 AM Parent: #30 نفسك نفسي نبضك نبضي امشي وفيني ملامحك رؤيا

---

Post: #32 Title: Re: نَـفــَســـِك هــِيــــــــْل Author: soma Date: 12-11-2007, 08:59 AM Parent: #31 Quote: هَدَأَتْ بِيْن أَنْفَاسِي وقَالَت رَغْم الْجَمْر الْبِيْنِي وبِيْنَك قَلْبَك صَامِد زَيَّك ولِسَّة حَنِيْن. ولِسَّة مَوَسَّم وَسْم الْنِيْل لَمَّن يِكْبَر يِفِيْض الْخِيْر ولَمّن يِزْعَل يِهْدِر سِيْل كنت بتاوق وارجع تانى اتضارا وامرق وتانى اتاوق اقرا الحرف اللفح الخوف خريف ودرت واشوف النغم الدمدم غيم.. مطرا ضهرى نيلا يجرى وفرحا يسرى شوق وحنين وفال سمحين وبرضو اتاوق فشان اغربل نضمى الناس السمحة وارتب حجوات البت القمحة وارص خريزات عروسنا ام طرحة واجيك اتدبا وفى غفلة اشتت نضمى واجرى اتوارى من سماحة هرجك الدوزن عصب الحس الجوة د/ محمد حسن شكرا هيل

---

Post: #33 Title: Re: نَـفــَســـِك هــِيــــــــْل Author: د.محمد حسن Date: 12-12-2007, 09:39 AM Parent: #32 Quote: كنت بتاوق وارجع تانى اتضارا وامرق وتانى اتاوق اقرا الحرف اللفح الخوف خريف ودرت واشوف النغم الدمدم غيم.. مطرا ضهرى نيلا يجرى وفرحا يسرى شوق وحنين وفال سمحين وبرضو اتاوق فشان اغربل نضمى الناس السمحة وارتب حجوات البت القمحة وارص خريزات عروسنا ام طرحة واجيك اتدبا وفى غفلة اشتت نضمى واجرى اتوارى من سماحة هرجك الدوزن عصب الحس الجوة B] وجيتك اتاوق ورجع تاني اتململ وامرق القي خطاي تتراجف ليك اكتب وامسح القى الحرف الجاي عليك بيشيش يتضارى وليك يسارق ياسمحة وقمحة ومنك شال القمر الناير حبة لمحة ا

---

Post: #34 Title: Re: نَـفــَســـِك هــِيــــــــْل Author: د.محمد حسن Date: 12-16-2007, 09:02 AM Parent: #33 وجيتك بي امل الباكر اقصد ليمك نيلك ليلك