Post: #1
Title: وكان بلة هو الاصل وطلعت نسرين اشاعة
Author: اساسي
Date: 11-20-2007, 04:00 PM
Parent: #0
تزامن طلبي لصديقي الرائع بلة الفاضل يطلب عضوية المنبر مع طلب (الهكر) المنتحل شخصية تماضر (علي حسب طلال عفيفي) وكان ان لم تمر سويعات قليلة حتي كان بوست الهكر قد امتلأ بمداخلات المرحبين والمثنين والمثلثين ( بالله يا الهندي اقراها كويس ) والمربعين والمخمسين الخ ولم تمر سوى لحظات قليلة الا وتجلى بكري في لحظة صفاء وتصالح مع ذاته واطلق كل خيوط امكانياته الفنية ليخرج لشبح نسرين سوركتي باسوردا واسم مرور لم ترى المنابر مثلهم من قبل واظن انها لن ترى من بعد تزامنت هذه اللحظات مع بوستي اليتيم لبلة الرائع والذي لا يرى احدا روعته سواى ووليد المبارك بحكم انه صحبي برضو وطفنا انا ووليد وبعض الاصحاب والشمات نرمي في مداخلات تحنيس لبكري من بطئها حتي ظننت انها الجبال وليس كليمات واخيرا اقترح علي وليد استجداء بكري والاعضاء صراحة حتي فكرنا في تحويل طلب العضوية الي باب الامل او مكتبة تنادينا املا في دعم البورداب المنشغلين ايما انشغال بالجري والزحف والحبو او كما يقول المثل السوداني ( الغير سري) الاعمي شايل المكسر وهنا صدق قائل المثل في الاشارة الي المكسر وهو يعني بها الكسيح واظنه كان يعلم انه سياتي زمانا سيقال (للبكاي) المكسر وتلاحقوا وحدانا وزرافات وحتي انا لم يفتني المولد ودخلت بقرعتي الي ذلك البوست املا في دعم (قدس الله سرها) الاخت المهكورة نسرين املا في بركاتها .
ولم تمر سوي ساعات حتي كشف الملقب في هذه اللحظات (غراب الشؤم) طلال الله يسامحه برمي قنبلة داوية في ان صاحبة البوست الرئيسي تماضر مهكورة وبتوالي الاحداث بمنطقية نجد ان نسرين طلعت اشاعة
وليس لنا الان الا ان نغني
نادوا لي بلة
وطلع صحبي الشين (فتح الله لونه) طلع هو الاصل ولكن لا يملك الامكانيات الكافية المؤهلة لنيل اسم المستخدم وكلمة المرور وما يزال البوست والنداء في بداياته لبلة وبمالقابل انتهت حفلة نسرين قبل ان تبدأ فلقطوا وشوشكم وإطلبوا الله
|
Post: #2
Title: Re: وكان بلة هو الاصل وطلعت نسرين اشاعة
Author: humida
Date: 11-20-2007, 04:07 PM
Parent: #1
يعني ( نسرين ) تطلع ( فشنك ) تقوم تجيب لينا ( بلة ) ..
..
..
بلا يخمك ياخي .. ما في زول ضيع ( السودان ) غيركم ..
يا كوز يا حقير ..
..
..
الاخ بلة ..
اكسب ( زمنك ) ياخي ..
|
Post: #5
Title: Re: وكان بلة هو الاصل وطلعت نسرين اشاعة
Author: Muna Khugali
Date: 11-20-2007, 04:49 PM
طيب احنا نعرف انه ده طلال كيف؟؟
ولا ذاته نعرف ان كان بكري ادي ناسرين الباس وورد ولا لأ كيف؟
مش امكن ده كان زول تاني..هكر يعني؟؟
وأسه ذاته انا أعرف انت اساسي كيف؟؟
|
Post: #3
Title: Re: وكان بلة هو الاصل وطلعت نسرين اشاعة
Author: Tragie Mustafa
Date: 11-20-2007, 04:10 PM
Parent: #1
سا اساسي وطلعوا الباكاين كثار
يازول البوست ده كان قنبله
ونسف لك جنس صداقات.....
جاء لقمان حسن همام صديقي وكتب ليها لا تهتمي بالحاقدين و الحاقدات!!
وهباني المتبني معاي موضوع مقاطعة قناة شروق لبد في بوست تماضر ولقيت
لك مرحب في بوست نسرين الوهميه
...وناس نزار حسين جابوا آخرتهم وقالوا لناس دكين لوفيكم فايده كان
طفشتوا لينا ناس تراجي......
وطلع كبير البكاين بكري ابوبكر كبيرهم الذي علمهم السحر
بالله في زمن قياسي رسل الباس ورد.
وعارفنه ما عشان تماضر لانه تماضر دي نفسها زمان انقرش حسها
وهي بتطالب بباس ورد لعدد من المبدعين منهم عمر منصور اخو تمبس
وبكري ابوبكر عمل فيها اضان الحامل طرشاء...الا بعد شهر!!
اها مداخلتي دي بتودي بوستك التوج
لانه بكري لا يحتمل الهظار مني انا بالذات.
|
Post: #4
Title: Re: وكان بلة هو الاصل وطلعت نسرين اشاعة
Author: humida
Date: 11-20-2007, 04:15 PM
Parent: #3
| Quote: وطلعوا الباكاين كثار |
يا شماتة ابلة ( ظاظا ) فيكم ..
..
..
اتخيل لي بكري حيجي بعد شوية يعمل حملة ( نضافة ) ..!
|
Post: #6
Title: Re: وكان بلة هو الاصل وطلعت نسرين اشاعة
Author: شول اشوانق دينق
Date: 11-20-2007, 04:53 PM
Parent: #1
بالله الحكاية طلع فشنك يا اساسى؟؟؟؟!!!!
ما معقول!!!
انحنا ما رحبنا بيه فى البوست المشى الخور(ما عارف فتشت بوست الترحيب لقيته مافى كلو كلو)...
هسع نعمل شنو؟
لكن يا مان ما مشكلة... برضو فى بوستك بتاع الخ بلة قمنا بالواجب كمان.
قالوا طلع فشنك!!!
عالم فشنك...
تسلم يا اساسى
شول اشوانق
|
Post: #7
Title: Re: وكان بلة هو الاصل وطلعت نسرين اشاعة
Author: Marouf Sanad
Date: 11-20-2007, 04:58 PM
Parent: #6
طيب ما يشيلوا الباس وورد حق نسرين يدوهو لي بلة بدل يجدعوهو ساكت,
الراجل ذي ما قلت شاعر ومحتاج لي اسم فني.
|
Post: #8
Title: Re: وكان بلة هو الاصل وطلعت نسرين اشاعة
Author: Tragie Mustafa
Date: 11-20-2007, 05:02 PM
Parent: #7
غايتو دي ما سبقك عليها زول يا معروف سند:
Quote:
طيب ما يشيلوا الباس وورد حق نسرين يدوهو لي بلة بدل
يجدعوهو ساكت, الراجل ذي ما قلت شاعر ومحتاج لي
اسم فني. |
اقتراح عملي جدا يا بكري ابوبكر.
|
Post: #9
Title: Re: وكان بلة هو الاصل وطلعت نسرين اشاعة
Author: humida
Date: 11-20-2007, 05:03 PM
Parent: #7
يا ( معروف ) ..
بلة دا محتاج ( مكنة جاز ) عديل ..!
|
Post: #10
Title: Re: وكان بلة هو الاصل وطلعت نسرين اشاعة
Author: عبد الواحد أبراهيم
Date: 11-20-2007, 05:12 PM
Parent: #9
| Quote: اقتراح عملي جدا يا بكري ابوبكر. |
معقولــــــــــة بس يا تراجـــــــــــــى هسـى بله اساســــــى
دى ذى نســـــــــــرين صاحبت تماضـــــــــــــــــر ؟
|
Post: #13
Title: Re: وكان بلة هو الاصل وطلعت نسرين اشاعة
Author: محمد حسن العمدة
Date: 11-20-2007, 05:33 PM
Parent: #10
Quote: وطلع كبير البكاين بكري ابوبكر كبيرهم الذي علمهم السحر
بالله في زمن قياسي رسل الباس ورد |
وبكري ده عوير قالو ليك يا اساسي
مسكين بلة ما بين بكائية بكري ودردقة سجيمان و شماتة اساسي
يحلو الحلا نسرين
ياخي انت قالو صاحب سوابق يا اساسي تذكر يوم طلعت لبكري بـ ID تاني ؟؟
|
Post: #11
Title: Re: وكان بلة هو الاصل وطلعت نسرين اشاعة
Author: تماضر الخنساء حمزه
Date: 11-20-2007, 05:21 PM
Parent: #1
بلة حقيقي خير من نسرين هكر
أثني
|
Post: #12
Title: Re: وكان بلة هو الاصل وطلعت نسرين اشاعة
Author: نصار
Date: 11-20-2007, 05:25 PM
Parent: #1
العزيز اساسي
من هذا المنطلق ندعو تعويض بلة بمنحه عضوية درجة اولي
لكن يا اساسي اخوي من نسرين لبلة عديل كدا
ما عندو اسم دلع?? lool
نرحب ببلة مسبقا...
|
Post: #14
Title: Re: وكان بلة هو الاصل وطلعت نسرين اشاعة
Author: حسين يوسف احمد
Date: 11-20-2007, 06:11 PM
Parent: #12
أسـاسـي الأسـاسـي ..
ليك حبي الأسـاسـي ..
بلـه دا بلـه جـابـر ؟؟؟
لو كان بله جابر برضو مرفوض ..
عارف ليه ؟؟
لأنو ح يسجل في المريخ ..
والمريخ بتاع جمال الوالي ..
زي قناة الشروق كـدا ..
ولو كان بله آخر :
ندعم طلبك للأخ بكري لمنحه الباسويرد
أما باقي الكلام داك :
الحمد لله الذي منحنا حصانة ضد الخفة ..
محبتي ..
|
|