Post: #1
Title: التوبة لي حــبوبة
Author: إدريس البدري
Date: 11-21-2007, 03:30 PM
لأول مرة أرحب لي بي زول جديد ، رغم اني دخلت المنتدى لا احم ولا دستور
وهي أول مرة والترحيب يطلع فشنك ....شكيت محنك علي الله يا الدخلت بي نسرين
مما تقدم، تاني ما برحب بي زول
والداير يدخل يدخل حبابو بس من غير ترحيب
وحتى بلة صاحب اساسي كان جاء حبابو : بس من غير ترحيب برضو
والتوبة تاني لي حــبوبة
وبث
|
Post: #2
Title: Re: التوبة لي حــبوبة
Author: humida
Date: 11-21-2007, 03:39 PM
Parent: #1
توبتك ( مقبولة ) يا ( حمراني ) ..
طهر نفسـك من ( الكبكبة ) .. بـ( الدردقة ) خمسة مرات في ( التراب ) ..
وبعدها استحما بـ( ديتول ) ..
وانشاء الله تعود ( نقيا ) كما ( كنت ) ..
..
..
( كنت ) دي ما تدقق معاها .. انا قلتها عشان ( القافية ) بس ..!!!
|
Post: #3
Title: Re: التوبة لي حــبوبة
Author: اساسي
Date: 11-21-2007, 03:46 PM
Parent: #2
بالامس حدثني سيد الوجعة عن مؤهلاتك وجاء منها : كديسة الخواجات تلك العيناها اصفي من ماء الخلجان
وعرج بي الي ابنكم (شلاقة) ((دبس الله شوكه)) وتحدث مليا في ذلك المنبر المجاور عن عمارتكم في ام بدة وبداية تشطيبك للدور التاني .. لم يكن ابدا الحديث ذو شجون فقد تجلي (مزمل) كثيرا في ذلك المجلس ولم يخفي ابدا افتتانه بشخصكم . خرجت من ذلك المولد وانا اردد ( التوبة لي حبوبة كان احضر مجلس فيهو مزمل وسيد الوجعة وسيرة قد انفتحت عن حمراني
ــــــــــــــــــ
الـــ cv.. الـــ cv ..كيف ؟
(ما جهجهتا باكتك؟)
|
Post: #4
Title: Re: التوبة لي حــبوبة
Author: على محمد على بشير
Date: 11-21-2007, 04:05 PM
Parent: #3
انتا يا اساسى دون عن العالمين دى تسكت ساكت
وتخت الخمسه فوق الاتنين
لانك عملتها شينه مره واحده
الناس دى رحبت وادردقت ومشت
اما انتا سيدى الكريم فقد طلبت من الهكر ان يتوسط لك عند بكرى حتى يقبلوا صاحبك
بله عضوا فى البورد وهذه لعمرى لم يسبقك عليها احد من قبل 
تتجرس وتدردق لى هكر وكمان تدخله واسطه
وجايى تتفاصح كمان
والانا مستغرب ليهو يا اساسى
حميده اليوم داك كان وين ؟
|
Post: #5
Title: Re: التوبة لي حــبوبة
Author: اساسي
Date: 11-21-2007, 04:12 PM
Parent: #4
Quote: الناس دى رحبت وادردقت ومشت
اما انتا سيدى الكريم فقد طلبت من الهكر ان يتوسط لك عند بكرى حتى يقبلوا صاحبك
بله عضوا فى البورد وهذه لعمرى لم يسبقك عليها احد من قبل
تتجرس وتدردق لى هكر وكمان تدخله واسطه
وجايى تتفاصح كمان |
والله يا علي ما شفتها قبل كدا من الزاوية دي .. هاهاهاها ياخي طلعت زاوية حادة عديل
تصدق وتامن اخوك عامل فيها الوحيد الما ادردق
اتضح انه اخوك اتمردغ عديل
ياخي اتخيل لو الهكر قام ثناني واتجلأ بكري وقبل الطلب
ياخي الهكر دا لو ما استعجل كان ختا عضوية البورد دا كله في جيبه الخلفي
اتخيل بله صحبي مدين بعضوته للهكر
|
Post: #6
Title: Re: التوبة لي حــبوبة
Author: Rawia
Date: 11-21-2007, 04:30 PM
Parent: #5
| Quote: ما انتا سيدى الكريم فقد طلبت من الهكر ان يتوسط لك عند بكرى حتى يقبلوا صاحبك |
والله ماقادرة اوقف روحي من الضحك
ياخ انا من امبارح لليلة لما حنكي واجعني من كترة الضحك
|
Post: #7
Title: Re: التوبة لي حــبوبة
Author: على محمد على بشير
Date: 11-21-2007, 05:18 PM
Parent: #6
Quote: والله ماقادرة اوقف روحي من الضحك
|
لا بالله عليكى يا راويه يا اختى موش حاجه تجنن
اساسى دا من دون خلق الله السواها مافى زول سبقه عليها
يعنى بعد ما اتكسر وادردق وفك اخره
دخل الهكر واسطه لى بكرى
وبعد داك اريته لو سكت
ما ملح لى بكرى مع الكلاب وقال ليهو اشمعنى يا بكرى
ناس تولعوا ليهم اللمبه وناس تحرشوا ليهم الكلبه
وصاحبى بله مالو بيخربش والا بيعضى عشان تحرمه من الباسوورد
وعيييك يا راويه كلام كتير وما هين
وبعد دا كلو نسى نفسه وجايى يزرزر فى الناس
|
Post: #8
Title: Re: التوبة لي حــبوبة
Author: على محمد على بشير
Date: 11-21-2007, 05:24 PM
Parent: #7
Quote: والله يا علي ما شفتها قبل كدا من الزاوية دي .. هاهاهاها ياخي طلعت زاوية حادة عديل
تصدق وتامن اخوك عامل فيها الوحيد الما ادردق
اتضح انه اخوك اتمردغ عديل
ياخي اتخيل لو الهكر قام ثناني واتجلأ بكري وقبل الطلب
ياخي الهكر دا لو ما استعجل كان ختا عضوية البورد دا كله في جيبه الخلفي
اتخيل بله صحبي مدين بعضوته للهكر |
قلت لى شنو يا اساسى
ما شفتها من الزاويه دى
طيب فى زوايا تانيه كتيره الظاهر عليك انتا برضو ما شفتها او تناسيتها
عمدا .. واديك واحده علك تتزكر
انتا امبارح فى بوست الترحيب ما ختيته مع بكرى قرض وقعدت تحتج بانو
بله ليهو خرتمية شهر مقدم طلب وانو بكرى عمل زغبير وبالنسبه لى نسرين
كان الباسوورد بى سرعة الصاروخ
اها يا اخوى بكرى بيكون صاريها ليك وما تقول اصلو اليومين دى سمه فاير
غايتو يا حبيب اعمل حسابك شديد الايامات الجايه دى
خايف ستاتك الوقفت بيهن المره الفاتت تلقاهن اصفار كبار وغلاد
زى صفر الهلال الدولى الكبير
قال زاويه حاده قال
والله انتا وسعتها لمن غلط
|
Post: #9
Title: Re: التوبة لي حــبوبة
Author: على محمد على بشير
Date: 11-22-2007, 06:36 AM
Parent: #8
|
Post: #10
Title: Re: التوبة لي حــبوبة
Author: على محمد على بشير
Date: 11-22-2007, 07:27 AM
Parent: #8
|
Post: #11
Title: Re: التوبة لي حــبوبة
Author: قرشـــو
Date: 11-22-2007, 07:33 AM
Parent: #1
اخونا القديم المتجدد ادريس البدري
يسعد صباحك وصباح رفقتك المأمونة ( وجه يقع على قفاه من الضحك)
بس افتقد صاحب القلم الرشيق والتعليق الطريف "دكين"
بينى وبينك الهكر ده الله لا بارك فيه
ده كشف الاوراق كلها وخلى الناس قاعدة فى السهلة
الله لا قوم ليه كي بورد ثانى ...
لكن قلت لى ثانى ما نرحب فى أيتها زول جديد ؟؟؟؟؟؟
خلاص انا بتضامن معاك وبضم صوتى لصوتك وليكن هذا البوست ترحيبا ابديا ما بقينا هنا بكل القادمين الجدد ويا جماعة البتلسع من الزبادى ينفخ فى الزبادي ...
|
Post: #12
Title: Re: التوبة لي حــبوبة
Author: إدريس البدري
Date: 11-22-2007, 09:43 AM
Parent: #11
حميضة
أساسي
راوية
علي
والعمدة قرشـــو
مشكورين علي المرور
بس تاني توبة وتوبة أبدية
ولو جاء بلة زاتو : ح اعمل فيها مجنون ...ولما الاقيهو بالدرب برحب بيهو
بث
|
|