الفنان سيف (الجماعة): إتيقنت من تالاك!!

لم يحزنني كون زميلنا عضو المنبر( عبيط القرية) عضو بالمؤتمر الوطني.
فهكذا يجب أن تكون الأشياء وهذا مكانه الطبيعي
فالمؤتمر الوطني حزب للأغبياء

ولم يحززنني انضمام عمي الذي عرفته طوال عمري إنتهازيا للمؤتمر الوطني
فهذا هو المكان المناسب للتملق والتزلف والخواء
ولكني حزنت لمشاركة سيف الجامعة في احتفالات الدفاع الشعبي
وفي هذا الوقت بالذات!!
احزنني انضمام سيف الجامعة لجوقة مغنواتية الموت وقارعي طبول الحرب الاهلية.
يا سيف انت زول راستا واصلي وفاهم ممكن تفسر لينا مشاركتك دي معناتا شنو؟
وانت معانا والا مع ((التانيين))
لو بقيت مع الجماعة ((التانيين))

لا أجد كلمات أوجهها إليك اصدق من كلمات (حميد) التي تغنيت بها

ايقنت من تالاك
لا آسف ولا محزون على العمر السفكتو معاك
براي باقي الدرب بمشي
خطاي ما بتعدم التاتاي
وكان السكة حارت بي
وكان حرت سموم الصي علي نسم العشم جواي
قوافل صبري ما بتضهب أمان حاديها مو الدوباي
وأنا اتيقنت من تالاك ودربي عديل وناوي رحيل
براي وبلاك علي ناسا غبش بالحيل
بتاكل من وشي الواطه وتشرب من بواقي السيل...

Quote: وانت معانا والا مع ((التانيين)) لو بقيت مع الجماعة ((التانيين))

.. يا معاذ..؟
يعني بي طريقتك دي عايزو يحذف اجابة واللا يستعين بي صديق ..؟
يا معاذ الزول دا خلاص .. مسح العملو كلو بي ( استيكة معلم ) .. حسع فرقو شنو كدا من شنــان بتاع اماما اماما داك .. في الزمن داك .. لماكان كل يوم بيكورك لينا في راسنا لحدي ما طلعنا من الجنة وسقطة ؟؟
فرقو شنو من الزول الدجــال اب دقنا ابيض داك الكان بجيبوهو يف التلفزيون وعامل فيها إنو منزل من السماء .. وبي سببو مات واتقطع خيرة شباب البلد..
مافي فرق بيناتهم ..
الجيش النظامي هو الجهة الشرعية للدفاع عن سيادة اي دولة ..
سيف الجامعة البيعمل فيهو دا كان خلاهو واللا ما خلاهو .. خلاص بعد كدا ما بنفع تاني بي مليم أحمر.. اصلو البدخل في الحتة دي مروقو تاني صعب وصورتو بتبقى حالكة السواد.

عندما يهوي المثال ..
عندما يسقط قرص الشمس في وحل الطريق
تفقد الأشياء معناها وينحط الخيال
وأسير ..
كاسف اللحظ كسير
كلها الأشياء قدامي خواء
صفّر الريح على أرجائها سفها وعابثها الهواء ..شاعر كدا ما عارف منو..

Quote: يا معاذ..؟ يعني بي طريقتك دي عايزو يحذف اجابة واللا يستعين بي صديق ..؟ يا معاذ الزول دا خلاص .. مسح العملو كلو بي ( استيكة معلم ) .. حسع فرقو شنو كدا من شنــان بتاع اماما اماما داك .. في الزمن داك .. لماكان كل يوم بيكورك لينا في راسنا لحدي ما طلعنا من الجنة وسقطة ؟؟

العزيز تمبس
تعرف نحن ناس طيبين شديد
يعني ممكن نلقى عذر لشنان وقيقم والبعيو
لانوالظروف كانت غير
ولانه الموجة كانت عاتية
وكان صعب على كتير من الناس تعرف الصاح وين والغلط وين
لكن بعد ان انطفات تلك النار
وولت تلك الايام الى غير رجعة
ما ممكن نلقى عذر لاي زول عايز يولعها من جديد.

*****

عندما يعلو المثال ..
تأخذ الأشياء معناها
وينبلج الجمال..


نفس الشاعر الفات

هي بقت على سيف المسكين دا يا معاذ!!
ما كلهم بقوا مؤتمر بطني
يا مان يتلقي سيف (الجماعة) قال موت (الجامعة) عِرِس

معاذ حسن :

ياخي الراجل دا كان بقول في شنو انا ماعارف لأني كنت بنظر ليه بحسرة و ألم شديد و الله ..
كان شيء مؤسف للغاية و ما ليه أي تبرير مهما كان ...

سيف الجامعة ؛ الاسم الكبير داك ؛ يدق طبول الحرب ( الخيار الكيزاني الأخير للبقاء في السلطة ) ..

الراجل كان لافي مع ( السادة / التجمع ) بلد بلد و كان ( بهتف بالسلام و الحرية )


تخريمة : لا يوجد .











*

Quote: ياخي الراجل دا كان بقول في شنو انا ماعارف لأني كنت بنظر ليه بحسرة و ألم شديد و الله .. كان شيء مؤسف للغاية و ما ليه أي تبرير مهما كان ... سيف الجامعة ؛ الاسم الكبير داك ؛ يدق طبول الحرب ( الخيار الكيزاني الأخير للبقاء في السلطة ) .. *

الاخ عبد اللطيف خليل
انا صادفت جزء كان بغني فيهو رائعة الحردلو

طبل العز
هذه الاغنية التي (كانت) تجعل جلدك (يقوم شوك شوك)
ذلك الرهان الصريح على الشارع المرق تاني بيسوى التاح
والاذان النده حيا عليك يا كفاح
بعد ان غناها سيف في المكان الخطأ وفي الزمان الخطا وللجمهور الخطا

اصبح المقطع الذي يقول:
طبل العز ضرب والخيل تقابل الخيل
من أرض الجنوب لي عطبرة وتوتيل .

مرادف تماما لمقولة

فلترق منا الدماء
او ترق منهم دماء
او ترق كل الدماء.

الزول فنان

وشنداوي كمان

والرئيس من حلتهم

دي مجاملة وبس

الزول ده كويس يامعاذ

Quote: ما كلهم بقوا مؤتمر بطني

حلوة دي يا اشرف

اما دي : احلى :

Quote: يا مان يتلقي سيف (الجماعة) قال موت (الجامعة) عِرِس

*

Quote: الزول ده كويس يامعاذ

هنا تكمن المشكلة يااخ حيدر
كيف يقبل سيف (الجماعة) اقصد الجامعة على نفسه وتاريخه وجمهوره مثل هذا!!

كيف يقبل ان يلعب دور شبيه بأدوار زميلنا( عبيط القرية)!!
الناس ديل سقوهو شنو!

هذه المزبلة هي المكان الذي يناسب سيف بعد أن جال على كل الموائد

Quote: هي بقت على سيف المسكين دا يا معاذ!! ما كلهم بقوا مؤتمر بطني

اشرف الحلبي
ممكن جدا معاذ حسن يبقي مؤتمر وطني .
ليه انو زول وهم ساكت
اما سيف الجامعه!! ما بتتبلع بسهولة.

العزيز معاذ لك الود
كنت مصرا ليل امس ان اكمل البرنامج لحدي النهايه
برغم فقع المراره عشان نشوف ذي ديل مالهم بعملوا كده
سيف الجامعه زمان غنى لابوعاج
وهاك البوست ده في نفس الخط

موسيقيي البورد تعالوا نرجع لنقاش قديم حول فصام الموسيقي السوداني

هذه كانت مشاركتي في بوست ود الجمام


نحن نتفهم ان يشلرك الفنانون في مناسابات
حكومية كدعم التعليم اعياد الاستقلال
فكل الاحزاب السودانية انخرطت في النظام السياسي بعد نيفاشا
============
ولكن ان يساندوا دعوة للحرب ليموت فيها السودانيين
فهذا امر يدعو للعجب ويجب آن بدان تماما
وعليهم ان يتحملوا المسؤولية التاريخية عن ذلك
فالتاريخ لن يرحم

((هذه كانت مشاركتي في بوست ود الجمام


نحن نتفهم ان يشلرك الفنانون في مناسابات
حكومية كدعم التعليم اعياد الاستقلال
فكل الاحزاب السودانية انخرطت في النظام السياسي بعد نيفاشا
============
ولكن ان يساندوا دعوة للحرب ليموت فيها السودانيين
فهذا امر يدعو للعجب ويجب آن بدان تماما
وعليهم ان يتحملوا المسؤولية التاريخية عن ذلك
فالتاريخ لن يرحم ))

أستاذنا الموصلي.
كلمات من ذهب
لرجل من ذهب
والذهب لا يصدا ونحن نبيعك الذهب
ولكن على هذه الايام
رايت الناس قد ذهبوا الى من يملك الذهب
ومن لا يملك الذهب ..
فعنه الناس قد ذهبوا..

معاذ حسن
المتعقد من نفسو
انت داير الناس ديل يعيشوا من وين ؟
يعني دايرهم ما يركبوا عربات اخر موديل او يلبسوا بدل سوسيرية؟

انا البارحة و الله تفاجأة بالفنان عماد احمد الطيب دون الاخرين .. فقد غنى الرجل للحب و الجمال و الان يتغنى للحرب و القتال ؟
عذرت سمية حسن
و باقي الكوم
لكن عماد احمد الطيب
ما ممكن

عموما يا معاذ الناس دايره تعيش
و انت لو ما عاجبك شغلهم
رسل ليهم فيزا

الصادق ضرار

Quote: وعليهم ان يتحملوا المسؤولية التاريخية عن ذلك فالتاريخ لن يرحم

نعم التاريخ لن يرحم

Quote: احزنني انضمام سيف الجامعة لجوقة مغنواتية الموت وقارعي طبول الحرب الاهلية. يا سيف انت زول راستا واصلي وفاهم ممكن تفسر لينا مشاركتك دي معناتا شنو؟

وأنت الذي كتبت ولحنت ثم أنشدت..

اعلنت العفو العام..
وأعلنا الرفض التام
أرواح الشهدا تنادي..
لا رجعة ولا استسلام..
.....
.....

ثم كتبت ولحنت وانشدت..
مجدي وجرجي اتحدوا..
في القبر صليب وهلال..بشير وسليم والتايه..
ولسه بيناتنا حساب..

.............
............

ثم كتبت ولحنت وأنشدت..
مصطفي يا مصطفي يا أصبي من لون الحرير..
وزدت..

ياروحه قومي وكلمينا؟

وما عارف أولادنا الخاتين حفلة سيف
الجامعة لما جاء حلتنا وغنا في عرس
معاوية وجاء الحضور ليستمتعوا بغناء
الفنان الموقف والفن الملتزم بقضايا
الناس العاديين، ما عارف حيودوا
الشريط ده وين؟ كأني بالتانيين
هسع يقولوا ليهم شوفتوا زولكم البارح؟

عندما يطول الطريق، يتوقع أن يسقط
البعض ولكن بعض هذا البعض ما كنا
نظن، وبعض الظن لا يكون في محلو
مش؟ ولهسع ربنا يستر.

*
*
عندما رأيت عماد محمد الطيب إستغربت
وإتصلت على حبيبنا محمد عبدالجليل
ولكنى دهـشـت! عندما ظهر سيف الجامعة
وقلت الدنيا دهـ بت كلب.. ما تضمن
حتى نفسك !!

وكمان عبدالرحيم محمد حسين فاتح خشمو شبرين
والله صحيح الإختشوا ماتو !!

الأخ معاذ ... والأخوة الأفاضل،

ده البوست التالت في نفس الموضوع .... ويظهر إنو المفقوعة مرارتم كتيرين.

لكن زي ما قلت في بوست ود جمام، الزول ده أصلاً نضالو ما كان خاشي لي في راسي، والحكاية بالنسبة ليهو (قشرة) وإنتهت، يعني إعتبروهو قيقم والا ترباس والا أي واحد من إياهم


تصحيح خطأ طباعي

سلامات يا معاذ

مجنون جن يا سيف الجامعة !!

فى الاصل لم يكن سيف الجامعة مناضلا لكى يسقط

لم يعرف عنة راى قبل الانقاذ انما وجد نفسة فى موقف وقال يمكن الانقاذ

دى تقعد سنة ولا سنتين فيصر وردى العهد الجدي او محمد امينة ولكن طالت

الشقة وبعدت المسافة وتساقط اولا شعر الراس قبل السقوط النهائى

لم اقتنع منذ امد بعيد بان لسف الجامعة موقف انتو لية شوفتو غناهو

ما قام مدح حفيان دى كانت واحدة من سقطاتة الكثيرة فارجل ساقط بمزاج

ولكن اثر ان يلحق القطر والغريبة لحق القطر فى اخرو يعنى لا قراءة تاريخية

لا نظرة سياسية ولا فنية ......................
انة ساقطمنذ ان بدا ولا تخمك طبول العز وما كان يغنية من قايد ثورية

كيف تمسك بعود وانت اشتر كمن تمسك بقضية وانت لاتعرف هويتها ..........

مبروك عليهم .............مبروك ليهم ...........ياهو البشبهم ان شا اللة

يعملو ليهو زراعة شعر ..............ويريحو من الطاقية بتاعت الشفع دى

Quote: لم يحزنني كون زميلنا عضو المنبر( عبيط القرية) عضو بالمؤتمر الوطني. فهكذا يجب أن تكون الأشياء وهذا مكانه الطبيعي فالمؤتمر الوطني حزب للأغبياء ولم يحززنني انضمام عمي الذي عرفته طوال عمري إنتهازيا للمؤتمر الوطني فهذا هو المكان المناسب للتملق والتزلف والخواء ولكني حزنت لمشاركة سيف الجامعة في احتفالات الدفاع الشعبي وفي هذا الوقت بالذات!! احزنني انضمام سيف الجامعة لجوقة مغنواتية الموت وقارعي طبول الحرب الاهلية. يا سيف انت زول راستا واصلي وفاهم ممكن تفسر لينا مشاركتك دي معناتا شنو؟ وانت معانا والا مع ((التانيين)) لو بقيت مع الجماعة ((التانيين))

الأخ المحترم معاذ..

والله تألمت وأعتصرني الحزن عندما شاهدت صديقي سيف يغني للتتار، ويلهب فيهم روح الحماس، ليعودوا ويقتلوا أبناء شعبنا أكثر!

حزنت لأن سيف هو أول من أسمعني غناءه ونحن في غرفة واحدة بجامعة الخرطوم 1978، فبشرنا بميلاد فنان جيفاري!

ثم تقطعت بنا السبل، وألتقينا بالقاهرة كثيرا، ويشهد الله أنني لم أصدق بأنه تغنى في منزل المخلوع نميري ولم أشأ أن أجادله!

ثم ألتقيته قبل مدة بسيطة، وأخذ مني نصا شعريا للتلحين، ففرحت لأن سيف له قدرات غير عادية في التلحين خاصة عندما يحب النص .

والآن يطل علينا سيف من على شاشة الفضائية، وكأنما كان يرسل لنا أشارة بأنه صار تتاريا، يغني لهم ويرقصهم (رقصني يا جدع). معقولة يا سيف وانت الذي أكتويت بهجير الغربة والتشرد والتسكع على أرصفة المدن. هل ضاق بك الحال الى هذه الدرجة. أبواب العالم مفتوحة يا أخي. أخرج يأخي كما خرجنا نحن فرارا من الظلم والجور والمسغبة!

لا أود أن أتباكى على زمن جميل، كنت يا سيف أحد حداته، كنت كالسيف واقفا، فلماذا هذا السقوط يا سيف؟ لماذا تغني للجلاوزة المجرمين في عيد حصادهم المر؟؟؟

أه يا زمن
وقف شوية!.

Quote: يا مان يتلقي سيف (الجماعة) قال موت (الجامعة) عِرِس

زمان كان سيف الجامعة!
هسة بقى........














تيس الجامعة!
محبط من الحركة الشعبية يعنى طوالى عل المؤتمر الوطنى نن أستوب!!
جنى