Post: #1
Title: الأرباب !!
Author: Hussein Mallasi
Date: 11-17-2007, 11:14 PM
|
Post: #2
Title: Re: الأرباب !!
Author: tmbis
Date: 11-17-2007, 11:21 PM
Parent: #1
|
Post: #3
Title: Re: الأرباب !!
Author: tmbis
Date: 11-17-2007, 11:59 PM
Parent: #2
ياكيكي ..
والله كدا تلاتة واحد ..
+ = 
|
Post: #4
Title: Re: الأرباب !!
Author: yasir Abdelgadir
Date: 11-18-2007, 00:08 AM
Parent: #3
حسين ملاسي بيك
ممكن تتكرم وتقول لينا مين المتصور مع الاسد دا...بدون الغاز لو سمحت
|
Post: #12
Title: Re: الأرباب !!
Author: عبدالكريم الامين احمد
Date: 11-20-2007, 10:16 PM
Parent: #3
تمبس
بالله بطل حركات لاراش دي
الكورة في ارض الخصم بالله
|
Post: #40
Title: Re: الأرباب !!
Author: عبدالكريم الامين احمد
Date: 11-21-2007, 02:01 PM
Parent: #3
Quote: ياكيكي ..
والله كدا تلاتة واحد .. |
تمبس
خلينا تقعد تحت ونكاورها حتة حتة ودي فرصة لجرد الحساب الاسفيري ونشوف اللينا والعلينا
لينا
1-اوزونودام.. يوم لاقيت حسين ملاسي وبورداب زي الورد..!!!
ده قون يا تمبس انا بقون صبحي في الزمالك ما ببدلوا
2-والله ياملاسي اليومين دي تزري في وقفة ما زيك..!!
وده كمان ورغم محاولات الدوبلير تبلدينا
الا انه يضارع قون والي الدين في الهلال السعودي (له الرحمة الوالي)
3-عطاء لتلميع حسين ملاسي يا بورداب الدوحة...!!!
ده كمان بشبه لي قون باكورد جابو (اكوا) عندما طعم به السد ضد الهلال السعودي
قون باكورد اربعة لساتك فوق
3- موضوع كيكشن وده كية فيك وكية في ملاسي ذاااتو
ما بشبهوا الا قوون زيكو (الهد) في شباك الهلال المتهالك في ذلك الزمان(الوش الضاحك)
علينا
رصدنا الاتي
1- كارفورد وما ادراك ما كارفور
2- الاربابية الجائعة دي
3- هرباشات هنا وهناك
ورغم اني من الفوق ده ما معترف غير (كارفود دي ) بايتها حاجة(وش برضو ضاحك)
فعشان كده يا لاراش احسبها صاح وخلينا نزيد الاهداف مع صاحبنا صاحب الملاسيات الكسيحة ده
|
Post: #10
Title: Re: الأرباب !!
Author: محمد عكاشة
Date: 11-19-2007, 10:50 AM
Parent: #2
حسين ملاسى
تحياتى...وللضمان طالع من المكتبة
صلاح ادريس ؟؟!!
صلاح إدريس ؟؟!!
عقد التسعينات وما تلاه من سنوات كان عقدا فريدا فى تاريخ بلادى تحولات رهيبة وانتقالات عاصفة بلا أية فواصل انتظمت راهن السياسة وحراك الناس الاجتماعى والثقافى وحتى " قلوبنا وحنانا " فى شئ مثل الزلازل والبراكين لم يشهد الناس له مثيلا ..... السيد صلاح إدريس أحد علامات تلك الحقبة وظاهراتها المحيرة ..... خرج من بين فرث ودم رجل أعمال ذا صوت عال وذا جلبة وضوضاء وخيول ترجحن فى وقت كانت فيه إدارة الاقتصاد السودانى ترفع أقواما وتضع آخرين حتى حار المراجع العام فى أمر الفساد ونهب الأموال وخراب الذمم .....
صلاح إدريس ولج ساحة الأعمال وسوح الرياضة وسياحات مولانا الميرغنى وألحان المساء والناس من أمره فريقان ، فريق يتزلف إليه بالقرابين فى سدانة القلم وكهانة الكتابة يرجو نواله ورحماه وفريق ناصبة العداء " العين تلاقى العين ضهر " بلا مواربة ولا وجل ويصل الاتهام حدا يصبغ على الرجل تهمة غسل الأموال وتجارة السلاح وأكثرهم تسامحا ينسب إليه براعة محاسبته فى تجنيب البنك الأهلى وبن محفوظ مغبة الإفلاس وغبن المديونية سوى أن الرجل لم يحر جوابا هؤلاء وأولئك بل مضى إلى حيث يطلب " ملأ الدنيا وشغل الناس " ولا يزال حتى تأكد المخرج الإذاعى المعروف أبى وهج الزمان عبد العظيم محمد الطيب أن " صلاحا " كائن حى وليس أكذوبة مثلما يعتقد لأول ظهور الرجل وحديث الناس عنه .....
الكتابة عن صلاح إدريس هنا وعبر هذا " المنبر الحر " ليست كتابة مجانية وهى فى هذا المقام ذات قيمة لأنى بصدد التوفر على دراسة حول أحوال الفنون فى السنوات الأخيرة ودراسة مسيرة الإبداع فى مجال الموسيقى والغناء = تحديدا = والظروف والملابسات التى اعتورتها ومقاربة ذلك بحقب ماضية والسيد صلاح إدريس اتفق الناس معه او اختلفوا قد رمى بحجر فى البركة عبر تظاهرات " على أحمد " وجدال أهل الاختصاص وحواراتهم .....
بـ " صلاح إدريس " رجوت لفت الانتباه إلى ضرورة رفدى بالتعليقات والآراء والمقترحات والتى أجزم أنها سوف تعيننى فى رصد وكتابة وتحليل هذه الفترة ... العصيبة
|
Post: #5
Title: Re: الأرباب !!
Author: مجاهد عبدالله
Date: 11-18-2007, 01:24 AM
Parent: #1
أسه يا كيكي ما لقيت زول
يصورك غير ملاسي ده...
ــــــــــــــــــــــــــــــــــــــــــــــــ
تاني جيب سيرة مركزك الإعلامي..
|
Post: #6
Title: Re: الأرباب !!
Author: tmbis
Date: 11-18-2007, 10:10 AM
Parent: #5
| Quote: تاني جيب سيرة مركزك الإعلامي.. |
المشكلة ما المركز الإعلامي يا مجاهد..
المشكلة .. كارفورد..
|
Post: #7
Title: Re: الأرباب !!
Author: فيصل نوبي
Date: 11-18-2007, 10:33 AM
Parent: #6
|
Post: #45
Title: Re: الأرباب !!
Author: عبدالكريم الامين احمد
Date: 11-21-2007, 02:27 PM
Parent: #7
نوبي اضحك الله سنك
وتاكد ان الدقيق مصيروا يجي الطاحونة طال الزمن ام قصر
ودائما بيننا ورافة قادمة (الله يجيبها لينا سريع)
|
Post: #41
Title: Re: الأرباب !!
Author: عبدالكريم الامين احمد
Date: 11-21-2007, 02:07 PM
Parent: #5
Quote: أسه يا كيكي ما لقيت زول
يصورك غير ملاسي ده |
ملاسي شنو يا مجاهد البصورني انا وانا صاحي كده..
دي صورة يا مجاهد ترتجف امامها الكاميرات الخربة
وفجاءة كده ايضا ترتجف الكاميرات الجائعة
|
Post: #8
Title: Re: الأرباب !!
Author: طلحة عبدالله
Date: 11-18-2007, 11:12 AM
Parent: #1
فهامة لله يا فاهمين ..
دى صورة للذكري والتاريخ واللا شنو يا جماعة .. ؟؟
|
Post: #9
Title: Re: الأرباب !!
Author: طلحة عبدالله
Date: 11-18-2007, 11:12 AM
Parent: #1
فهامة لله يا فاهمين ..
دى صورة للذكري والتاريخ واللا شنو يا جماعة .. ؟؟
|
Post: #11
Title: Re: الأرباب !!
Author: عبدالكريم الامين احمد
Date: 11-20-2007, 10:02 PM
Parent: #9
اول شكري لتمبس الذي هداني الي هذا البوست الاربابي
يا ملاسي يا مرجف
والتحية لفوزي الاسد
الذي تعلمنا منه معني ان يكون قلبك اسد لدرجة توجع وتجعل المرجفين يدورو صورتك
ويظهروك علي شكل ارباب...
|
Post: #13
Title: Re: الأرباب !!
Author: عبدالكريم الامين احمد
Date: 11-20-2007, 10:29 PM
Parent: #11
بجيك يا ملاسي غدا باذن الله وبرواقة
وح اطلع بيان رقم واحد وح احتل البوست بتاعتك ده
ثم اعيث فيه فسادا...
عشان تعرف الارببة الجد
|
Post: #14
Title: Re: الأرباب !!
Author: tmbis
Date: 11-20-2007, 10:36 PM
Parent: #13
Quote: بجيك يا ملاسي غدا باذن الله وبرواقة
وح اطلع بيان رقم واحد وح احتل البوست بتاعتك ده
ثم اعيث فيه فسادا...
عشان تعرف الارببة الجد |
ايوة يا كيكي
ما تخلي حقك ..
ملحوظة:
أنا قاعد بكره من الصباح راجيك ..
|
Post: #16
Title: Re: الأرباب !!
Author: Kostawi
Date: 11-20-2007, 10:41 PM
Parent: #14
طيب
ليه حق منعم بيجو يتصور مع شيخ المنشية
شبهينا
و
إتلاقينا
|
Post: #47
Title: Re: الأرباب !!
Author: عبدالكريم الامين احمد
Date: 11-21-2007, 07:08 PM
Parent: #16
Quote: ليه حق منعم بيجو يتصور مع شيخ المنشية
شبهينا
و
إتلاقينا |
شن لما عيشة علي ابوزيد يا كوستاوي يا انت
ده فوزي الاسد
وداك الترابي شتات ما بين الثري والثريا
|
Post: #44
Title: Re: الأرباب !!
Author: عبدالكريم الامين احمد
Date: 11-21-2007, 02:24 PM
Parent: #14
Quote: ايوة يا كيكي
ما تخلي حقك .. |
ابشر يا تمبس انا حقي باخدوا (خنق اسفيري*)
|
Post: #21
Title: Re: الأرباب !!
Author: ودرملية
Date: 11-20-2007, 10:59 PM
Parent: #11
سلامات
وعوافي
يا تمبس الشغلة دي ما تلاتة صفر ..
الشغلة 6/0 ..
لا حولا ولا قوة ..
ياكيكي نصيحة لله..
الزول دا اشتغل معاهو ضفاري ..
غير كدة مافي طريقة الولد حريف شوية ودمو بارد وبيجيد الهجمات المرتدة ...
دق ليهو مان تو مان خليهو يعرف حاجة ..
ما قدرتا علي كدا خليني نخش الميدان معاك والله نفتفتو حتة حتة نلحقوا ليك حافلة الرجاء البيضاوي والصفاقسي التونسي..
تمبس لو سمحتا صورتي دي شيلا من بروفايلك احتمال كبير اغلط معاك ..
لحدي هنا بيناتنا الخوة و"احمد فش" فما تخرب البينا ..
|
Post: #23
Title: Re: الأرباب !!
Author: tmbis
Date: 11-20-2007, 11:48 PM
Parent: #21
Quote: ما قدرتا علي كدا خليني نخش الميدان معاك والله نفتفتو حتة حتة نلحقوا ليك حافلة الرجاء البيضاوي والصفاقسي التونسي..
تمبس لو سمحتا صورتي دي شيلا من بروفايلك احتمال كبير اغلط معاك ..
لحدي هنا بيناتنا الخوة و"احمد فش" فما تخرب البينا .. |
يا ود رملية:
عوافي ..
ياخي انا من المرة الفاتت قلت ليكم يا ود رملية إنتو منتخبكم دا محتاج .. تطعموا .. قلنا ليكم بي صراحة كدا نديكم لعيبة نص من عندنا + راس حربة خطير .. شايفكم سردبتوا..
والله عايز نصيحتي ..:؟
حرقل زاتو ما يحلكم مش ( فش )..
صورتك دي بنشوف ليها طريقة .. خلينا نقشر بيها يومين تلاتة كدا ..
لكن كدي خلصو لينا المشروع بتاع الدافوري دا ..
يحليلك يا عماد عبد الله .. ويحليلك يا صلاح .. بلاي الواحد فيهم كان بجيب القون من ( طعم طفلك )..
بلاي حسع عموو ملاسي يحاور فيكم .. في فنجان قهوة مره.
غايتو انا قاعد يا ود رملية .. وعندي استوبر وفردة باك والله موية ما تجي خاشه بي تحت ..
جاهزين لي فك التسجيلات..
|
Post: #48
Title: Re: الأرباب !!
Author: عبدالكريم الامين احمد
Date: 11-21-2007, 07:12 PM
Parent: #21
Quote: ياكيكي نصيحة لله..
الزول دا اشتغل معاهو ضفاري |
سلام وعوافي
يا فردة باكي الشمال ود رملية
لاتخاف يامان الزول ده انا هنا لاعب معاهو بطريقة صلاح دوشكا(كع كرع) والضرب ركب
|
Post: #43
Title: Re: الأرباب !!
Author: عبدالكريم الامين احمد
Date: 11-21-2007, 02:21 PM
Parent: #9
Quote: فهامة لله يا فاهمين ..
دى صورة للذكري والتاريخ واللا شنو يا جماعة .. ؟؟ |
هلا طلحة صحبي (سيد العدة)
ايووه دي صورة التاريخ ولحب الهلال سيد الاتيام والفرق (جتتتتت)
كمان عليك الله تعال قول لي لمها
|
Post: #15
Title: Re: الأرباب !!
Author: Rihab Khalifa
Date: 11-20-2007, 10:39 PM
Parent: #1
ديل منو يا تمبس؟
|
Post: #17
Title: Re: الأرباب !!
Author: Rawia
Date: 11-20-2007, 10:43 PM
Parent: #15
كيكي عشان كدا عاوزين ايدك معانا
|
Post: #18
Title: Re: الأرباب !!
Author: Rihab Khalifa
Date: 11-20-2007, 10:44 PM
Parent: #17
رااااااوييييييييه
معقوله ياخ؟
يا زوله انتي حيه في الدنيا دي؟
|
Post: #49
Title: Re: الأرباب !!
Author: عبدالكريم الامين احمد
Date: 11-21-2007, 07:15 PM
Parent: #17
هلا وغلا يا راوية
وانتي انا راضي عنك دنيا واخرة
السويتيهاحسـين ملاسـي
لا حكت لابقت
عشان كده رقبتي سدادة وليك شيك علي بياض اسفيري في هذه المعركة ومعاركك القادمات
|
Post: #19
Title: Re: الأرباب !!
Author: tmbis
Date: 11-20-2007, 10:46 PM
Parent: #15
علي يمينك الأربــاب يا رحاب .. وعلى شمالك فوزي المرضي ..
كما ورد في روايــة حسين ملاسي
|
Post: #20
Title: Re: الأرباب !!
Author: Rihab Khalifa
Date: 11-20-2007, 10:52 PM
Parent: #19
اسي كان قلت ديل منو تاني بدوني في راسي، مش؟
|
Post: #22
Title: Re: الأرباب !!
Author: Rawia
Date: 11-20-2007, 11:30 PM
Parent: #20
Quote: رااااااوييييييييه
معقوله ياخ؟
يا زوله انتي حيه في الدنيا دي؟ |
اهلا رحاب ياحبيبة
قاعدة.... تشيلني بلاد وتختني بلاد
مشتاقة ليك بالجد
كنت حا اقول ليك دا فوزي المرضي ودا كيكي زميلنا هنا في البورد
لكن الغرض من انه ملاسي ينزل الصورة دي تحت العنوان دا صراحة ماعارفاهو
فوزي المرضي يارحاب لاعب قديم في فريق الهلال
وحسة رجل اعمال في مصر على حسب علمي
|
Post: #24
Title: Re: الأرباب !!
Author: محمد عثمان
Date: 11-20-2007, 11:51 PM
Parent: #22
Quote: فوزي المرضي يارحاب لاعب قديم في فريق الهلال
وحسة رجل اعمال في مصر على حسب علمي |
شفيق يا راجل......!!
|
Post: #26
Title: Re: الأرباب !!
Author: ودرملية
Date: 11-20-2007, 11:55 PM
Parent: #22
| Quote: كيكي عشان كدا عاوزين ايدك معانا |
انا انفع ياراوية ..امممممممممممممممممممممممممممممممممم؟
ياتمبس انت شيل الصورة وخليني انا للدافوري عشان البينا حلوة ..
بعدين انا خايف دكين يجي البوست دا لانو ممكن يبوظو لينا عديل كدة
|
Post: #28
Title: Re: الأرباب !!
Author: Rawia
Date: 11-21-2007, 01:33 AM
Parent: #26
| Quote: انا انفع ياراوية ..امممممممممممممممممممممممممممممممممم؟ |
كيييف ياود رملية ماتنفع
نور بتسلم عليك
|
Post: #25
Title: Re: الأرباب !!
Author: tmbis
Date: 11-20-2007, 11:54 PM
Parent: #20
| Quote: اسي كان قلت ديل منو تاني بدوني في راسي، مش؟ |
عادي جدا تتخيلي ..؟
|
Post: #27
Title: Re: الأرباب !!
Author: tmbis
Date: 11-21-2007, 00:02 AM
Parent: #25
Quote: ياتمبس انت شيل الصورة وخليني انا للدافوري عشان البينا حلوة ..
بعدين انا خايف دكين يجي البوست دا لانو ممكن يبوظو لينا عديل كدة |
دكيــن كان جا بعد العلمو في الهكر الصباح يكون ما عندو دم
ياخي دا (حنك) الهكر لمن بالغ زاتو..
بلاي زول ينزل للهكــر السيرة الذاتية بتاعتو ؟؟
أقول ليك حاجة..:؟
شيلو دكين ظياده في البيعة بينفع معاكم .. على الاقل ما عندو علاقتو بي كورة القدم زي علاقتي بي سواقة البوينج سبعمية سبعة واربعين..
إن شاء الله ينفعكم ويطفش ليك اي (تحريك) ويطفش ليكم اي هكـــر
|
Post: #29
Title: Re: الأرباب !!
Author: محمد سنى دفع الله
Date: 11-21-2007, 06:46 AM
Parent: #27
ياربي
في زمن إضافي
دي هزيمة مافيهاكلام
يارب دروون
يارب دروووون!!
|
Post: #30
Title: Re: الأرباب !!
Author: tmbis
Date: 11-21-2007, 07:38 AM
Parent: #29
Quote: تمبس
بالله بطل حركات لاراش دي
الكورة في ارض الخصم بالله |
طيب يا كيكي كدا نايمه معاك نوم ..
لانو القون بي قونين ..
بعدين خير وسيلة للدفاع الهجوم ..
المرة الفاتت بتاعة اوزون ديك قلت ليك يا كيكي أعمل حسابك من ( الكونتر اتاك ) قلت لي ان بطلع فيها ( ماشــه ) وما سمعت كلامي
البورد دا مليان صحفيين رياضيين يا كيكي .. طلحـة عبد الله دا دافنه ليك من دوري المجموعات
الزول دا وديهو الجير يا كمان اللعب جضم لينا مصيدة التسلل.. لكن يحاور كدا لحدي ما يجيب قووون دي صعبة يا ابو الكيك ..
|
Post: #31
Title: Re: الأرباب !!
Author: نادر محمد الراضي
Date: 11-21-2007, 07:42 AM
Parent: #30
يا رحاب خليفة ...
صباحك سكر ...
الفي الشمال دا فوزي المرضي (قلب الأسد)
مدير الكرة بنادي الهلال ...
|
Post: #32
Title: Re: الأرباب !!
Author: Rihab Khalifa
Date: 11-21-2007, 08:04 AM
Parent: #31
نادر
انت في ده ولا شكسبير ده حلق شنبه و لا شنو في مصر؟ لعلكم بي عافيه و علوبه ولدي بقي احسن؟
|
Post: #33
Title: Re: الأرباب !!
Author: نادر محمد الراضي
Date: 11-21-2007, 08:11 AM
Parent: #32
علوووبة بقى نصيييييييييح ...
إنتي أخبارك شنو إنتي ؟!!! .. 
|
Post: #34
Title: Re: الأرباب !!
Author: عبدالكريم الامين احمد
Date: 11-21-2007, 09:43 AM
Parent: #33
اولا نوكد باننا قد اعلنا هذا البوست (منطقة عمليات) وساحة حرب امتداد لجولات الحرب الاسفيرية المعلنة من قبل...
وبكده بالله انصح الاخوة والاخوات بالمضايرة حتي لا يصيبهم رائش الهاونات والاربحيهات ......
للذين يتسالون بالحاح غريب وعجيب عن هذه الصورة فهي
للمدرب واللاعب السابق في الهلال والفريق القومي فوزي المرضي ابان زيارة الهلال لمعسكره بالدوحة في استعداد للبطولة الافريقية...
الارباب الذي لمح اليه مرجفنا ملاسي هو (صلاح ادريس ) رئيس نادي الهلال وهو فقط من يحمل هذه اللقب ولعل اخرون غيره ولكن بالتاكيد ليس (انا).....
هذه الصورة يا مجاهد لا يجرو ملاسي علي الوقوف امامها لاتخاذها واعتقد الان بانه قد يرتجف وتقع الكاميرا من زئير الاسد
فوزي والاسد الهصور (الاخر)..(انت قايل الاسد الهصور ده نافع علي نافع بس ولا شنو)
هي رحلة البحث عن نقطة يبدو ان ملاسي قد قرر البحث عنها ولو علي سفح ضوئيات هذه الصورة التي اعتز وافخر بها كثيرا....
او لعلها امتدادا للدقسات الملاسية التي التي توالت وتقاطرات كما الامطار
ومنذ ترحيبه وخفة دمه العجيبة وغريبة في الاحتفاء (السراب بقيعي) لنسرين سوركتي....
الكثير من المراقبين يتعتقدون بان الاستفتاء التاريخي الذي قامت به (موسسة كيكشن دوت) لصحفي الغفلة واصحاب العواميد الجائعة والذي ظهر اسم عضو المنبر (ملاسي) بينهم ..قد يكون هو السبب المباشر لهذه الارببة الجائعة والمسخرة ورقاد الواطة وايضا الولولة الاسفيرية...
وكيكشن دوت كم توكد بانها وان ضربت واوجعت توكد بان مشروعها القادم هو..
صورة تعالج الان في معامل (فوتو شوبها) تظهر
1-الهندي
2- الزومة
3- ملاسي
رائدي اعمدة (الكشمشة) وعصر الارجاف الصحفي....
...
ونبنجي عائدين...!!!
|
Post: #50
Title: Re: الأرباب !!
Author: عبدالكريم الامين احمد
Date: 11-21-2007, 07:24 PM
Parent: #29
Quote: ياربي
في زمن إضافي
دي هزيمة مافيهاكلام
يارب دروون
يارب دروووون!! |
ما تخاف يا السني
احنا ملعبين قلقهينو من بداية المباراة
|
Post: #35
Title: Re: الأرباب !!
Author: عبد المنعم سليمان
Date: 11-21-2007, 09:49 AM
Parent: #1
صقر يجاور صقرا يستظل به
من عزة فيهما يتهيب النظر
______
شابكننا الرئيس ال جاي اسامة عبداللة
شكرا يا ملاسي وانت تفك طلاسم لغز الرئاسة
منعم بتاع المنشية
برقية اخيرة : الهندي عزالدين يستنكر دخول الاوباش للنادي العريق
|
Post: #39
Title: Re: الأرباب !!
Author: عبدالكريم الامين احمد
Date: 11-21-2007, 01:49 PM
Parent: #35
Quote: شابكننا الرئيس ال جاي اسامة عبداللة
شكرا يا ملاسي وانت تفك طلاسم لغز الرئاسة |
منعم ده رد استباقي قبل ما يطير
رئاسة الهلال شرف كبير لكل هلالابي
ولو منحني لها الزمان
لجعلت تاج السر متحدثا رسميا باسم جماهير الهلال
عشان يضاير لينا (ال علووووبة) ديل
|
Post: #36
Title: Re: الأرباب !!
Author: عبد المنعم سليمان
Date: 11-21-2007, 10:17 AM
Parent: #1
جاني مسج قبل شوية
مساح يصبح رئيسا للهلال خلفا للارباب ## جزء من النص مفقود #####
|
Post: #37
Title: Re: الأرباب !!
Author: عاصم ابوبكر حامد
Date: 11-21-2007, 12:52 PM
Parent: #1
كيكى وملاسئ والارباب ...
يا كيكى وقعت لكن بالجد ...
ما لقيت زول تديه الصورة دئ غير ملس دا ....
|
Post: #38
Title: Re: الأرباب !!
Author: عاصم ابوبكر حامد
Date: 11-21-2007, 01:06 PM
Parent: #1
بجد الارباب يعشق سودانبز اون لاين كما انه متابع لمعركتكم
الاخيرة ضد الظلام وهو متضامن معكم تماما ويمكنكم ان تعتبروه احد جنود الموقع ضد الخفافيش
افادنى بمازكرت اشرف محمدالحسن رئيس رابطة ابناء الهلال بالجامعات
|
Post: #42
Title: Re: الأرباب !!
Author: عبدالكريم الامين احمد
Date: 11-21-2007, 02:16 PM
Parent: #38
Quote: كيكى وقعت لكن بالجد ...
ما لقيت زول تديه الصورة دئ غير ملس دا .... |
عاصم خوتك بيش ياااخي
بدل تلصق ليهو تراتيل (ملاسي انت زول عجيب وغريب) كما العادة
جااي تقول لي وقعت وما ادراك ايه
عاصم انت بقيت ذااتك عجيب وغريب والحق روحك يا صحبي هوووي
|
Post: #46
Title: Re: الأرباب !!
Author: عبدالكريم الامين احمد
Date: 11-21-2007, 07:05 PM
Parent: #42
قبل ما نمشي لقدام في ماتش الارباب ده
حقوا نعمل تخزين جيد واستحواذ علي اللقطة دي..
وبعد داك يا تمبس ممكن نواصل الكورة..
|
|