Post: #1
Title: صورة...آخر ..حبيباتي..و...(تنوم عين الشمس بالهم)
Author: mohmed khalail
Date: 11-11-2007, 06:03 AM
أمشي عليك..
عشان القاك..
تفوتني..بعيد..
ورا...العالم..
واستناك.
تنوم عين الشمس بالهم
واجيني الليل..
افرق خوفي منك في مسام الدم
إشد حيل القمر صبري..
وصبرت معاك.
وبس لمتين..وعاد فوق كم!!!
اشتت..للنجوم اسفي..
وإعود اضعاف علي الهم
وما انساك.
ــــــــــ
كل قصائدي حبيباتي واخرهن دائماً اقربهن الي قلبي..(وتنوم عين الشمس بالهم) اخر حبيبة
اسف ان كانت الصورة بدون الوان.
|
Post: #2
Title: Re: صورة...آخر ..حبيباتي..و...(تنوم عين الشمس بالهم)
Author: mohmed khalail
Date: 11-11-2007, 07:18 AM
Parent: #1
 فوق عشان صورة الحبيبة
|
Post: #3
Title: Re: صورة...آخر ..حبيباتي..و...(تنوم عين الشمس بالهم)
Author: هاشم أحمد خلف الله
Date: 11-11-2007, 07:27 AM
Parent: #2
| Quote: فوق عشان صورة الحبيبة |
محمد خليل وين الحبيبة دي !! في الخيال ولا في الأحلام ولأ في الحقيقة والعلن
انا غايتو معاك مستني ... غايتو بكائي جنس بكاء !!!
|
Post: #4
Title: Re: صورة...آخر ..حبيباتي..و...(تنوم عين الشمس بالهم)
Author: mohmed khalail
Date: 11-11-2007, 08:27 AM
Parent: #3
| Quote: غايتو بكائي جنس بكاء |
هاشم الحبيب
البكاء زاتو خشم بيوت...
غايتو البكا الحميد انا من انصارو للنهاية..
والحبيبة قدامك اوع تقول لي لسه ما شفتها..
يا راااااااجل..
يلزمك عدسات بعد ده يا هاشم
|
|