Post: #1
Title: مــازدا ده راسو كبر ... ولا مزمل قاعد ليهو فوق رأي ؟؟؟؟
Author: Elhadi
Date: 11-12-2007, 03:10 PM
مازدا ده شكلو بعد وصول الفريق القومي لنهائيات أمم افريقيا
وبعد حديث (أوتو فيستر) الأخير والذي أشاد فيه بقدرات مازدا كمدرب
وذكر فيه بأن (مازدا) لا ينقصه إلا الجواز الأوروبي فقط أو كما قال !
وشكلو كده مازدا صدق وراسو كبر ...
وحسب صحيفة (مزمل أبو القاسم ) ... فقد صرح مازدا بالآتي :
Quote: مازدا بكل تاريخه مؤهلاته وخبرته ما يزال يعمل مع المدربين الأجانب.. هل ستواصل ذات الدور مع الألماني القادم بوكير؟!
عندما وافقت على العمل مع أوتوفيستر كان هذا في منتصف الموسم، وإحقاقا للحق ففستر افضل مدرب اجنبي عملت معه، ولا ابالغ ان قلت انه الافضل على الاطلاق فهو صاحب خبرة كبيرة جدا واكثر ما دفعني للعمل معه هو انه يملك خبرة بطولات كبيرة جدا واستفدت منه كثيرا فقد وضعنا خطة عمل واضحة وهو الوصول للنهائي وحققنا المطلوب ولكن اصلا انا مدرب المنتخب الوطني وجئت للمريخ بعد ان اخذ المسؤولون بالنادى الإذن من قادة الاتحاد الرياضى والاولوية دائما كانت للمنتخب وكنت اتفرغ لأداء الواجب الوطني عندما تكون هنالك التزامات وفي الموسم المقبل هناك بطولة الأمم الافريقية التي ستنطلق منتصف يناير والأولوية ستكون للمنتخب.
ولست بحاجة لأقول إنني مدرب متفرغ أو سأكون متفرغا للمنتخب الوطني في الاستحقاقات القادمة.
* بمعني أنك لن تواصل مع بوكير إن تم التعاقد معه؟!
حديثي واضح ولا يحتاج لشرح تفصيلي أكثر.
|
http://alsadda.net/hawar.html
صحي مازدا مدرب مجتهد وممتاز على صعيد المدربين الوطنيين ويمكن يكون أحسن واحد فيهم
وفوق ده وده راجل مخلص للمريخ وما فيهو أي كلام من الناحية دي ..
لكن ...
يبقى بوكير ( ألمااااااني ) وخبير أجنبي بكل ما للكلمة من معنى
ودرب في دوريات عديدة وقوية وتعامل مع مدارس تدريبية مختلفة وفكر كروي متقدم
وهو الشيء الذي لم يتاح لمازدا إلا لماماً ربما
وبعدين مازدا عمل مساعد مدرب لمدربين أقل سمعةً وإنجازات من بوكير
فالجديد شنو يعني ؟؟؟
أو يكون (مزمل) صاحب الصحيفة الجابت كلام مازدا في الوقت ده قاعد ليهو فوق رأي !!!
الزول ده كان ما قرعوهو حا يفرتق المريخ
|
Post: #2
Title: Re: مــازدا ده راسو كبر ... ولا مزمل قاعد ليهو فوق رأي ؟؟؟؟
Author: محمد عبدالرحمن
Date: 11-12-2007, 03:19 PM
Parent: #1
| Quote: صحي مازدا مدرب مجتهد وممتاز على صعيد المدربين الوطنيين ويمكن يكون أحسن واحد فيهم |
ياالهادى ..انت الكلام الفوق دا جبتو من وين ..مازدا
لاعب ذو مقدرات محدودة ومدرب فاشل ..انا ماعارف البخليهو
مدرب لى اسى للفريق القومى شنو ؟!..شداد دا لو جاب احمد بابكر
اذا لابد من مدرب وطنى بكون افضل ليهو من مازدا ..او حتى الود
(التفتيحه) الديبة بكون افضل ..
غايتو ارزاق ..
|
Post: #4
Title: Re: مــازدا ده راسو كبر ... ولا مزمل قاعد ليهو فوق رأي ؟؟؟؟
Author: Elhadi
Date: 11-12-2007, 03:39 PM
Parent: #2
محمد عبد الرحمن :
أحمد بابكر ده ياتو ده بتاع الناشئين داك ولا واحد غيرو ؟؟؟؟؟؟
ياخي ده كلمتين على بعض ما بعرف يقولهم يدرب شنو ...
على الأقل مازدا راجل مؤهل بمعنى الكلمة ... لكن أحمد بابكر ده درب وين ؟؟
أقصى حاجة ممكن يدرب فريق الموردة ! ويكون باااالغ وما خلى حاجة
غايتو البركة في فريق "الناشئين" الزمان داك هم العملوا لي أحمد بابكر ده اسم
(وهم بالمناسبة زاتم ما كانوا ناشئين ولا حاجة .. أقل واحد فيهم 26 ـ 27 سنة )
|
Post: #3
Title: Re: مــازدا ده راسو كبر ... ولا مزمل قاعد ليهو فوق رأي ؟؟؟؟
Author: hatim ibrahim
Date: 11-12-2007, 03:32 PM
Parent: #1
..
( مازدا ) و ( مزمل أبو القاسم ) كل في مجاله ..
الاثنين بس عندهم شوية ( شجاعة أدبية )
وطلعوا المسرح
لكن البيعملوا فيهو
لو ناديت أٌقرب زول يقابلك
ممكن يطلع أحسن منهم ..
ومشي أمرك يا قدر ..
..
|
|