Post: #1
Title: اجازة !
Author: Faisal Al Zubeir
Date: 11-16-2007, 11:24 AM
Parent: #0
30 يوما في الخرطوم انتهت !
نعود الى المنبر وفي القلم بقايا مداد وفي الذاكرة يوميات في الخرطوم !
|
Post: #2
Title: Re: اجازة !
Author: haroon diyab
Date: 11-16-2007, 11:37 AM
Parent: #1
فيصلنا
صباح الخير
حمد الله علي السلامة ياماااااااااااان
اجازة ممتعة ... وعودا حميدا مستطاب
تحياتي
هارون دياب
|
Post: #3
Title: Re: اجازة !
Author: ماجدة عوض خوجلى
Date: 11-16-2007, 11:50 AM
Parent: #1
|
Post: #4
Title: Re: اجازة !
Author: عبدالكريم الامين احمد
Date: 11-16-2007, 11:54 AM
Parent: #3
مرحب فيصل
والف تحية
ونتمني ان تكون قضيت اجازة رائعة بين الاهل
|
Post: #5
Title: Re: اجازة !
Author: عامر تيتاوى
Date: 11-16-2007, 11:59 AM
Parent: #4
فيصل
حمدالله على السلامة
|
Post: #6
Title: Re: اجازة !
Author: Muna Khugali
Date: 11-16-2007, 12:13 PM
Parent: #5
حمدلله علي السلامه فيصل..
أكيد كانت اجازه روعه مع الأسره والأهل وكل أهل الخرطوم..
في انتظار ما سجله مدادك في الخرطوم حبيبتنا..
|
Post: #7
Title: Re: اجازة !
Author: Faisal Al Zubeir
Date: 11-16-2007, 04:58 PM
Parent: #6
الزملاء:
هارون
ماجدة
كيكي
تيتاوي
منى
تحياتي وشكرا على الترحيب الشديد والجميل !
في الخرطوم
لقاء الاهل والاحبة
لقاء اهل صاحبة الجلالة في الرأي العام والايام والصحافةوهلمجرا
حضور منتدى الصحافة والسياسة في بيت الامام السيد الصادق المهدي .
لقاء صحافي مع باقان اموم الامين العام للحركة الشعبية في مقرها بالخرطوم شارع 53 فالحركة دارها يعج بالحركة وهذا اول الغيث في التحول الى حزب .
تداعيات نقل المواقف الى ستاد الخرطوم وميدان جاكسون .
رحلة عمل الى كنانة وسكر ..سكر..سكر او كما تغنى الكابلي !
تداعيات حمى الوادي المتصدع والنزفية
تداعيات اشهر قضيتين :
- الحكم بالاعدام لقتلة محمد طه
- قضية الطبيب المتهم بالاجهاض وان 25 % من البنات حبلن سفاحا !
جهاز المعتربين .. المال تلتو ولا كتلتو .. فاصل مراوغة تدفع ولا ما تسافر
.........
السودان ضربته متغيرات ستكون لها اثار سلبية في الشخصية السودانية ، هناك اشياء جميلة ضاعت ولو كان الفقر رجلا لقتلته ، لماذا ضعفت الروابط بين الناس ، وتسود حاليا قيم الاستهبال والمنفعة والكذب !
....
منى انا زعلان !
|
Post: #8
Title: Re: اجازة !
Author: Muna Khugali
Date: 11-16-2007, 11:29 PM
Parent: #7
Quote: ....
منى انا زعلان ! |
في شنو يافيصل؟
ماعاش اليزعلك..
انا اسه الزعلانه..
لأنه كان نفسي أقابلك في الخرطوم..
أحضر معاك المحاكمات ..
وأتمعن في وجوه المتهمين..والقاضي والأتهام..
واسمع المرافعات الكتيره وبينها تعليقات الناس الحضور وهنهنتها..
كنت عايزه اشوف تعابير المتهمين.. وأحاول استشف منها قدر شنو حاسين بالندم وولا قدر شنو حاسين بالظلم..
اكيد ما كنت أقدر أتأكد..
حتي لو كلهم فعلا مجرمين..اصدق كيف انهم فعلا قتلوا ..في ظل نظام قانوني مافيه اسس للعداله؟
وكنت عايزه أكون معاك لما تقيف في الممر بعد الجلسه الأولي ما خلصت..
ننزل نشرب قهوه وانت تشرب شاي..
لكن انا ما محظوظه..
لأني لو محظوظه كنت مشيت معاك لصاحبة الجلاله وهي تغير مقاعدها في دارات مختلفه..
كنت شفت الوجوه لناس بتكتب..ناس بعرفها من زمان وناس ما شفتها قبل كده..
وكنت فرحت معاك بمشيتي لدار الحركه..وشفت الحركه فيها كيف.يا ربي لملمت اطرافها زياده وركزت
ولا لسه بتحاول في البدايه..
وكنت سألتهم..اها نحنا كلنا مصيرنا شنو؟
امكن ما كان القي اجابه تكفيني..لكن انا مغرمه بتعبيرات الوجوه ونبرات الصوت مع الشرح ساعة الأجابه..وكنت بس بفهم لياتو درجه في أمل ولا مافي خالص أمل..
زعلان مني يا فيصل ولا من منو؟
انا غايته زعلانه منك..
عشان ما جيت الخرطوم لما كنت فيها..
وعشان لما مشيت في مشاوير الوطن المكتحه ما سقتني معاك..
مشيت بيت الأمام وماسقتني معاك..
انت ماعارفهم أهلي؟
وكنت لسه عايزه اسمع واشوف كيف الحال بقي هناك؟
تقول زعلان وانا ياني الزعلانه؟
الناس لما ترص نفسها في الكباري تعاين للكوره في الأستاد..والتانيين القاعدين في الجناين فرحانين بقزازة البيبسي والتسالي..
قالوا ليهم ممنوع الخلوه..يعني اي اتنين -ذكر وأنثي- مايقعدوا براهم لأنه دي رذيله..فخلقت مجموعات عددها بالتساوي 100 ذكر وأنثي اتفاق ضمني..ان يجلسوا ذكر وأنثي..ثم ذكر وانثي
حتي ينتهي الرقم.. في صوره جماعيه متلاصقه تشهد بالحب الجماعي وفرح النفوس بالهمس الذي بينها..
كنت أود أن اطل عليهم من مكان ما قريب منهم أو بعيد لا يهم..فافرح لفرحهم..الا انك لم تأت
وتأخذني معك هناك..
زعلان مني كيف؟
وأنا الكان نفسي اشوف كنانه للمره التانيه..لو كنت كلمتني كنت مشيت..
اي حته في تراب الوطن كنت أمشيها..
أنا الزعلانه يا فيصل!
|
Post: #9
Title: Re: اجازة !
Author: Faisal Al Zubeir
Date: 11-17-2007, 06:15 AM
Quote: أنا الزعلانه يا فيصل!
|
ما عاش من يزعلك
|
|