Post: #1
Title: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-23-2007, 10:28 AM
Parent: #0
هذه مساحة استماع اخرى اطل من خلالها الى عالم الموسيقار الفنان
عثمان حسين
اتمنى ان تستمتعوا معى من خلالها من خلال النمازج التى سوف اقدمها
الرجاء المتابعة وما تحرمونا من المداخلات
الود والاحترام جمال سعيد
|
Post: #2
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: الشيخ إبراهيم الشيخ
Date: 11-23-2007, 11:04 AM
الاخ جمال سعيد
ياخي انت جميل مافي شك
وربنا يجعلك سعيد كمان على طول
نحن فرشنا وقعدنا في رجاك
بس ما تحرمونا من صالح اللنكان للحفظ وكدة
مودتي
|
Post: #3
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-23-2007, 11:09 AM
Parent: #2
الشيخ:
مرحب بيك ومليون سلام فى هذه المساحة السجانية الخرطومية الابو عفانية....
ارجو ان تستمتع معى من خلال النمازج التى سوف تقدم
واتمنى ان تنال اعجابك واعجاب بقية الاعضاء
جمال سعيد
|
Post: #4
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: Muna Khugali
Date: 11-23-2007, 11:28 AM
Parent: #3
صباح الورد..
نحرمك كيف من المداخلات؟
أكيد انت بتهظر..تجيب لينا الأستاذ ونقوم احنا النحرمك؟
انا وكتار بنكون ساكنين هنا..
بس طلب..
اي اغنيه لازم اللينك الخاص بحفظها..
وشكرا ليك كتير مقدما..
|
Post: #5
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: بشير دفع الله
Date: 11-23-2007, 12:29 PM
Parent: #4
الأخ جمال
منتظرينك تسعدنا..
وياريت تكون فيهن رائعة عثمان خالد
أحلى البنات
ودمت يا جمال ياسعيد..
|
Post: #6
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: عزيز
Date: 11-23-2007, 12:46 PM
Parent: #5
الأخ الصديق جمال
أيها الجميل
موده وشوق وتحايا للحلوين وأمهم
بي حاجاتك السمحه دي يوم بتجيب ليك روح زول ناطه من مكانه..
( بالمناسبة لمن لا يعرف الأخ جمال سعيد ) هو صاحب أكبر مكتبة غناء سودانية وموثق عبر موقع سودانيز دوت نت..
الحبيب جمال منتظرين روائع الفنان عثمان حسين بقليل صبر وكثير ترقب
محبتي
عبدالعزيز خطاب
|
Post: #23
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-25-2007, 05:16 PM
Parent: #6
عزيز سلامات وتحيات لك وللاسرة الكريمة...
مشكور على المرور والكلمات الطيبة...
اتمنى مرورك الدائم على بوستاتى....
|
Post: #20
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-25-2007, 11:57 AM
Parent: #5
بشير سلامات:
تتخيل يكون بوست حتى لو كان اغنييتين بس يخلو من احلى البنات!!!
طلبك موجود وتم تقديمة..
سعيد بالاطلاله الجميلة....
|
Post: #19
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-25-2007, 11:56 AM
Parent: #4
منى سلامات وسعيد بالمرور
الاغنية واللنك وكمان لو لقيت النص الشعرى برضو كمان...
|
Post: #7
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: mulhim
Date: 11-23-2007, 03:45 PM
جمال ... يسعد ايامكـ
وانت تجمل المساحات باختياراتكـ البديعة ..
شكر حد الطرب ..وانتظار استراحتكـ فى رحاب الاستاذ عثمان حسين..
لك الود وكل الاحترام ودم فى سلام..
|
Post: #8
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-23-2007, 07:29 PM
Parent: #7
النموزج الاول
عثمان حسين
صدقينى
كلمات عوض احمد خليفة
الحان عثمان حسين
اضغط صباع التشغيل للاستماع والاستمتاع :
لينك الحفظ
|
Post: #9
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-23-2007, 07:34 PM
Parent: #8
النموزج الثانى
الفنان عثمان حسين والشاعر حسين بازرعة
قصــتنا
اضغط صباع التشغيل للاستماع والاستمتاع :
لينك الحفظ
قصــتنا
أشعار: حسين بازرعة
بالمعزة بالمودة البينا
بي أغلى الصلات
بالهوى العشناه بأعصابنا خمسة سنين ومات
بالعذاب الشفته والسر الكتمته وباقي الطيبات
استحلفك أترك سبيلي وسيبني وحدي أقاسي وأبكي مر الذكريات
أنا بحناني الغالي خصيتك وحبيتك بكل جوارحي وعواطفي العميقة
وأنا شلت من أجلك هموم الدنيا قاسيت من جراحها وكل ضيقها
لسعادتك إنت كم ضحيت وإتغربت ما خليت طريقة
وفي مسيري المضني من أجل الحقيقة
كل طائر مرتحل عبر البحر قاصد الأهل حملته أشواقي الدفيقة
ليك ياحبيبي للوطن لترابه لشطآنه للدار الوريقة
لكن حنانك لي أو حتي مشاعرك نحوي ما كانت حقيقة
كانت وهم ... كانت دموع
مسفوحة بي أحرف أنيقة
ما بإيدي لو ضباب الغيرة أعماني وزيف لي الحقيقة
إنت نبع حناني إنت كياني
إنت الدنيا بهجتها وشروقها
وإن حصل زلت خطايا معاك أو ضلت طريقها
هل تصدق تنـتهي قصتنا يا أجمل حقيقة
نحن عشناها بدموعنا وبالضنى في كل دقيقة
ياحبيبي لم تزل قصتنا قصة حب أقوى من الحقيقة
|
Post: #10
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-23-2007, 10:08 PM
Parent: #9
النموزج الثالث
عثمان حسين
احلى البنات
كلمات عثمان خالد
اضغط صباع التشغيل للاستماع والاستمتاع :
لينك الحفظ
والله يا احلى البنات
لو كان لقيت سر الغنا
كان طرت عانقت الخيال
حلقت عبر الأزمنة
وقلت الخيال يصبح حقيقة
ونهدي ليك خاتم المنى
شان تسرحي وتتخيلي
وتتوهي في بحور الخيال
تتمني فيها وتسألي
ويتم ليك كل المنى
****
تستاهلي العرش البشيل
حسنك يطوف بيك العصور تستاهلي
ويمر بيك عبر الزمان
شان تمرحي وتتخيلي
كيفن تجيك ليلى بتغير
يبين عليها وينجلي
وكيفن تجيك الغيث ترش
دربك ورود لو تقبلي
ويطل جميل وكتير يقولوا
بيوت شعر مرهف طلي
وتمري بي عهد الرشيد
ويغني ليك الموصلي
*****
تستاهلي لو ردتي من قلبي القمر
باقات أساور أو حلي
أو حتى من كل النجوم
عنقود مبهرج ومنطلي
كان خف لي لقاك القمر
منصات وقال ليك أسألي
وكان حفو دنياك النجوم
إتباكوا ليك شان تعزلي
وأنا في هواك يا ست هواي
لليلة دايب في الغنا
*****
شفتيني كيف حاضن هواك
غيران عليك من كم سنة
شفتيني كيف ساعة الوداع
أنا كنت دمعة محننة
والليلة يا نعمة حياتي
بذوب حنان وبذوب منى
والليلة عايش أمنيات
يا حليلة لو كان ممكنة
أحكيك حروف أشواقي ليك
وأسمع حروفك وأحضنا
|
Post: #24
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-25-2007, 05:18 PM
Parent: #7
ملهم الفن والشعر...
سلامات ومشكور على متابعتك الدائمة...
مشكور كتير
|
Post: #11
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: يوسف الولى
Date: 11-24-2007, 00:17 AM
الاخ جمال
شكرا لك وانت تنشر السعاده فى سماءنا
وياليتك يا اخى توقف خاصيه التشغيل التلقائى للغنيه فهذا يبطىء من فتح الصفحه
شكرا مره اخرى
|
Post: #12
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: بشير دفع الله
Date: 11-24-2007, 10:56 PM
Parent: #11
يا رائع ياجمال ..
شاكرين كتير إبداعك ..
|
Post: #25
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-25-2007, 05:20 PM
Parent: #11
الوالى..
مشكور على المرور وتم عمل اللازم...
|
Post: #13
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: عبد الدائم سيد أحمد
Date: 11-25-2007, 07:52 AM
صباح الخيرات جمال
شنو حكايتك مع الرقم 15
| Quote: ( بالمناسبة لمن لا يعرف الأخ جمال سعيد ) هو صاحب أكبر مكتبة غناء سودانية وموثق عبر موقع سودانيز دوت نت.. |
ماشاء الله ، طيب قول 150 اغنية على الاقل
عشان نشبع طرب
|
Post: #26
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-25-2007, 05:24 PM
Parent: #13
عبدالدائم مشرفتنا تانى... مرحبا بيك وهلا...
15 دى سرها غرررريب جدا....
تسلم ومشكور على المرور
|
Post: #14
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: محمد أبوالعزائم أبوالريش
Date: 11-25-2007, 08:39 AM
الأخ الجميل ... جمال ...
| Quote: شنو حكايتك مع الرقم 15 |
لسة مسطولين بال 15 مقطوعة ...... عايز تعمل فينا شنو؟
يديك العافية
|
Post: #15
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: خالد المحرب
Date: 11-25-2007, 08:51 AM
Parent: #14
الاخ جمال انت اتيت بكل الجمال كلمة عملاق بقت شويه فى حقه شكرا غلى الابداع .
الفنان غثمان لنا مغه وقفات كتيره وهو صديق شخصى ربنا يمتعه بالصحه والغافيه .
لك التحيه وشكرا .
|
Post: #28
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-25-2007, 05:28 PM
Parent: #15
خالد سلامات وتشريف لطيف جدا للبوست...
اتمنى ان القاك دائما متابع معاى ....
وسعدت بمرورك....
|
Post: #27
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-25-2007, 05:26 PM
Parent: #14
محمد الحبيب سلامات ومشرفنا كمان...
تابع معاى سلسلة ال 15 رااات ...
وماتنسى 15 العملاق العطبراوى....
|
Post: #16
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: Tayseer Elmobarak
Date: 11-25-2007, 09:40 AM
الصمت في حرم الجمال جمال ... جمال نفسي اتقطع من عثمان حسين .. شكراً لهذا البهاء
|
Post: #17
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: رأفت ميلاد
Date: 11-25-2007, 09:58 AM
Parent: #16
حبيبنا حمال
معاك متابع بلا إنقطاع
بس البوست من تلاتة بقى تقيل ما بالك 15
رغم شكل البوست كدة أحلا الإكتفاء فقط بلنكات الحفظ يكون عملى أكثر
وشكرآ مرتين
شكرآ على الإبداع والجمال ومداخلاتك الممتعة
وشكرآ غلى نكتك حبيبنا المحرب من ثباته الشتوى 
Quote: الاخ جمال انت اتيت بكل الجمال كلمة عملاق بقت شويه فى حقه شكرا غلى الابداع .
الفنان غثمان لنا مغه وقفات كتيره وهو صديق شخصى ربنا يمتعه بالصحه والغافيه .
لك التحيه وشكرا . |
محبتى
|
Post: #18
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-25-2007, 11:54 AM
Parent: #17
الاحباء
لسرعة التصفح تم تعطيل خاصية الشتغيل التلقائى....
|
Post: #21
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-25-2007, 12:18 PM
Parent: #18
النموزج الرابع
عثمان حسين
ليه تسيبنا
كلمات الجيلى عبدالمنعم
الحان عثمان حسين
اضغط صباع التشغيل للاستماع والاستمتاع :
لينك الحفظ
ليه تسيبنا يا حبيبنا
للضنى الما بنتهي للشقا
الفوق جبينا رسم خطوط ما بتنمحي
ليه تسيبنا يا حبيبنا
*****
مش كان حرام تحرمني حتى الابتسام
تحرمنى منك لو عتاب اشتاقه وافرح بالملام
حرام اجيك بالشوق واعود بالهجر منك والخصام
ليه تسيبنا يا حبيبنا
******
خليني اتعذب براي ضايع محطم بالهوى
وجفني المسهد بالدموع رويته ما ارتوى
اعتاد على طعم السهاد واعتاد على طول النوى
ليه تسيبنا يا حبيبنا
********
وريني ايه لازم الزعل ايه لازم الزعل
انا قلبي قاسى واحتمل قاسى واحتمل
عللته بالآمال سنين واصبح مقيد بالأمل
لكنه يسألني الحنين كل يوم ايه العمل
ليه تسيبنا يا حبيبنا
|
Post: #22
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-25-2007, 12:20 PM
Parent: #21
النموزج الخامس
عثمان حسين
الفراش الحائر
كلمات قرشى محمد حسن
الحان عثمان حسين
اضغط صباع التشغيل للاستماع والاستمتاع :
لينك الحفظ
طاف الفراش الحاير
مشتاق الى زهراتك
حبيبي آه.... اناغاير
بخاف على وجناتك
حبيبي طرفي مسهد
أراك قريب وأتنهد
ومره فيك... أتشهد
أنا قلبي آمن ووحد
بجمال صفاك وصفاتك...
صدقني بس وحياتك
آمنت بيك يا ناير
لانو مافى مثالك
انا حكمي لو كان جاير
حكم سواى في جمالك
للناس عقول وبصائر
عن حكمي غاضب مالك
انت الجميل ومدلل
وأنا قلبي ليك اتذلل
وعيوني فيك تتأمل..
ثانية..... ما بتتحمل
لو جلست حيالك..شعوري ما بتمالك
|
Post: #30
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-25-2007, 06:02 PM
Parent: #17
راااافت سلامات ومشتاقيين...
وتشريف لطيف جدا...
كتر طلاتك بالله....
|
Post: #29
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-25-2007, 05:29 PM
Parent: #16
تيسير سلامات وتابع معانا....
|
Post: #31
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: Elmuez
Date: 11-25-2007, 06:06 PM
تعيش السجانة .. و يعيش عثمان حسين و شعراءه
و تعيش يا جمال..
.
.
!"in tureedi"
|
Post: #32
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: محمد مختار جعفر
Date: 11-25-2007, 07:50 PM
Parent: #31
.... وهكذا يتدفق الجمال على جنبيك يا جمال سعيد، يارائع ..
وهكذا يكون الجمال أينما حللنا وأينما نكون ...
فهو بحق فنان الأجال ، بل لكل الأجيال والحقب .... ،
تعبر ألحانه الآفاق لتصل الى كل أذن ذواقة وحس مرهف رصين ..
أحييى عبرك كل المتداخلين ( السمحين ) .. لم أر إنسان
يعجب بعثمان حسين ، إلا وتأكد أنه يمتلك خاصية الإختيار والتذوق
تلكم هو عثمان حسين زرياب أهل الفن فى السودان ،
لم أر فيه إلا هامة المعبد .....
وتحيــــــــــــتـى ..
محمـد مختـار جعفر
|
Post: #33
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: نها محسن أبورأس
Date: 11-26-2007, 02:05 AM
الراقي جدا الاستاذ جمال
والله ماعارفة أعبر ليك عن مدي إعجابي بهذا البوست الدسم الذي شمل جميع أغنياتي المفضلة للقامة عثمان حسين وبالأخص أغنية قصتنا....ياسلاااااااام عليك
...سلمت وسلم ذوقك وربنا يديك ألف عافية...
مودتي وتقديري
|
Post: #34
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-26-2007, 07:00 PM
Parent: #33
النموزج السادس
عثمان حسين
بعد الصبر او ليه ليه
كلمات حسين بازرعة
الحان عثمان حسين
اضغط صباع التشغيل للاستماع والاستمتاع :
لينك الحفظ
بعد الصبر
ليه تقول ايامنا راحت وانتهينا
يا حبيبى والله كانت ديك سحابة
لوحصل فى العمر مرة وافترقنا
عى غلطة ونحن نتحمل عذابها
كنت عايش كل ايامك محنة
وانا بحرق كل عمرى فى الصبابة
يا حبيبى ليه ماتبقى حياتنا جنة
ننسى ظلم الدنيا ناخد من شبابها
نبعد الشك من قلوبنا والمظنة
ونمشى فى دروب الامانى المستطابة
لست ادرى هل عذابى ام عذابك كان اكثر
حين شق الدهر بينا والفراق المر اجبر
غير انى كنت ادرى حبى كان اكبر
فلماذا كنت تخشى انت ماضى المسير
كل واحد ليه فى تاريخه ماضى اى ماضى
ليهو ذكرى حب قديمة
وانت عارف لما اخترتك حبيبى
كان فى قلبى جرح يندى بالهزيمة
لكن انت صرت اغلى حب عندى
وكنت راضى معاى بظروفى الاليمة
وكنت راضى بالشقا البتبع خطاى
والماسى المرة فى طفولتى اليتيمة
ليه ما نتحمل ونصبر يا حبيبى
بكرة نلقى الدنيا بى خيرها ونعيمة
|
Post: #35
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-26-2007, 07:07 PM
Parent: #34
النموزج السابع
عثمان حسين
شــــــــجن
كلمات حسين بازرعة
الحان عثمان حسين
اضغط صباع التشغيل للاستماع والاستمتاع :
لينك الحفظ
شجن
كلمات حسين بارزعه
********************
لى متين يلازمك في ... هواك مر الشجن
ويطول بايامك سهر ... ويطول عذاب
يا قلبـــى لوكانت ... محبتــــه .. الثمن
يكفيك هدرت عمر ... حرقت عليه شباب
لكن هواه أكبر ... وما كــــان ليه ثمن
والحسرة ما بتنفع ... ومــــا بجدى العتــــاب
أحســـــن .. تخليـــه ... لـــى الليالى والزمن
يمكن يحس ضميره ... ويهديه لــــى الصواب
لكنى اخشى عليه ... مــــن غـــدر الليــــالى
وأخشى الامانى تشيب ... وعشّنا يبقى خالى
وهو لسع في نضارة ... حسنه فى عمر الدوالى
ما حصل فارق عيونى ... لحظة او بارح خيالى
اغفـــر لــه يا حنيــِّن ... وجــاوز لـــو ظلم
ما اصلها الأيام مظالم والعمــر غمضة ثواني
واصبر على جرحك ... وإن طــــال الألم
بى جراحنا بى أشواقنا ... بنضوى الزمن
انا عارفه بكره بيعود ... فى رعشـــة ندم
ننسى الحصل بيناتنا ... والسهر اللى كان
تصبح حياتنا نغم ... وعشنــــا يبتســــم
وتعود مراكب ريدنا ... لـــــى بر الأمان
|
Post: #36
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: الشيخ إبراهيم الشيخ
Date: 11-27-2007, 07:05 AM
Parent: #35
جمال يا زول انت مشيت وين
ممكن اكون طماع ..
رد جمال قائلاً(ممكن) .. شكراً ليك ياخي
بالله الوكر المهجور والقبلة السكرى
وكمان مسامحك يا حبيبي ....
ما طماع مش ؟!!!
مع اكيد مودتي
|
Post: #37
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: Saber Abdelhadi
Date: 11-27-2007, 08:01 AM
سليل الفراديس
بالله..
يا سليل الجمال..
شكرا..
|
Post: #38
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: الشيخ إبراهيم الشيخ
Date: 11-28-2007, 07:57 PM
Parent: #37
جمال سعد كيفنك يا زول انت قلت 15 أظن
ولا 15 دى قاصد نصها بس .. على كل حال
يا زول نحن عندنا عندك ثمانية اغاني
وما بنخليها ليك بالمرة وما ضاع غناء
وراه مطالب ..ولا شنو اظن كده .. راجنك
على فكرة العطبراوي الله يرحمه مابناباه
لكن الفيك اتعرفت
مع كامل التقدير
|
Post: #39
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-30-2007, 10:09 PM
Parent: #38
النموزج التاسع
عثمان حسين
أنا والنجم والمساء
كلمات حسين بازرعة
الحان عثمان حسين
اضغط صباع التشغيل للاستماع والاستمتاع :
لينك الحفظ
الحان عثمان حسين
اشعار حسين بازرعه
أنا والنجم والمساء
ضمنا الوجد والحنين
حف في كأسنا الرجاء
وبكت فرحة السنين
آه يا شاطئ الغد
أين في الليل مقعدي
أين بالله موعدي
*****
يا خطاها على الربا
عطر أنفاسها صبا
تحمل الشوق والصبا
أنا عادني الهم والضنا
انا والنجم والمساء
*****
في الدجى شاق مسمعي
صوتها الملهم النغيم
في الهوى هاج مدمعي
حبها الخالد الأليم
كلما لاح بارق
من محياها خافق
خلدت لحن شهرتي
ألهبت ليل وحدتي
بالأسى والصبابة
****
يا ربا البحر أشهدي
هاهنا كان موعدي
وهنا كان مقعدي
أنا والنجم والمساء
|
Post: #40
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-30-2007, 10:15 PM
Parent: #39
النموزج العاشر
عثمان حسين
حارمينى ليه
كلمات اسماعيل حسن
الحان عثمان حسين
اضغط صباع التشغيل للاستماع والاستمتاع :
لينك الحفظ
|
Post: #41
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-30-2007, 10:20 PM
Parent: #40
النموزج الحداشر
عثمان حسين
من اجل حبى
كلمات حسين بازرعة
الحان عثمان حسين
اضغط صباع التشغيل للاستماع والاستمتاع :
لينك الحفظ
جاي تترجاني أغفر ليك ذنبك
ما كفاية الشفتو من نارك وحبك
أنت فاكر تاني أرجع لك واحاسبك
لا يا ناكر دربي أصبح ما هو دربك
كنت تحلم بالسعادة في كلمة مودة
وهي غير ما إنت فاكر
وهي في نبضة مشاعر
في القلوب الما بترد أي طارق أي زائر
شايلة هم الدنيا زاده ومالية كل الكون بشاير
إجتمعنا علي المحبة في ثواني
في طريق مفروشة بي حبي وحناني
وافترقنا كل واحد في طريقه
انا ضائع وإنت مخدوع بالأماني
كل زادي في ضياعي
قلبي مفتوح للأحبة
للجمال الأشجى روحي
في شعوري سحره شبه
ورسالة فني سامي
تدعو للخير والمحبة
إلا قلبك يا حبيبي
لسه ما أدرك وشبه
|
Post: #42
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-30-2007, 10:29 PM
Parent: #41
النموزج الثانى عشر
عثمان حسين
الوكر المهجور
كلمات حسين بازرعة
الحان عثمان حسين
اضغط صباع التشغيل للاستماع والاستمتاع :
لينك الحفظ
الوكر المهجور
كلمات : حسين بازرعه
********************
كانت لنا أيام ... في قلبى ذكراها
مازلت أطرها ...
ياليتنا عدنا ... أو عادت الأيام
إن أنسى ما أنسى ... ذكراك يا سلمى
فى وكرنا المهجور والصمت قد عم
تحلو لنا الشكوى ... والحب والنجوى
لن أنسى نجواكى والهمسة والبسمة
وحرارة الانفاس ... فى قبلتى لما
ضمتك يمنايا ... يا سعد دنياي
وغفوتى في صدرى ... نشوانه بالأحلام
كيف أنسى أيامى وفكرتى الكبرى
يا وحى الهامى أنا عمت بالذكرى
ذكرى لياليكى ... في خدر واديك
الليل أهواه في شعرك الناعم
لكن تباعدنا دهرا ... وما عدنا
الوكر يا سلمى ... او عادت الأيم
مصدر كلمات الاغانى منتدبات مزيكا سودانية
|
Post: #43
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-30-2007, 10:37 PM
Parent: #42
النموزج الثامن
عثمان حسين
ارضنا الطيبة او نفديك بالروح
كلمات حسين بازرعة
الحان عثمان حسين
اضغط صباع التشغيل للاستماع والاستمتاع :
لينك الحفظ
|
Post: #44
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 11-30-2007, 10:48 PM
Parent: #43
النموزج الثالث عشر
عثمان حسين
ليالى الغرام
كلمات صلاح احمد محمد صالح
الحان عثمان حسين
اضغط صباع التشغيل للاستماع والاستمتاع :
لينك الحفظ
|
Post: #45
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 12-01-2007, 04:59 PM
Parent: #44
النموزج الرابع عشر
عثمان حسين
انت يا نيــــــــــل
الحان عثمان حسين
اضغط صباع التشغيل للاستماع والاستمتاع :
لينك الحفظ
المقدمة ناقصة بسيط..
|
Post: #46
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 12-01-2007, 05:17 PM
Parent: #45
النموزج الخامس عشر
عثمان حسين
غرد الفجر
كلمات حسين بازرعة
الحان عثمان حسين
اضغط صباع التشغيل للاستماع والاستمتاع :
لينك الحفظ
غرد الفجر فهيا ياحبيبي
واستهام النور في الروض الرطيب
.............
وبغاث الزهر فوح مستطير
ونسيم الروص عطر وعبير
والدنا حب تناهي وشهور
.............
فإلام الصد
وعلام الوعد
والجفا والبعد
............
وفؤاد الصب يشدو كالغريب
غرد الفجر فهيا ياحبيبي
..............
أوتنسي قبلت يكفك لما
لامست جبهتي الحري ولما
هدهدت في مسرح الآلام هما
...........
إنها نوري
غب ديجوري
مهد تبشيري
........
وهي في الدنيا غنائي ونجيبي
غرد الفجر فهيا ياحبيبي
........
مهجتي تزداد في الحب اتقادا
عجبا لاترتضي منه ابتعادا
كفراش يبتغي النار مهادا
..........
يالويل الصب
وعذاب الحب
وإبتئاس القلب
..............
ياأماني يا أنيسي في دروبي
غرد الفجر فهيا ياحبيبي
كلمات الاغنية مصدرها منتديات مزيكا سودانية
|
Post: #47
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: جمال سعيد
Date: 12-02-2007, 07:14 PM
Parent: #38
الشيخ سلامات
العدد اكتمل
ان شاء الله تكون استمتعت بالباقة....
واسف على الانقطاع
|
Post: #48
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: Munir
Date: 12-03-2007, 01:42 AM
Parent: #47
ماهذا الجمال السعيد يا جمال سعيد ؟؟ .. يعني إنت طوااالي كده تقعد تعذب فينا كده؟؟ .. طواالي؟؟ .. الله يسامحك ويديك الفي مرادك ..
شوف بالله النموذج 13 !!:
يا ليالي القمر .. ياليالي الغرام.. طاب فيك السمر..ما لعيني منام ..
ظللت اعيدها طول الليل ولم أكتفي ..
يا لعذاب الليل وألم السهر في الغربة وفراق الاحباب والأهل والأخوة والصحاب ..
ويالروعة عثمان وانغامه في سكون الليل وهدأة الكون ..
|
Post: #49
Title: Re: استراحة فى رحاب الفنان عثمان حسين استمع واستمتع باجمل 15 اغنية ...
Author: الشيخ إبراهيم الشيخ
Date: 12-03-2007, 07:36 AM
Parent: #48
Quote: الشيخ سلامات
العدد اكتمل
ان شاء الله تكون استمتعت بالباقة....
واسف على الانقطاع |
جمال
يا خي استمتعت وبس عيييييييييييييك
( مابقدرابوح وما قادر اصرح )
لكن يا حبيب الله يديك الفي مرادك
مودتي
|
|