بعد فضيحة اليوم....كيف تخلوا زول زي دا يتحكم في الكورة في السودان

تلقي اليوم منتخبنا اكبر صفعة من المصريين قوامها خمسة اهداف نظيفة.....ماتقولوا

اولمبي ولا سجم...اسمو منتخبنا


اما عن شداد فهو فاشل بدرجةامتياز....يضيع اكبر فرصة لاعداد المنتخب السوداني في مصر


وتبقي لغانا اقل من شهر ونص...ويطلب معسكر في اسبانيا....زول زي دا يخلوهوا يتحكم في


مصيرنا كيف

شداد محاضر....استاذ في الفلسفة علي عينا وراسنا....لكن كورة لا

لم يستفد السودان من شداد....بينما استفاد شداد من السودان كثيرا

دكتور ياسر ..

المشكلة بكرة الا نغيب من الشغل معانا مصارية لسانهم طويل ...

ليه يا شداد تعمل كدا ....




ود الباوقة

اخي العزيز ود الباوقة

Quote: المشكلة بكرة الا نغيب من الشغل معانا مصارية لسانهم طويل ... ليه يا شداد تعمل كدا

....


المصريين هم اسوأ الناس في التريقة وطولة اللسان

لكن المشكلة في في من هم علي رأس الهرم الكروي عندنا ولايخافون الله فينا


انت موضوعك ساهل ياودالباوقة ....المشكلة في الناس الفي مصر

تحياتي

سلام ياسر

عدوي المريخ قونين في 5 اول دقايق اصابت الشباب كمان

سلام جمال

لا احمل لعيبة اليوم اي مسئولية بل احمل من وضعهم في هذا الامتحان وهو يعلم انهم لاقدرة لهم به

لمصلحة من يتمرمط منتخبنا الوطني


هل لمصلحة نادي المريخ

هل اصبحت راية نادي المريخ تعلو فوق راية الوطن

وكيف يكون الحال لو ماكان المريخ وضعو مأساوي ويحتضر

أذن لنتوقع ان نضحي بغانا ايضا


كل اندية اوربا تلعب بدون لاعبيها عندما يستدعيهم وطنهم


لماذا المريخ...خاصة وهو يحتضر


اااااخ ياوطن.....ماليك وجيع

2 من السعودية

5 من مصر

وبعدين هم رجعو الا راجين نهاية الدورة ؟

العزيز ادم

Quote: وبعدين هم رجعو الا راجين نهاية الدورة

تخيل معي كم سيبلغ عددالاهداف في مرمانا لو استمرينا لاخر البطولة...اعتقد اننا حنحتاج لالة حاسبة

.

"بعض وسائل الإعلام لا تفرق بين المنتخب الأول والأولمبي"

سلامات يا دكتور ياسر

لو لم تكن مشاركة المنتخب الأولمبي في الدورة العربية الودية إعدادا
لتصفيات قارية أولمبية قريبة؛ تبقى المشاركة ما عندها معنى، أما
المشاركة بالمنتخب الأول فلم تكن ممكنة لأني قرأت أن الاتحاد الإفريقي
منع المنتخبات الأولى المشاركة في غانا 2008 من اللعب في دورات
ودية قبل 90 يوم من بدء البطولة، وأظن أن مصر حصلت على استثناء.

أما لماذا لم يسع السودان للحصول على استثناء ليشارك بالمنتخب الأول
بدوره فلأن المشاركة بالمنتخب الأول ليست ممكنة في غياب لاعبي المريخ،
واسمح لي بالاختلاف معك في هذه الجزئية، لأن الدورة العربية ودية بينما
يحتاج المريخ -الذي يمثل السودان- للاعبيه في مباريات هامة في منافسات
رسمية. أن يلعب المريخ مع الرجاء والصفاقسي دون لاعبيه الدوليين فهذا
يعني أنه سيواجه -في الغالب- هزائم كارثية ستسجل باسمه وباسم السودان
دون التطرق لغياب لاعبيه الأساسيين! أما المشاركة دون لاعبي المريخ فإن
الأجواء الإعلامية "الملتهبة" لا تساعد عليها، وفي الخاطر ما كتب هنا وفي
بعض الصحف عن فوز المريخ على المنتخب التونسي 3-2!!

في الحقيقة أنا ما عارف الدورة العربية الودية دي إعداد لى شنو؛ يعني
لو كانت إعدادا لتصفيات قارية أولمبية قريبة فمن الممكن إنو المشاركة
تكون فكرة كويسة بغض النظر عن النتائج لكن المشكلة هي أن هذا المنتخب
-وكالعادة- تم تجميعه قبل أيام وجرى إعداده على عجل بمباريات "أي كلام"
مع فرق الدرجات الصغرى!

بعض وسائل الإعلام لا تفرق بين المنتخب الأول والأولمبي ولذلك تعتبر أن مصر
فازت على السودان 5-0! وهي في الحقيقة نتيجة ممكنة التصديق لأننا خسرنا
من مصر 6-1 عام 2005!

وبمناسبة الإعداد لغانا؛ المغرب تعادلت اليوم مع فرنسا في باريس 2-2!
نحن منتخبنا حيلعب مع منو؟

ماكان علي السودان أن يشارك أصلا في هذه ا لدورة .. والمشاركة بالاولمبي ربماكانت تعني عدم كشف (كل الاوراق ) امام المصريين لأنه لايعقل ان يتباري منتخب مع أخر في نفس المجموعة في بطولة كبيرة كالدورة الافريقية ثم ترسخ في نفسية اللاعب نتيجة مباراته الودية قبل اللقاء الكبير..علي العموم ماكان حتي للمنتخب الاول أن يفوز علي السعودية أو مصر ويمكننا بحياء ان نلصق الهزيمة للمنتخب الاولمبي ...السعوديون منزعجون لانهم لم يغزو مرمي المنتخب بما يكفي .. وعيونهم مصوبة نحو المنتخب المصري وأن شاءالله المنتخب المصري فائز فائز ..

عزيزنا احمد الريح

حأرجع ليك مرة تانية لكن

Quote: لأني قرأت أن الاتحاد الإفريقي منع المنتخبات الأولى المشاركة في غانا 2008 من اللعب في دورات ودية قبل 90 يوم من بدء البطولة، وأظن أن مصر حصلت على استثناء.

هذه ليست دورة ودبة بل دورة عربية رسمية ولايسمح بالمشاركة فيها الا بالمنتخب الاول فقط ولذلك انسحبت دول اخري وشارك السودان بأسم المنتخب الاول ولاعبي الاولمبي يعني السودان مشارك رسميا بأسم المنتخب الاول...والفضيحة باسم المنتخب الاول
أما عن المريخ ومجاملتها اذا كان اهم من السودان فكان الاجدر الانسحاب

مو شكرا

Quote: ماكان علي السودان أن يشارك أصلا في هذه ا لدورة

خيار جيد وافضل من المرمطه

الباشمهندس احمد

Quote: أما لماذا لم يسع السودان للحصول على استثناء ليشارك بالمنتخب الأول بدوره فلأن المشاركة بالمنتخب الأول ليست ممكنة في غياب لاعبي المريخ، واسمح لي بالاختلاف معك في هذه الجزئية، لأن الدورة العربية ودية بينما يحتاج المريخ -الذي يمثل السودان- للاعبيه في مباريات هامة في منافسات رسمية. أن يلعب المريخ مع الرجاء والصفاقسي دون لاعبيه الدوليين فهذا يعني أنه سيواجه -في الغالب- هزائم كارثية ستسجل باسمه وباسم السودان دون التطرق لغياب لاعبيه الأساسيين! أما المشاركة دون لاعبي المريخ فإن الأجواء الإعلامية "الملتهبة" لا تساعد عليها، وفي الخاطر ما كتب هنا وفي بعض الصحف عن فوز المريخ على المنتخب التونسي 3-2!!

واكرر

Quote: أن يلعب المريخ مع الرجاء والصفاقسي دون لاعبيه الدوليين فهذا يعني أنه سيواجه -في الغالب- هزائم كارثية ستسجل باسمه وباسم السودان دون التطرق لغياب لاعبيه الأساسيين

!


ودا يسموهو شنو يااحمد

تلاتة ماكارثية يعني ولا عشان الجماعة تعودوا علي الاربعات