Post: #1
Title: تسجيلات المريخ : بوست مكتوب من سنتين وما زال صالحا حتي الان
Author: yasir Abdelgadir
Date: 11-08-2007, 11:18 PM
هذا البوست كتبته قبل سنتين{او اقل عشان اكون دقيق } عن فشل تسجيلات نادي المريخ كل عام وان اعلامهم يعلم ذلك ولكن يمارس اسوأ انواع التضليل....لنقرأ او نعيد قراءة ماكتبت وماتنبأت به وماحدث الان فألي البوست:
|
Post: #2
Title: Re: تسجيلات المريخ : بوست مكتوب من سنتين وما زال صالحا حتي الان
Author: yasir Abdelgadir
Date: 11-08-2007, 11:22 PM
Parent: #1
| Quote: خواطر رياضيه.... استراحه خفيفه....وهدية العيد لاهل المريخ |
Quote: أول الغيث:
أول الغيث:
كل عام والجميع بخير....اجمل مافي العيد استراحه خفيفه من زحمة العمل والبحث العلمي الممل...فرصه قليله للنوم وللقاء بعض الاحبه الذين لم التقيهم من سنين..وجدت عند احدهم بعض الصحف السودانيه القديمه والحديثه فوجدتها فرصه لانعش ذاكرتي الرياضيه حيث انني لااحب السياسه ولااخوض كثيرا في الاجتماعيات لدواعي ندرة الوقت ....وجدت الكثير في الصفحات الرياضيه ومنها ما يستحق الكتابه عنه خاصه عن اهل المريخ وانتهزها فرصه طالما هناك بعض الوقت للتنغيص عليهم وذلك لتوفر الماده اللازمه خاصه وانهم لو توفر لديهم ربع ماهو مطروح في الساحه لاقلقوا مضاجعنا..عندما اخبرت صديقي عما وجدته في الصحف وعن خبث نواياي اقترح علي ان اكتب فقط في مجالي الطبي.... حيث انه من اهل القبيله الحمراء... ولكن عبثا يحاول فأنا في اجازه.... |
|
Post: #3
Title: Re: تسجيلات المريخ : بوست مكتوب من سنتين وما زال صالحا حتي الان
Author: yasir Abdelgadir
Date: 11-08-2007, 11:26 PM
Parent: #2
مكرر
|
Post: #4
Title: Re: تسجيلات المريخ : بوست مكتوب من سنتين وما زال صالحا حتي الان
Author: yasir Abdelgadir
Date: 11-08-2007, 11:29 PM
Parent: #3
Quote: لب الموضوع:
انا لاعب كره قديم{خرده}....تخطيت الثلاثين من العمر{عجوز يعني}.. ...لدي اصابات كثيره تمنعني من اللعب { ومعطوب كمان} دا غير امراض الزمان..{الله يعين}.....من جنسيه افريقه {صديقه}......لدي الرغبه الصادقه في ان احترف عندكم وحأكون عند حسن ظنكم........وأنا واثق انه اعلامكم ما حيقصر معاي وحايكتب عني من الصفات والمميزات ماليس في ساحر العصر القديم بيليه ولا في ساحر العصر الحديث رونالدينيو.....ويقوم جمهوركم يستقبلني من مطاركم الجميل ويشيلني {يعتلني يعني } و يحوم بي العاصمه كلها ولحدي مانصل دار الاتحاد عشان نوقع ...يقوم واحد شليق من جماعتكم يتذكر انو ماكشفوا علي طبيا { شكيتوا علي الله} ..والجماعه يقوموا يعتلوني تاني للمستشفي وقبل ما تطلع النتيجه {الانا عارفها سلفا وما بتغباني} اكون خمشت الفي النصيب من الاخدر ابو صلعه.....ولما تطلع النتيجه يكون الفاس وقع في الراس واكون سجلت واتجنست وقبضت وافي طريقة مخارجة...وقبل ما ينتهي الموسم وتقع الكارثة يتلفتوا يلقوني في مطار الخرتوم...{المره دي كداري وحياتكم }....واخر الكلام وسعوا صدركم....واصلوا دي ارزاق مقدره ومكتوبه.....وقبل ما امشي اخوي سمع بي قصتي ومصايبه اكبر من مصايبي... وجايي في الطريق ...عليكم الله ما تقصروا معاه..والبركه في اعلامكم المامضلل {حاشا لله}...ودعتكم الله. |
|
Post: #5
Title: Re: تسجيلات المريخ : بوست مكتوب من سنتين وما زال صالحا حتي الان
Author: yasir Abdelgadir
Date: 11-08-2007, 11:37 PM
Parent: #4
وختمت بالاتي
Quote: حاشيه:
مازال اهل المريخ في انتظار مخلفات اهل الهلال ليقتاتوا منها كالعاده ..خاصه وانه العيد ضحيه.. يعني اكيد الحصيله سمينه جدا... خصوصا وانه الخروف اجنبي...... |
|
Post: #6
Title: Re: تسجيلات المريخ : بوست مكتوب من سنتين وما زال صالحا حتي الان
Author: yasir Abdelgadir
Date: 11-08-2007, 11:41 PM
Parent: #5
والغريبة انو تسجيلات السنة دي برضو في عيد الضحية وناس المريخ كالعادة شيلين سكاكينهم من هسي في انتظار ماتيسر من صيد الهلال الثمين
ولا ماكدا يااحمد الريح...رأيك ياهندسة؟؟
|
Post: #7
Title: Re: تسجيلات المريخ : بوست مكتوب من سنتين وما زال صالحا حتي الان
Author: yasir Abdelgadir
Date: 11-08-2007, 11:43 PM
Parent: #6
مارأي الشفيفين فقط من اهل المريخ.....مش ناس هجمة وكجمة يالمريخ
|
Post: #8
Title: Re: تسجيلات المريخ : بوست مكتوب من سنتين وما زال صالحا حتي الان
Author: yasir Abdelgadir
Date: 11-09-2007, 09:37 PM
Parent: #7
يعايرونا بالشرميطي
واليوم الشرميطي افزع الاهلي وهزمه بدياره شر هزيمه بالتلاتة
|
|