Post: #1
Title: مبروك ثاني افريقيا وصاحب الفضية!!
Author: سامى عبد الوهاب مكى
Date: 11-25-2007, 06:18 AM
Parent: #0
إنتظر الرشاشات مباراة المريخ بفارغ الصبر ليستمتعوا كما قالوا بسهرة تفش غليلهم في المريخ..
ولكنها أتت كما نشتهي نحن ويخاف هم...
كان مريخ الامس هو ذات المريخ الذي يتسبب في ارتعاد فرايص الرشاشات!!
مبروك ثاني افضل فرق افريقيا
لنا لقاء يا أبو الهل بعد ايام
رافقت الهلال إلى الامارات ذهاباً وإياباً وخلاص تاني ما بتقوم ليهم قايمة.
|
Post: #2
Title: Re: مبروك ثاني افريقيا وصاحب الفضية!!
Author: abuguta
Date: 11-25-2007, 06:37 AM
Parent: #1
سامى مبروك
نحن ذاتنا لو انهزمتو اكثر من كدا ما بنتكيف
ياصديقى زول مهزوم فى بلدو 4
تانى فضل فيه شنو,,,,
وانا اسى اتنى ان تهزمو 1/صفر يوم 29
عارف ليه عشان تعاد المباراة
فى قلعة الاقمار,,,
عليك الله لو جن 6 اسى كان شفناك,,
وبعدين ناس الصفاقس نفسهم داخلين فى مشكلة لو هزموكم 6
عشان ناس الترجى بقولو ليهم دا فريق حمام ميت
لذا ما كانو جادين,,
تعرف انا امس كسبان 1000 ريال
مشارط لى زول بعد الشوط الثانى لو المريخ جاب هدف
شفت الثقة كيف.....
عموما مبروك عشان الحياة تدب فى الجسد الهالك
مبروك عشان الناس تقدر تمشى فى الشارع
مبروك عشان تقولو انهزمنا 1/صفر
وهى فى الحقيقة 9/2
بحسابات رائح جائى,,,,
لكن قلت لى تانى افريقيا وتانى السودان
يعنى وصافة كدا كدا ما مفارقاكم
|
Post: #3
Title: Re: مبروك ثاني افريقيا وصاحب الفضية!!
Author: على محمد على بشير
Date: 11-25-2007, 06:51 AM
Parent: #2
نعم سامى
الف مليار مبروك لفتية المريخ على العرض والاداء والمظهر
ولقد شاهدت القناة الفضائيه التونسيه السابعه بعد المباراه
بقليل واستمعت لتعليق لاعب الصفاقصى النفطى والذى اشاد بالمريخ
وبالاداء وقال انهم لم يتوقعوا ان يظهر المريخ بهذا المظهر
وان المريخ احرجهم فى النهائى امام جماهيرهم وامام عدسات التلفزيون التى
نقلت الحدث لكل العالم وانهم كانوا متوقعين ان يقاوم المريخ وان يبزل الجهد
لكنهم لم يكونوا متوقعين هذا العرض الجيد والتكتيك العالى واللياقه البدنيه
العاليه .. وحينها ارتحت جدا وانا اسمع الباقيين يقولون نفس الكلام
عموما مبروك ثانى افريقيا فى الكونفدراليه
خاصه اذا ما علمنا بأن سقف طموحات المريخ
كان الدخول لدورى المجموعات فقط
لنصحو اليوم ونرى المريخ يتوشح بفضية الكونفدراليه
فالف مليار مبروووووووووووووك
ولا نامت اعين الجبناء
|
Post: #4
Title: Re: مبروك ثاني افريقيا وصاحب الفضية!!
Author: الناظر
Date: 11-25-2007, 06:59 AM
Parent: #1
اخونا سامى
مبروك عليكم المركز الثانى دى عادتكم ( خارج و داخل ) ( محلى و دولى ) و بقولو الخلاء عادتو قلت سعادتو
الناظر
|
Post: #5
Title: Re: مبروك ثاني افريقيا وصاحب الفضية!!
Author: abas
Date: 11-25-2007, 07:02 AM
Parent: #1
واستمعت لتعليق لاعب الصفاقصى النفطى
ده الدفعتو ليه مليونيين ونصف زي سيد معوض قبل المباراه
يا راجل انتو في بيتكم داقينكم
مبروك علي شنو
حكمتك يا رب
بدون خجل
طيب مبروك
|
Post: #6
Title: Re: مبروك ثاني افريقيا وصاحب الفضية!!
Author: ثابت محمد
Date: 11-25-2007, 07:05 AM
Parent: #1
سامي الأحمر الصميم
البارحة تاكد لي أن المريخ أجمل بكثيييير مما أتخيل
لاعبون إداريون وصفوة الجمهور
البارح لعب المريخ كما نريد وخسر وكان يمكن أن يفوز
القادم أحلى
أبقووووووووووووتة
ياخ تعال أشرح لي الكتبتو ده
Quote: وهى فى الحقيقة 9/2
بحسابات رائح جائى,,,, |
أول حاجة عندي ليك ( سعال ) أيووة سعال بالعين
متى يحسب الهدف في أرض الخصم بهدفين ؟؟
عارف ولا أشرح ليك ؟؟
يا كافي البلاء فريق بدون بطولات وجممهور إرهابي بتاع توابيت
كمان بقت عليكم عدم ثقافة كروية ؟؟
طيب عندكم شنو إنتو ( ميطي .. وتقلبو في الهوبا ) ؟؟
بي حساباتك دي لو هزمناكم يوم 29 بهدف واحد معناها مفروض ما تكون في مباراة فاصلة
بحسابك ده بتكون النتيجة ( 3 / 1 ) للمريخ .. مش تعادلتو معانا في أستادكم ( 1/1)
ومعناها كاس الممتاز للمريخ
خلينا نرجع تونس
بالله لو شفت الكورة وريني رأيك ( بحيادية )
بس بدون تذكر مليون تاج السر .. التاج ده الظاهر رايحة ليهو مليون دولار
حتى ونحن مهزومين قال دفعنا مليون دولار .. وفاوضنا النفطي
طيب إنتو دفعتو لي إدريسو بتاع ساحل العاج كم ؟؟
شايف المفاوضات بدت معاهو من الخرطوم .. قبل الرد بأسبوعين
أها دفعتو ليهو كم عشان يستركم في مباراة ساحل العاج ؟؟
خليتيوهم يقيفو في هدف ( البدالة بس )
يا عاااالم دي كورة قدم
إنتو بتقولو الوالي بتاع مليارات
طيب ليه يدفع مليون للهزيمة ؟؟ كان يدفع خمسة مليون وينتصر (3/صفر ) عشان الكاس
ابقوتة يوم 29 قريب
انا خايف تقول دفعنا مليون للأرباب
جنس مِحن
|
Post: #7
Title: Re: مبروك ثاني افريقيا وصاحب الفضية!!
Author: محمد علي ياسين
Date: 11-25-2007, 07:05 AM
Parent: #1
كان الاداء رائع لولا هفوة الحارس سامحه الله
مبروك الوصافه وخيرها في غيرها
والوصول الى النهائي يعتبر فوز آخر
والحمد لله كانت معظم الجماهير الرياضية تتوقع نتيجة ثقيلة على المريخ
ولكن خاب ظنهم ونجح ابناء المريخ في احراج الخصم في داره وبين جماهيره
والى الامام في المباريات القادمة
|
Post: #8
Title: Re: مبروك ثاني افريقيا وصاحب الفضية!!
Author: شهاب الفاتح عثمان
Date: 11-25-2007, 07:26 AM
Parent: #1
Quote: ولقد شاهدت القناة الفضائيه التونسيه السابعه بعد المباراه
بقليل واستمعت لتعليق لاعب الصفاقصى النفطى والذى اشاد بالمريخ
وبالاداء وقال انهم لم يتوقعوا ان يظهر المريخ بهذا المظهر
وان المريخ احرجهم فى النهائى امام جماهيرهم وامام عدسات التلفزيون التى
نقلت الحدث لكل العالم وانهم كانوا متوقعين ان يقاوم المريخ وان يبزل الجهد
لكنهم لم يكونوا متوقعين هذا العرض الجيد والتكتيك العالى واللياقه البدنيه
العاليه .. وحينها ارتحت جدا وانا اسمع الباقيين يقولون نفس الكلام
|
تعليق منصف منهــم..
و كــان التعــادل اجــمل لوتم , لكن تدخل كل الحثيثيات الاضابيـــر
و تبقى الفضيه في سجلات التــاريخ , و هي لنــا باذن الله مجرد خطـوه في طــريق
الــف الف مــبروك ..
|
Post: #9
Title: Re: مبروك ثاني افريقيا وصاحب الفضية!!
Author: نادر محمد الراضي
Date: 11-25-2007, 07:43 AM
Parent: #8
كم أكره كلمة وصيف
|
Post: #10
Title: Re: مبروك ثاني افريقيا وصاحب الفضية!!
Author: على محمد على بشير
Date: 11-25-2007, 07:55 AM
Parent: #9
لييه يا نادر
هم اهلها الاصليين ما كرهوها
تجى تكرها انتا ؟
|
Post: #11
Title: Re: مبروك ثاني افريقيا وصاحب الفضية!!
Author: abuguta
Date: 11-25-2007, 07:55 AM
Parent: #9
اذن انت رجل تكره الحقيقة
|
Post: #12
Title: Re: مبروك ثاني افريقيا وصاحب الفضية!!
Author: حمزاوي
Date: 11-25-2007, 08:03 AM
Parent: #1
سامي اخوي
مسكاقمي
الجماعة في الامارات لاقو
(العين) (ورأس) الخيمة
باقي لسان وشفتين
مطعم شعبي في سوق الناقة
|
Post: #13
Title: Re: مبروك ثاني افريقيا وصاحب الفضية!!
Author: haroon diyab
Date: 11-25-2007, 08:12 AM
Parent: #1
سامي
صباح الخير
Quote: إنتظر الرشاشات مباراة المريخ بفارغ الصبر ليستمتعوا كما قالوا بسهرة تفش غليلهم في المريخ..
ولكنها أتت كما نشتهي نحن ويخاف هم...
كان مريخ الامس هو ذات المريخ الذي يتسبب في ارتعاد فرايص الرشاشات!!
مبروك ثاني افضل فرق افريقيا
لنا لقاء يا أبو الهل بعد ايام
رافقت الهلال إلى الامارات ذهاباً وإياباً وخلاص تاني ما بتقوم ليهم قايمة. |
الف مبروك المريخ بما اننا تمنيناها اجمل من كده ..... لكن تأكد بان القادم اجمل باذن الله .
تحياتي
هارون دياب
|
|