Post: #1
Title: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد حسن العمدة
Date: 11-26-2007, 09:14 PM
Parent: #0
يادوب قلت الواحد همو برد وبديت اتكئ للمسلسلات والتلفزيون والافلام
في ام بي سي اكشن عرض مسلسل Lost وفجاة قطع سالت قالوا ده الجزء الاول - يمكن
روحي اتشحتفت وبقيت زي زول الهيروين كل يوم الساعة اتناشر زي الرايحة لي شي
اها عاوز زول ولا زولة شفوت في روابط الافلام والمسلسلات عشان نغيظ ناس الاكشن ديل
الناس ديل مساكين رايحين في الجزيرة دي ما معروف الحصل ليهم شنو
ارجو المساعدة بالله
|
Post: #2
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: نيازي مصطفى
Date: 11-26-2007, 09:29 PM
Parent: #1
انت ما سمعت قصة الشافع القال لابوه اديني قروش عشان امشي اشوف الحاوي .
اها في داعي انت تفتش للناس الرايحين ديل .. فكرك في ناس رايحين اكثر مننا.
|
Post: #3
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: اسامة كمال الخولي
Date: 11-26-2007, 10:15 PM
Parent: #2
ياحبيب اسمارت شنو وبت الحسين ، نحن زمااان شلنا منهن اللقب ده واصبح ملك لنا نحن (كلمنجية الافلام ) وعشان تأمن شوف البوست
البوست ده ، بس عليك الله اقرأه بمزااااااج
كلام أفلام
وح امدك بويب سايت فيه كل المسلسلات ، لكن عليك الله تابع ،برزون بريك ، وهو يعرض في الساعه الثانية عشر ، في نفس وقت لوست ، اجمل واكثر اثارة من لوست ...
رقم صفر
|
Post: #9
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد حسن العمدة
Date: 11-27-2007, 10:19 AM
| Quote: وح امدك بويب سايت فيه كل المسلسلات ، لكن عليك الله تابع ،برزون بريك ، وهو يعرض في الساعه الثانية عشر ، في نفس وقت لوست ، اجمل واكثر اثارة من لوست ... |
اسامة سلام
يا زول انت رقم صفر رقم صفر ؟؟
طيب ما عزمتونا للسماية الجديدة
طبعا المسلسل الجديد خشيت فيهو دايش ختيت ليك كباية الشاي واتكين بمزاج منتظر لوست لقيت نفسي في برنامج تاني كمان
عارف كل ما تنتهي حلقة بكره ليك بتاعين التلفزيون واقول مالو لو تمو لينا باقي الحلقات دي حسسسسسسسسسع دي
عشان كده الكورة والمسلسلات ديل بوتروني شديد
شكرا ليك يا مان
|
Post: #4
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: رأفت ميلاد
Date: 11-26-2007, 10:21 PM
Parent: #2
يا ود العمدة سلام
ياخوى أنا شفت الجزء الثالث والأخير
ممكن إذا عملت e-mail فى http://mail.lycos.com/lycos/Index.lycos
بديك برنامج Downloader تجب منو العجب . Lost تنزلا كاملة ممكن أديك downloader تانى وصفحة مخصصة لـ Lost
بس تجينى فى الخاص (يا حليل الخاص هنا) فى الحلة التانية
مودتى
|
Post: #10
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد حسن العمدة
Date: 11-27-2007, 10:39 AM
Parent: #4
| Quote: بس تجينى فى الخاص (يا حليل الخاص هنا) فى الحلة التانية |
يعني الا تشفرها يا رافت ما تخلي مساكين س اون لاين ديل يملحو ياخ
ويا حليل الحلة التانية
غايتو الا نسوي حلة تالتة
اصلو نحنا ديل جننا تلاتة تلاتة
على نحو الطريق التالت وكده ( وجه ضاحك )
تشكر على الاي ميل اللقطة ده
|
Post: #6
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد حسن العمدة
Date: 11-27-2007, 08:51 AM
Parent: #2
| Quote: انت ما سمعت قصة الشافع القال لابوه اديني قروش عشان امشي اشوف الحاوي . |
هههههه
قلت لي عاوز تعمل حاوي وتيب ما تجيب الرابط يا حاوي
انت خليك في رواحك ده احسن ليك
مكة والمديييييييييييييينة
loooooooooooooool
|
Post: #5
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: معاوية كرفس
Date: 11-26-2007, 11:19 PM
Parent: #1
.
ود العمدة الحبيب
يا زول يا لدود
كيفنك
و كيفن مشاكثاتنا مع بعض .
لكن إنت طلعت زول ( دقوسة ) ساي !!!
كيف تكون بتعرف MBC Action
و إنت الزول السياسي و التنظيمي
و ما جبت سيرة لأهم مسلسل
في MBC Action
مسلسل ( Alias )
الشهير و المثير لأي زول سياسي و تنظيمي
و أبطاله :
( الجميلة سيدني برستو و حبيبها مايكل فون
ووالدها جاك بريستو ) .
هذا من أجمل المسلسلات التي أحرص علي متابعتها في هذه الفضائية .
وهو الذي يعبر عن تداعيات و إنهيار المعسكر الشرقي
و في نفس الوقت يعبر عن إعتداد الأمريكان بأنفسهم
في حالة لا منافس و موازن .
حاول يا ود العمدة تابعو
و حتستمتع شديد ،
و أكيد حيفتح مع فكرك كمية من محاور النقاش
و أراهنك علي ذلك .
ودي الخالص
كرفس
|
Post: #7
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: Mohamed E. Seliaman
Date: 11-27-2007, 08:56 AM
Parent: #5
الأخ محمد حسن العمدة
السلام عليكم ورحمة الله
بعد أن تبين أن كلامي هو الصحيح
أرجو أن تجنح إلى فضيلة الاعتذار
Quote:
المشكلة الاكبر والشيييييييينة يا ( دكتور ) نزار هي اخطاء اخونا
محمد أي سليمان الما بفرق بين الاسم والفعل
Quote: معك حق دكتور نزار
حذف ياء الاسم المنقوص النكرة ((المنون))
ليس متعلقا بكونه مجرورا بالإضافة
ولا حتى بسبب كونه مجرورا بأي من
أسباب الجر الأخرى !!!!
فهذه الياء تحذف من الاسم المنقوص النكرة ((المنون))
حال رفعه أيضا !!!!
وتثبت حال نصبه مصروفا أو غير مصروف!!!
|
نعم ما نقلته هو من كلامي أنا حين كتبت:
معك حق دكتور نزار
حذف ياء الاسم المنقوص النكرة ((المنون))
ليس متعلقا بكونه مجرورا بالإضافة
ولا حتى بسبب كونه مجرورا بأي من
أسباب الجر الأخرى !!!!
فهذه الياء تحذف من الاسم المنقوص النكرة ((المنون))
حال رفعه أيضا !!!!
وتثبت حال نصبه مصروفا أو غير مصروف!!!
و لا أعلم أن هذا الكلام قد كتبه أحد غيري !!
ولقد كتبته باجتهادي الشخصي
الأخ محمد حسن العمدة أطالبك بالاعتذار العلني عن هذا الا...ام بمكتبة د. نزار !!
|
Post: #8
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: زهير حيدر صديق
Date: 11-27-2007, 09:33 AM
Parent: #7
أستاذ رأفت
التحايا الخوالص
ده إيميلي [email protected] فلو سمحت ممكن برنامج الداونلود.
شكري لك سلفاً.
|
Post: #14
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد حسن العمدة
Date: 11-27-2007, 03:59 PM
Parent: #7
Quote: الأخ محمد حسن العمدة
السلام عليكم ورحمة الله
بعد أن تبين أن كلامي هو الصحيح
أرجو أن تجنح إلى فضيلة الاعتذار |
محمد إييييي سلام
قلت لي لى حسع زانقاك ؟؟
كدي قول إييييييييييييييييييييييييييييييييييييييي
بعتذر ليك
غلبوك العلمانيين جاي تلاحقني ولا شنو
يا زول بنعتذر ليك تب مافي مشكلة صاح ولا غلط بس وريني ليه الا البوست دع تحديدا ؟
قول إي تاني
|
Post: #11
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد حسن العمدة
Date: 11-27-2007, 11:01 AM
Parent: #5
| Quote: حاول يا ود العمدة تابعو |
يا سلام يا كرفس
مشاكسات شنو يا زول
والله انا من اشوف صورتك افتكر النشيشيبة وكل القرضمة والنفخة تروح
يا زول والله شوفتكم بالدنيا كلها
تعرف يا كرفس الساعة اتناشر مساء دي هي الوقت الوحيد الممكن الواحد يتابع فيهو شاشة
الزمن مخنوق شديد لكن بارك الله في الخواجة الخلق النت
تحياتي يا رائع
|
Post: #17
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد حسن العمدة
Date: 11-27-2007, 06:52 PM
Parent: #11
Quote: أستاذ رأفت
التحايا الخوالص
ده إيميلي [email protected] فلو سمحت ممكن برنامج الداونلود.
شكري لك سلفاً. |
يا زهير ياخ جاي تشحد في حارة الشحادين ؟
طيب قول احم ولا شي ولا شي
 
|
Post: #12
Title: قاااااااادر الله
Author: lana mahdi
Date: 11-27-2007, 11:45 AM
Parent: #1
قااااادر الله ياخواني
ود العمدة أخوي إتحدّث و إتطور و بقى مواكب النظام العالمي الجديد
بركاااااتك يا منّو
يا تراجي تعالي الحقي
في تطور في أمل
|
Post: #13
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: مريم بنت الحسين
Date: 11-27-2007, 01:24 PM
Parent: #1
الأخ العمدة تحية
معليش ياخ، والله انا طوّلت من حلّتكم دي طول شديد... اتمنى ما اكون اتأخرته
http://www.bedroommedia.com/watch.php?vid=2489&part=23830
الرابط أعلاه، بخليك تتفرج على كل المسلسلات المشهوره، لما فيها Lost.. لحدي آخر حلقة في آخر sesson...
وشكرا
بنت الحسين
|
Post: #15
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: عثمان حسن الزبير
Date: 11-27-2007, 05:44 PM
Parent: #13
بت الحسين
والله أنا بتاوق بي جاي من قبيل والجميل رأفت ما قصر لكن حكايتو طويلة وفيها لفة وتسجيل وحركات ...
وبي جاي LOST ما لقيناها غايتو لو ما جبتي لينا الجزءين الثاني والثالث بنشيل حسك أنا وصاحبي ود العمدة...
|
Post: #24
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد حسن العمدة
Date: 11-28-2007, 06:27 PM
Parent: #15
عثمان الزبير
ياخوي انت برضو جاي تملح ولا شنو
فعلا الرابط لقيت فيهو الجزء الاول فقط وتعرف برضو الواحد بيحضر فيهو تاني
انا اتعاطفت مع الناس ديل شديد والله
حسيت باني واحد منهم
|
Post: #23
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد حسن العمدة
Date: 11-28-2007, 06:09 PM
Parent: #13
بت الحسين
والله مشكورة شديد ولا تاخير ولا حاجة وفعلا فقدناك في الفترات الراحو ديل
حلتنا دي كل يوم مشاكل اخير ليك الطويلة بس ما تكتريها عشان الزينا ديل ما يروح عليهم الدرب في درب العوووووووووولمة
مشكوووووورة والله ما قصرتي تب
علا اختنا اسمارت فقدناها والله
|
Post: #26
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد حسن العمدة
Date: 12-02-2007, 06:51 PM
Parent: #23
| Quote: يا تراجي تعالي الحقي |
رتاجي شنو يا لنا ناس الدردوق ديل باقي ليك بلحقونا تاني ؟؟
تصدقي يا لنا شكلي حلمت اني رديت ليكي
غايتو كان الخرف خش ما عارف
اها انتو كيف
اتحدثتو زينا ولا من الجيل القديم
|
Post: #16
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد البشرى الخضر
Date: 11-27-2007, 06:35 PM
Parent: #1
سيبك يا من عمك رأفت تعال لي في الخاص وبتاع
هاك المفيد
ممكن تلجأ للتحميل عن طريق التورنت
تحتاج تنزل بنامج مشاركة زي Bitcomet و تعمل سيرش في مواقع التورنت زي
http://www.torrentspy.com
http://www.mininova.org
بتلقى فيهم تقريبا أي حاجة و احدث الأفلام اللسة معروضة في السينما
الأيام دي مدور Prison Break Season 3 وفي يناير حيبدا 24 season 7
ولسرعة التحميل تحتاج DSL
لو ما عندك ألحق عرض التأسيس المجاني لآفاق
لتحميل Bitcomet
وادعي لي
يا رأفت يا عمك
وين ما شفناك في مولد سيدي الكبكبي أبو الدرداق
|
Post: #18
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: رأفت ميلاد
Date: 11-27-2007, 07:16 PM
Parent: #16
ود العمدة وزهير حيدر
أرجو مسح الإيى ميل تم تسجيله . قبل إلتقاطه بحرامية ساحل العاج وما تخلصوا
تحياتى
|
Post: #19
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: رأفت ميلاد
Date: 11-27-2007, 07:41 PM
Parent: #16
Quote: سيبك يا من عمك رأفت تعال لي في الخاص وبتاع
هاك المفيد
ممكن تلجأ للتحميل عن طريق التورنت
تحتاج تنزل بنامج مشاركة زي Bitcomet و تعمل سيرش في مواقع التورنت زي
http://www.torrentspy.com
http://www.mininova.org
بتلقى فيهم تقريبا أي حاجة و احدث الأفلام اللسة معروضة في السينما
الأيام دي مدور Prison Break Season 3 وفي يناير حيبدا 24 season 7
ولسرعة التحميل تحتاج DSL
لو ما عندك ألحق عرض التأسيس المجاني لآفاق
لتحميل Bitcomet |
حملت ال Bitcomet
دست على اللنك المهبب بتاعك والأولاد جمبى
وتقول لى
أها ندخل ده فى ده كيف .. يعنى نحمل رابط البحث فى ال Bitcomet ونزل المادة كيف
عشان أدعى ليك
متابعة الرشاشات .. | Quote: وين ما شفناك في مولد سيدي الكبكبي أبو الدرداق |
ده ما وقع فى عينى أدينى لنك سريع
|
Post: #20
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد البشرى الخضر
Date: 11-27-2007, 08:17 PM
Parent: #19
يا عمك
الموقع التاني http://www.mininova.org أحسن حالا
بعد تعمل تنصيب للبرنامج و اسوسييشن لملفات التورنت عندك خيارين يا تستعمل البراوزر الملحق بالبرنامج و تدخل موقع التورنت العاوزه من خلاله
أو تفتحه بالمتصفح العادي بتاعك
المثال دا من الموقع أعلاه عملت سيرش بـ Lost S3 في واحد
إخترت الملف في 2 حتجيك صفحة زي دي
تحمل عادي (راعي في إختيارك للفايل من الصورة الأولى يكون عدد الـ Seeders كبير , بساعد في سرعة التحميل)
حيشتغل البرنامج و تجيك صورة زي دي
تقول ليه OK و تدعي لي (ما تقوم تنزل مواد ثقافية , هدا طرفي منك)
| Quote: ده ما وقع فى عينى أدينى لنك سريع |
معقول يا عمك
كورتك فكت والله
اللنك الأصلي لحق الزينين خد الكوبي
إبتزاز ...وشيل حال
|
Post: #27
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد حسن العمدة
Date: 12-06-2007, 11:07 AM
Parent: #16
Quote: سيبك يا من عمك رأفت تعال لي في الخاص وبتاع
هاك المفيد
ممكن تلجأ للتحميل عن طريق التورنت
تحتاج تنزل بنامج مشاركة زي Bitcomet و تعمل سيرش في مواقع التورنت زي
http://www.torrentspy.com
http://www.mininova.org
بتلقى فيهم تقريبا أي حاجة و احدث الأفلام اللسة معروضة في السينما
الأيام دي مدور Prison Break Season 3 وفي يناير حيبدا 24 season 7
ولسرعة التحميل تحتاج DSL
لو ما عندك ألحق عرض التأسيس المجاني لآفاق
لتحميل Bitcomet
وادعي لي
يا رأفت يا عمك
وين ما شفناك في مولد سيدي الكبكبي أبو الدرداق |
مشكووووور يا ود البشرى الان جار التحميل
الخميس ده يا دوب الواحد قدر يخش ويحمل
خليك قريب يمكن نحتاج مساعدة
|
Post: #21
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: مريم بنت الحسين
Date: 11-28-2007, 11:26 AM
Parent: #1
الأخوة الكرام..
BitComit برنامج بنزل كل شيء في الدنيا... لكن بنزل ليكم بلاوي فيروسات ومشاكل .. وببطيء الكومبيوتر.. غايتو نزلوا الدايرنه منّه وامسحوه طوالي...
الموقع الختيته ده ما بنزّل حاجه في الكومبيوتر، streaming media.. يعني بشتغل تمام مع الناس العندهم انترنت سريع...
|
Post: #25
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: رأفت ميلاد
Date: 11-28-2007, 10:29 PM
Parent: #22
زهير حيدر ومحمد حسن العمدة
رسلت ليكم النًص التانى الخاص الصفحات أعلاه
أرفق ليكم لنك البحث
http://search.freefind.com/find.html?id=15231370&pageid...6&bcd=%F7&query=lost
ميزة الصفحات دى فيها أفلام ومسلسلات كثيرة وخالية من أى مواد مشبوهة
أتمنى الإستمتاع
وإكتشاف باقى الأسرار بسستم التجربة والخطأ وكما ذكرت لكم هو نظامى المثالى
مودتى
|
Post: #28
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد حسن العمدة
Date: 12-06-2007, 04:51 PM
Parent: #25
ود البشرى ورافت
والله اخوكم لي حسع لايص وما فاهم شي
مواقع محجوبة ومواقع لا يمكن العثور على الصفحة
القدرت اعرفا اصنقع في صور الناس النضاف ديل
|
Post: #29
Title: Re: اسمارت ومريم الحسين وكل مهتمي السيما الحرفا ارجو المساعدة في مسلسل LOST
Author: محمد حسن العمدة
Date: 12-06-2007, 05:20 PM
Parent: #28
يا رافت كل مرة يدوني صور وشخاليت وهنايات وهوانات وياتو ياتو
الشخلة شنو
|
|