Post: #1
Title: لماذا لا يفكر (الهــلال) مثل (صفاء) فى الأنتصار على (المريخ) ب 6 / صفر حتى يصمت (مزمل) ؟؟؟
Author: تاج السر حسن
Date: 11-23-2007, 00:20 AM
ولو ده حصل .. هل يصمت (مزمل) هاردلك ؟؟
(لا يبطرنا نصر ولا تهزنا هزيمه) !!!
|
Post: #2
Title: Re: لماذا لا يفكر (الهــلال) مثل (صفاء) فى الأنتصار على (المريخ) ب 6 / صفر حتى يصمت (مزمل) ؟؟؟
Author: تاج السر حسن
Date: 11-23-2007, 00:32 AM
Parent: #1
تلعب النفسيات فى كرة القدم دورا مهما .. كنت على ثقة تامه بأن (الدولفين) رغم انه (حمام ميت) لكنه سوف ينتصر على (المريخ) بعدد كبير من الأهداف ، لماذا ؟؟
لأن (البعيوات) كانت غاية طموحاتهم الا ينهزموا ب 5 أهداف .. اى لا تهمهم الهزيمه مهما كانت قاسيه طالما لم تصل للخمسه !!
وقد كان .. انهزموا بالثلاثه و(نقزو) و(عرضو) .. و(دور) واليهم عربيته من الفرحه من منزله ووصل الأستاد بنمره 5، وحملوه على الأعناق .. وكانت تلك اول مسببات الهزيمه جوه (البلد) .. يعنى انتصار (محمول جوا) لصالح (صفاء) !!
ولو كانت الهزيمه وحدها تكفى لأقصاء المريخ ، لقاتل المريخ لآخر لحظمه وربما لم يخرج مهزوما بأكثر من هدف واحد!!
عليه اتمنى أن يدخل الهلالاب الى الملعب .. لا لمجرد هزيمة المريخ أو الحصول على الكاس فهذا أمر سهل ومتاح .. وانما ينزلون الملعب لهزيمة (البعيوات) هزيمه مذله تصمت اعلام الضلال الى الأبد، ودون شك سوف يخرجون اقل شئ بهدفين فى شباك (الضعفاء) !!
مخارجه:-
الله يدينا الفى مرادنا .. وانتصار قدر انتصار (صفاء) !!!!!
|
Post: #3
Title: Re: لماذا لا يفكر (الهــلال) مثل (صفاء) فى الأنتصار على (المريخ) ب 6 / صفر حتى يصمت (مزمل) ؟؟؟
Author: تاج السر حسن
Date: 11-23-2007, 00:44 AM
Parent: #1
غايتو حالة المريخ .. حاله تحنن .. مزنوق (زنقة) كلب فى طابونه يوم (الوقفه)!!
_____________
ما أن يخلص من (صفاء) بهزيمه بشعه مهما (تخندق) .. الا وينتظره (أسد بيشه) جوه البلد بكل ما لديه من خبرة فى ملاقاة (الضعفاء) و(الأقوياء) !!
|
Post: #4
Title: Re: لماذا لا يفكر (الهــلال) مثل (صفاء) فى الأنتصار على (المريخ) ب 6 / صفر حتى يصمت (مزمل) ؟؟؟
Author: نادر محمد الراضي
Date: 11-23-2007, 12:50 PM
Parent: #3
أحب الخيال الواسع ... 
|
Post: #6
Title: Re: لماذا لا يفكر (الهــلال) مثل (صفاء) فى الأنتصار على (المريخ) ب 6 / صفر حتى يصمت (مزمل) ؟؟؟
Author: ahmed khidir
Date: 11-23-2007, 05:04 PM
Parent: #4
تاج السر
ســـــلامات
مشكلة المريخ الضعف الشديد فى الدفاع وحارس المرمى
واذا استغل ريكاردو هذه الثغرة الواضحة, صدقنى حاتكون هزيمة تاريخية
ولو رجعت بى زاكرتك شوية وبالتحديد الدورة الثانية العام السابق
فى ال 20 دقيقة الاولى الهلال منتصر 2/ صفر وهى النتيجة الانتهت عليها المباراة
ولم يستغل ريكاردو كل الفرص فى تلك المباراة رغم ان دفاع المريخ كان احسن حالا بوجود اللاعب كونى
مايعيب ريكاردو دائما اللعب مدافع واثنين ارتكاز لضمان اسواء الفروض
والدليل على ذلك مباراة النجم الساحلى فى تونس , والهلال فى اللقاء القادم امام المريخ حا يلعب بى فرصتين
الفوز او التعادل وهى مشكله فى حد ذاته , ولكن اذا جاء ريكاردو بى فكرة الفوز والتركيز على الضعف فى
دفاع المريخ وحارس المرمى الفوز باذن الله سيكون من نصيبنا
احمــد خضــر
|
Post: #5
Title: Re: لماذا لا يفكر (الهــلال) مثل (صفاء) فى الأنتصار على (المريخ) ب 6 / صفر حتى يصمت (مزمل) ؟؟؟
Author: تاج السر حسن
Date: 11-23-2007, 04:57 PM
Parent: #1
تعرف يا نادر
موضوع الأستاذه ( صفاء) الما بتحن اصلها .. مفروغ منه زى ما قلت ليكم من قبل مسالة خروجكم بقت مسالة زمن .. ومافى ليكم اى مخرج من ال 6 !!
غايتو الا يحن عليكم (الزعيم) سيد البلد اصلو دائما حنون وعطوف على (فرعو) !!!!!!!
|
Post: #7
Title: Re: لماذا لا يفكر (الهــلال) مثل (صفاء) فى الأنتصار على (المريخ) ب 6 / صفر حتى يصمت (مزمل) ؟؟؟
Author: Adam Mousa
Date: 11-23-2007, 05:16 PM
Parent: #5
تاج السر سلامات.........
الموضوع ده اقفلو وانساهو عشان ما تجيب لينا (الكج) خلينا نغلبهم وبعداك نفرح معاك...
انت ما عارف الجماعه ديل (الاتحاد) ظاتو (واقف) معاهم نكايه فى صلاح ادريس ...وبعدين الناس
ديل مدربهم (ظاتو) عضو مجلس اداره فى الاتحاد العام وما تنسي لجنة (التحكيم) ..كوره ما بغلبونا
(لكن) ,,,,ولكن دى الحتجهجهنا القصه ما كوره يا تاج......الله يستر...
|
Post: #8
Title: Re: لماذا لا يفكر (الهــلال) مثل (صفاء) فى الأنتصار على (المريخ) ب 6 / صفر حتى يصمت (مزمل) ؟؟؟
Author: yasir Abdelgadir
Date: 11-23-2007, 06:22 PM
Parent: #7
تاج ياخوي بتفتش علي المشاكل مالك....عايز تجيب لينا الرياضة الجماهيرية تاااني
|
Post: #9
Title: Re: لماذا لا يفكر (الهــلال) مثل (صفاء) فى الأنتصار على (المريخ) ب 6 / صفر حتى يصمت (مزمل) ؟؟؟
Author: تاج السر حسن
Date: 11-23-2007, 08:29 PM
Parent: #1
كتب أحمد خضر
Quote: تاج السر
ســـــلامات
مشكلة المريخ الضعف الشديد فى الدفاع وحارس المرمى
واذا استغل ريكاردو هذه الثغرة الواضحة, صدقنى حاتكون هزيمة تاريخية |
والله يا احمد خضر يا اخوى .. المريخ ضعيف فى اى حته وخلينى أديك وصف أمين جدا.
المريخ فيهو (العجب) لمدة 25 دقيقه فقط، يراقب باقرب لاعب منه اى لا يخصص له لاعب كى يراقبه فى اى مكان، بعد 25 دقيقه (العجب) براقب روحو براهو وبطلع اى باص غلط وبكون اى لاعب فى دكة الأحتياطى أفضل منه، ونفسو ح يخم زى المشارك فى المارثون .. والمريخ فيهو شوية عكلتة من (سفارى) لكن برضو ما بختلف من (الزومه) اول ما يستلم الكوره بشوتها طويله ترجع من خط الدفاع، والمريخ فيهو (ولدنا) الصعيليق (السعودى) لكنهم ما بلعبوهو الا فى آخر 5 دقائق، يعنى بعد الفلم ما يخلص !!
لذلك فالمريخ مضمون جدا حتى لو تقدم بهدفين .. وكلامك صاح .. المطلوب انه (ريكاردو) يتخلى عن (الأحترافيه) بتاعتو، كمدرب ليس جبانا لكنه يريد أن يكسب (بطولة الدورى العام)، لو فكر ريكاردو فى هزيمة المريخ هزيمه شنيعه فهذا يمكن أن يحدث من الشوط الأول!!
|
Post: #10
Title: Re: لماذا لا يفكر (الهــلال) مثل (صفاء) فى الأنتصار على (المريخ) ب 6 / صفر حتى يصمت (مزمل) ؟؟؟
Author: تاج السر حسن
Date: 11-23-2007, 08:35 PM
Parent: #1
الحبيب آدم موسى
كتب:-
Quote: تاج السر سلامات.........
الموضوع ده اقفلو وانساهو عشان ما تجيب لينا (الكج) خلينا نغلبهم وبعداك نفرح معاك... |
يازول كدى ارجع للأرشيف يا تو يوم انا انتظرت المباراة تخلص حتى اتفسح فى البعيوات .. لى 3 سنه قبل كل مباراة بتحداهم وبقول ليهم من اراد أن يثكله (كلاتشى) فالينتظرنى خلف (الرد كسر) أو استاد شاخور كما سميته غصبا عنهم !!
مرة من المرات عديل قلت ليهم مغلوبين 3 وقد كان !!
المشكله هم بينتظروا يتفسحوا بعد المباراة .. وما بتفاصحوا قبالها مطلقا .. لذلك وللأسف يخسروا الدنيا والآخره .. يكونوا ساكتين من قبل ومن بعد، وينتظروا السنه الجايه وهكذا (دواليك)!!
|
Post: #11
Title: Re: لماذا لا يفكر (الهــلال) مثل (صفاء) فى الأنتصار على (المريخ) ب 6 / صفر حتى يصمت (مزمل) ؟؟؟
Author: تاج السر حسن
Date: 11-24-2007, 08:13 AM
Parent: #1
فضيحه كبيره .. أن يتخلى جمهور المريخ عن فريقه يوم لقاء الصفاقسى بالخرطوم، وأن يتخلى عنه كتابه عند لقاء العودة ولا يجدون شيئا يكتبونه غير التبجح والتطاول على الهلال، بقيادة كبير اخوانو (الكوز) المخفى .. الذى سخر من أخواننا المسيحيين واسمائهم كى يسخر من الهلال ورموزه !!
|
|