Post: #1
Title: المريخ يهزم الصفاقسى التونسى 4/1 وينتزع الكأس
Author: هاشم نوريت
Date: 11-13-2007, 07:23 PM
Parent: #0
ليس غريبا ان يقلب المريخ الموازين ويحصل على الكاس والجميع يجب عليهم مساندة هذا الفريق الذى يلعب باسم السودان ولما لا يصحح المريخ اخطاءه ويحرز اربعة اهداف فى مرمى الصفاقسى التونسى كما يعلم الجميع النجم الساحلى عجز عن هز شباك النادى الاهلى فى تونس وامام جماهيره فى حين انه بهدل الاهلى وانتزع كاس البطولة فى مصر وامام الجماهير الاهلاوية وبحضور الواد حسنى.
اليوم قناة العربية وكذلك قناة مصرية استبعدوا اى نجاح للمنتخب السودانى فى الدورة العربية فى مصر والتى سيلعب فيها السودان اولى مبارياته غدا مع السعودية والضيف السعودى كانه قال بان المباراة غدا من طرف واحد .
يجب حشد كل الطاقات لانجاز سودانى يحققه المريخ بالتاكيد الامر ليس بالسهل ولكنه ليس مستحيلا وعلينا ان ننظر لما قام به النجم الساحلى لا ان نستسلم.................
لازم ان لم نستطع انتزاع الكاس لازم نمسخو ليهم بكسب اللقاء ايجابيا
المريخ فوق
سودانا فوق
النصر للسودان
يلا ياجماهير الرياضة كلنا مريخ سودان فوق
|
Post: #2
Title: Re: المريخ يهزم الصفاقسى التونسى 4/1 وينتزع الكأس
Author: فيصل نوبي
Date: 11-13-2007, 07:59 PM
Parent: #1
هو بالله في أدروبات صهاينة
|
Post: #6
Title: Re: المريخ يهزم الصفاقسى التونسى 4/1 وينتزع الكأس
Author: هاشم نوريت
Date: 11-13-2007, 10:26 PM
Parent: #2
| Quote: هو بالله في أدروبات صهاينة |
صدقنى من ال البيت
بس حقارة كورة شمال افريقيا لينا حارة
|
Post: #3
Title: Re: المريخ يهزم الصفاقسى التونسى 4/1 وينتزع الكأس
Author: Ahmed musa
Date: 11-13-2007, 08:12 PM
Parent: #1
| Quote: هو بالله في أدروبات صهاينة |
...
...
...
عشان كده مرقوا من البلد !!!!
|
Post: #4
Title: Re: المريخ يهزم الصفاقسى التونسى 4/1 وينتزع الكأس
Author: amir jabir
Date: 11-13-2007, 08:15 PM
Parent: #3
Quote: Quote: هو بالله في أدروبات صهاينة
عشان كده مرقوا من البلد !!!! |
رشاشت مرقوا من الجنه وصقته ومعسكرين ليها شنوا
|
Post: #5
Title: Re: المريخ يهزم الصفاقسى التونسى 4/1 وينتزع الكأس
Author: محمد البشرى الخضر
Date: 11-13-2007, 08:25 PM
Parent: #1
| Quote: ليس غريبا ان يقلب المريخ الموازين ويحصل على الكاس |
في المشمش
يا عمك بطل احلام يقظة
|
Post: #7
Title: Re: المريخ يهزم الصفاقسى التونسى 4/1 وينتزع الكأس
Author: رقم صفر
Date: 11-13-2007, 10:32 PM
Parent: #5
عارف يا هشام ، انا بكره فريق الاتحاد السعودي جدا حتي قبل سنتين او ثلاثه ، ولكن
اذكر مره انه لعب نهائي اسيا وخسر في جده ، والجميع (قنع ) من الكأس ، الا انه فاجأ الجميع
وانتصر في دولة الفريق الآخر (كوريا او اليابان) ، لا اذكر ، من اليوم داك انا اصبحت انظر له باحترام كبير جدا...
ولكن ...
قد يفعلها المريخ ، وهذه (القد) لان لا مستحيل في كرة القدم ، لكن هل خسر المريخ لانه لم يوفق في تلك المباراة ام خسر لان المريخ لا يملك لاعبين يستطيعون مجاراة الصفاقصى ، هذا هو السؤال ، لو اجبته بكل صدق ستعرف ما هو احتمال فوز المريخ بتلك المباراة وبهذه النتيجة ... قد ينتصر المريخ في حالة واحدة وهي استهتار النجم بالمريخ ، ولكن لا اعتقد انه يفعل ذلك ، لانه يلعب نهائي ، ولان لاعبيه يمارسون الكرة باحترافية عالية .......
وبكل صدق اتمني ان يفوز المريخ (رغم انك ح تقدونا بيها لو فاز المريخ ) ،،، لا لشئ الا لانه انجاز يحسب لنا ككل ......
|
Post: #8
Title: Re: المريخ يهزم الصفاقسى التونسى 4/1 وينتزع الكأس
Author: نادر محمد الراضي
Date: 11-13-2007, 10:39 PM
Parent: #7
قووول يا رب يا نوريت ...
وأدروب عمرو ما ييأس ...
وبالمناسبة انا برضي فيني عرق أوشيك ... 
|
Post: #9
Title: Re: المريخ يهزم الصفاقسى التونسى 4/1 وينتزع الكأس
Author: yasir Abdelgadir
Date: 11-13-2007, 10:46 PM
Parent: #8
هاشم دبايوا.....كتيوا....اوجات كيها؟
يازول ادروب ولوووووف ومابيرضي بي غير الوصيف اصلو دا لقب مسجل حصريا ليهو ماتحاولوا وتتعبوا ساكت
|
Post: #25
Title: Re: المريخ يهزم الصفاقسى التونسى 4/1 وينتزع الكأس
Author: هاشم نوريت
Date: 11-14-2007, 02:34 PM
Parent: #9
yasir Abdelgadir
دبايوا
غير الوصيف
يا ايايتكون انا فريقى الان على الرصيف كان بقى وصيف كان خير وبركة وخلونا نقيف مع المريخ لعلنا نغير نظرة الكرة الشمال افريقيا لنا
|
Post: #23
Title: Re: المريخ يهزم الصفاقسى التونسى 4/1 وينتزع الكأس
Author: هاشم نوريت
Date: 11-14-2007, 02:28 PM
Parent: #8
نادر
دبايوا
| Quote: وبالمناسبة انا برضي فيني عرق أوشيك |
اوع يكون اوشيك طاير
نقول يارب والياس مابنعرفو بالجهد والعرق ان شاء الله التوفيق مع المريخ
|
Post: #13
Title: Re: المريخ يهزم الصفاقسى التونسى 4/1 وينتزع الكأس
Author: محمد البشرى الخضر
Date: 11-14-2007, 05:36 AM
Parent: #7
| Quote: استهتار النجم بالمريخ |
يا حليلك يا رقم صفر
ما قادر تنسى
|
Post: #11
Title: Re: المريخ يهزم الصفاقسى التونسى 4/1 وينتزع الكأس
Author: هاشم نوريت
Date: 11-14-2007, 01:03 AM
Parent: #5
| Quote: يا عمك بطل احلام يقظة |
هذه كرة القدم كل شئ جائز ...........قولوا يارب وان شاء الله ربنا يوفق المريخ
|
Post: #12
Title: Re: المريخ يهزم الصفاقسى التونسى 4/1 وينتزع الكأس
Author: Dhieu Chabiet
Date: 11-14-2007, 04:19 AM
Parent: #11
| Quote: قولوا يارب وان شاء الله ربنا يوقف المريخ |
آمين يا رب العالمين
___________
ما تفتحو فينا نيران يا آلـ شلوم...
براك يا هاشم قلت (يوقف)، فرددنا وراك...
براي السويتا في نفسي
|
Post: #24
Title: Re: المريخ يهزم الصفاقسى التونسى 4/1 وينتزع الكأس
Author: هاشم نوريت
Date: 11-14-2007, 02:31 PM
Parent: #12
Dhieu Chabiet
دبايوا
الظاهر انا ضيعت الجماعة ديل وربنا يوفقهم
|
Post: #10
Title: Re: المريخ يهزم الصفاقسى التونسى 4/1 وينتزع الكأس
Author: hatim ibrahim
Date: 11-14-2007, 00:37 AM
Parent: #1
..
Quote: قد يفعلها المريخ ، وهذه (القد) لان لا مستحيل في كرة القدم ، لكن هل خسر المريخ لانه لم يوفق في تلك المباراة ام خسر لان المريخ لا يملك لاعبين يستطيعون مجاراة الصفاقصى ، هذا هو السؤال ، لو اجبته بكل صدق ستعرف ما هو احتمال فوز المريخ بتلك المباراة وبهذه النتيجة ... قد ينتصر المريخ في حالة واحدة وهي استهتار النجم بالمريخ ، ولكن لا اعتقد انه يفعل ذلك ، لانه يلعب نهائي ، ولان لاعبيه يمارسون الكرة باحترافية عالية .......
وبكل صدق اتمني ان يفوز المريخ (رغم انك ح تقدونا بيها لو فاز المريخ ) ،،، لا لشئ الا لانه انجاز يحسب لنا ككل ...... |
أنا أجاوبك يا رقم صفر ..
المريخ خسر لأنه ( هزيل ) جدا ..
لاعبو المريخ فعلوا كل ما في وسعهم في مباراة الذهاب ..وخسروا
يعني الحكاية ببساطة شديدة هي وجود فارق ( كبير جدا ) في السمتوى بين الفريقين
وبالتالي ... توقع انتصار المريخ على الصفاقسي
أشبه بتوقع أن يطلق السودان غدا مكوكا فضائيا صوب كوكب المريخ لاستكشافه
كلاهما لن يحدثا .. إلا في الحلم ..
أتوقع ( وأتمنى أيضا ) هزيمة ( ساحقة ) للمريخ في نهائي الكونفدرالية ..
بخلاف مباراة الرجاء التي أتوقع ( ولا أتمنى ) أن يكسبها المريخ ..
...
|
Post: #14
Title: Re: المريخ يهزم الصفاقسى التونسى 4/1 وينتزع الكأس
Author: حمزاوي
Date: 11-14-2007, 06:21 AM
Parent: #1
هي صعبة جداً ولكن ليست مستحيلة
ونقول يارب
وان شاء الله ربنا يوفق المريخ
|
Post: #15
Title: Re: المريخ يهزم الصفاقسى التونسى 4/1 وينتزع الكأس
Author: اساسي
Date: 11-14-2007, 06:36 AM
Parent: #14
| Quote: قد ينتصر المريخ في حالة واحدة وهي استهتار النجم بالمريخ |
يا رقم صفر النجم دا استهتر بالهلال واداهو تلاتة
بالله ركز معانا
المريخ مستهتر بيهو الصفاقسي
|
Post: #18
Title: Re: المريخ يهزم الصفاقسى التونسى 4/1 وينتزع الكأس
Author: abuguta
Date: 11-14-2007, 07:23 AM
Parent: #15
ياشباب انتو ماشين بعيد ليه
هل يستطيع ان ينتصر المريخ على الرجاء؟؟؟؟؟؟؟
اجيبو على هذا السوال؟؟؟؟؟
المريخ ماشى يلعب فى المباريتين ,, بنظرية ريكردو الجبانة (الخندقة)
كما يقول عنها عراب الصحافة الرياضية المريخية,,
لذا لا اتوقع هدف للمريخ الا رحمة تجيه من الله؟؟؟
علاء بابكر يكون واقع جنب القون والكرة تجى راده
اما مباراة الصفاقس ,,كاس لا يضيعونه,,,
بس ما بتكون فيها اهداف كتيرة
اما 3 اهداف او 4 اهداف
|
Post: #16
Title: Re: المريخ يهزم الصفاقسى التونسى 4/1 وينتزع الكأس
Author: أبوالزفت
Date: 11-14-2007, 07:05 AM
Parent: #1
Quote: بالامس تحدث مدرب المنتخب السوداني ونائب مدرب المريخ ماذدا
في برنامج الرياضة وقال انو الارقام الكبيرة من الاهداف ما بتجي
في المباريات النهائية وقال انو المريخ يعمل على احراز الاهداف
وفي نفس الوقت يمنع ولوج الاهداف في مراماه.
وحدد 2/0 علي انهاء اعلي نتيجة
وإن شاء الله ربنا يكذب ظنك وتوقعك
ويهزم المريخ الصفاقسي هزيمة نكرا
ويذهب الي تونس سياحة وياتي بالكاس الي السودان
واتوقع إن شاء الله ان يهزم المريخ الصفاقسي 4/.
هذا توقعي ماذا تتوقع انت
أنا بشحع الهلال وما بكره المريخ وييييييييييييه |
وكذب ظن ماذدا واتت النتيجة كبيرة لكن علي المريخ
وخاب توقعي لانو كنت مقتنع انو المريخ ما بينهزم في امدرمان
لكن قدر الله وما شاء فعل واتمني من كل قلبي الفوز للمريخ
والعودة بالكأس الي السودان وطبعا راكوبة حا يطلع زيتنا لكن
كلو يهون لانو المريخ مقرون بالسودان.
ولو الله لا قدر انهزم المريخ بنشلع راكوب تمامة تمامة وقشة قشة
أنا بشحع الهلال وما بكره المريخ وييييييييييييه
|
Post: #17
Title: Re: المريخ يهزم الصفاقسى التونسى 4/1 وينتزع الكأس
Author: nazar hussien
Date: 11-14-2007, 07:22 AM
Parent: #16
دي امنية قلبها قوي جدا يا ادروب
الصفاقصي وفي سوسة...كمان
كل ما اخشاه ان ينهزم المريخ هزيمة كبيرة تمسخ علينا كل انتصاراتنا
وتشمت ناس ART علينا...ومن هسي دي نوع المباريات العصامية الشوالية
الدقيقة الخامسة والصفاقصي متقدم بهدفين...كيف لا وقد فعلها في امو دورمان
بالريد كاسيل كما يحلو لجماهير النجمة الحمراء...وقد فعلها نجمنا المتوج
بالقاهرة...اليوم هو كأسكم الثاني لتثبتوا جدارة النسور...ولتحلقوا بالكرة
التونسية عاليا مسيطرين علي كل اجواء القارة السمراء...
يا الله يا كبير والهدف الثالث...الليلة نحن موعودون بمهرجان من الاهداف...
لاعبوا المريخ يحتجون علي قرار الحكم...لا يا دوليين ...ما هكذا يتم الاحتجاج
علي قرارات الحكم...فانتم ستمثلون السودان في غانا وعليكم ان تتعلموا من
هؤلاء النسور وان كنتم قد علوتم عليهم درجة فاليوم يومهم وهذه هي كرة القدم
تعطي لمن يعطي ويبذل..
كارت اصفر لباولينو...للتمثيل...ومثله...للمدافع (خمنوا يكون منو)
لتعديل كلمة لمن: واضافة نتيجة المباراة:
أقل شيْ 6/1
|
Post: #19
Title: Re: المريخ يهزم الصفاقسى التونسى 4/1 وينتزع الكأس
Author: tmbis
Date: 11-14-2007, 07:25 AM
Parent: #16
Quote: يا رقم صفر النجم دا استهتر بالهلال واداهو تلاتة
بالله ركز معانا
المريخ مستهتر بيهو الصفاقسي |
الأخ اساسي :
أحي فيك الدقــة المتناهية ومتابعة الأحداث .. وسرعة بديهيتك ..
واتمنى ان ترفع معنا الأكف بالدعــاء للصفاقسي التونسي بتخطي عقبة المريخ العظيم ...
اتمنى ان تمدنا بخالص الدعــاء لنردد من خلفك ..
اللهم انصر الصفاقسي على المريخ العظيم .. اللهم مكنهم من عبور المريخ العظيم بي (خمسة لف) اقل حاجة..
كتبت مداخلتي هذه لقناعتي التامة بصدق نيتك وأنت توجه قلبك وكل افئدتك للمولى عز وجــل .. ويقيني إن المولى عز وجل لا يرد دعوة المظلوم .. فأنت يا أخي مغلوب (أربعة ) في بلدك في ظلم اكتر من كدا يا أخي...؟
أخونا نوريت ..
بلاي بعد دا كلو تطلع صهيوني ..؟
وكمان بتوزع مناشير في البورد ..؟
اربعة واحد يا نوريت .؟
ياخي إنت بتبالغ واللا شنــو؟؟
|
Post: #20
Title: Re: المريخ يهزم الصفاقسى التونسى 4/1 وينتزع الكأس
Author: abuguta
Date: 11-14-2007, 07:38 AM
Parent: #19
| Quote: كارت اصفر لباولينو...للتمثيل...ومثله...للمدافع (خمنوا يكون منو) |
ها ها ها ها ها
الله يقطع شيطانك يابو النيز
والله ياشوالى فهمك عالى,,,,
وفى اخر المباراة والمريخ بكون مهزوم 4/صفر
الشوالى يقول ويردد اشعاره بنتشاء
ياسود الجنوب هذا مريخ السودان,,هذا زعيم السودان وهذا سيد البلد,, فتت القطن وكبر الشباب,,واكل الدولفين وكور كوار,,ونطح الاسماعيلى,,,كيف فعلتم به هكذاالنسر الجريح,,
من اين للشوالى هذه المعلومات البعبعية الهلامية طبعا من اعلالم الضلال,,الم تكن تلك الصحيفة من قبل اكتشفت تزوير الكـــاف وتلك الخبطة التى عمت افريقيا
كيف لا يقراء الشوالى لهولاء وهم اعلام الكرة المريخية المسيطر,,,
|
Post: #21
Title: Re: المريخ يهزم الصفاقسى التونسى 4/1 وينتزع الكأس
Author: waw
Date: 11-14-2007, 08:38 AM
Parent: #20
المباراة صعبة لكن لعيبة المريخ سيدخلون المباراة ........
بضغط جماهيري اقل...............الصفاقص يدخل المباراة
والكأس في جيبه.........بهذا الفهم المريخ له رأي اخر في رد
الاعتبار.........
اتمني التوفيق للاعبين في المباراة.....
اللهم انصر الكرة السودانية ممثله في فريق المريخ..
|
Post: #22
Title: Re: المريخ يهزم الصفاقسى التونسى 4/1 وينتزع الكأس
Author: رقم صفر
Date: 11-14-2007, 11:55 AM
Parent: #21
اساسي
(قد) يفوز المريخ ،، وكما اسلفت ان قد هذه لان لا مستحيل في هذه الدنيا ، لكن اذا قررنا تحويل كلمة(قد) الي ارقام
وتحويلها الي نسبة مئوية (قد) تساوي
0.000000005%
اتوقع فوز الصفاقصي بنتيجة لا تزيد عن 2/صفر ، لانهم ح يكونوا خايفين من مشجعي النجم يقولوا ليهم (والله انت فزتهم بالبطولة لانكم قابلتم حمام ميت)......
قادينا طول الوقت حمام ميت ، تاريكم انتو طلعتو حمام ميت .....
اساسي ، رجاء ايقاف الدعوات رجاء ،عسي ولعل (قد ) دي تحقق ....
|
Post: #26
Title: Re: المريخ يهزم الصفاقسى التونسى 4/1 وينتزع الكأس
Author: هاشم نوريت
Date: 11-14-2007, 02:38 PM
Parent: #22
ياجماعة حتى لاتخلط الاوراق انا مامريخابى ولكن يوم 24/11 انا مريخابى حتى النصر ان شاء الله وقد يعتقد البعض ان الامر مستحيل ولكن حسب حساباتى ليس كذلك ولكننى مدرك بصعوبة المهمة ولكن ليس هنالك استحالة دعونا نعيش على الامل وعلى رجال المريخ فى المستطيل الاخضر ان يقدروا المسؤولية ان لم يستطيعوا انتزاع الكاس فنطالبهم بتمسيخة وذلك بكسب اللقاء ايجابيا ...لماذا لا نقتدى بالنجم الساحلى الذى بهدل الاهلى بين جمهوره وامام الواد حسنى مبارك
|
Post: #27
Title: Re: المريخ يهزم الصفاقسى التونسى 4/1 وينتزع الكأس
Author: فيصل نوبي
Date: 11-14-2007, 02:44 PM
Parent: #26
| Quote: ياجماعة حتى لاتخلط الاوراق انا مامريخابى |
أدروب ولوف
|
Post: #30
Title: Re: المريخ يهزم الصفاقسى التونسى 4/1 وينتزع الكأس
Author: هاشم نوريت
Date: 11-14-2007, 03:33 PM
Parent: #27
يانوبى نق كدا لما يوم24 عشان الكلام معاك وقتها يا ليك ياعليك
|
Post: #28
Title: Re: المريخ يهزم الصفاقسى التونسى 4/1 وينتزع الكأس
Author: EMU إيمو
Date: 11-14-2007, 02:47 PM
Parent: #22
الكوره مدورة
ودعواتنا للسودان في تونس
كما أشار رقم صفر
إنهزم إتحاد جده من جنبكو الكوري الجنوبي في جدة 3/1
في نهائي أبطال آسيا 2005
تمكن الإتحاد من رد الصاع صاعين ونصف عندما هزم خصمه
5/0 وعاد بالكأس
|
Post: #29
Title: Re: المريخ يهزم الصفاقسى التونسى 4/1 وينتزع الكأس
Author: هاشم نوريت
Date: 11-14-2007, 03:31 PM
Parent: #19
| Quote: ياخي إنت بتبالغ واللا شنــو؟؟ |
ياتمبس قول يارب ...............
|
Post: #31
Title: Re: المريخ يهزم الصفاقسى التونسى 4/1 وينتزع الكأس
Author: keiga2000
Date: 11-14-2007, 03:43 PM
Parent: #29
الاخ هاشم
ليس ببعيد لمريخ الانجازات والاعجازات
ونقول يارب خمسة بدل اربعة نقدر نتسدى واحده من خمسات الرشاشات البشجعو من بره ديلك
ابومصطفى
|
Post: #32
Title: Re: المريخ يهزم الصفاقسى التونسى 4/1 وينتزع الكأس
Author: هاشم نوريت
Date: 11-15-2007, 01:02 AM
Parent: #31
| Quote: ليس ببعيد لمريخ الانجازات والاعجازات |
نتمنى ان يتحقق هذا الحلم هذه المرة عشان نشوف نوبى يمشى وين
|
Post: #33
Title: Re: المريخ يهزم الصفاقسى التونسى 4/1 وينتزع الكأس
Author: هاشم نوريت
Date: 11-15-2007, 08:19 PM
Parent: #1
.
|
|