Post: #1 Title: يا مريخاب الصفاقصي ( برشا ) خطير داخل الديار حذاري من ( الستة) Author: khaleel Date: 11-23-2007, 05:04 PM Parent: #0
المريخ او ( المريح) بالحاء لضعف مستواهو هذه الايام
ولان تاريخه خارج السودان غير ناصع حيث انهزم من كانون بالخمسة والاهلي بالخمسة وحتي القطن
الشادي ودولفين وكوارا والمقاولين والمصري وغيرهم
ولان الصفاقصي هزمه في امدرمان باربعة اهداف والصفاقصي صعب في ارضه حيث هزم كل الفرق الزائرة
بالاربعات
انا خائف علي بطل الهزائم المحمولة جوا من الستات بل السبعات ويا
ساتر من الدعاتر
سامع يا راكوبة وكيجا وثابت
Post: #2 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: ثابت محمد Date: 11-23-2007, 05:17 PM Parent: #1
خليييييييل ود أهلنا وييينك .. والله مشتاقين
شوف تشيل النقطة من خاء المريخ طوالي تشيلها من إسمك ويبقى حليل .. والله يا حليلك وكمان يبقى الهلال حليل المريخ وما أحلى مقابلة الحليلة
إنتو فترتو من قعدة جوة والمحلي ؟؟ بقى ماعندكم غير المريخ تتونسو بيهو ؟؟ الخمسة والستة من تونس فضلة خيركم .. الرجاء في مباراتين مديكم عشر صفر وناس تونس الخمسة ديل جابوهم فيكم في ربع ساعة سعيلي الله لسه بتذكرها ماخليتو فضيحة عشان المريخ يكون هو ضحيتها .. كملتو الفضائح كلها
مرة في تونس أدوكم خمسة والسادس جابو مدافعكم ومرة خمسة وتدخل قاقرين قال كفاااااانا وكلم مدرب الخصم والإدارة طبعاً الراجل سفير مابحرجوهو
خليل قالو مدرب راس الخيمة جاب فيكم قون .. الكلام ده صح ؟؟
غايتو جنس فصاحة إنت عارف بقيتو حتى الأسماء تسرقوها نقول المريخ الزعيم تقولو الهلال الزعيم نقول المريخ سيد البلد تقولو الهلال سيد البلد
واحد فقري قال المريخ بطل الكاسات المحمولة جواً .. أنقر الهلالابي ما دنقر ؟؟
نتلاقى بعد ناخد ستة من الصفاقصي إنتظرني في محلك ده سمح ؟؟
فتك عافية
Post: #3 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: khaleel Date: 11-23-2007, 05:23 PM Parent: #2
Quote: نتلاقى بعد ناخد ستة من الصفاقصي إنتظرني في محلك ده سمح ؟؟
فتك عافية
ثابت قريبي
كل سنة وانت طيب
والله خائف عليكم من ( مرضن) بجوا الجيران
غايتو الكورة دي ما اقل من اربعة اهداف داخل مرمي عمو هدايا ( بهاء الدين)
الذي دائما يقبض الريح
Post: #4 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: khaleel Date: 11-23-2007, 05:55 PM Parent: #3
الخلل في ( المريح) واضح
ابالو طاعن في السن وغير خفيف الحركة لوظيفة اليبرو
دامر بسرح سفاري كويس لكنه غير منسجم مع بقية ناس الدفاع
مجاهد مجتهد لكنه يلعب وحده في الارتكاز وحليل علاء الدين يوسف
كل هذا الخلل سببه علاء الدين يوسف
وكواسي بتاع الصفاقصي مصيبة
وبرضو تقولو ما ستة
Post: #5 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: عبدالكريم الامين احمد Date: 11-24-2007, 10:30 AM Parent: #4
Quote: وكواسي بتاع الصفاقصي مصيبة
حذاري يا راكوبة والبرشا كما قال خليل خطير داخل وخارج الديار...
الله يستر ساكت ويكضب الشينة الليلة..
Post: #6 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: عامر تيتاوى Date: 11-24-2007, 11:26 AM
Quote: والبرشا كما قال خليل خطير داخل وخارج الديار...
ياخوفى من البرشة قدام اولاد البرشا
Post: #7 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: عبدالكريم الامين احمد Date: 11-24-2007, 11:35 AM Parent: #6
Quote: البرشة
هلا يا تيتا انت خايف من (البرشة) وانا خايف من (الدرشة) والليلة المريخ محتاج لحماس وقوة قلب بشارة ابو اضان و فنيات جمال كيجن وجسارة كمال عبدالغني.. ولو لقوا كمان جسارة العوني ممكن يعملوا حاجة تقينا شر البرشا والبرشة والفرشة والدرشة..
Post: #8 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: حمزاوي Date: 11-24-2007, 11:40 AM Parent: #1
خليل قريبي مسكاقمي وينك يا راجل غايتو في الستات والخمسات انتم السابقون ... والله لا جابنا في اللاحقون ونسأل الله ان يجعل المريخ يقدم عرض جميل
Post: #9 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: عامر تيتاوى Date: 11-24-2007, 12:00 PM Parent: #8
حمزاوى مسكاقمى ياقريبى
Quote: غايتو في الستات والخمسات انتم السابقون
انتو خمسة الاهلى فى سنة 93 ديك بره الحساب ولاشنو والله زمان يامحمد رمضان وياسر ريان مع تحياتى لحبنى
Post: #10 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: Rakoba Date: 11-24-2007, 12:02 PM Parent: #8
Post: #11 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: عمر سعد Date: 11-24-2007, 12:13 PM Parent: #1
عكس كل النبؤات يا خلى متوقع اليوم المريخ يغلب
دة بسجلو هنا للتاريخ يا خليل
وما تقول عمر سعد ما قال لى
Post: #12 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: نادر محمد الراضي Date: 11-24-2007, 12:45 PM Parent: #11
Quote: يا مريخاب الصفاقصي ( برشا ) خطير داخل الديار حذاري من ( الستة)
خيااااااالو واااااااسع ...
Post: #13 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: nazar hussien Date: 11-24-2007, 01:02 PM Parent: #12
Quote: عكس كل النبؤات يا خلى متوقع اليوم المريخ يغلب
دة بسجلو هنا للتاريخ يا خليل
وما تقول عمر سعد ما قال لى
نبوءتك ضكرانة ضكرنة يا عمر سعد...
يا راجل: نستراداموس زاتو لو قام ما حا يقول نبوءتك دي..
المريخ...ويغلب...الصفاقسي...وعندهم كواسي...وفي تونس...ومباراة كأس والنجم الساحلي شايل الكأس من ضرس الاهلي...والصفاقصي غالب في الخرطوم 4/2...هسي في ذمتك دي في طريقة لي نبوءة ...انو المريخ يغلب...
اها كمان خليني اتنبأ ليك النبوءة الجد:
المريخ كان محظوظ يطلع مهزوم 5 واحد...ومن الشوط الاول...
يا راجل دي كاسها بره...هو كان في الخرطوم كان قلعوه خليه في تونس..
لا الحكم حا يكون معانا...ولا الارض ولا الجمهور...ولا العجب زاتو...
وناس المريخ كان فيهم فايدة يمسكو كواسي دا يكسرو ليه رقبتو من قولة تيت عشان الخمسة ما تزيد...
اساسي قال الزبادي بي هناك...وهسي المباراة قرّبت والله الجبنة المضفرة ما تحلنا
Post: #14 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: ثابت محمد Date: 11-24-2007, 08:06 PM Parent: #1
Quote: غايتو الكورة دي ما اقل من اربعة اهداف داخل مرمي عمو هدايا ( بهاء الدين) الذي دائما يقبض الريح
اعلاااه ما كتبه ود اهلي خليل الرشاشة
الظاهر عليه بتكلم من اللاوعي بتاعو فاكر إنو اللاعب الهلال أصلو الهلال في تونس بياخد الخمسة والستة عاااااااااادي لاتثريب عليكك يا إبن عمي
بس ده المريخ .. كدي قول معاي المرييييييييييخ قول تاني : المرييييييخ .. المرييييييخ .. المريييييييخ أيوة عشان العقيدة دي ترسخ في رأسك وتنفك من عقدة هلال الزريبة .. ترباس يشرب ويرجع يلاقيكم ماخدين ستة
خليل يا خلييييييييييييييييييييل بتعرف شنو يعني المريخ ؟؟ ستتك طلعت واحد وواحد بسلة الروح
علييك الله تمرق النصيحة المريخ كان كيف في المباراة دي ؟
غايتو عالم حاقدة بشكل .. هسي موقفك شنو يا خليك ؟؟ علييك الله البوست ده مش عورة ؟؟ كان تسكت زي الرشاشات الجبناء لحدي ما تنتهي المباراة إنت وتاج السر طلعتو أي كلااام يا جدعاااااااااااااان لكن والله ما بلومكم .. ياهو المعودكم عليهو هلالكم الخمسة والستة بياخدها في ربع ساعة بس
الله يسترك من يوم 29 يا حبيبنا
Post: #15 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: احمد التجانى احمد Date: 11-24-2007, 09:58 PM Parent: #14
خليل ياحبيب
وينك ازول فاتك خريف ابوالسعن حق نسرين سوركتى مع انك شايل ليها الابريق
كل التمنيات لبعثة فريق المريخ ان تنستر ومايضطروا يستاجروا طيارة يجيبوا فيها الاهداف الدخلت مرماهم
Post: #16 Title: Re: يا مريخاب الصفاقصي ( برشا ) خطير داخل الديار حذاري من ( الستة) Author: محمد الامين احمد Date: 11-24-2007, 10:09 PM Parent: #1
