Post: #1
Title: مبروك للمريخ ..رقم قياسي جديد
Author: عمر الفاروق
Date: 11-25-2007, 08:50 AM
Parent: #0
حقّق المريخ رقماً قياسياً جديداً للكرة السودانية لم نسمع به في العهد القريب في تاريخ كرتنا السودانية وجعله يتربع على زعامة الكرة السودانية وسيداً للبلد دون منازع ..
المريخ حقق رقماً قياسياً جديداً في عدد الهزائم المتتالية وعدم تحقيق الفوز الدولي في خمسة مباريات متتالية فلا داخل ملعبه حقق الفوز ولا خارج ملعبه حقق الفوز !!!
وواصل المريخ كسر الأرقام القياسية بعدد الأهداف التي ولجت مرماه في هذه الخمسة مباريات فمنذ لقاء الدولفين في نيجيريا والمريخ ملطشة لكل من هبّ ودبّ داخلياً وخارجياً ..
خسر المريخ أمام دولفين 3-صفر..
تعادل المريخ مع الرجاء 2-2 .
خسر المريخ من الصفاقسي 4-2.
خسر المريخ من الرجاء 3-1.
خسر المريخ من الصفاقسي 1-صفر.
خمسة مباريات مجموع نقاطها 15 نقطة لم يتحصل المريخ إلا على نقطة واحدة (متعودااااااا ديييييييييييماً ) وربما أعاد لنا ذكريات الموز (الأصفر) أبو نقطة..
ولجت شباك المريخ في هذه الخمس مباريات 13 هدف !!!!!
يعني باله عليكم الفرق شنو أسة بين عدد الأهداف اللي ولجت في مريخ بورستودان في الدوري الممتاز وبين الأهداف اللي ولجت شباك المريخ العاصمي في اخر خمسة مباريات !!!
ولو تعامل الصفاقسي مع المباراة بروح الفوز لربما وصل عدد الأهداف إلى 20 هدفاً !!!
ناس المريخ عايزين ينسّونا الفضائح بتاعتهم في اخر خمسة مباريات ويحاولوا يركزوا على مباراة المريخ الأخيرة ويا سبحان الله حتى المباراة الأخيرة هم خسرانين فيها !!!
نبارك للمريخ هذا الإنجاز والإعجاز وحقاً هو الزعيم ..
|
Post: #2
Title: Re: مبروك للمريخ ..رقم قياسي جديد
Author: ود المايقوما
Date: 11-25-2007, 09:01 AM
Parent: #1
مبروك
كاس
سراميك
راس الخيمة ..
|
Post: #3
Title: Re: مبروك للمريخ ..رقم قياسي جديد
Author: عمر الفاروق
Date: 11-25-2007, 09:10 AM
Parent: #1
ود المايقوما:
الله يبارك فيك ..وعقبال نشد حيلنا ونلحقكم في كأس :
سما دبي....
|
Post: #4
Title: Re: مبروك للمريخ ..رقم قياسي جديد
Author: abuguta
Date: 11-25-2007, 09:16 AM
Parent: #3
عمر الفاروق
الانجاز الحقيقى هى الوصافة القارية,,,
مريخنا..بطل....الخلافة
دفاعك...حارسك...رجافـة
دقيرك....يقدل ...قيافة
مزملك...امير..الصحـافة
تركد....زى.....الزرافة
حصادك والجملة..وصافة
|
Post: #5
Title: Re: مبروك للمريخ ..رقم قياسي جديد
Author: عمر الفاروق
Date: 11-25-2007, 09:24 AM
Parent: #1
أبقوتة :
أغرب ما في الموضوع إنو المريخاب إعتبروا الميدالية الفضية إنجاز واللعب في النهائي قمة الإعجاز ..
المحيّر إنو الهلال سبقهم في هذا الإنجاز وفي البطولة الأقوى عام 87 فهل يعتبر ذلك إنجاز ؟؟؟
عليكم الله أوزنوا لي المعادلة دي بالجد حيرتنا:
المريخ الوصيف في (الكنفدرالية) = إنجاز وإعجاز ..
الهلال الوصيف في (بطولة الأندية الأفريقية) لا يساوي غير الفضائح !!!!!!!
|
Post: #6
Title: Re: مبروك للمريخ ..رقم قياسي جديد
Author: تاج السر حسن
Date: 11-25-2007, 09:33 AM
Parent: #1
ياعمر
الآن فقط اصبح لمركز الوصيف أهميه، بعد أن حصل عليه المريخ (كوصيف وصفاء)، وبعد أن انهزم 5/2 بدون (نجر) و9/ 2 (بالنجر) !!
معليش ازيدك من ادلدوبيت غناء .. الهلال ثانى افريقيا كلها عام 1992 أمام الوداد المغربى و1987 أمام الأهلى.
كدى تانى اشوف لى زول يتحدث عن (الوصافه) و(الصفر الدولى )!!
وده كلو كوم .. وكوم تانى انه نحنا كنا بنشاهد فى مبار اة المنتخب الجريح ضد المنتخب الليبى، ولمن انتهت الكورة حولنا لمباراة (البعيوات) وكانت اللحظه لحظة تسليم الكأس، شفت ليك علم المريخ يلوح، وجماهير مريخابيه فرحانه، والعجب ذاتو تقدم للمنصة فرحان، افتكرت المريخ ده اما عمل معجزه وفاز ب 3 أو اشترى المباراة ب 5 مليون دولار وكده !!
للاسف عرفت الفرحه لانه المريخ انهزم ب 1 ما 6 !!
__________
وده رغم قياسى جديد ما اظن يحققو (مريخ) بورتسودان .. فريق فرحان يعرض وينقز لأنه مره اتغلب 3/صفر ما 5 .. والمرة التانيه 1 / صفر ما 6 !!
* من غيرنا يعطى لهذا الشعب معنى أن يعيش وينتصر!!!
|
Post: #7
Title: Re: مبروك للمريخ ..رقم قياسي جديد
Author: حمزاوي
Date: 11-25-2007, 09:44 AM
Parent: #1
عمر الفاروق اخوي
مسكاقمي
انتو رقمكم القياسي دا حتغيروه متين
77 سنة وصفر دولي
يا للخيبة
قالوا لعبتو في الامارات مع
(العين) (ورأس) الخيمة
ولسان وشفتين كمان
كنتو معسكرين في مطعم شعبي ولا شنو
|
Post: #8
Title: Re: مبروك للمريخ ..رقم قياسي جديد
Author: على محمد على بشير
Date: 11-25-2007, 09:54 AM
Parent: #7
الفريقين اللى لعبوا امس ديل واعنى بهما المريخ والصفاقصى
لكل واحد منهما فى سجله بطوله واحده لكاس الاتحاد الافريقى
او الكؤوس الافريقيه
اها انتوا يا فصيحين فى سجلكم شنو ؟
اللهم الا الصفر الدولى الكبير
وسلملى على البتنجان
|
Post: #9
Title: Re: مبروك للمريخ ..رقم قياسي جديد
Author: waw
Date: 11-25-2007, 10:13 AM
Parent: #8
الاخ فاروق ...........
هناك فرق كبير بين فريق يلعب نهائي ......وفريق .....
المريخ حقق الصعود للمباراة النهائية وهذا انجاز كبير..........
خروج المريخ من الادوار الاولية تكرر 18 عام..بجهد كبير ....
استطاع الزعيم الوصول للمباراة النهائية ..هناك فرق يا فاروق..
اضيف لك رقم قياسي جديد قديم...
الفريق الوحيد من منطقة شرق ووسط افريقيا ((سيكافا)) الذي حمل كأس
بطولة الافريقية المريخ.............
|
|