حلفتكم بنسرين سوركتى كان مادخلتو هنا .

ياجماعه انا اخوكم كمال سالم بوردابى فى عمر الزهور

يعنى لسه ماكملت السنه . عندى مشكله كبيره خلاص عايزكم

تفزعوا معاى كان نلقى ليها حل سريع .

انا زى ما ذكرت اسمى المعروف بيهو كمال سالم لكن اخونا

بكرى من يوم ماقبل عضويتى سمانى ( كمال على ) وعمكم سالم

ده كان راجل ماساهل ربانى وكبرنى وعلمنى الله يرحمو . عشان

كده انا باقيه لى المسأله صعبه أنى اتنازل عن اسموا واكيد

هو هسه مامرتاح فى قبرو , وقد اتصلت ببكرى عدة مرات بل وفتحت

بوست طويل وعريض اناشدو فيهو بتعديل الاسم ولكن لاحياة لمن تنادى .

لكن لمن شفت السرعه الادوا بيها نسرين سوركتى العضويه والناس الانبرشوا


فيها قلت احلفكم بيها يمكن تنجدنى وتلحقنى . اها انا منتظر نجدتكم ومناشدتكم ,,

مع اكيد حبى

اخوكم كمال سالم

انا غايتو بريدك اكتر من نسرين
وصاحبك بكرى دا بقى كعب معانا
انا تانى لا بزكى لا بجيب زول
ولا داير لى مكتبه
وربنا يعينك فى مصيبتك بتاعة بكرى قبال اسمك
مشتاقين كميات

كمال كيفك
ولا تزعل يا اخي بكري ده عنده جنس قصص في موضوع الاسماء دي خليها على الله.
قبل كم يوم
شبكنا احمد العربي غير لي يا بكري الاسمل (شبال)
لما زعل وقربت تنفجر زئدته الدوديه ولحقوه بعمليه.


في زول ثاني
اسمه خالد محجوب ولما كتب لبكري قال له اسمي خالد محجوب (المنسي)
يقصد منسي خارج السودان بكري طوالي لصقها له وسوا ليه جد اسمه
(تركي) يعني حصل سمعت لك سودانين بيسموا المنسي؟؟؟؟


وحاتك اهو اخونا خالد ده قاعد
و المنسي ملصقه فيه ليوم الدين

اها نصيحتي لك واصل اصرار ونحن معاك لحد ما تنجز اسمك العايزه
ولك اصدق التحايا والدعوات باسم صحيح.

Quote: خالد علي محجوب المنسي

وهذا هو اخونا....المنسي

وياكمال أخوي انا ما ببيعك زي ماباعك مبيوع
شنو يعني لا بيزكي لا داير زول يجي؟
وبعدين معقول بس الزول يكون اسمه كمال سالم ...يقولوا ليه لأ اسمك كمال علي؟
مابتبقي ولا شنو؟

وبالمناسبه انتو شايلين حال بكري ساكت..
في ناس انا عارفاها اخدت العضويه زي نسرين..أختي أخدت العضويه في ساعات..الفكره قبول وصدف
يعني قبول لأنه العضوه العملت التزكيه معروفه لبكري وبطده بيكون مطمئن ليها.وقبول لأنه كان عنده وقت ومزاجه رايق لحظتها..

ويا بكري خسمتك بالنبي ان حصل وقريت البوست ده..تدي كمال ود سالم اسم ابوه..
علشان الميراث في المنبر

حلــــفتنا بالغالي ....



بكري في زمتك كان ما غيرتلو اسمو ...

Quote: لكن لمن شفت السرعه الادوا بيها نسرين سوركتى العضويه والناس الانبرشوا فيها قلت احلفكم بيها يمكن تنجدنى وتلحقنى . اها انا منتظر نجدتكم ومناشدتكم ,,

لا يا كيمو لا
تكتيكك ما ظبط و ياكا افضلت علي كمال علي
كان في داعي تجيب سيرة كبكبة بكري
لو بقي حارة كان سحب ترخيصك loool
لكن بسوي معاك زي ود اب سن ما سوي مع
الزول الدقا الخواجة,, سجنة و طلع امر للبعيد و القريب
البقول سويت الشي الفلاني سنة فلان دقا الخواجة هو كم ينسجن
عشان الزول ما يتشهر و يبقي لشيخ اب سن نديد lool

Quote: : حلفتكم بنسرين سوركتى كان مادخلتو هنا

مسكتنا من محل بيوجعنا ياخى
وجيتنا فى اللحم الحى
وبما انى من المنبرشين فى البوست المعنى والمعجبين بالاسم المعنى
فانا دخلت بلا احم ولا دستور
وبنقدر ياخى ما ندخل بعد حليفتك المتعسفة دى ؟؟؟

اما اخونا بكرى فهو صاحبى ياخى ( ده ما كسير تلج والله )
ولذا انا بلقى ليه الاعذار ياخى
اصلو مشغول بى حكاية المجلس الوطنى دى والاسمو الهندى

وبعدين بينى وبينك ياخى على ماله ياخى ؟؟؟ ما اسم حليو وظريف ومتناسق مع اسم كمال
كدى انت مشى حالك بى على ده هسع
لحدى ما يفضى ليك بكرى


وبهذه المناسبة نسال الله العلى ان يرحم والدكم الحاج سالم ويغفر له ويسكنه فسيح جناته مع الصديقين والشهداء والصالحين وان يجعل قبره روضة من رياض الجنة وان يجعل روحه فى عليين ....
آآآآآآآمين

وارجو كل من يمر بعدى أن يترحم عليه ويقرأ الفاتحة على روحه

.



الحال من بعضو .....


جمال حسين



.

والله يابكرى الزول ده انا لاقيتو فى الخرطوم فى اجازتو فى عيد الفطر الماضى

وسالتو عن عدم مشاركتو بالكتابه فى المنبر بالرغم من حصولو على العضويه

وبالرغم من معرفتى باسلوبه الساخر الجميل فى الكتابه , وقد كان رده لى بانه

منتظر الاخ بكرى بان يعدل له اسمه . فا ارجوك اخى بكرى تعديل اسمه حتى

نستمتع باسلوبه الفريد , مع اكيد حبى ....

واللة يا كمال سلم حكايتك حكاية

لسة انت ما غيرت اسمك ولا ملاسى جاك منبرش هنا يرفع من البوست دة

بختك منى خوجلى بجلالة قدرها جاتك تقول لى سوركتى

يا كمال سلام عليكم

مشي حالك بي اسمك الحالي لغاية ما عمك بكري يفضى ويرتب اوضاع الحوش المامعروف حيرسي على شنو
وبعدين الاسم ما مهم ان شاء تكتب بي اي حاجة المهم اتحفنا بالعندك اصلوا اليومين دي البورد مولع رشوا لينا عشان يبرد شوية


وبالنسبة لي بكري ما تظلموا الراجل انا واحدة من الناس اداني العضوية طواااااااااالي مع اني ولا مشهورة ولا عندي منصب ولا شئ حتى في السماحة ما حاصلت ناس نسرين سوركتي ولا بمش بي جبهم الله اكرمني سااااااااااااااكت

الهذا جمعتنا يا كمال سالم؟؟؟









هسي دي في ذمتك دايرة ليها حليفة بي نسرين سوركتي؟؟