لك الله يا.. رئيس وزراء جمهورية مصطفى سيدأحمد الشعبية..

Quote: أو.. حتى زمارة بوص.. مشروخة.. معذرة..

Quote: قاسم المهداوى . تاريخ التسجيل: 26-11-2004 مجموع المشاركات: 2370 دردشه على خفيف مع جمعه اسماعيل ادم عازف الساكسفون والصولست بفرقه مصطفى سيد احمد بالصور للحياه نونان نون الفن ونون الفنان ليست الاغنيه كلمات والحان واداء : فللموسيقى دور وجمعه اسماعيل احد الذين تركوا بصمه مضيئه فى الحان الاستاذ مصطفى سيد احمد عم جمعه ممكن نعرف الناس بيك جمعه اسماعيل ادم عارف ساكسفون صولست بفرقه مصطفى سيد احمد ورئيس الفرقه قبل مصطفى كنت وين ؟ كنت بسلاح الموسيقى بام درمان اول لقاء مع مصطفى قابلته كيف والكلام الدار بينكم ؟ اول مره جانى عازف طبله مع مصطفى سيد احمد اسمه فيصل بركيه وقال لى مصطفى سيد احمد عايزك تجى تشتغل معانا فى الفرقه ورسلنى ليك لم اذهب لان فى بعض العازفين قلوا ان التعامل مع مصطفى صعب من الناحيه الفنيه للمره التانيه رسل لى ايضا فيصل بركيه ذهبت اليه كان ثالث ايام عيد الفطر ( رمضان)عام 1978 فى بيته فى حى الديم الخرطوم وجدت الفرقه بتستعد للسفر خارج الخرطوم عندهم ارتباط ( حفله) كان اعضاء الفرقه منو يا عم جمعه ؟ فيصل فلت وعثمان عبد الله (ساكس )والفاضل بركيه اكورديون والمرحوم جمال هاشم بيز جيتار وصدسق جوهر جيتارست الشيخ صالح كمان واخرين لم اتذكرهم قابلت مصطفى وبعد السلام والضيافه طلب منى ان اذهب معهم ولكنى اعتزرت لان فى عازف ساكسفون وممكن وجودى يكون محرج اخذت مواعيد من مصطفى وقابلته فى المنزل سالنى عن امكانيه التعاون معه وقال لى يا عم جمعه انا كنت منتظرك من زمان ورسلت ليك انا شرحت ليه سبب تاخيرى وقلت ليه ان فى بعض العازفين قالو ان التعامل معاك صعب جدا مصطفى قال لى انت خليك معانا ولى قدام حتعرف من تلقاء نفسك ان التعامل صعب ولا سهل شرحت ليه انى لا اختلف معاه فى اى شى لا ماديات ولا مواعيد فقط الاختلاف ممكن ياتى بعدم الاحترام اول بروفه مع الفرقه يا عم جمعه؟ اول بروفه كان المتواجدين هم جمال هاشم و الفاضل بركيه وبكرى وعشيرى والشيخ صالح و صديق جوهر وعازف ايقاع من اولاد الصحافه وانا كنت على الساكسفون بهذه الفرقه بدانا حفلات وبعد فتره فى بعض العازفين اصابهم الملل لان البروفات كتيره وكمان العائد المادى كان ضعيف شويه جلسنا ومعى جمال هاشم ومصطفى لمعالجه القصور فى اعضاء الرفقه وجاء الينا عبد الرحمن حضره اكورديون واحمد جيلانى اورغ واسامه جنينه كمان وعمر الطيب طرمبيت وجراهام عبد القادر كمان وفتحى جيتارست وجمعه اسماعيل ساكس وعبد الله ود السجانه فلت وحمزه كمان و الرشيد كمان وعبد الله عازف الايقاع وجمال هاشم بيز جيتار طبعا معظم الموسيقيين كانو جدد وغير متمكنين ولكن مصطفى قال انا من صغار الفنانين وانتم من صغار الموسيقيين وممكن بى مجهودنا والتزامنا نخلق فرقه ممتازه يشار اليها بدانا بروفات بهذه الفرقه ولمده سنتين لم نحى حفلات فقط كنا مشغولين جدا بالبروفات وتجويد العمل الموسيقى كنت متواجد باستمرار مع مصطفى فى منزله بالديم وكثيرا ما كنا نتناول طعام الغداء كفرقه فى منزل مصطفى من جيبه الخاص ما كا بيسمح لينا نشاركه فى مساله القروش بالنسبه لى كنت من الشغل فى سلاح الموسيقى الى منزل مصطفى او فى بعض الاحيان اذهب الى منزل جمال هاشم كنت احضر لمصطفى وببرف معاه قبل البروفه الرئيسيه ودائما توجد ثلاثه اشياء هى البشكير والعود والمسجل لمده سنتين كنتو شغالين بروفات فى شنو ؟ وضاحه مريم الاخرى وجيده حاجه فيك عباد شمس نورا وطيبه ورحيل مريم الاخرى لوحدها اخذت مننا ثلاثه اشهر متخبيه وعجاج البحر وحسنك بديع مطر عز الحريق اخر حفله يا عم جمعه ؟ كانت فى قاعه الصداقه وغنى فيها مصطفى يا مطر عز الحريق رحله القاهره تم اختيار معاويه كمدير للفرقه وبعد حفله القاعه مصطفى سافر روسيا للعلاج بعد ثلاثه ايام عام 91 اتصل مصطفى وطلب الفرقه فى القاهره جئنا الى القاهره المرحوم جمال هاشم وجمعه اسماعيل وحضره واحمد جيلانى وخلف الله وعبد الله فلت واسامه جنينه وعمر الطيب والرشيد وسليمان سيسى وعادل السخيل اقمنا بعين شمس وكانت البروفات فى نفس الشقه اقمنا حفلات وكانت ناجحه جدا فى مسرح البالون والسامر والبواخر النيليه وكذلك فى الاسكندريه رحله ليبيا فى ليبيا غنى مصطفى كل الاغانى الكانت ممنوعه فى السودان نورا رحيل طيبه مطر عز الحريق ول مره تغيب فيها من البروفه ؟ انا تاخرت فى الحضور ولما وصلت منزل مصطفى وجدت كل العازفين مشغولين بى تاخيرى وسالنى مصطفى تاخرت مالك يا عم جمعه ما من عوايدك ذكرت له ان ابنتى هناء توفيت وكنت بالمقابر اصر مصطفى على القاء البروفه وبعد اصرارى على عدم الالقاء تمت االبروفه ومصطفى كان حزين جدا بعد العوده من ليبيا الحصل شنو ؟ بعد العوده من ليبيا سافر مصطفى الى دوله قطر وتعب شويه وغادرت الفرقه الى السودان وانتظرت انا ولكن توفى مصطفى رحمه الله عليه وانقطعت انا من غناء مصطفى ممكن نعرف صابر عبد الهادى جاء اليك كيف ؟ صابر فى المره الاولى لم يجدنى وساب لى وصيه مع ناس البيت فى المره التانيه اقصد تانى يوم جاء ووجدنى وعرفنى بى نفسه وذكر لى انه من المعجبين بالاستاذ مصطفى وذكر انه بيغنى اغانى الاستاذ واتفقت معاه على عمل البروفات اول مره مع صابر كانت مزيقه الحوارى ؟ فى ذات اللحظه سقطت دمعه من عينى عم جمعه لحظتها اكتشفنا كم هذا الشخص مرتبط الى هذا الحد بمصطفى واغنياته البروفه كانت صعبه جدا لانى منذ وفاه مصطفى لم المس هذا الساكس ليه يا عم جمعه مافكرت تعمل فرقه للاداء الموسيقى لاغنيات مصطفى فقط؟ فكرنا بعد سفر صابر ولكن الصعوبه فى وجود عازفين متفرغين التابين لمصطفى هل انت راض عنه ؟ والله ما بالمستوى المطلوب لكن السنه دى انشاء الله ممكن نكون فرقه كويسه والتابين يكون افضل من السنوات السابقه خاصه العام السايق ذكى خالد عازف الاكورديون قال ان طلبه النيلين احتجوا على عازف الساكس لان اللزمه الموسيقيه ناقصه فى احدى الاغنيات ده معناه يا عم جمعه انت جمهورك ما زال منتظر فهل من الممكن تكون فرقه للموسيقى فقط؟ نحاول بهذه الفرقه فرقه التابين اننا نكون متواجدين فى الختام خالص التعازى لاسره وزوجه المرحوم جمال هاشم وربنا يرحمه ويصبرنا على فقده ملحوظه الشكر اجزله للاخت والصديقه العزيزه جدا يمنى احمد قوته على المساعده فى انزال واضافه الصور بعد ان تعزر على فعل ذلك لك الشكر

(عدل بواسطة Saber Abdelhadi on 11-15-2007, 08:20 PM)