تفتت وموص في هيدروجينات مياه النيل وارتشف من ذرات اكسجينه وابحر شمالا...!!! من بلاد الرجاف الاستوائية هب و اسبح في بحر الجبل مع تماسيحه الاستوائية ومن شامبي لك اعشاب النيل ثم من دار جونقلي بركات رث الشلك وروح الاسطوري جون قرنق..!! مجوك فتي الدنيكا الابنوسي وشوتي ...!! سافر ابحر اسبح في ذرات النيل وعانق الطمي.. من الرديف تمتم التوامات شيلو معاك وابحر عازف وازا رنة طمنبور تون دليب شتم ونقر طبل بايادي فتي من النوير. وضربة درويش علي نوبة تئن وترن ومردوم كمبلا جراري ورقصة سيوف شبان البجا النيل يضج بحامله العربيد النيل يضج النيل يستغيث صه واصبر يا سليل الفراديس.. ستحملني الخطاوي اليوم الي دار بعانخي الي اسكندر وفكتوريا... وسيعزف فتي النوبة علي نائي ازرق اللون بل اسمر اللون لحن السمرة...
سنبحر اذن انه (البنقلو).. مركب الصيادين الراحلين خلف الضباب في حواف ام شوكة سنحمل (القدقدو) وبقايا الهالوك التي علقت بارض المركب وتحفهم موسيقي الكيتا وايقاع الرم تومو لحن يرسل تونه في سماء غياب الصيادين وكورالهم ياتي شفيفا يودع الراحل الي ارض اسكندر ...صوب الشمال
Post: #5 Title: Re: نيل وكمنجة وسمرة سماح الاسكندراوية...!!! Author: عبدالكريم الامين احمد Date: 11-26-2007, 08:19 AM Parent: #4
هلا ياحامد الصاوي ومشتاقين شديد يااخي ومرحب بيك في هذه النافذة والشجن الخاص وسيرة الكمنجة والنيل وسماح السمرة
Post: #6 Title: Re: نيل وكمنجة وسمرة سماح الاسكندراوية...!!! Author: عبدالكريم الامين احمد Date: 11-26-2007, 08:53 AM Parent: #5
سماح والسمرة ليها.. من مريدي رزاز مطرة وباباي وخمرة موز وكنغو من انذارا سكوسكو و قطية و سن فيل رقصة زاندي وبالمبو حنين...!!! (سوبوري لقيتو مع بسلا سوبوري لقيتو مع لكوري) (سوبوري لقيتو مع بسلا سوبوري لقيتو مع لكوري) لوكا تهديها جيتارا من التيك الحان تدندن في غيم النيل كورال ..نشيد...اصوات فتية في غابة سافر سافر اويمم وجهك شطر فكتوريا. صوب الاوسط. الابيض صوب سمرة سماح..
عارفنى منك لا المسافة ولا الخيال يشغلنى منك عارفنى ********* ببقى بعدك فى الأسى وتبقى إنت الظالم .. القاسى .. النـِّسى وغصب عنى أشيل ظنونى وأقول عليك .. إنت المسامح فوق شجونى أعيش زمان بالفرقة جارح وفى إحتمالى وبالى إنـّكْ إنت سايق فينى ظنك ********** تحرمنى منك والمواعيد لا بتشيل منـّك .. تودِّى لا الشجن قادر قادر يسوقنى عليك .. أعدِّى لا التحايا وىلا المشاعر الحيـّة فى عمق الحنايا لا رسالة تجينى منـّك لا خبر طمنـِّى عنك وإنت سايق فينى ظنك رغم إنك .. إنت عارف إنـّو منك .. لا الزمن يقدر يحول قلبى عنك لا المسافة ولا الخيال يشغلنى منك ******** يا هوى الألم النعيم خليك على الوعد القديم وخلينى فى الشجن الأليم وأبقى فى كل المداين سكتى .. وسفرى الجحيم تبقى أيه الدني من بعدك .. تكون وأبقى أيه بعدك .. أكون؟ عارفنى منك ...
Quote: يا هوى الألم النعيم خليك على الوعد القديم وخلينى فى الشجن الأليم وأبقى فى كل المداين سكتى .. وسفرى الجحيم تبقى أيه الدني من بعدك .. تكون وأبقى أيه بعدك .. أكون؟ عارفنى منك ...
سلام وتحية اخي ود المايقوما والف شكر علي كلمات هذه الاغنية الرائعة وفعلا يا مايقوما ما احلي الشجن الاليم والقديم