ســرادق عــزاء ســاخن ( من ويـن وكـيف ..؟ )

شــتتْها وقامت رهــاب
بين التلاشــى المُنتهــى
فى لحظـة سـراب
داك البـحــر ...
قــدام خُــطاك
بترجْــزِك بين المتاهــه اترقـبِك
زمن النــدي البللّ خُطـاى ماودّرِك
فارقتها وعانيت صنوف الإنتظــار
بعـرِف مـداك ..
( ما ظِــن ) يجــى
ناديت ورددْت الخِــطـاب
عـينيك بوصِــيهن عليك
عارف مصيرك وبحســدك
ندمـانه بتسِـــفى التراب
أنا بحـْتمل وجـعى العنيف
سِــر المكان ...
والأزمنه المشـروره قيف
الموج رهين الإحتجاب
صوت المسادير
والخلا المارق قصادك
وأى شئ بيشبه تراتيلك شفيف
جاييك نافر موجة الرهق البشِــدك يعّزمِــك
تتذوقى الفرح الوريف
انا إرتهــنت مودّعِــك
لى رحــله ما بتعرف مـــآب
وسَــفرى العليك كان أُمنيه
كسـبانه من سـوء العذاب
خسرانه لو تتأملِك
مِـنْ وين وكان ..؟
ككْـيف شَـرقتى العلمتنى الأغنيه
شـوقى العـليك متحـمْدِك
من طاقة الغـيم والسحاب
بالجـد دا ما كان العشـم
فـوق كمْ مســارِك ..؟
طـشّش السهم البغـَرزِك
هـيّج الريح والعُــصار
نبأت بيك زمنى اللِــجاى
من وين وكيف .. ؟
فارقْـتَ أحلامِك معاى
وصبرت راجيك إحتساب

22/11/07

لما إبتداكـ خــدَر الفرح
يادوب تمّكـن فيــك جــواى التعب
ككْــيف عيونك كلمـنّى عن الوهم ؟
وإستوطنت قبل إحتمالات منتهــاك.. !!
ما ردتِـك إلا عشان هــواى
ما بـنتِى .. كان معروف مداكَـ
ورحلتِ فى أحـلك ظروف
وإتردد الصدى من صداك
الغـيبه بتفرزع غناى
كان يمكن أحتمل الحروف
وإمْـــكِن إذا إتسـع المكان
غُرق القلب ....
أرجاك فى ذات الوجع
أو ما يكــون
لو يغسل الغـيم الجــروح
دمع المطر ِبِدفِـق عـليكَـ
وسـئلت ماخـليت ظنون
الليل ســجْعَ
ســرف المداين بالهديل
عطشــان ومتحمّد مجييـكـ
ضُمــينى مِنــك
فى جفون عينيك عليك
أنا جــدْ بحبــك إنبهــار
قُــدره وتساريح بالجهر
طوفان وأشــواق كالصهيــل..

ضُمــينى مِنــك
فى جفون عينيك عليك

ابلغ ماقرات مؤخرا
شكرا ياداش

يعلم الله ...
وبصدق أعلمه جيداً .
بمجرد سؤالك عنى وعنها
نزلت غيوم وجعى المطر ..
حسيت كأنى براااايا مخلوق للهموم
ودلفت سكة مشيتا متوجس شديد
وبديت أرتب فى صفوف الديش ..
مرقّــت على الهتاريش وإبتديت
وكـْـت المغارب ما بعيد
والشمِس زادت حدة الريح و السموم
والهم توشحنى ومرق للناس عصر
فتران وما قادر أقيف
ككيف بقيت ..؟
ووصلت كيف ..؟
اللهُ أعلم ....

سملى العزيزه

كل هذا الإنفعال كان من سؤالك
وليك جواى الحواس


شــتْها وقامت رهاب .....

Quote: عـينيك بوصِــيهن عليك عارف مصيرك وبحســدك ندمـانه بتسِـــفى التراب أنا بحـْتمل وجـعى العنيف سِــر المكان ... والأزمنه المشـروره قيف الموج رهين الإحتجاب صوت المسادير والخلا المارق قصادك وأى شئ بيشبه تراتيلك شفيف جاييك نافر موجة الرهق البشِــدك يعّزمِــك تتذوقى الفرح الوريف

جمال ..عمق ..روعة فى المفردات ..

واحساس حد الوجع ..

تسلم مشاعرك.. داش كن بخير

يا عبد الله

دلفت السرادق ..
و عرفت أنه صيوان ممزوج بشتى صنوف المعاني ..

و بالفعل .. وجدت في الأول و في النُص و في الطرف الأخير :

Quote: عـينيك بوصِــيهن عليك

زي كأنك تقول : فيك الخصام و أنت الخصم و الحكم ...
يا خوفك من العوينات ديل ...
هم جلادك .. و طوق نجاتك .. و في نفس الوكت .. ديدبان حراسة بتخلي الزول يقيف بعيييييييييييد ما يقرِّب ...

أليس كذلك ؟

ياخي إنت ..

بالكاد أشوفن
فى مرايات الوضوح
ما هِنْ عيون ريل فى بشـــر
آآآآه من لحاظن
لما يرمِشـن إنتباه
أو لما يكتحّــلن سواد
ببقى إنسانهن خطر


الأديب القاص
جلال

أحسن الله العــزاء
ليك المعزه الأكيده

ورحـلتي فى عمقى الهناك
ناديت فِـترتَ من الحنين
مكتوبه فى جواى شَـقَف
عــورّتى جرحى صرخّت فِيك
نبرات وجـع / نبرات حـزن
مشـدُوه وناكرنى المكان
فقـران ومنتظر الزمن
يُمرقنى من وكــر البُــروق
نجم التريـات الهجَـع
سَــخرنى لى إنســان عينيك
كائن لحــبكـ مستطيع
النجده أغرق فى الحلم
أنا فينى هـْم كل الوجيع
لون الحراير فيك وشم
رسْـمِك يرجّـع للكـلام
يا أجمل الصُـدف السديم
ضميني في هــدب الشروق
اسقيني في غرقي الهُــلم
أنا لو بعيد
ما بين مسامك والأديـم
أنا فيني غـمْ
من مخادات الوحل والطين
وصول شاطيكِ كان حلمي الوهـم

هند العزيزه

طمنينى عليك كتير

الجميل/عبدالله داش

.........فارقْـتَ أحلامِك معاى
وصبرت راجيك إحتساب


.........................ألأحتساب دائمآ جميل..................

إسماعيل محمد احمد عباس...........

يا أجمـــل ضو

من وين ومتين
خليتك تبقى معاى قنديل
شان تكسر وحشة ليل الغربه
ويصبح باكر زيك
باهى وناضر
زى إكليل فى جيد السمحه
النافره كلام الناس بالحيل

سُـــماعين

الجميل فى الأمر
أو كل ما فى القصه
مبســوط بيك

عبدالله داش\\\


ممتع أنت................جميل..كالذى أهواه فى نفسى..........



......أنا جــدْ بحبــك إنبهــار
قُــدره وتساريح بالجهر
طوفان وأشــواق كالصهيــل


...............ما زلت فارسآ..تمتطى صهوة جوادك تصارع الحب وألأشواق....سوف تنتصر بأذن الله.

مودتى...إسماعيل محمد احمد عباس.....ز

كلما إنتبهــت هنيهــات اللقـاء
أعــترف بالحـنين
إلى عـمق أشـيائنا الدافــئه

فلتكن يا صــديقى
مثل إذ ما أُريد



( وتبقى المسـاحات عامـره بيـك )

إســماعيل عباس

شــكراً جــميلاً
كلما أدركـت فيضـك والســـنا
شــكراً

الفارقتنى
وما مشــت خطوه وبِقــت
فى آخرالمشــوار رجوع
المن زمـان
خليتا بينى وبين شــقاى
دابا إبتدأت
زى ضو شموع
فرحانه منك
وبيك مبتهج الزمان

من وين وكيف ..؟

Quote: عـينيك بوصِــيهن عليك

أيا
زول يامجنون

أحسن الله عزاء القلوب
أحسن الله

خضر

Quote: أيا زول يامجنون

خضــر الأخــدر


يا خليل

بشبه تفاصيل الجنون
فى حاجه ( كيف كيف ) من متين ؟




يا ســــلام عليك ياااخ
بجد إتذكرت كلام كتير جداً
بمداخلتك السمحه دى

منى ليك كم حاجه تخُصـــك

داش
كعهدى بك
و صدقنى .. شأنك عظيم
لأنو كلامك .. و حروفك
بس شلال مشاعر

Quote: وصبرت راجيك إحتساب

أتمنى أن أكون عند حسن ظنك بى


أســعد الريفى

الوريف

بشتاقك وإنت معاى

كل الود
والمســاحات البتشبه لون مساك

إذا كان في شعر جميل زي دا، نجوم الغد شاكبين في غناء المراحيم شديد كدها ليه؟؟؟

نصـــــــــار


ليك الموده يا رجل

( يا الفى الضلام ما طوطــحك صوت ا لغُنا
كيف يشــدهوك بالبسكويت )

الشاعره اميره الترك

Quote: شاكبين في غناء المراحيم شديد كدها ليه؟؟؟

دا ما الحــيّر بوبى ..!

Quote: بعـرِف مـداك .. ( ما ظِــن ) يجــى

Quote: <الليل ســجْعَ ســرف المداين بالهديل

انا وقفت هنا

ومازلت مبللا بلانبهار

ياداااااش!!!!!!!
من ويـن وكـيف ..؟

داش

Quote: قــدام خُــطاك بترجْــزِك بين المتاهــه اترقـبِك زمن النــدي البللّ خُطـاى ماودّرِك فارقتها وعانيت صنوف الإنتظــار بعـرِف مـداك ..

هذا طًــل نديان بروحك ،،،

وعند السرداق متمدده عينيك ونواصيهن مشرقات عليك

من وين؟ وكيف..؟ أنظرك ياأجمل طيف نديان وظلك وردة.

،،،،أبوقصى،،،،

أبوقصى

تتلاشى بعيداً هناك
حيث لا شئ سوى ( دهمةٌ )
تنزوى فى تفاصيليها
ثم لا ترتقى أن تكون ملاذ حنين
يطل على الليل بالخوف

ومن وين ووين ..؟

عطشانة.... محنانة.... وسهت
مخلوقة من طينة حلم
طفشانا تردي علي الجروف
لا مرة ضاقت مويتا
وبلت سحابا علي النجم
لا قالوا دفقت في الحلق
ماعون شقاها الاندفق
لا ساهي عرفت كيف تلم
عينيها من عين البشر
والموية ان لونا انبهت
وتشر نعاس ليله الحلم
(من وين وكيف) وعلي شنو؟
وشان ليه يضوقا العرفتو
وعينيها من كتر النضم!!!!
ضاقت عليها الوسعتا
وضايع شقاها علي الرهاب
من بدري ضاع فيا الاسم
والراح كيتر.. زي كل شيء
ما اصلو من طين الاسى
مخلوقة ذاتا و زي وشم
والروح تشحتفا بي سفر
لو فيهو عرفت سرها
وعرفت معاني المنكتم
ما كان روت مليون سؤال
جواها... ضاعات بالاسف
وضاعت خطوطا علي الرسم

زازت طـيـوفا
علي المنام إتمــرّدت
خيل الجــهاديه الزمان
ما عــفـّرت ...
ذات المعارك وإِنتــهت
أســـفان وممـْـتنِع الكلام
الإحتقان ولـّـد عــزوفــا إتشــتّت
كانت بتمــرق من دحــين
ندمانه تخســر للرهان
سِــعة المجال إِتعــلمت
كل الحــجّج
والضو سرق وجــه الشروق
غطــاها شان يحرس سُــموك
ككيف وكان ..؟
يوم ينّســـرق بالعافيه
يهزم هزة الخوف واللــجّج
خافـِـت ..
أخاف الضيعوك
الخدروك بالراحــه
من تحت المســام
يا شــادى فى الليل البراك
نار الهشــيم إتلسْــنت
ما راضيه تدينا السلام
ما إنطفت ....
يا دابا إلتهــبت حريق
إتنبْهــك بستان هواك
أوكلت ليك كل المهام
وأرجاك منتصف الطريق

من أى حــته وتنتهى
تحتار زوايا الضو معاك
يطرب غناك لحنك شجى
من وين دخلت على الجهات
والباقى أداك الخروج



أيمن

Quote: ياداااااش!!!!!!! من ويـن وكـيف ..؟

ما هو دا الفَــرق
بين لحظه الشوف والطشاش

Quote: انا وقفت هنا

بوحميد

تعال مارق

ما تقيف تهز جزع النخل
يا خّــي ...
تعال من ضي
وشــتت باقى قولك
فى الجرف تيراب

Quote: طـشّش السهم البغـَرزِك هـيّج الريح والعُــصار نبأت بيك زمنى اللِــجاى من وين وكيف .. ؟ فارقْـتَ أحلامِك معاى وصبرت راجيك إحتساب

وجع !!! الله لينا !!!

Quote: وجع !!!!!! الله لينا !!!

الله يكفينا شــر الوجع

وقبل ماأقعد عديل
جيب لي من كلامك بشربو
جيبو أزرق من الزير
مافي فرقة تطعمو
ما الناس تهاتيك في العزاء
شدوا حيلهم قردبو
وراهم رصة مشاوير
فوق دريبات التمور يطهمو

مســـافر وين
بعد خشيت تفاصيل البُهار
عطّرت مفردة الكلام
غــنيت وكت سطع النهار
دانيت قطوفك
شان أشوفك إنبهار
جواا العصب

بي وين وكيف ..؟

هنا شعر جميل

الجمال فى حضورك البهــى

يا حمزه

لك حقول البريه وما أزهرت
لك ما تشتهى من أمنيات

ما بين خطاي ..
وأحلامي البشتهيك ..
أتوجسك ..
أحزم حقائب الرجعة منك ..
وبلتقيك ..
ناديت عليك ..
رجع الصدى ..
والخوف بتاوق في الدروب ..
ساساقة الشقاء ..
من طاقة الغيم دخل ..
الصبر والحنين منك ..
وليك ..
هدهد دواخلي ..
وفّتر زمن الرحيل ..
وجايي ليك ..




عبدالله داش ..
ما أجملك وحروفك ..

أتوهّجــت فارقتها
أبْحــرت عكس الموج براي
إتنهّــدت ســرحَت بعيد
ناولتها الممكن معاي
تاوقــتها ...
فجّــت إحاسـيي وشــدَتّ
غنت ترانـيم النشــيد
إتعلّمــت زادت أســاى
أتصنّعــت زي إنها
المتوهجــه ..
ونِســـت دروب عشقى العنيد
أبكيك عشان ألحق عزاي ..!!



معتصـــم الوريف

تعال فرتِق
هشاشة الشوف