اصغر عضوة بالمنابر السودانية توجد صورة

الصورة للحلوة ايه هيثم طمبل العضو بمنتديات سودانى للابد ، ارسل ابوها صورتها وهى تتامل الموقع ، فقام على الفور الاخ احمد عبدالعزيز مدير منتديات سودانى للأبد بمنحها العضوية الشرفيه والاشراف على قسم الاطفال ، على ان يقوم ابوها بمهام الاشراف نيابة عنها .

يا أخوي ياهجو
اي زول حلو عايزين
تلمو عليكم
ياخي ما تقول ليها عمك السني ومحمد ولدي بفتشو في العالم ده كلو
عشان اعملوا اكبر موقع للأطفال
وتضمها لينا
طوالي عملتوها في قسم الطفال بتاعكم
لكن بنسجله مش كان بقى ابوها هيثم طمبل
لو بقى العجب زاتو
بنسجله معانا
نسمع رايك .؟؟

الرائع محمد السنى ، نحن وكل اطفالنا الحلوين فى انتظار موقعكم الجديد الخاص بالحلوين ، وسوف نضم ما لدينا لكم ، اتمنى ان يرى النور صرحك الخاص للاطفال قريبا ، ولعل التاخير مرده الى انكم تسعون وتنشدون الافضل و الشامل للحلوين باذن الله .

مبروووووك لآية الآية



-----

تحياتي يا هجو



اخوك
الهندي

منعم كيفك ، انا ما قلت ليك الهندى ده بغطس حجرك ، انت متين طلعوك من الحبس ، يا اخى الراجل ده خطير اعمل حسابك هووووووووووووى .

ماشاء الله تبارك الله يا هجو
حلاتها آيه وربنا يخليها ويحفظها وتبقى مشرفه قدر الدنيا
لاكبر برامج يهتم باطفالنا.

هجو تحياتي

ماشاء الله عليها ربنا يحفظها من العين

ماشاء الله , تبارك الله ..
ربنا يحفظها لوالديها ..

و هنا في إستديو الأستاذ الموصلي :-

الطفولة ......

عالم خاص بيجيب لي الطواعين

ولكن الإبداع هو الإبداع والصورة أعلاه نأمل ألا تتوه في إبداع الطفلة التي نجلها ونتمنى أن تتبوأ أعلى مراتب العلم والفن.

الذي أدخل الصورة للأستديو مهما قلتو البرامج الفوتو شوب وما أدراك ما أمكانيات الفوتو.

بس فنان

الحلوه فنانه

وبتي أفن!!!!!

أهه قولكم شنو؟؟؟؟

الشايقي

فاوضني بلا زعل

فلان الفنان ، شكرا لك على هذه اللقطة الرائعة، ومبروك على هذه الحلوة ما رسمت يدالك وسوف انزل الصورة فى المنتدى الاصلى الناشر لصورتها الاولى بعد اذنك ... وانت مدعو للمشاركة بى هناك (منتديات سودانى للأبد) وكذلك الشايقى .... والجماعة الفوق ديل كلهم اعضاء هناك من السنى الى ود العم ناذر .

اخوى الشايقى كيفنك و الوليدات ، يا اخوى سلم على البنية بتاعتك الفنانه ، وخليها تجى بى قادى عشان نعمل ليها لما مع بنيات سودانى للابد

الاخ الكريم ناذر كيفك ، علمت انك خارج الخرطوم للعمل ، نحن تمام ، تحياتى للاسرة والاهل .

الله يبارك فيك يا أخ هجو ...

عدت إلى الخرطوم والحمد لله وقد أمكث بها عدة أسابيع تعتمد على ظروف العمل قبل أن أغادر خارجها مرة أخرى لفترات محدودة ..


تسلم علي السؤال وتحياتي للجميع ..

والله يا هجو الأقرع حيرتنى ..... كنت بفكر فى ذات البوست للعبد لله رزان وهى تنضم لصديقتها آيه لانو زولا هباشة و قد تكون شهدت بأم اعينها كل البوستات التى كتبتها هذا غير (( الخرمجة)) اللى بتقوم بيها على الكيبورد وانا بكتب .... بتطلع ليك الأفكار فى راسك عشان تعيد تكتب من جديد وبالتالى تعتبر الأفكار الجديدة تبع لها و من هنا جاءت عضويتها فى منتدى سوادانيز اونلاين.وهى العبد لله رزان



والله يعين هذا الجيل