Post: #1
Title: الكومندنتا ابوساندرا كويس
Author: فيصل محمد خليل
Date: 11-08-2007, 07:26 PM
الكومندنتا ابوساندرا كويس
بعد عودتي من العمل وجدت رسالة
من الرائع عبدرحمن بركات ابوساندرا
في الماسنجر تقول-
وحدة وطنية üzenete (2007.11.08. 10:49):
يافيصل يا لذيذ
وحدة وطنية üzenete (2007.11.08. 10:49):
انا كويس
وحدة وطنية üzenete (2007.11.08. 10:50):
أخدت الحقنة في العين وراقد في البيت
خبر سار موش ?
|
Post: #2
Title: Re: الكومندنتا ابوساندرا كويس
Author: Dr. Ahmed Amin
Date: 11-08-2007, 07:38 PM
Parent: #1
شكــــــــــــر كتير فيصل على الأخبار السارة
وربنا يكمل نعمة الشفاء على عميد البورداب
أبــــــو ســــــــــــــــاندرا
|
Post: #3
Title: Re: الكومندنتا ابوساندرا كويس
Author: Tragie Mustafa
Date: 11-09-2007, 02:55 AM
Parent: #2
الف حمدا على سلامة ابو ساندرا
ومشتاقين يا كوماندور البورد.
|
Post: #4
Title: Re: الكومندنتا ابوساندرا كويس
Author: حسن الطيب يس
Date: 11-09-2007, 04:49 AM
Parent: #1
الف حمدا على سلامة ابو ساندرا
ومشتاقين يا كوماندور البورد
|
Post: #5
Title: Re: الكومندنتا ابوساندرا كويس
Author: عبدالله
Date: 11-09-2007, 05:33 AM
Parent: #4
الف حمدا على سلامة ابو ساندرا
ومشتاقين يا كوماندور البورد
|
Post: #6
Title: Re: الكومندنتا ابوساندرا كويس
Author: HAYDER GASIM
Date: 11-09-2007, 06:13 AM
Parent: #5
أمنياتي للأخ أبوساندرا بالشفاء
وسلامة النظر ... فعودا حميدا .
وصديقي ... خليل , أتمنى أن تكون
كلمة { كومندنتا } معناها رفيق
وليس كومندان , وإن يتحد إلتباسهما
على لباس ... واحد.
... ومودتي
|
Post: #7
Title: Re: الكومندنتا ابوساندرا كويس
Author: AMNA MUKHTAR
Date: 11-09-2007, 04:35 PM
Parent: #1
أتمنى عاجل الشفاء للأخ ابو ساندرا..
ارجو يا أستاذ فيصل أن تبلغه سلامنا.
|
Post: #8
Title: Re: الكومندنتا ابوساندرا كويس
Author: فيصل محمد خليل
Date: 11-09-2007, 07:03 PM
Parent: #7
كلمة { كومندنتا } معناها رفيق
|
Post: #9
Title: Re: الكومندنتا ابوساندرا كويس
Author: فيصل محمد خليل
Date: 11-09-2007, 07:58 PM
Parent: #8
دكتور احمد امين
حبابك
كلامك حنوصلو الاستاذنا ابوساندرا
|
Post: #10
Title: Re: الكومندنتا ابوساندرا كويس
Author: شادية عبد المنعم
Date: 11-09-2007, 09:16 PM
Parent: #9
بالله يافيصل سلامي للصديق أبو ساندرا وقول ليهو بعافر ليك مكالمة من الزمن الصعب وبلغوا تحيات أزهري عباس وقول ليهو ديامة نحنا ياخ
|
Post: #11
Title: Re: الكومندنتا ابوساندرا كويس
Author: فيصل محمد خليل
Date: 11-10-2007, 08:39 AM
Parent: #10
الاخت تراجي
سمح
كلامك دا حنقولوا لبركات في اضانو
بصوت عالي
بس انتي تاني ما تخوفي لينا بناتنا الزغيرات
|
Post: #12
Title: Re: الكومندنتا ابوساندرا كويس
Author: Safia Mohamed
Date: 11-10-2007, 10:33 AM
Parent: #1
أستاذ فيصل شكرا على الاخبار السارة جدا دي
Quote: الف حمدا على سلامة ابو ساندرا
ومشتاقين يا كوماندور البورد. |
غايتو يا تراجي انا اقتبستها منك
وبعد داك قعدت افتش في معناها:
Quote: بالعربيه (Arabic) :وماندوتعني:
(الاسم) جندي مغوار (مغاوير)
لغة:
Comando:
A small fighting force specially trained for making quick destructive raids against enemy-held areas.
A member of such a force.
An organized force of Boer troops in South Africa.
A raid made by such a force.
اصطلاحا: في Wikipedia
: commando
In military science, the term commando can refer to an individual, a military unit or a raiding style of military operation. In certain contexts, the term "commando" is synonymous with elite light infantry or special forces.[/
However, they should be distinguished from special forces units which specialize in counter-terrorism and/or extended, long range, ground-level reconnaissance missions behind enemy lines (of which the best-known examples are the British SAS Commandos and Delta Force). |
تعبت وفتشت في كل الموسوعات المهم في واحدة من الموسوعات لقيت اطلاق لفظ كوماندو على الافراد قمت نزلتوا ليكم.
وفعلا طلع كلامك صح يا تراجي فابو سامدرا شخص بمواصفات خاصة وزي ما قالوا Elite light.
شكرا فيصل شكرا تراجي
في الاول والاخير حمد الله على السلامة ابو ساندرا
صفية
خارج النص:
يعني يا ابو ساندرا نحن ما بنستحق رسالة في المسنجر؟؟؟؟؟؟؟
|
Post: #13
Title: Re: الكومندنتا ابوساندرا كويس
Author: أبو ساندرا
Date: 11-10-2007, 11:52 AM
Parent: #1
الرب شغل أعدائي بأنفسهم
فماهيتاب لهاها في العمل
ورشيدة بت المغيرة تغط في نوم عميق بعد أن كملت المسلسلات السورة في الدوحة
وفي القنوات المجاورة ، ونوم الظالم عبادة
ثنائي الظلمة مايشوفني قاعد هنا إلا ويهيجن ويقفلن الجهاز
ويشيلوني يودوني السرير ، وهاك يا تقطير
مخكم مايمشي بعيد انا قاصد القطرة
والقطرة الزي الشطة دي قبيل رشيدة كانت بتشك فيها
فتذكرت حكاية صاحبنا الكان زايغ من الواجبات المنزلية
زوجته كانت بتضع الخمرة في فتيل صغير
قال لمن يشوفها بتخج فيه بيبكي وبيتذكر الحقنة طوالي
المهم انا إغتنمنت الفرصة عشان
- أحيي صديقي ورفيقي فيصل محمد خليل على هذه التحية الجميلة
- وأحييكم جميعآ خاصة تراجي مصطفى التي تابعتني بتلفونات ظوبلة
كان آخرها تلفون بالأمس ونصه كان عن البوست بتاعها بتاع الجماعة الطاعمين
حتى ظننتها تحاول إقناعي بالمثلية { مشتهي المماثل } فقلت ليها يا فردة
انا { إشتهاء المغاير } الطبيعي ده ماقادر عليهو في الظروف الراهنة
غايتو الله يجيب العواقب سليمة
وكتر خيرها وخير أمونة بت خالي
المهم انا اللقب الذي بذلت فيه الصافية صفية جهدآ لتأصيله عجبني
سواء كان { كومندتنا } عل حسب فيصل أو { كوماندور} حسب تراجي وتابعيها
لقب جميل أستحقه وأحسن من لقب بكري أبوبكر بتاع { المشيخة }
الراجل عايز يشيخني وبعدها أمشي الحج ثم العمى والإنتقال إلى الأمجاد السماوية
دي تلقاها عند الغافل يا بكور
انا شاكر لفيصل والذين تداخلوا هنا
وشاكر لهارون دياب والذين تداخلوا معه
وشاكر لطارق المكي ومن تابعه بإحسان إلى يوم الدين
وشاكر للعمدة بكري ابوبكر الذي علق كل البوستات عني في السقف
وجعل المايشوف يسمع
وشاكر لي أي حبيب وحبيبة كتب حرف هنا أو في أي مكان
أو نبث ببنت شفة ذات هاتف حميم
وأخص بالذكر دكتور متوكل محمود وود العشا وكمال ربيع وعزيز حسن وأشرف ميشاوي ومعتز بيومي
وأولاد عمي موسى أحمد وآدم وحامد مراهد { أخوان في الإنسانية }
هس هس
بت المغيرة جاية
بغتنم فرصة أخرى وبكمل
|
Post: #14
Title: Re: الكومندنتا ابوساندرا كويس
Author: عصام علي أحمد
Date: 11-10-2007, 12:10 PM
Parent: #1
ود الجيران العسل فيصل
غالى التحايا لك
وللعسل ابوساندرا التحايا النواضر
أتصلت بالعزيزة رشيدة وطمنتنا عن صحة
الجلك أبوساندرا وقالت ممنوع من التلفونات
وكل الاجهزة
|
Post: #15
Title: Re: الكومندنتا ابوساندرا كويس
Author: haroon diyab
Date: 11-11-2007, 06:18 AM
Parent: #1
استاذ/ فيصل
صباح الخير
ياراجل ابوساندرا ده اليومين ديل انت ماعارف مشكلته شنو...؟ الاخ حامد مراهد قال عاوز يعمل ليه تسجيل في نادي الغولف ... عشان الرياضة بتنزل السكري .... اخوك ماكضب الخبر مشي جاب اللبس الرياضي وعاوز يجري نادي الغولف .... بس مش عشان الرياضة ده فهمه تاني وبعد ماانتهينا من مشكلة العيون حنبداء في مشاكل البصبصة والنظرات الغير برئية عشان كده اقترح علي الاخ حامد مراهد انوا يعمل تسجيل للاستاذة رشيدة ويبقي الحجل بالرجل ... وقال شنو عاوز يمشي الفروسية ... دي علينا يامان ... اخوك تفتيحة.
| Quote: وشاكر لهارون دياب والذين تداخلوا معه |
تشكر شنو ...؟ الحساب ولد ياعمك .... وعلي الدرب سايرون ... قول يالطيف .
اليوم اول ايام العمل للغالي ابو ساندرا بعد العملية .... بالتوفيق يازعيييييييييييييييييم.
تحياتي فيصل
هارون دياب
|
Post: #16
Title: Re: الكومندنتا ابوساندرا كويس
Author: ALazhary2
Date: 11-11-2007, 06:22 AM
Parent: #1
بشارة جميلة .
حمد الله على السلامة وربنا يتمم عليك الشفاء ويواليك بي نعمته وفضله .
|
Post: #17
Title: Re: الكومندنتا ابوساندرا كويس
Author: مجدي عبدالرحيم فضل
Date: 11-11-2007, 06:41 AM
Parent: #16
أخونا العزيز فيصل تحية لك بقامة أبوساندرا ماتشوف إلا كل خير يارفيق
نرسل لك التحايا أنهار من عذوبت العافية.
،،،،أبوقصى،،،،
|
Post: #18
Title: Re: الكومندنتا ابوساندرا كويس
Author: فيصل محمد خليل
Date: 11-11-2007, 09:07 AM
Parent: #17
الرائع حسن الطيب يس
ابو ساندرا يبلغك شكره
|
Post: #19
Title: Re: الكومندنتا ابوساندرا كويس
Author: عمر سعد
Date: 11-11-2007, 09:20 AM
Parent: #1
البارحة كنت فى زيارة لابوساندرا الراجل كان فى امانى الله لكن جاتو مرتو
رشيدة وعينك ما تشوف الا النور ازل ما كشكشت ليهو القطرة طوالى اتفنقل ورفع رجلينو
وبدا يتكلم برة راسو المهم هو قال لى شوفت الحالة دى تكون فى امانة اللة
تذكرت طوالى نظرية الارتباط الشرطى لبافلوف وربطتها بين الفنقلة وكشكشة القطرة
هههههههههههههههههههههههههههههههههههههههههههههههههههههههه
|
Post: #20
Title: Re: الكومندنتا ابوساندرا كويس
Author: أبو ساندرا
Date: 11-11-2007, 11:48 AM
Parent: #1
كتب الوجيه عمر سعد :
أها من ما عمينا ظهرو شكاشيك جداد
أول مرة اسمع ب { شكشكة } القطرة
دي أصلها قطرة واللا روسية في دبي يا ودسعد ؟
|
Post: #21
Title: Re: الكومندنتا ابوساندرا كويس
Author: عمر سعد
Date: 11-11-2007, 01:37 PM
Parent: #1
Quote: أها من ما عمينا ظهرو شكاشيك جداد
أول مرة اسمع ب { شكشكة } القطرة
دي أصلها قطرة واللا روسية في دبي يا ودسعد ؟ |
يا فيصل الحق صاحبك انا ما عارف دى غلطة املائية او حالة دلروخة ولا
الزول دة يكون داير ليهو حقنة فى اللسان الجاب سيرة الشكشكة منو
انا شفتها لمن بيقطرو ليهو وهو بيتوحوح لكن ما كتبتها ههههههههههه
اسع دة نقول عليهو شنو يا فيصل ............
انا يا فيصل داير اعرف العلاقة بين قطير العين ورفع الرجلين ؟
|
Post: #22
Title: Re: الكومندنتا ابوساندرا كويس
Author: فيصل محمد خليل
Date: 11-11-2007, 02:02 PM
Parent: #21
| Quote: انا يا فيصل داير اعرف العلاقة بين قطير العين ورفع الرجلين ؟ |
يا عمر سعد
الظاهر جلد ابو ساندرا ما قدرو
بيقفل عينو لما يقطرو ليهو
بيقوم الجلد بشد وبيجور معه الكراع
وحاجات تانية تفتح وتخرج منها غازات سامة
|
Post: #23
Title: Re: الكومندنتا ابوساندرا كويس
Author: فيصل محمد خليل
Date: 11-11-2007, 05:16 PM
Parent: #22
عبدالله ابو رزاز
ابو ساندرا بيحب التقطير
بس ما تقطير الاستاذة رشيدة
انماـتقطير عشة واكار walker
|
Post: #24
Title: Re: الكومندنتا ابوساندرا كويس
Author: فيصل محمد خليل
Date: 11-12-2007, 03:18 PM
Parent: #23
صديقي اللدود حيدر قاسم
فعلآ كلمة كومندنتا تعني رفيق
عند الرفاق في امريكا اللاتنية
و بالاخص بوليفيا و كوبا وكان يطلقون
كلمة كومندنتا للرفيق الثائر الاممي
جيفارا-كومندنتا تشي جيفارا-.
يا ابو ساندرا كان لي شرف العمل
مع حيدر قاسم في فرع واحد في ذلك
الزمن الجميل.
حيدر طيب و زين وناير و اخو بنات
|
Post: #25
Title: Re: الكومندنتا ابوساندرا كويس
Author: فيصل محمد خليل
Date: 11-13-2007, 08:16 AM
Parent: #24
ست الحسان الاستاذة امنة مختار
باقة من الورود
تعرف يا ابو ساندرا امنة دي اول
ما جات سودانيزونلاين عملوا ليها بوست ترحيب
فانا قمت رحبت بيها و عامل فيها الود قندف
سالتها هي مع البطل واللا مع الخونة
فكان ردها:- انا مع العوير صاحب البطل
فقلت في نفسي معنا امراة صلبة و مدردحة
قواسيب مودتي
|
Post: #26
Title: Re: الكومندنتا ابوساندرا كويس
Author: أبو ساندرا
Date: 11-13-2007, 09:08 AM
Parent: #1
Quote: فكان ردها:- انا مع العوير صاحب البطل
|
لقد كان ردها فاحمآ
لك ولصاحبك
|
Post: #27
Title: Re: الكومندنتا ابوساندرا كويس
Author: نسرين جمال
Date: 11-13-2007, 09:17 AM
Parent: #1
حمدلله علي السلامة ابوساندرا
عساك ما تشوف شر تاني
وانشاء الله دائما معافي ومنور المنبر
احترامي
|
Post: #28
Title: Re: الكومندنتا ابوساندرا كويس
Author: Ishraga Mustafa
Date: 11-13-2007, 11:41 AM
Parent: #27
كان ابوساندرا ضمن اكثر الوجوه الحاحا فى انسانيتها وانا جلوس وسط قوم من الناس النبيلين بالسودان
كان حاضرا بانسانيته وتضامنه مع الناس
كان حاضرا ورشيدته وبناته البديعات
كانوا حضورا والحديث عن انسانية التشبيك
كيف يمكن ان نعرف رشيدة ونحبها
وكيف يمكن ان تسطع خضرة ضراع ابوساندرا ممدودة بلا من ولا اذى
حمدالله على السلامة يا ابو البنيات، ربنا يديم عليك العافية
بس لازم تفى لرشيدة بالوعد.... فيينا ترحب بيك وبيها فى اى زمن تحبونه
شكرا يافيصل للطمأنينة
|
Post: #30
Title: Re: الكومندنتا ابوساندرا كويس
Author: Abdalla Hussain
Date: 11-14-2007, 05:41 AM
Parent: #1
Quote: الرب شغل أعدائي بأنفسهم
فماهيتاب لهاها في العمل
ورشيدة بت المغيرة تغط في نوم عميق بعد أن كملت المسلسلات السورة في الدوحة
وفي القنوات المجاورة ، ونوم الظالم عبادة
ثنائي الظلمة مايشوفني قاعد هنا إلا ويهيجن ويقفلن الجهاز
ويشيلوني يودوني السرير ، وهاك يا تقطير |
يا إلهي!
لقد أصبحت مثل أورسولا في " مئة عام من العزلة " ترشي المطر بحلويات الكراميلا المصنوعة على هيئة الحيوانات حتى لا يكف عن الهطول، وتشغل نفسها عن تعاليم ملكيادس بصلوات غامضة، ورغم قلبها القوي وشخصيتها الصلبة التي أعانتها على قيادة ذلك المكان في زمن " مئة عام من العزلة " بكفاءة نادرة، مكنتها من مغالبة نوائب الدهر وصروفه وإلحاق هزائم متتالية بكل الصعاب التي كمنت لها في منعطف أو وقفت عند باب، إلا أنها عندما بلغت من العمر عتياً، لم تسطع صد حفيديّها " أمارانتا أورسولا وأوريليانو الصغير " عن العبث بأيامها وإحالتها إلى دُمية جميلة يجرانها في رُدهات المنزل، حتى أنها صاحت في إحدى المرات: أنا حية، ولم يكن ذلك صداً لفكرة الموت بأي حال، بقدر ما هي محاولات عابثة لإلهاء المطر بحيوانات الكراميلا الصغيرة حتى لا يكف عن الهطول. هي نفسها " ماكوندو " لولا تجارب ( خوزيه أركاديو بوينديا ) الفاشلة وهرفه بما لا يعرف، وحروب ( الكولونيل أوريليانو ) العبثية، لاستحالت اليوم إلى زمن لاتيني جديد، يضج بثوراته ويحتفي بأطياف ( جيفارا وسيمون ديفوار ) ويقض مضاجع " اليانكي " أكثر مما عليه الحال، تلك آفاق لا يمكن رؤيتها خارج نص العزلة وهو يفرد عزلته أشرعة مع الريح وضد النسيان.
أين دينا " أنعن دينه "، لقد سقطت من نصك!
طارت إلى السماء مثل ريميديوس الجميلة؟
بركات الزيني
سلامات عوافي
ألف سلامة
عذراً للتأخير
عودأ حميداً بكامل بصرك وبصيرتك.
شكرأ الكومندنتا فيصل.
|
Post: #31
Title: Re: الكومندنتا ابوساندرا كويس
Author: فيصل محمد خليل
Date: 11-14-2007, 08:00 AM
Parent: #30
الوسيم ابن حلتي عصام علي احمد ابو ديه
تحية طيبة
تعرف يا عصام لو في طالب حل نظرية فيثاغورس
غلط هذا لا يعني انو نظرية فيثاغورس غلط
قواسيب مودتي
|
Post: #32
Title: Re: الكومندنتا ابوساندرا كويس
Author: إيمان أحمد
Date: 11-14-2007, 04:34 PM
Parent: #31
حمد الله على سلامة الأخ العزيز أبو ساندرا
إن شاء الله ما تشوف شر وتقوم بألف سلامة
والله شفقتنا، فعذرا على التأخير
شكرا أستاذ فيصل
تحياتي
إيمان
|
Post: #33
Title: Re: الكومندنتا ابوساندرا كويس
Author: فيصل محمد خليل
Date: 11-15-2007, 07:10 PM
Parent: #32
الانيقة شادية عبد المنعم
تصوري يا شادية, بركات فرح شديد
لما وصلت ليهو كلامك
وقال لي دي ديامية على السكين
|
|