Post: #1 Title: .. ياخدر ترويع بس .. ده ارهاب عدييييل كده !! Author: عامر تيتاوى Date: 11-16-2007, 09:30 AM Parent: #0
تذكرت وانا استمع لهذه الاغنية الراااااائعة بوست سابق للاخ خدرتحت عنوان ترويع المواطنين وكان يتحدث فيه عن اغنيات الحقيبة ان لم تخنى الذاكرة وبصراحة ده مش ترويع دى الصدمة والترويع بل هى ارهاب رسمى عدييييل كده
ومتالق ياياسر تمتام اذا فى حبكم ضعت اذن اقبر فى ساحاتك اكون للحظ دوام شاكر واقبل انت راحاتك
وكمان
شعاع الشمس من نورك زهور الروضة وجناتك سكرت وتهت دون خمرة وكان اسبابى لجناتك
Post: #2 Title: Re: .. ياخدر ترويع بس .. ده ارهاب عدييييل كده !! Author: خدر Date: 11-16-2007, 10:06 AM
تيتاوي سلامات
ده ترويع جميل ياخي .. اعتقد ان القصيدة للـ (الامي) برضو ادواتو كلها فيها .. حتي حبو الواضح المخالف لقاعدة اعذب الشعر اكذبه
شعاع الشمس من نورك زهور الروض وجناتكـ سكرت و تهت دون خمرة و كان اسبابي لجناتكـ حلاتك يوم اراكـ رافل في منصب عز في جناتكـ اشوفك زي بدر كامل و بيك تنور ُدجناتكـ
انا بتعجبني صيغة منتهي الجموع الاستخدمها (الامي) في قصيدتو دي وبالذات دُجناتكـ
ده ترويع ياخي
Post: #5 Title: Re: .. ياخدر ترويع بس .. ده ارهاب عدييييل كده !! Author: عامر تيتاوى Date: 11-16-2007, 10:35 AM Parent: #2
خدر سلامات
Quote: انا بتعجبني صيغة منتهي الجموع الاستخدمها (الامي) في قصيدتو دي وبالذات دُجناتكـ
وعلى نفس النسق اسرت فؤادى ياضامر ودمى خضاب فى كفاتك يتبادر الى الذهن بعد اسرت فؤادى ان يقول ياظالم لان المسالة فيها موت فى ساحات الحبيب ولكنه ايضا يتغزل وينادى ياضامر حتى وقد اضحى دمه خضاب فى كف الحبيب القاتل اى نوع من الشعراء هذا الامى العالم
تيتاوي يا جميل ده أجمل إرهاب و أروع قمع فني و على كدة يلا أرهبنا و نكِّـل بينا فنياً ..... هواك و هواي ... جميلة أيضاً بصوت فرفور .... تحياتي يا الحبيب
تحياتى يافنان وكلامك صاح لاننى استمعت اليها من فرفور ويؤديها بطريقة جميلة ولكن تمتام تمام ولو سمعتها ياغباشى من مرغنى المامون واحمدحسن جمعة متعة لا تنتهى
Post: #24 Title: Re: .. ياخدر ترويع بس .. ده ارهاب عدييييل كده !! Author: عامر تيتاوى Date: 11-21-2007, 11:04 AM Parent: #23
حمام الايك حين مر تعال اسمعنى نبراتك طريت ام در مقر املى يازمانى كفاى عبراتك
