عد كم عنوان بهذا الاسم في الصفحة الاولى للبورد. "الهندي عز الدين"

انه لعمري جنون الارتياب

ولقد نجح الرجل وايم الله في كسب الحسنات

.....

يا اخوانا صحفي حيعمل شنو؟ هم قال ليكم ناس الهيئة القومية للاتصالات ديل راجين اوامر من الهندي ولا غيرو.

بالله كفاية لت وعجن بالبوست دا زاتو

alhindi ezldeen

بالانجليزي

انتئ شايفة شنو ؟؟؟

اصلك ما عندك مواقف واضحة ؟؟؟

نداء لكل الشرفاء للتوقيع لحماية الممنبر من عصابة الإنقاذ]

Quote: اصلك ما عندك مواقف واضحة ؟؟؟

دي باللون البمبي؟

Quote: يا اخوانا صحفي حيعمل شنو؟ هم قال ليكم ناس الهيئة القومية للاتصالات ديل راجين اوامر من الهندي ولا غيرو.

راينا قلناهو يا عاصم ومن اول يوم وفي بوست سيد الوجعة الاول والموضوع الان ما عندو علاقة برايي.

فدوى الشريف
تحياتي..

Quote: عد كم عنوان بهذا الاسم في الصفحة الاولى للبورد. "الهندي عز الدين"

الهندي عز الدين كيتاً للشيوعيين..؟

عافي منو..


هو رأي الهندي عزالدين فوق الأوباش ديل رأي نصاح..
خج بخصتهم خج..
وجاب آخرهم في حكاية تقبل الرأي والرأي والآخر..


عافي منو..


قال الحرية ليهم ولسواهم..

انتو بتخدروا فينا ولا شنو ؟

ما قبل كده حجبوا الموقع ده بي سببو


شنو الهيئة القومية ما حا تشتغل بيه


زمان اشتغلت بيه ليه ؟

Quote: انتو بتخدروا فينا ولا شنو ؟ ما قبل كده حجبوا الموقع ده بي سببو شنو الهيئة القومية ما حا تشتغل بيه زمان اشتغلت بيه ليه ؟

نحن منو يا الشفت
وانا ما عندي خلفية عن الواقعة الذكرتها ممكن تقولها لي
الهيئة القومية للاتصالات عندهم لجان وتنظيم. ولو قالو ليك زي الهندي دا بقدر يخليهم يحجبو الموقع دا ما تصدق.
كلنا ضد دعوة الهندي لحجب الموقع. وضد البذاءات برضو. بس دا ما حل

تحياتي يا وليد

Quote: شنو الهيئة القومية ما حا تشتغل بيه

والله يا وليد إذا إشتغلو بيهو يطلع الهندي زول رأي..
والرأي قابل للأخذ والرد..
يعني الرأي والرأي الآخر..

وواجب سيد الرأي نحو القراء أن يكلمهم بصدق..
لا مستغفلاً عقولهم..
عشان نقده يكون بإخلاص..

والهدف هو للحوار الهادف..
لا القيح المغلف واجهة المنبر..






ولا شنو يا الواليد..؟

A.Razek Althalib

شكراً لك.

هنيئاً لك بالموقف المتفرد. بقليل من الخوف عليك

Quote: هنيئاً لك بالموقف المتفرد. بقليل من الخوف عليك

بل هنيئاً للهندي عزالدين لشجاعته في رأيه..




وهارد لك لمن يخالفونه..

Quote: لكاتب الاسلامي المحترم رحاب طة يكتب عن الهندي عزالدين .. ثم لا تكتبوا بعد ذلك !!!!!!! نقلا عن صحيفة الوفاق : رحاب طة قصتي مع المدعو الهندي عزي الدين .. كل الذين عرفناهم في الخرطوم منذ ان دخلناها بداية التسعينات يفتخرون بأصلهم وحسبهم ونسبهم الا واحد هو المدعو الهندي عز الدين.. فبينما يفتخر القادمون من الريف بان (فلان) من (القرير) وعلان من (مقاشي) ينكر الهندي أصله مع ان قرية (ام مغد) التي ينحدر منها هي احدي قرى الجزيرة الطاهرة. لكن عقدة الهندي التي لازمته منذ ان كان طالباً في ثانويات امردمان وحتى بعد ان اصبح كاتباً ، هي الانتماء للمدينة . مع ان الانتماء للمدن ليس شرفاً ، وقد عرف القراء (اللعوتة) عبر د., البوني وعرف القراء (الشرفة) عبر استاذنا المحترم حسين خوجلي.. لكن الهندي الذي كان (يتسكع).. في منتديات امدرمان حتى منتصف التسعينات بينما كان انداده من ابناء الحركة الاسلامية التي يدعي الانتماء لها زوراً وبهتاناً ، كان انداده من ابناء الحركة يقاتلون التمرد في الميل اربعين وفي وانكاي ورساي ، بينما كان المدعو الهندي يبحث عن ثغرة يتسلل اليها الي مكاتب الحركة الاسلامية وحينما تكاثرت الصحف في النصف الثاني من التسعينات ، دخل عليها الهندي بكل امراضه وعقده المزمنة ليجعل نهاراتها وامسياتها الي ليل حالك بالدسائس و (القوالات) ، لا يدخل على مجموعة تتحدث فيما يفيد الوطن ، الا ويظن انها تكيد له لانه يفكر دائماً بما في ذهنه تجاه الاخرين.. تعرفت عليه في مجال الصحافة قبل تسع سنوات وحينما بدأ ملاك الصحف يعرفونه على حقيقته ويتحاشون ان يعمل معهم كنت ارهق نفسي واهدر وقتي في التوسط لديهم حتى لا يعود للتسكع من جديد في منتديات امدرمان ، ظللت لمدة طويلة احاور استاذنا عادل الباز بان يكتب الهندي في صحيفة (الصحافة) ودائماً ما تقابلني صعوبة لان كل من تذهب اليه يقول ان الهندي يفسد اجواء الصحيفة التي يعمل بها لكنني كنت اقول لهم فليرسل الهندي عموده عبر الفاكس لكن ما ان يبدأ يكتب في صحيفة حتى يبدأ اثارة المشاكل ، لماذا يأخذ فلان هذا المرتب ولماذا يكتب علان في الصفحة الثالثة لان ما يجمعني بالاستاذ المحترم عادل الباز عشرة امتدت منذ بداية التسعينات ، فقد استجاب لطلبي وقبل بالهندي.. وبعد ان عكر اجواء الصحافة ولم يعد يطيقه احد هناك ذهبت الي ابن عمنا الاستاذ المحترم سيد احمد خليفة رئيس تحرير الوطن وطلبت منه ان يقبل بالهندي كاتباً معه رغم انه سبق ان عمل بالوطن لمدة شهرواحد وخرج منها.. وكعادة عمنا سيد احمد احتضنه بحنية وفتح له ابواب الصحيفة لكنه لم يحترم قدسية المهنة .. وكما يقول استاذنا اسحق احمد فضل الله ان هناك كتاب ما ان تعرف سيرتهم ، حتى تتقيأ .. فان حلقاتنا تمتد لكننا سنتجنب ما يتعارض مع ادب المهنة.. ما ذكره الهندي بالامس كذب صراح فقصة شقيقنا معتصم كالآتي جاءت ذات يوم الي منزلنا بالقرير عربة ضخمة وكنت وقتها صغيراً ولما جلس الضيوف الي والدي طالبين ابناءه متوكل ومعتصم لمهمة خاصة لم يرفض الوالد لكن طلب منهم ان يبقوا معه واحداً ووقع الاختيار على معتصم الذي كان واحداً من الذين أمنوا الثورة في بداياتها ورغم المهام الخاص التي كانت توكل له الا انه واصل دراسته في الجامعة الاسلامية وتخرج منها في كلية الاعلام قبل ان يعود سكرتيراً للتحرير ثم مديراً عاماً لصحيفة الوفاق يا تري اين كان الهندي حينما كان شقيقي معتصم واحداً من افراد الدفعة الاولى التي حمت الثورة&. في الحلقات القادمة غداً نواصل: * الهندي عز الدين ومكتب النائب الاول ** الهندي والانباء والعربة الجياد * الهندي ودعومات الزواج من ... وحتى سبدرات **الهندي والسعي لملحقيات الاعلام بالخارج

سلامات الأخت فدوى,

أولا أنت أضفت واحدا لعدد الواضيع التى تتحدث عن الباحث عن الأضواء هذا!!
لم نعب عليه رأيه والله لكن كيف يستقيم الظل والعود أعوج وفاقد الشئ لا يعطيه
إلا فى هذاالزمن البوار!!
أى حسنات تلك التى كسبها فقد جرد مما يستره وفُضح زيفه وذهب البعض يخوضون فى
تاريخه الشخصى,,,,,,,,,,لأنه يطرح نفسه كشخصية تهتم لشأن العامة منّا
الهندى عرف كيف يلفت الأنظار نعم ولكنه لم يحسبها جيدا وأن السهام قد ترجع و
ترتد وحينها سيحدث أكثر مما حدث!!
عندما تفعل فعلا غريبا فى وسط ميدان ملئ بالجماهير فلا تستغرب لو قذفوك بالطوب
خاصة إذا كانت فعلتك توجب ذلك وهذا المكان ملئ بالشماسة وأصحاب ردود الأفعال
السريعة حتى لا يفوت الحدث وكي لا يكررها مرة أخرى ولا يفكر غيره!!!

لم يفعل الهندى أكثر من(القوالة والصواتة) والصراخ للفت أنظار البعض حتى يعود
عليه ذلك ببعض من مجد يتوهمه وليس دفاعا عن أخلاق ومُثل كما يقول فكما أسلفت أختى
فاقد الشى لا يعطيه وليس الهندى ممن يختلف الناس حوله ودونك مقال الأستاذ الذى
يشهد له الجميع بحسن السيرة والأخلاق الأستاذ رحاب طه,

لا إختلاف حول أهمية أن يراقب الناس ألسنتهم وأقلامهم ويلتزموا آداب الحديث والنقاش
ولكن,,,, فليأتى ذلك ممن يملك تلك الخصال أيضا وليس الأفاقون وعديمى الأخلاق والمُثل.

تحياتى.

يا الهي فدوي الشريف (لاحظ المفارقة في الاسم ) وابورزقة في بوست واحد ، كل زول يخش البوست يحاسب علي جيوبه

وافكاره ، اوعي يتنشل ،،،،، اعملوا حسابكم

رقم صفر

Quote: يا الهي

ما قلتو لا إله والحياة مادة..




عافي منك يا الهندي عزالدين..

Quote: ما قلتو لا إله والحياة مادة..

يازول السرقة عرفناها كمان فيها كذب (خاف الله ) ، حتي التكفير بقي عندك ساهل كده ....


فعلا ، انت وفدوي ينطبق عليكم قول الرسول (ص) :اذا لم تستحى فافعل ما شئت .... حرامي وعينو قوية .....

فدوى سلامات

راجعي قضية محسن خالد ورواياته تجدين فيها الرد عن الحجب


يا فدوى كلنا ضد البذاءات ولو راجعتي مداخلاتي تجديني ضدها

لكن الرد عىلى الصفاقة ما بكون بالحجب

ولمن يقابلني كلب في الشارع
كونوا اني اغمض عيوني ما معناتا الكلب ده مافي


من كتب البذاءات معلوم معروف ومتواج
يحركوا في اتجاههة شكوى قانونية والقانون ياخذ مجراه
حتى سودانيز اون لاين ممكن يقدموا فيها شكوى

لكن التحريض على استغلال سلطة بدون الرجوع الى القضاء

دي همبته وقلت ادب زيها زي الكلام البذئ

سودانيز اون لاين يكتب فيه كثير من الشرفاء

هسع الهندي عز الدين ما خت البيض في سلة واحده
وقاعد يكتب انو الموقع ده مرتع للصاليك بدون ما يفرز

اشمعنا يعني
وهسع فرقته من ديك شنو

الهندى اخوان .. غايتوا الهندى عز الدين اتعين صحفى وهو قاعدى شهادة سودانيه ..
انتى اتعينتى كيف فى مجلس الوزراء

Quote: لكن التحريض على استغلال سلطة بدون الرجوع الى القضاء

معاك يا وليد
شكراً لك.