Post: #1
Title: هل تعلم لماذا لُقب المريخ بالزعيم؟
Author: منزر احمد بابكر
Date: 11-27-2007, 06:10 AM
ُلقب المريخ بالزعيم من جانب محبيه وذلك للأسباب الآتية:-
· تأسس النادي في عام 1910 باسم المسالمة ثم تحول إلى المريخ في 14 نوفمبر 1927م (أي قبل شقيقة الهلال الذي تأسس عام 1930م).
· فاز في أول مباراة ديربي في العام 1934م بهدفين مقابل هدف للهلال (أحرز هدفي المريخ لاعبه الزين الشفيع) ومازال متفوق في مباريات الدريبي على نده التقليدي الهلال حتى تاريخ هذا اليوم.
· فاز بأول بطولة (كأس البلدية) 1934م بعد أن تغلب على بري بهدف (عوض ابوزيد) في المباراة الختامية.
· أول نادي سوداني ينشئ نادي واستاد وذلك عام 1962م.
· أول نادي سوداني يصدر صحيفة رياضية يومية وذلك عام 1964م.
· فاز على نده التقليدي الهلال ثمانية مرات على التوالي (ديربي ام درمان) وهذا الإنجاز لم يتكرر حتى الآن.
· أول نادي يفوز ببطولة الدوري دون هزيمة أو تعادل 1971-1972م وهذا الإنجاز لم يتكرر حتى الآن.
· أول نادي سوداني يحقق بطولات إقليمية وقارية (سيكافا عامي 1986و1994م وكأس أفريقيا للكؤوس 1989م).
· فاز بأول مباراة ديربي تقام خارج الخرطوم (جوبا).
· حصد معظم كؤوس المناسبات التاريخية.
· أكثر فريق حصد للبطولات المحلية (كأس السودان – بطولة الدوري المحلي).
· أول نادي سوداني يدخل المناشط الأخرى بغير كرة القدم (السلة – الطائرة –الملاكمة).
· أول نادي سوداني ينشئ موقع على الانترنت 2002م.
|
Post: #2
Title: Re: هل تعلم لماذا لُقب المريخ بالزعيم؟
Author: أبوالزفت
Date: 11-27-2007, 06:56 AM
Parent: #1
يا منذر عساك مرتاح
يدرج هذا البوست تحت حمي لقاء هلال مريخ
يا منذر انت اوردت حقائق تاريخة قيمة جدا
اتمني ان تكون توخيت فيها الدقة.
في رآي من يستحق لقب الزعيم هو اكثر فريق
حقق بطولات داخل السودان لانو الزعيم زعيم الاندية
السودانيةQuote: · أكثر فريق حصد للبطولات المحلية (كأس السودان – بطولة الدوري المحلي).
|
هذه المعلومة مربط الفرس كل ماذكرت لا يعطي "الصفوة" كما يحلو لكم تسمية انفسكم الحق
في اعطاء المريخ لقب الزعيم غير المعلومة المقتبسة اعلاه.
فان صحت المعلومة اعلاه فالمريخ هو الزعيم
وكنت انزلت بوست بتقنين الالقاب الكروية
مثل
العميد الزعيم
قلعة الكؤؤس
قلعة الكؤؤس الخارجية (دي للان للمريخ بلا منازع)
الحق يقال حتي ولو كان عكس ما نهوي ونتمني
دعوة الي تقنين الالقاب الرياضية
وبعد بكرة الخميس
انا بشجع الهلال وما بكره المريخ وييييييييييييييييه
التعديل لتكبير الخط
|
Post: #8
Title: Re: هل تعلم لماذا لُقب المريخ بالزعيم؟
Author: منزر احمد بابكر
Date: 11-28-2007, 04:48 AM
Parent: #2
الاخ ابو الزفت
عساك طيب
بعيداً عن الالقاب والإحصائيات والمعلومات ومصدر صحتها ومنو
غلب منو وعندو كم كأس وما شابه ذلك
انظر الى هذه المعادلات الرياضية:
انجازات دوليه وقارية + انجازات محلية = الزعيم
او
انجازات محليه + انجازات محلية = الزعيم
ايهما افضل؟ ومن هو الفريق الذى يستحق لقب الزعيم؟
إذا لم تكن ايجابتك المريخ فهذا تعصب واضح منك
وعلى حسب معلوماتى انك شخص تتمتع بروح رياضيه وانك
بتشجع الهلال وما بتكره المريخ
|
Post: #3
Title: Re: هل تعلم لماذا لُقب المريخ بالزعيم؟
Author: عمر الفاروق
Date: 11-27-2007, 07:43 AM
Parent: #1
الأخ منذر:
تحياتي..
للأسف فمعظم معلوماتك مغلوطة ولا تستند لبراهين ولا أرقام بل هي مجرد فقاعات ليس إلا..
أولاً أود أن أنبه لنقطة تداولها الإعلام المريخي من حيث تأسيس النوادي ..وهي إنو ناس زمان فلقونا بي قصة إنو الهلال والمريخ كانوا فريق واحد وإنقسموا بي سبب شكلة و و و و
وطالما إنو المعلومة دي صحيحة فده معناهو إنو الفريقين تأسسوا في نفس العام بغض النظر عن المشكلة والفرقتة ..
يبقا من ناحية اتلأسيس فالفريقين تأسسوا في نفس العام ..
بالنسبة للتفوق في عدد مرات الفوز بين الهلال والمريخ فقد كذبت كذباً مبيناً ولو عندك الأرقام تعال قول لينا وحسب الإحصائيات المكتوبة في الجرائد فالهلال متفوق على المريخ بعدد كبير في مرات الفوز ولو عايز نجيب ليك الإحصائية ..
بالنسبة لعدد مرات الفوز بالبطولات المحلية فالهلال والمريخ متساويان في الفوز في الدوري المحلي والهلال يتفوق على المريخ في البطولة المحلية الأم وهي بطولة دوري السودان والتي أراك (عملت منها حميييل) بينما يتفوق المريخ في بطولة الرديف وهي بطولة كأس السودان فمن هو الزعيم يا منذر فريق يفوز بالبطولة الأم أم فريق يفوز ببطولة الوصافة ؟
بالنسبة لمباراة جوبا أراك ذكرت أول مباراة تتم خارج الخرطوم محلياً ولكنك تجاهلت بنفس القدر أول مباراة تقام خارج السودان بين الفريقين والتي أقيمت في دولة قطر وفاز فيها الهلال بهدفين للراحل والي الدين وزاهر مركز فأيهما يستحق الزعامة فريق فاز خارج الخرطوم في جوبا أم فريق فاز خارج السودان في الدوحة ؟؟
|
Post: #13
Title: Re: هل تعلم لماذا لُقب المريخ بالزعيم؟
Author: منزر احمد بابكر
Date: 11-29-2007, 09:03 AM
Parent: #3
الاخ عمر الفاروق
سلامات
المريخ زعيم الفرق السودانية
هذه حقيقه لا تقبل القسمه على اتنين
وذلك للاسباب الاتية
الفريق انجازات دولية انجازات محلية
المريخ نعم نعم
الهلال لا نعم
المورده لا نعم
اهلى مدنى لا نعم
حى العرب لا نعم
إذاً الهلال زيو و زى اى فريق لذلك ينفرد المريخ
بزعامة الفرق السودانية وبدون الرجوع للإحصائيات
لانها تخضع للمصداقية والدقة.
|
Post: #5
Title: Re: هل تعلم لماذا لُقب المريخ بالزعيم؟
Author: omar altom
Date: 11-27-2007, 08:41 AM
Parent: #1
| Quote: هل تعلم لماذا لُقب المريخ بالزعيم؟ |
خطأ مطبعي
|
Post: #6
Title: Re: هل تعلم لماذا لُقب المريخ بالزعيم؟
Author: AdilAttia
Date: 11-27-2007, 10:19 AM
Parent: #5
الأخوة الأعزاء هذه الحقائق :
بطولات محلية
***********************
بطولة الدوري المحلي:
حقق المريخ بطولة الدوري المحلي (دوري اندية الدرجة الاولى بالخرطوم) سبعة عشر مرة تفاصيلها كالاتي:
1953 - 1954
1955 - 1956
1961 - 1962
في هذا العام حقق المريخ الدوري بدون هزيمة وبتعادلين فقط.
1965 - 1966
1967 - 1968
في هذا العام حقق المريخ انجاز غير مسبوق بفوزه بالدوري بدون هزيمة او تعادل
1971 - 1972
في هذا العام حقق المريخ انجاز غير مسبوق بفوزه بالدوري بدون هزيمة وبتعادل واحد فقط
1972 - 1973
في هذا العام حقق المريخ الدوري بدون هزيمة وبعدة تعادلات
1978 - 1979
في هذا العام حقق المريخ الدوري بدون هزيمة وبعدة تعادلات
1980 - 1981
1982 - 1983
1984 - 1985
في هذا العام حقق المريخ الدوري بدون هزيمة وبعدة تعادلات
1985 - 1986
1990 - 1991
في هذا العام حقق المريخ الدوري بدون هزيمة وبعدة تعادلات
1991 - 1992
في هذا العام حقق المريخ إنجاز آخر حيث لم تستقبل مرماه اي هدف طيلة سته عشر مباراة متوالية
1992 - 1993
1995 - 1996
أنسحب الهلال من مباراته الآخيرة آمام المريخ نسبة لحسم المريخ البطولة قبل موعدها با اسبوعين
1996 - 1997
المريخ آكثر الانديه فوزاً بهذه البطولة 17 مرة
بطولة دوري السودان:
حقق المريخ بطولة دوري السودان ثمانية مرات تفاصيلها كالاتي:
1970 - 1971
1971 - 1972
1973 - 1974
1977 - 1978
1981 - 1982
1984 - 1985
1989 - 1990
1992 - 1993
الهلال آكثر الاندية فوزاً بهذه البطولة 12 مرة
بطولة كاس السودان:
حقق المريخ كاس السودان ستة مرات علماً بأن البطولة انطلقت في عام 1990 تفاصيلها كالاتي.
1991 - 1992
1992 - 1993
1993 - 1994
1995 - 1996
2000 - 2001
2005-2006
المريخ آكثر الاندية فوزاً بهذه البطولة 5 مرات
بطولة الدوري الممتاز:
1996 - 1997
1999 - 2000
2000 - 2001
2001 - 2002
بطولات خارجية
*****************
كأس جوبا
أول كاس جويه محمولة جواً
المناسبة: افتتاح جامعة جوبا
المـكان : مدينة جوبا جنوب السودان
التاريخ :1977م
أنتصر المريخ على نده التقليدي الهلال 1/صفر، احرز الهدف سامي عزالدين في الدقيقة 89 (باقي دقيقه سامي يجبيها) وكانت كل التكهنات قبل المباراة تشير الى فوز الهلال نسبة الى سفر حارس مرمي المريخ الدولي الطيب سند المفاجئ الى دولة الامارات العربيه المتحدة ولعب المريخ بحارسه الاحتياطي الهادي سليم وابلى بلاء حسنا وهتفت الجماهير بعد المباراة (مريخنا عظيم بالهادي سليم) وكان وقتها فريق الهلال يضم المع النجوم في خط هجومه الدحيش ، على قاقرين ، متوكل عبدالسلام، ولكن فتية المريخ الاشاوس كانوا عند حسن الظن بهم وقدموا عرضاً رائعاً استحقوا به كأس المباراة وتسلموا الكأس من الرئيس جعفر نميري وعادوا به للخرطوم
--------------------------------------------------------------------------------
كاس شرق ووسط افريقيا ـ سيكافا
المناسبة: بطولة شرق ووسط أفريقيا
المكان : موانزا تنزانيا
التاريخ : 25 يناير 1986م
حقق فريق المريخ بطولة أندية شرق ووسط افريقيا (سيكافا) بعد ان لعب في مجموعة موانزا وفاز المريخ على ماجي ماجي التنزاني 1 صفر احرز الهدف جمال ابوعنجة ثم تعادل في المباراة الثانية مع مومكيرا الزامبي وفاز في المباراة الثالثة على وقد الصومالي 5/1 واحرز الاهداف عيسى صباح الخير هدفين وهدف لكل من الدحيش وابراهومة ونزار خليفة وفي الدور قبل النهائي فاز على لبيردس الكيني 1 صفر احرز الهدف جمال ابوعنجة وفي نهائي البطولة التقى المريخ بالشباب التنزاني وانتهت المباراه في زمنها الاصلي والاضافي بهدفين لكل فريق احرز اهداف المريخ ابراهومة وعيسى صباح الخير ليحتكم الفريقان لضربات الجزاء الترجيحية والتى كسبها المريخ 4/3 ليحقق المريخ البطولة
--------------------------------------------------------------------------------
كاس دبي الذهبي
المناسبة : بطولة دبي الثانية
المكان : مدينة دبي دولة الامارات العربية المتحدة
التاريخ: 3 ديسمبر 1987م
فاز المريخ بالبطولة بعد تغلبه على فريق الزمالك القاهري بضربات الجزاء الترجيحية بعد انتهاء زمن المباراة الرسمي والاضافي بهدف لكل فريق احرز هدف المريخ عوض الله انور
.بريمة شاف الذهب وفعل العجب
--------------------------------------------------------------------------------
كاس الكؤوس الافريقية ـ مانديلا
المناسبة : بطولة كأس الكؤوس الأفريقية
المكان : بنين ـ نيجريا
التاريخ: 9 ديسمبر 1989م
حقق فريق المريخ بطولة كاس الكؤوس الافريقية (مانديلا) بعد ان تخطى الاهلي الليبي بالانسحاب في دور ال 32 وفي دور 16 خسر من البنزرتي التونس بتونس 1/ صفر وفاز عليه بامدرمان 2/ صفر بهدفي سانتو رفاعه، وفي دور 8 كسب باترونج الكنغولي 2/ صفر بالخر(.........)م بهدفي جمال ابوعنجة وعيسى صباح الخير، وفي دور الاربعة خسر امام قورماهيا بكينيا 1/صفر وفاز بامدرمان 2/ صفر بهدفي سانتو رفاعة ودحدوح ليتاهل للمباراة الختامية.
وفي المباراة النهائية فاز على بندل يونايتد النيجيري بامدرمان 1 /صفر احرز الهدف كمال عبدالغني وتعادل مع بندل بنيجريا بدون اهداف ليحقق كاس البطولة
--------------------------------------------------------------------------------
كاس الشارقة
المناسبة : دورة الشارقة الدولية
المكان : مدينة الشارقة دولة الامارت العربية المتحدة
التاريخ : 16 يناير 1999م
في ليلة السبت السعيد أشرق نجم السعد في سماوات الشارقة ليلتها كان المريخ السودان ، المريخ الذي نعرف والمريخ الذي نريد،في تلك الليلة المباركة ليلة التاسع والعشرين من رمضان المبارك حلق المريخ بعيداً في المدى ، طاف لاعبوه أرض الملعب شبراً شبراً فرسموا لوحة رائعة للابداع وزرعوا الفرح في النفوس
--------------------------------------------------------------------------------
كاس الوصل
المكان : مدينة دبي دولة الامارات العربية المتحدة
|
Post: #12
Title: Re: هل تعلم لماذا لُقب المريخ بالزعيم؟
Author: منزر احمد بابكر
Date: 11-28-2007, 05:57 PM
Parent: #5
الاخ عمر التوم
سلامات
| Quote: هل تعلم لماذا لُقب الهلال بالزعيم؟ |
هذا هو الخطأ المطبعى
|
Post: #7
Title: Re: هل تعلم لماذا لُقب المريخ بالزعيم؟
Author: عمر الفاروق
Date: 11-27-2007, 10:31 AM
Parent: #1
أخونا عادل :
Quote: المريخ آكثر الاندية فوزاً بهذه البطولة 5 مرات
بطولة الدوري الممتاز: |
يا رااااااااااااااااااااااجل..
|
Post: #9
Title: Re: هل تعلم لماذا لُقب المريخ بالزعيم؟
Author: كمال علي الزين
Date: 11-28-2007, 06:51 AM
Parent: #7
(*)
قبل أن أشارك بالحديث عن المريخ والكورة وهلمجرا ...
إنتا يازول منزر ودخالتي , ولا إسم على إسم ؟؟؟؟
|
Post: #10
Title: Re: هل تعلم لماذا لُقب المريخ بالزعيم؟
Author: كمال علي الزين
Date: 11-28-2007, 06:58 AM
Parent: #9
Quote: 1)
شكابة الناظر (عبدالله ودشاع الدين) , ونحاس الكواهلة يتردد صداه مابين (النيل الأزرق) الذي يبدو
أكثر عنفاًوإندفاعاً عند مروره بهذه القرية المدينة , وروافدها (مايو الصغيرة) و(أم سنط ) والبص
في غدوه ورواحه بين المحلج والشكابة وودالهندي و(التاون سنتر ) (ود الضو) ..
حدثتني نفسي كثيراً أن أزور خئؤلتي هناك , كان أهلنا الكبار يشفقون علينا من مشقة السفر , كانت
نفوسنا تهوى إليها , في لمة عرسها وفي ويلات حزنها , نشتاق إلى خالتي (دولة) وأبناءها منذر ومهند
وإقبال , نتوق إلى زيارة ( بدرالدين أب لخة ) التاجر البخيل في مكمنه و(عصام الدحيش ) اللاعب
الفذ وحوش أولاد الباشا وتشرئب دماءنا حرارة فقد كان صديقنا (عمر علي أحمد البشير) قد خصه الله
دوننا بزيارة الشكابة كل عيد فيعود أكثر توقاً لمغايظتنا برحلته , وحكاياه , رغم أنه يعود محملاً
بهدايا الأهل وتحاياهم , إلا أن خيبتنا تطل من بين أعيننا.
أذكر ذلك العام , منتصف التسعينيات , عام كان فيضانه أشبه بفيضان 88 , عنيفاً جارفاً , لدرجة أنه
أخيراً جرفني إلى شاطئ الشكابة , وصحبة (عمر علي أحمد البشير ) و(الطيب الزبير) , و(بدرالدين
أبلخة ) الذي بالتأكيد رفض أن يدفع عنا تذكرة البص إلى مدني رغم ثراءه المبكر ..
كان (أب لخة ) أسعدنا بقدومي للمرة الأولى , فقد نال شرف أخذي في جولة تعارف على أرحام وأهالي
يروني للمرة الأولى , لم يكن مصدر سعادته بالطبع نيل شرف تعريفي بالأهل والأحباب بل كان أنه سيتناول
وجبات وزجاجات كثيرة من المشروبات دون أن يضطر إلى أن يدخل يده بجيبه الذي كانت عليه لافتة ممنوع
الإقتراب أو التصوير ..
قضينا ليلتان الأولى سهارى ببيت عرس وأطل علينا ذلك الصباح ومازال (بلال موسى ) يغني , والناس
سكارى وماهم بسكارى ..
|
وإذا كنت هو من أعني إيش دخلك بالمريخ ...
منزر أحمد بابكر مولود في أمريكا سنة 1969 يعني أولى يتكلم عن الباسكتبول , ولا كرة النطح
الأمريكية ....
إن كنت هو تحياتي لخالتي ولدكتور أحمد وللجميع ...
لحدي ما أجيك لي قصة المريخ دي ..
محبتي ..
|
Post: #11
Title: Re: هل تعلم لماذا لُقب المريخ بالزعيم؟
Author: منزر احمد بابكر
Date: 11-28-2007, 08:26 AM
Parent: #9
| Quote: إنتا يازول منزر ودخالتي , ولا إسم على إسم ؟؟؟؟ |
ياهو ظاااااتو
منذر الخليتو يتكلم انجليزى لمدة يومين فى الكلاكله
وباقى القصه انت عارفها
وين انت يا كيمو
والله زمان
والله ليك وحشه ومشتاقين كتير والله
حنتقابل فى البورد كتير انشاء الله
ابن خالتك منذر
|
Post: #14
Title: Re: هل تعلم لماذا لُقب المريخ بالزعيم؟
Author: كمال علي الزين
Date: 12-02-2007, 06:50 AM
Parent: #11
Quote: ياهو ظاااااتو
منذر الخليتو يتكلم انجليزى لمدة يومين فى الكلاكله
وباقى القصه انت عارفها
وين انت يا كيمو
والله زمان
والله ليك وحشه ومشتاقين كتير والله
حنتقابل فى البورد كتير انشاء الله
ابن خالتك منذر |
منزر ود دولة بت الطيب ..
(دي طبعاً حركات أخونا محمد عبدالرحمن الأنصاري بتاع أربجي داك ) ..
ليك وحشة ياراجل ..
الإنجليزي يومين في الكلاكلة متعب جداً ..
تحياتي للخالة والجميع ..
محبتي ..
(رفعة البوست دي مع هزيمة المريخ حاتجيب ليك جنس بلاوي أركز بس ) ..
|
Post: #15
Title: Re: هل تعلم لماذا لُقب المريخ بالزعيم؟
Author: محمد عبدالرحمن
Date: 12-02-2007, 07:29 AM
Parent: #14
ياكمال ..
قلبتو القصة ماسنجر يعنى ..ودخالتك دا
عمل رائح من البوست دا ...جيت انت ناطى
من وين رفعتو ليهو تانى ..المحيرنى انو
ناس المريخ ديل يفكو الحاجة فى روحهم
ويصدقوها ..زعيم شنو يامنذر ياخ ...
بالله فكونا
|
Post: #16
Title: Re: هل تعلم لماذا لُقب المريخ بالزعيم؟
Author: كمال علي الزين
Date: 12-02-2007, 07:32 AM
Parent: #15
Quote: ياكمال ..
قلبتو القصة ماسنجر يعنى ..ودخالتك دا
عمل رائح من البوست دا ...جيت انت ناطى
من وين رفعتو ليهو تانى ..المحيرنى انو
ناس المريخ ديل يفكو الحاجة فى روحهم
ويصدقوها ..زعيم شنو يامنذر ياخ ...
بالله فكونا
|
غايتو أن (ولا خساني ) ..
إزيك يازول يا(مثقف إنتا) جيب مبضعك وشرح كلام الزول ده ..
أنا بس جيت أسلم على ودخالتي وتاني (ولا خساني ) ..
|
Post: #17
Title: Re: هل تعلم لماذا لُقب المريخ بالزعيم؟
Author: منزر احمد بابكر
Date: 12-03-2007, 06:06 PM
Parent: #15
Quote: ناس المريخ ديل يفكو الحاجة فى روحهم
ويصدقوها ..زعيم شنو يامنذر ياخ ...
بالله فكونا |
اها فكيناك حتمشى وين ...........
تحياتى
منذر
|
|