Post: #1
Title: حرب العدايل بدأت .. الأرباب يهاجم الوالي !!!!
Author: نادر محمد الراضي
Date: 11-13-2007, 01:51 PM
Quote: سيادة الرئيس المحبوب جمال الوالي .. اطال الله عمره .. ومتعه بالصحة والعافية وحفظه ورعاه .. لوحده .. يتحمل مسؤولية كل هذا الفشل الذي يعاني منه اليوم فريق المريخ لكرة القدم .. فهو الذي تعاقد مع الخبير الالماني العجوز اوتوفيستر ودفع له كل ما طالب به .. ولولا جمال الوالي لما قبل اوتوفستر ان يعمل مع المريخ واتوفستر بشهادة الجميع وطوال ايام عمله مع فريق المريخ ظل دائم الشكوي مما تفرضه الشريعه الاسلامية من ضوابط واحكام .. وقد إعتاد أن يجيء لكل مباراة وهو في حالة إنعدام الوزن .. ولعله لهذا ظل يعتمد علي معاونيه في كل شيء خاصة مازدا وفي مباراة الرجاء البيضاوي قيل انه رفع رأسه فجأة ونظر ناحية الملعب وسأل عن اللاعب الذي اضاع ساعتها فرصة مضمونة فقالوا له انه هيثم طمبل .. فقرر علي الفور إستبداله ..! وأظن ان الطريقة التي تخلي بها أوتوفستر عن المريخ وغادر البلاد تكشف بوضوح كيف كان يفكر هذا الرجل الذي وضح ان لا ولاء عنده للجهة التي عمل معها .. وترك موقعه والمريخ في ورطة امام الرجاء البيضاوي المغربي والصفاقسي التونسي وما ذنب مازدا ليتحمل ما سيحدث في المباراتين القادمتين .. وسيادة رئيس المريخ المحبوب جمال الوالي اطال الله عمره ومتعه بالصحة والعافية هو الذي سمح بمجيء باولينو وابالو للسودان (كتوابع) للخبير اوتوفيستر ولولا جمال الوالي لما استجاب لذلك احد في نادي المريخ ..! وباولينو كما وضح غير جاد في لعبه .. وأبالو .. الحمد لله ان مباراة المريخ مع الصفاقسي قد كشفته .. واكدت انه فعلاً (عم) كما تقول ذلك عنه جماهير المريخ وسيادة الرئيس المحبوب جمال الوالي اطال الله عمره ومتعه بالصحة والعافية هو الذي باعوا له الترام (اليجا) اللاعب المصاب .. العاجز عن تقديم اي شيء مفيد او نافع ومهندسا صفقة (اليجا) معروفين وهما من ابناء المريخ المخلصين كما يدعيان .. والشخص الثالث في العملية هو الذي اضاع مبلغ العشرين الف دولار .. وجاء ليقول انها سرقت منه في العربة التي كان يستعملها وسيادة الرئيس المحبوب جمال الوالي اطال الله عمره هو الذي جعل المريخ يتورط في صفقة تسجيل هيثم طمبل الخاسرة لان طمبل لم يقدم حتي اليوم المقابل المجزي للمريخ عن ما قبضه بالدولار .. وبسبب عملية تحويل هيثم طمبل من الهلال الي المريخ .. خسر المريخ لاعبه الممتاز علاءالدين يوسف الذي كان هو الضربة الموجعة التي سددها الهلال للمريخ رداً علي ضربة هيثم طمبل..!
وقد كان من المفروض بعد كل ما حدث ان يكون لرئيس المريخ المحبوب حساب وعقاب اذا اقتضت الضرورة .. لكن رئيس المريخ المحبوب لا أحد يحاسبه او يعاقبه .. أو يستطيع حتي ان يطلب منه الاستقالة .. لأنه يدفع من حر ماله لحل مشاكل المريخ ولتنفيذ مشروعات المريخ ولمساعدة المحتاجين في نادي المريخ وقد قلت مرات ومرات ان السيد جمال الوالي اصبح رئيساً لنادي المريخ لانه يملك المال ولولا المال الذي يملكه لما اسندت اليه رئاسة نادي المريخ لان المريخ في أي وقت محتاج في ادارته لمن يعتمد علي المال في حركته وعن من لديه الإستعداد ليتنازل عن المليارات دعماً لخزينة المريخ ..
ومن الطبيعي ان يكون الجميع كومبارس كما قال امين المال حسن عبدالسلام في خطاب استقالته .. لان الذي لا يدفع ليس من حقه ان يتحدث كما كان يقول المرحوم محمد احمد ملاح قطب الهلال الكبير.
لا أحد يطالب الرئيس المحبوب جمال الوالي بالاستقالة .. ولا أحد يستطيع ان يطعن في كفاءته وأمانته واخلاصه وتفانيه .. فالرجل يعمل كثيراً ويبذل كل جهده من اجل المريخ .. لكن التوفيق لا يحالفه .. |
الجمل الظاهر ما شايف عوجة رقبتو ....
|
Post: #2
Title: Re: حرب العدايل بدأت .. الأرباب يهاجم الوالي !!!!
Author: haroon diyab
Date: 11-13-2007, 02:13 PM
Parent: #1
نادر ياودالراضي
مساء الخير
| Quote: الجمل الظاهر ما شايف عوجة رقبتو .... |
والله يااخوي انا شايفك اليومين ديل حارق دمك في مواضيع مابتستاهل وبترد علي بوستات اقل مايقال عنها انها سخيفة عديييييييييييييييييييييييل كده . ياحبه الناس ديل ماعندهم هم في الدنيا الا يشوفوا المريخ ده مرمط زيهم في صفرهم الكبير ونحن والله جمال الوالي ده عاجبنا ... مش اكان اتغلبنا في ملعبنا ... لو طلعنامن الدور التمهيدي بالهوبا السورية مابنبدله ...يعني مابنبدله..... وخليهم يموتوا بغيظهم .... هم فاضين من الارباب عاوز قروشه... والبرير حجز علي الصالة.... والمعز متمرد.... وعمو ريتشارد قال شنو ماعارف ....؟ خلوا لينا والينا نحنا راضين بيه انشاء يسجل لينا لعيبة رواكيب عديل انتوا حارقكم وييييييييييين يارشاشات يامحليين .
وبرضو المحلي داخل عطبره
ويانادر .... قول معاي .... الوالي ... الوالي رئيس طواااااااااااااااااالي.
تحياتي
هارون دياب
|
Post: #3
Title: Re: حرب العدايل بدأت .. الأرباب يهاجم الوالي !!!!
Author: haroon diyab
Date: 11-13-2007, 02:14 PM
Parent: #1
نادر ياودالراضي
مساء الخير
| Quote: الجمل الظاهر ما شايف عوجة رقبتو .... |
والله يااخوي انا شايفك اليومين ديل حارق دمك في مواضيع مابتستاهل وبترد علي بوستات اقل مايقال عنها انها سخيفة عديييييييييييييييييييييييل كده . ياحبه الناس ديل ماعندهم هم في الدنيا الا يشوفوا المريخ ده مرمط زيهم في صفرهم الكبير ونحن والله جمال الوالي ده عاجبنا ... مش اكان اتغلبنا في ملعبنا ... لو طلعنامن الدور التمهيدي بالهوبا السورية مابنبدله ...يعني مابنبدله..... وخليهم يموتوا بغيظهم .... هم فاضين من الارباب عاوز قروشه... والبرير حجز علي الصالة.... والمعز متمرد.... وعمو ريتشارد قال شنو ماعارف ....؟ خلوا لينا والينا نحنا راضين بيه انشاء يسجل لينا لعيبة رواكيب عديل انتوا حارقكم وييييييييييين يارشاشات يامحليين .
وبرضو المحلي داخل عطبره
ويانادر .... قول معاي .... الوالي ... الوالي رئيس طواااااااااااااااااالي.
تحياتي
هارون دياب
|
Post: #4
Title: Re: حرب العدايل بدأت .. الأرباب يهاجم الوالي !!!!
Author: نادر محمد الراضي
Date: 11-13-2007, 02:34 PM
Parent: #3
حبيبنا هاروووون ...
لو سكتنا على كضبهم وإفترائهم حيزيدوا ...
فيها ويفتكرونا إنكسرنا وكان لابد من الرد ...
ليعرف كل واحد منهم يلزم جحره وكل عاقل يطلع شدرته ...
ووراااااهم حتى الكورااااااااااااك ...
وانا وراك بصرخ وأقول ( إستيم .. تفاح .. يا الوالي تيمك صاااااح ) ... 
|
Post: #5
Title: Re: حرب العدايل بدأت .. الأرباب يهاجم الوالي !!!!
Author: Rakoba
Date: 11-13-2007, 02:37 PM
Parent: #4
كتر خير الوالي الذي تنازل لهم عن " كلتشي" وإلا كيف كان سيكون الحال
وحقوا نهتف كما هتفت جماهير الهلال في ذات يوم
"الأرباب الكضاب"!
|
Post: #6
Title: Re: حرب العدايل بدأت .. الأرباب يهاجم الوالي !!!!
Author: waleed dawash
Date: 11-13-2007, 02:48 PM
Parent: #1
| Quote: وانا وراك بصرخ وأقول ( إستيم .. تفاح .. يا الوالي تيمك صاااااح ) ... |
ممكن اسعلكم سوعال؟
الموضوع ده بمناسبة انو الليله يوم 4/ذو القعده ؟
|
Post: #7
Title: Re: حرب العدايل بدأت .. الأرباب يهاجم الوالي !!!!
Author: تاج السر حسن
Date: 11-13-2007, 04:15 PM
Parent: #1
تبقى أن يعلن الأرباب رايه واضحا فى (مزمل ابو القاسم) وأن يقود حملة (من يدفع مليما واحده فى الصدأ .. يعتبر هلاليا خائنا) .. وعندها سوف يسانده أكثر من 90% من الهلالاب، فاجماع الهلالاب كلهم على رجل واحد لم يحدث حتى للمرحوم (الطيب عبدالله)، فالهلال لا يعشقه من يعبدون الرجال أو المال!!
|
Post: #8
Title: Re: حرب العدايل بدأت .. الأرباب يهاجم الوالي !!!!
Author: نادر محمد الراضي
Date: 11-13-2007, 09:43 PM
Parent: #7
الأرباب لا يستطيع غير أن يقول رأيه ...
ولكن أن يتبعه 90% من الهلالاب فهذه أشك فيها ...
وديسمبر ما بعيد وستتأكد ونتأكد من هذه النسبة الخيالية ...
تخريمة :
والله إتجدعتا يا مزمل ... كل الهلالاب يحسدونا عليك ...
|
Post: #9
Title: Re: حرب العدايل بدأت .. الأرباب يهاجم الوالي !!!!
Author: منتصر الامين
Date: 11-13-2007, 10:12 PM
Parent: #1
الوالو والينا ورئيس نادينا
والعايز يبقى زيو يتبع دربو
بره الموضوع :
يعنى الحمله الانتخابيه القادمه للارباب
ليس الاستاد العالمى ولا اذاعة الهلال
انما مقاطعة (الصدى) ،،،،،
|
Post: #10
Title: Re: حرب العدايل بدأت .. الأرباب يهاجم الوالي !!!!
Author: yasir Abdelgadir
Date: 11-13-2007, 10:54 PM
Parent: #9
من حقو انو يلفت نظر عديلو..خايف عليهو..بعد ما كب قروش الدنيا كلها في مريخ السجم
دا والحال في حالو والوصيف لم يتزحزح قيد انمله..بعد الدفر دا كلو شيئ حكام وشيئ
اتحاد......ومافي فايدة ...... خمسة سنوات بدون حصاد....كفاية...احنا ذاتو
زهجنا...حتي
الدوري الممتازمسخ علينا....منافسة ذاتو مافي....دا شنو دا
|
Post: #11
Title: Re: حرب العدايل بدأت .. الأرباب يهاجم الوالي !!!!
Author: haroon diyab
Date: 11-14-2007, 06:27 AM
Parent: #10
ياسر
صباح الخير
كدي انجيك واحدة ....وواحده....!
| Quote: من حقو انو يلفت نظر عديلو..خايف عليهو..بعد ما كب قروش الدنيا كلها في مريخ السجم |
هو احسن ليه يعمل حسابوا الاول قريشاتو مشت وين ولاجحا اولا بلحم توره مع هلال الرماد ده.
Quote: دا والحال في حالو والوصيف لم يتزحزح قيد انمله..بعد الدفر دا كلو شيئ حكام وشيئ
اتحاد......ومافي فايدة |
الوصيف ذي ماقلته في حاله ... انت الماوصيف ده عملته شنو ....؟ حتقول لي غلبنا الاهلي 3/صفر .... ياخي الفيلم ده دخلناه قبلكم بسنين والاهلي زاتوا طلع حمام ميت الاتغلبت في النهائي وفي بلدوا وامام رئيسه 3/1 بس برضو هو اخير منكم وصل النهائي يارشاشات
| Quote: الدوري الممتازمسخ علينا....منافسة ذاتو مافي....دا شنو دا |
وانتوا عندكم حاجة غير المحلية المرجعاكم مئة سنة لوراء .... خليكم في محليتكم وصفركم الكل يوم بيكبر ....!
وبرضو المحلي داخل عطبرة
وبرضو الوالي ضروري....... قرار جمهوري.
ياالارباب ياكضاب
تحياتي
هارون دياب
|
Post: #12
Title: Re: حرب العدايل بدأت .. الأرباب يهاجم الوالي !!!!
Author: yasir Abdelgadir
Date: 11-15-2007, 00:58 AM
Parent: #11
صباح النور يا هارون
| Quote: هو احسن ليه يعمل حسابوا الاول قريشاتو مشت وين |
انت ماعندك خبر انو بشيل قروشو اول بأول...انت ماقاعد تقرأ الصدأ ولا شنو
| Quote: انت الماوصيف ده عملته شنو |
كل سنة بشيل كاس الممتاز.... ومابلعب مع حمام ميت
|
Post: #13
Title: Re: حرب العدايل بدأت .. الأرباب يهاجم الوالي !!!!
Author: haroon diyab
Date: 11-15-2007, 05:53 AM
Parent: #12
ياسر
صباح الخير
| Quote: كل سنة بشيل كاس الممتاز.... ومابلعب مع حمام ميت |
الحمد لله اعترفت براك مازمان قلنا ليكم خليكم في محليتكم دي والممتاز البتشيلوه ب8/صفر علي الخرطوم باااااااااااااااع..... دي نحنا ماشغالين بيها ... عارف ليه ....؟ لاننا اكبر من كده.
وبرضو المحلي داخل عطبره .
تحياتي
هارون دياب
|
Post: #14
Title: Re: حرب العدايل بدأت .. الأرباب يهاجم الوالي !!!!
Author: نادر محمد الراضي
Date: 11-15-2007, 06:36 AM
Parent: #13
صباااااااحكم خير ...
بإذن الله السنة دي حيطلعوا ميطي ...
لا ممتاز ولا كأس السودان ...
|
Post: #15
Title: Re: حرب العدايل بدأت .. الأرباب يهاجم الوالي !!!!
Author: abuguta
Date: 11-15-2007, 06:53 AM
Parent: #14
Quote: صباااااااحكم خير ...
بإذن الله السنة دي حيطلعوا ميطي ...
لا ممتاز ولا كأس السودان ... |
كلامك دا يازول بتنكروووووووووا يوم 29/11
المريخ سيلعب لفرصة واحدة فقط
عارفها شنو,,,والله مزمل ظاتو بتكون فائتة عليه
دى اول فرصة اشوفها فى حياتى,,,
معقولة بس ناس بتعلب عشان تغلب عشان تعاد المباراة
بذمتك دى يقولو عليها شنو,,
دى مش زى لحسة الكوع دى...زى الكاس المحمولة جوا
يوم 24/11
قروش الوالى دى لو انفقها على مشروع الجزيرة لصبح والى عليها
مش والى كلام ,,,
|
Post: #18
Title: Re: حرب العدايل بدأت .. الأرباب يهاجم الوالي !!!!
Author: على محمد على بشير
Date: 11-15-2007, 08:41 AM
Parent: #14
Quote: ومن الطبيعي ان يكون الجميع كومبارس كما قال امين المال حسن عبدالسلام في خطاب استقالته .. لان الذي لا يدفع ليس من حقه ان يتحدث كما كان يقول المرحوم محمد احمد ملاح قطب الهلال الكبير.
|
يانادر
انتا متاكد ميه فى الميه انو الارباب فى الجزئيه دى
بيتكلم عن جمال الوالى ما عن نفسه !
|
Post: #17
Title: Re: حرب العدايل بدأت .. الأرباب يهاجم الوالي !!!!
Author: محمد البشرى الخضر
Date: 11-15-2007, 07:47 AM
Parent: #13
| Quote: دي نحنا ماشغالين بيها |
يا راااااجل
أبدا وحاتك .ورينا عليك الله
| Quote: لاننا اكبر من كده. |
ها ها ها ها ها هااااااااااااااي
كح كح كح
هااااااااااااااااااااهااااااااااااي
قلت لي اكبر من شنو
ههههههاااااااااااااااههههي
آآآآآآآآآخ نننننننننف
هاهاهاهاها
أستغفر الله العظيم
هارون ياعمك
ياخي بالطريقة دي بتكتل ليك زول
|
Post: #16
Title: Re: حرب العدايل بدأت .. الأرباب يهاجم الوالي !!!!
Author: ود المايقوما
Date: 11-15-2007, 07:36 AM
Parent: #1
Quote: معقولة بس ناس بتعلب عشان تغلب عشان تعاد المباراة
بذمتك دى يقولو عليها شنو,, |
ابقوتة الجميل :
من زمان نحن بنقول دهـ اتحاد الخرمجة
والمفروض نغلبك ونشيل الكاس ..
بس
جهز حالك يوم 29/11
ويوم 2/12
والكاس
كاسنا
والتحية للجميع
|
Post: #19
Title: Re: حرب العدايل بدأت .. الأرباب يهاجم الوالي !!!!
Author: yasir Abdelgadir
Date: 11-15-2007, 12:21 PM
Parent: #16
| Quote: دي نحنا ماشغالين بيها ... عارف ليه ....؟ لاننا اكبر من كده |
اكبر من كدا قدر كيف يعني ....القطن.....ولا الشلف......ولا كوارا
انتو لسه موهومين
بعدين بالله سيب عطبرة في حالها....اناما بتحمل هظار فيها
|
Post: #20
Title: Re: حرب العدايل بدأت .. الأرباب يهاجم الوالي !!!!
Author: نادر محمد الراضي
Date: 11-15-2007, 01:26 PM
Parent: #19
يا عمك ياسر ...
تحب أذكرك البوليس الزنزباري ولا الزمالك الحمام
بعدين لا الترجي ولا حتى أسيك ياهم البنعرفهم ...
لإنو لو كانوا بقوتهم .. كانوا فرتقوكم وشطبوكم من ...
الإتحاد الأفريقي ظاااااتو ... خليكم مع الميرغني والخرطوم 8 ...
|
Post: #21
Title: Re: حرب العدايل بدأت .. الأرباب يهاجم الوالي !!!!
Author: yasir Abdelgadir
Date: 11-15-2007, 04:29 PM
Parent: #20
ياعمو
Quote: بعدين لا الترجي ولا حتى أسيك ياهم البنعرفهم ...
لإنو لو كانوا بقوتهم .. كانوا فرتقوكم وشطبوكم من ...
الإتحاد الأفريقي ظاااااتو |
لم يهزمنا احد بالاربعات منهم في عقر دارنا....ركز ياخي في مصايبك الجاية وربنا يفرج همومكم
|
|