Post: #1 Title: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-09-2007, 11:03 AM Parent: #0
أديك سر خليك بعيد ماتستجيب لى دمعه خاينه اتمردت ماتراعى لى آهات وجع إتجددت بس تأكد روحى ترتاح تحتويك وتهدهدك وعيون تساهر تحرسك تتوسد الشقا والسهاد بس تسعدك وأديك سر خليك بعيد
مشتهيه لى مرقة عصر لفحة سفنجه وتوب صلاه وجرة كحل يابت تعالى ماشه وين يابت تعالى طايره وين جايه جايه يمه جايه واطير جرى الدمعه تسبق خطوتى جنك بكا غبيانه دى اهديك ورده مره حمراء ومره بيضاء ومره لا وأديك سر خليك بعيد
مشتهيه لى كم قصه أحكيهن وكت القى البنات اتلملمن أحكى وازيد لما الحكى يوصل مداه أحكى ويغيرن وانتشى شيئ من حقيقه ومن خيال كمين وشيئ وأديك سر خليك بعيد
Post: #2 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: غادة عبدالعزيز خالد Date: 11-09-2007, 02:28 PM Parent: #1
سلامات يا ياسر
بداية، قصيدة حجة آمنة من أجمل القصائد التي قرأتهافي الوقت الحديث قصية جميلة... بسيطة... معبرة... تدحل القلب مباشرة.. وبقيت بحب حاجة آمنة وعنيدة لله في لله نجي للأغنية، صوتك تعرف انه يعجبني جدا تجربة الغناء بالعود فقط بدون آلات كثيرة تظهر جمال صوتك وبه دوما ما أشعر شيء عذب لأنني قرأت القصيدة في البداية وظلت في ذاكرتي لمدة أكثر من العام فقد كان لا بد أن أعود أذني على أنها صارت قصيدة ملحنة لكن اللحن بعد أن تستمع إلى أول الكلمات يبدأ في التماشي مع القصيدة وروحها.. وبقيت أحاول كمان أغني معاك البيوت الجديدة شفت كيف
بالتوفيق يا ياسر، فأنت مجتهد فيما تفعل بالتوفيق يا حاجة آمنة، ويارب تكون هذه البداية ونسمع الكثير من قصائدك ملحنة وتغنى في كل المحافل
تخريمة
ياسر، مشروعنا القديم داااك كيف؟
مودتي غادة
Post: #7 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-10-2007, 08:57 AM Parent: #2
Quote: سلامات يا ياسر
بداية، قصيدة حجة آمنة من أجمل القصائد التي قرأتهافي الوقت الحديث قصية جميلة... بسيطة... معبرة... تدحل القلب مباشرة.. وبقيت بحب حاجة آمنة وعنيدة لله في لله
نجي للأغنية، صوتك تعرف انه يعجبني جدا تجربة الغناء بالعود فقط بدون آلات كثيرة تظهر جمال صوتك وبه دوما ما أشعر شيء عذب لأنني قرأت القصيدة في البداية وظلت في ذاكرتي لمدة أكثر من العام فقد كان لا بد أن أعود أذني على أنها صارت قصيدة ملحنة لكن اللحن بعد أن تستمع إلى أول الكلمات يبدأ في التماشي مع القصيدة وروحها.. وبقيت أحاول كمان أغني معاك البيوت الجديدة شفت كيف
بالتوفيق يا ياسر، فأنت مجتهد فيما تفعل بالتوفيق يا حاجة آمنة، ويارب تكون هذه البداية ونسمع الكثير من قصائدك ملحنة وتغنى في كل المحافل
تخريمة
ياسر، مشروعنا القديم داااك كيف؟
مودتي غادة
كالعاده كلماتك المباشره والنافذه يا غاده مريحه اخذها كالتيرمومتر لقياس مدى ترجمة اللحن للكلمات قصيدة حجه آمنه ملفته للنظر لبساطة الفكره والالفاظ ورسم صوره حقيقيه ومعبره شكرا غاده طبعا اخوك لسه دايش من الغيبه الطويله وشوية وقت واكون تحت امرك تحياتى للاسره الكريمه
Post: #3 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: Alsa7afa_30 Date: 11-10-2007, 00:05 AM Parent: #1
رؤية لحنية مختلفة و جديدة...!
Post: #8 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-10-2007, 09:08 AM Parent: #3
Quote: رؤية لحنية مختلفة و جديدة...!
الحبيب صحافه
حبيبنا صحافه دا الكلام البفتش فيهوذااااتو مختلفه كيف ؟ وكويسه والا كعبه؟ هل فيها اضافه لى والا خصم؟ ياريت تقول واكون سعيد جدا مهما كان رايك
Post: #13 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: Alsa7afa_30 Date: 11-10-2007, 01:43 PM Parent: #8
Quote: حبيبنا صحافه دا الكلام البفتش فيهوذااااتو مختلفه كيف ؟ وكويسه والا كعبه؟ هل فيها اضافه لى والا خصم؟ ياريت تقول واكون سعيد جدا مهما كان رايك
عارف من امبارح بعمل Tunning و ما قادر ألم في السلم ! أقبضو من هنا يزوغ من هنا
حاول سمعنا اللحن بالكيبورد عشان الصورة توضح أكتر ..
Post: #34 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-13-2007, 03:28 AM Parent: #13
Quote: عارف من امبارح بعمل Tunning و ما قادر ألم في السلم ! أقبضو من هنا يزوغ من هنا
حاول سمعنا اللحن بالكيبورد عشان الصورة توضح أكتر ..
السلم لا بيمول اوA فلات ياخ عندك عادل التجانى كلو الالات الوتريه تعطى تفاصيل اللحن اثر وضوحا كدى حاول تانى
Post: #4 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: altahir_2 Date: 11-10-2007, 01:49 AM Parent: #1
جميلة جميلة بشكل لا يوصف يا فنان يابديع شكرا د. ياسر مبيوع الفنان على هذا اللحن الجميل المبتكر ضياء ميرغنى
Post: #9 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-10-2007, 09:12 AM
يا سلام يا ضياء شكرا على الثناء رايك بهمنى شديد لانك ملحن مجتهد جدا وقادر تتصور اللحن حا يكون كيف بعد التوزيع الموسيقى
Post: #5 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: عمر سعد Date: 11-10-2007, 01:49 AM Parent: #1
حليل زمن الصبا الماضى وحليل زهر الحياة
حليلنا ..............
واللة ليك وحشة
Post: #6 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: هاشم أحمد خلف الله Date: 11-10-2007, 05:15 AM Parent: #5
رائع كعادتك يا مبيوع واتفق مع الأخت غادة احب ان استمع لصوتك وانت تعزف بالعود فمخارج الكلمات تبدو واضحة وجلية اما اللحن فحدث ولا حرج جميل للغاية ومؤثر ويتماشي مع الكلمات اينما ذهبت والتحية عبرك للشاعرة حجه آمنه .
Post: #15 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-10-2007, 11:14 PM Parent: #6
انت الاروع ياهاشم شكرا على التعليق الجميل
Post: #10 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-10-2007, 11:19 AM Parent: #5
عمر ماتشوف وحش مشتاقين
Post: #11 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: وليد محمد المبارك Date: 11-10-2007, 11:27 AM Parent: #10
تسلم يا استاذ
والله يا حاجة امنه يادوب الواحد ممكن يقشر بيك ويقول فردتو يامشهورة انتي
Post: #12 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: سلمى الشيخ سلامة Date: 11-10-2007, 12:32 PM Parent: #11
سلمى الشيخ طيب ما مشتاقين ما تقولى قاعده فى ايوا!! عشان حا ازعل من نفسى شدييييد وصيتك وقعت لى فى جرح والسكه بقت واضحه تسلمى
Post: #28 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: سلمى الشيخ سلامة Date: 11-11-2007, 02:46 PM Parent: #21
وقاعدة فى ايوا لكن محبوسة
وزهجانه زعلانه( منى) وحاسة بوحشة غريبة وبقيت ما عارفة اقعد وين ؟ السودان بقى اضيق من خرم ابرة وهنا اضيق من السودان شفت المعادلة دى صعبة كيف ؟ تحياتى لامال وباسل
Post: #38 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-14-2007, 05:29 PM Parent: #28
Quote: وقاعدة فى ايوا لكن محبوسة
وزهجانه زعلانه( منى) وحاسة بوحشة غريبة وبقيت ما عارفة اقعد وين ؟ السودان بقى اضيق من خرم ابرة وهنا اضيق من السودان شفت المعادلة دى صعبة كيف ؟ تحياتى لامال وباسل
دى معادله من الدرجه الرابعه عديل غايتو بالجد زعلان من نفسى
Post: #14 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-10-2007, 10:11 PM Parent: #11
شكرا ياوليد فردتك غاتسه من امس كدى شوفها مالا
Post: #16 Title: الاخ ياسر لك التحية Author: Ahmed Sharafeldin Date: 11-10-2007, 11:45 PM Parent: #1
الاخ ياسر لك التحية على هذا اللحن الجميل والشجى و على الكلمات النافذة, هذه هى المرة الاولى التى اعلق فيها على ادائك الغنائى واصدقك القول اننى كنت اود ذلك منذ حين. جميل هو الغناء بمصاحبة العود فهو يعطى الكلمات بعدا اخر يحس ولا يرى ويكفى ذلك عن عوف العود. غير ان ما دفعنى لكتابة هذه المداخلة عو شىء اخر, ان صوت الاخ ياسر يحيطنى باحاسيس متداخلة فهو من العمق بما يمنحك احساسا بالصرامة والجدية ثم فجاة يتحول كرفل النسيم على الاستار الناعمة وكانى به يمسك بلجام صوته بكلتا يديه. جميل هو الاستماع اليك اخى ياسر وفقك الله ونحن موعودون بالكثير القادم ان شاء الله
Quote: الاخ ياسر لك التحية على هذا اللحن الجميل والشجى و على الكلمات النافذة, هذه هى المرة الاولى التى اعلق فيها على ادائك الغنائى واصدقك القول اننى كنت اود ذلك منذ حين. جميل هو الغناء بمصاحبة العود فهو يعطى الكلمات بعدا اخر يحس ولا يرى ويكفى ذلك عن عوف العود. غير ان ما دفعنى لكتابة هذه المداخلة عو شىء اخر, ان صوت الاخ ياسر يحيطنى باحاسيس متداخلة فهو من العمق بما يمنحك احساسا بالصرامة والجدية ثم فجاة يتحول كرفل النسيم على الاستار الناعمة وكانى به يمسك بلجام صوته بكلتا يديه. جميل هو الاستماع اليك اخى ياسر وفقك الله ونحن موعودون بالكثير القادم ان شاء الله
اخى احمد انا سعيد بكلامك اضعه قلادة شرف على صدرى وحافزا يدفعنى للامام لتقديم الجديد دمت أخى وشكرا لك
Post: #17 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: عبدالله داش Date: 11-10-2007, 11:46 PM Parent: #1
ياسر
سلام يا أخضر
بالجد قصيدة حاجه آمنه دى فيها جمال وبساطه تعبير نادره بالفعل
قريتها الف وميه مره وما شبعت منها ...
لحن القصيده والأداء متروك لأهل الإختصاص
من زاويتى كمستمع فيها رؤيه جديده ولمسات نقلتنى إلى مطاف أعرفه وحدى
لك التحيه
Post: #18 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: mohmed khalail Date: 11-11-2007, 00:15 AM Parent: #17
ود مبيوع
لحن شجي وطروب واداء كالمعتاد يأثر الدواخل
يا سلاااااام عليك
وغادة بتسأل
Quote: مشروعنا القديم داااك كيف؟
وانا بقول ليك ابقى عشرة عليهو الزولة دي ما بجي من تحت راسها الا كل شي جميل
ومنتظرين..
ويا ريت لو فيها طلة لكليفورنيا
Post: #27 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-11-2007, 02:44 PM Parent: #18
Quote: ود مبيوع
لحن شجي وطروب واداء كالمعتاد يأثر الدواخل
يا سلاااااام عليك
وغادة بتسأل
Quote: مشروعنا القديم داااك كيف؟
وانا بقول ليك ابقى عشرة عليهو الزولة دي ما بجي من تحت راسها الا كل شي جميل
ومنتظرين..
ويا ريت لو فيها طلة لكليفورنيا
احساسك وتذوقك عالى كعهدى بك يا ابوحميد ومؤكد غاده لا يأتى منها الا كل جميل اتمنى زيارة كاليفورنيا منذ زمن وخصوصا عندما توغل هذه البقعة فى الشتاء دعنا نأمل خيرا تحياتى لك ولكل الاحباب بطرفكم
Post: #26 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-11-2007, 02:25 PM Parent: #17
Quote: ياسر
سلام يا أخضر
بالجد قصيدة حاجه آمنه دى فيها جمال وبساطه تعبير نادره بالفعل
قريتها الف وميه مره وما شبعت منها ...
لحن القصيده والأداء متروك لأهل الإختصاص
من زاويتى كمستمع فيها رؤيه جديده ولمسات نقلتنى إلى مطاف أعرفه وحدى
لك التحيه
اخى عبد الله القصيده فعلا كما قلت فى منتهى الجمال اماارجاعك لتقييم اللحن والاداء للمختصين ففيه الكثير من الوعى لكن رأى غير المختصين ايضا مهم على الاقل بالنسبة لى لانهم هم السواد الاعظم ممن اقدم لهم هذا العمل ارجو ان يكون قد مس فيك موضعا من الجمال وكان صداهاحسنا تحياتى وودى
Post: #19 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: Abomihyar Date: 11-11-2007, 00:23 AM Parent: #1
جميل يا ياسر جميل..
اتسآل عن جلسة الأستماع اليوم هل تم الأتفاق على قيامها؟؟
أرجو ذلك مع محبتي.
Post: #20 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: Abdel Aati Date: 11-11-2007, 00:35 AM Parent: #19
شغل جميل شكرا ياسر ..
Post: #22 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: ateif abdoon Date: 11-11-2007, 04:58 AM Parent: #20
سلمات يا ياسر يا فنان
سمعتك لاول مره مباشر في البالتوك وكنت مدهش
وفي حجه امنه مدهش
تعرف يا ياسر انا بتابع المسلسلات السودانيه عشان اغاني المقدمه والنهايه
بلقي نفسي فيها لي شئ انا ما قادر افهمو
وعملك دا بشبه الحاجات البلقاها جواي
ويلا غنو ولحنو
وكتروا الحاجات البتتخللنا من غير ما نعرف ليها سبب
بس لانها ابداع وكفي
Post: #31 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-12-2007, 03:00 AM Parent: #22
Quote: سلمات يا ياسر يا فنان
سمعتك لاول مره مباشر في البالتوك وكنت مدهش
وفي حجه امنه مدهش
تعرف يا ياسر انا بتابع المسلسلات السودانيه عشان اغاني المقدمه والنهايه
بلقي نفسي فيها لي شئ انا ما قادر افهمو
وعملك دا بشبه الحاجات البلقاها جواي
ويلا غنو ولحنو
وكتروا الحاجات البتتخللنا من غير ما نعرف ليها سبب
بس لانها ابداع وكفي
عاطف عبدون الزول اللطيف المتفرد كانت امسية البالتوك متفرده لانكم كنتم هناك اناس فى منتهى الرقى والذوق وكنت يومها فى ضيافة عبد الله وداعه الرجل الجميل وكانت للندن تلك المره نكهه مختلفه شكرا لك على اطلالتك المفرحه هنا وعلى استمتاعك
Post: #30 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-11-2007, 03:09 PM Parent: #20
Quote: شغل جميل شكرا ياسر ..
جمل الله ايامك يا عادل طفت نصف الكرة الارضيه خلال عام وتمنيت ان نلتقى فبيننا الكثير
Post: #29 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-11-2007, 02:50 PM Parent: #19
Quote: جميل يا ياسر جميل..
اتسآل عن جلسة الأستماع اليوم هل تم الأتفاق على قيامها؟؟
أرجو ذلك مع محبتي.
تسلم يا ابو مهيار وعذرا لتأخرى فى الرد جلسة الاستماع السبت القادم ان شاء الله موعدنا عندELTOM
Post: #23 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: هبة الحسين Date: 11-11-2007, 09:10 AM Parent: #1
إذيك يازول ..يافنان.. تحايا من الشارقة..
نعناعة ..وهبة
Post: #24 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: وليد محمد المبارك Date: 11-11-2007, 10:07 AM Parent: #23
Post: #33 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: hatim ibrahim Date: 11-12-2007, 03:24 PM Parent: #1
... مبيوع انت بتجيب الحاجات دي من وين ..
إبداااااااااااع والله ...
وبعدين ( مطنشنا ) كده مالك يا زلمي ..
تحياتي ،،، .
Post: #35 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: احمد العربي Date: 11-13-2007, 03:43 AM Parent: #33
جمال روعه
Post: #37 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-14-2007, 01:24 AM Parent: #35
Quote: جمال روعه
احمد العربى تحياتى وشكرى
Post: #36 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-14-2007, 01:23 AM Parent: #33
Quote: مبيوع انت بتجيب الحاجات دي من وين ..
إبداااااااااااع والله ...
وبعدين ( مطنشنا ) كده مالك يا زلمي ..
تحياتي ،،،
حااااتم رفيق الايام الصعبه الحاجات الحلوه دى من منبرنا ده بس محتاج تفتش وتبحت بعد إزاحة الغثاء والكلام المايل كنت حادى على الازرق والاحمر لكن اتجاوزت الازمه وبقيت متعود كمان تحياتى واشواقى
Post: #39 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: المكاشفي الخضر الطاهر Date: 11-14-2007, 05:37 PM Parent: #1
الاخ ياسر مبيوع السلام عليكم واسعد الله ايامك بالصحة والخير احب ان ارسل لكم عبر هذا الموقع تحيات الوالد فقد كان معي وجلسنا سويا فهو يقرءك السلام والتحايا وعبرك للموصلي وكل الاخوان فى البورد وخاصة فى امريكا
وهو الحمد لله بكامل الصحة والعافية
Post: #40 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-14-2007, 05:51 PM Parent: #1
تحياتى واحترامى اخى المكاشفى وللسيد الوالد اطال الله عمره وشكرا على ايصال التحايا والتى ستصل لكل من هم بطرفنا ولك هميم الود
Post: #41 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: محمد أبوالعزائم أبوالريش Date: 11-15-2007, 10:04 AM Parent: #1
مبيوع يا رائع ....
رائع دي ما عندها علاقة بالأغنية موضوع البوست .... لأني بحاول من يومين ما قادر أشوفها/ أسمعها .... وما دام الكل قدر يسمع يبقى المشكلة عندي أنا وعند جهازي
شوفوا لينا طريقة
Post: #43 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-17-2007, 06:17 PM Parent: #41
Quote: مبيوع يا رائع ....
رائع دي ما عندها علاقة بالأغنية موضوع البوست .... لأني بحاول من يومين ما قادر أشوفها/ أسمعها .... وما دام الكل قدر يسمع يبقى المشكلة عندي أنا وعند جهازي
شوفوا لينا طريقة
ابو الريش الفنان تحياتى لك ولكل اهل الدوحة الاعزاء ان شاء الله تكون شفتالاغنيه او جرب جهاز تانى عسى ولعل
Post: #42 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: bushra suleiman Date: 11-17-2007, 05:29 PM Parent: #1
مساء الانوار والحلم المساهر بالاسرار ، يا مبيوع صوتك ودندنتك المحببة وذوقك واختياراتك الجميلة ، التى منحتها من روحك .. هى التى تبعث فينا السكينة .. والصفاء.. والنشوة. محبتى لك
Post: #44 Title: Re: تجربة تلحين لقصيدة حجه آمنه أديك سر.. خليك بعيد (فيديو) وكان قلبك رهيف.. خليك بعيد Author: مبيوع Date: 11-24-2007, 10:11 PM Parent: #42
Quote: مساء الانوار والحلم المساهر بالاسرار ، يا مبيوع صوتك ودندنتك المحببة وذوقك واختياراتك الجميلة ، التى منحتها من روحك .. هى التى تبعث فينا السكينة .. والصفاء.. والنشوة. محبتى لك
مساء الخير ايها الشاعر الجميل سلمت يمناك يابشرى وعذرا فلم ارى ماكتبت سوى الآن كل الامنيات الطيبه
