تمبس عريس ...

اللهم اجعله خير يارب ...

والله يا جماعة الخير نايم في امان الله .. فجاة وبدون اي مقدمات ارى فيما يرى النائم تمبس بي شحمو ولحمو وسط العديد من الحسان الفاخرات وتعال يا ديك الحنة الماخمج ..

بش شفت الحنة ايدين ورجل واحدة والرجل التانية كما هي بيضاء من غير سوء ..

نرجو من مفسري الاحلام مساعدتنا بما يستطيعون الى ذلك سبيلا ..



ود الباوقة

اللهم أجعله خير..

Quote: نرجو من مفسري الاحلام مساعدتنا بما يستطيعون الى ذلك سبيلا

بالرغم من أني ما قاعد أفسر الأحلام كتير..لكن أحاول:

Quote: بش شفت الحنة ايدين ورجل واحدة والرجل التانية كما هي بيضاء من غير سوء

الحنة في الإيدين معناها إنو حيفقد وظيفته أو قروش عنده..

والحنة في رجل واحدة معناها مصيبة في الأهل..

الرجاء تحديد الرجل المتحننة والغير متحننة ..يمين وللا شمال؟

والله بعيدا عن مناوشاتي مع تمبس ..ده تفسير الحلم حقيقة..


وربنا يجعله خير..

Quote: الحنة في الإيدين معناها إنو حيفقد وظيفته أو قروش عنده..

لا حول ولا قوة الا بالله .. هو الراجل الراتب حق الشغلانة الجديدة لس ما استلمو ....

Quote: والحنة في رجل واحدة معناها مصيبة في الأهل..

يا اخوي انت متسلبط ساي ما بتعرف تفسر الاحلام..

Quote: الرجاء تحديد الرجل المتحننة والغير متحننة ..يمين وللا شمال؟

والله مرة تجيني اليمين ومرة الشمال ...



ود الباوقة

Quote: بش شفت الحنة ايدين ورجل واحدة والرجل التانية كما هي بيضاء من غير سوء ..

ياود الباوقــة..
ياخي دا عرس اصلو واللا لاعبين ( شـــّدت )

Quote: ياود الباوقــة.. ياخي دا عرس اصلو واللا لاعبين ( شـــّدت )

العريس تامبا .. يا اخوي شدت وبعدو العرس او قبله ايهما افضل ...


ود الباوقة

ان شاء الله ما صحيت تفيت علي شمالك تلاتة مرات

اكيد التلاتة المحننات دي اقوان المريخ في مباراة الرد في الصفاقسي التونسي

تفسير حلمك دا انه يومها تمبس حيكون زي ام العروس

ود الباوقة سلام

الأخوة الاخوات الأفاضل
سلام

قال رسول الله صلى الله عليه وسلم ( الرؤيا والحلم على جناح ملك طائر متى مافسرّت وقعت )
وقد نصحنا الرسول الكريم عليه أفضل الصلاة والتسليم
إذا رأى أحدكم ما يحب أو يكره في منامة .. ان يقول اللهم أجعله خير
فها نحن نقول اللهم أجعله خير
لذا نرجو أخوتي وأخواتي عدم الخوض في هذه المسائل حتى لا يفسر أحد الرؤية بشئ ليس جيد فيقع على الرجل تركوا التفسير لمن لهم علم شرعي في ذلك.
أو أتركوا الرؤية تكون على جناح ذلك الملك الطائر

ولكم تحياتي ومودتي فقط حبيت ان أذكر بهذا الحديث

خالد محجوب

العزيز خالد علي محجوب ..
كيفك يا صاحب ..
اشكرك على التذكير بالحديث ..
في فترة من الزمن كنت احلم كثيرا باشياء سرعان ما تحدث أو تتحقق كانت تؤرقني المسالة ، حكيت المسالة لي واحد من أخواني كان قريب جدا لي نصحني بالاحتفاظ بما أراه أخذت مني هذه الحالة فترة طويلة جدا .. تحولت بعدها لدلالات معينة اصبح كل أمر يعنيني مرتبط بنموذج محدد من اشياء تمر علي لكن احيانا تصدق واحيانا تكذب ..
لا اعتقد يا خالد إن هناك الكثير من الأمور يمكن ان نردها مجرد أن نحلم بها أو لا نحلم ما كتب لنا قناعتنا بأنه ما سيحدث ..
كل ما في الأمر إن ابوجهينة يمتاز بروح الدعابة العالية جدا..
بعدين بي صراحة كدا:
امس بالليل كنا لحدي ساعة متأخرة معاهو في البيت انا ومعتصم دفع الله .. واتكلمنا في موضوع العرس دا كالعادة اليومين دي مقنطرننا انا ومعتصم لكن لحدي الآن صامدين ليهم
اها يا خالد اضيف لذلك انو اتعشينا بي (فسيخ) ..والظاهر لي (الفسيخ) كان تقيل على ابوجهينة قام طوالي حنني (وفط سطر) زي ما شايف

Quote: كل ما في الأمر إن ابوجهينة يمتاز بروح الدعابة العالية جدا..

Quote: والظاهر لي (الفسيخ) كان تقيل على ابوجهينة قام طوالي حنني (وفط سطر) زي ما شايف

التحية لابو جهينة في تجلياته ...
يكتب ود الباوقة فيرد علي ابو جهينة
او تتم الاشارة اليه دون ما علاقة
التفسير الصحيح للحلم يا ود الباوقة ان صديقنا تمبس بقي يجليها ثابتة
والدليل الكراع البيضاء

Quote: التحية لابو جهينة في تجلياته ... يكتب ود الباوقة فيرد علي ابو جهينة او تتم الاشارة اليه دون ما علاقة التفسير الصحيح للحلم يا ود الباوقة ان صديقنا تمبس بقي يجليها ثابتة والدليل الكراع البيضاء

عليكم الله شفتو المغسة دي ابوجهينة هس الجابو هنا شنو ....

كراع بيضاء لكن زي ما قالت اختنا تماضر انا تسرعت في الصحيان والا لكانت هي الاخرى كالاخرى 000



ود الباوقة

Quote: اكيد التلاتة المحننات دي اقوان المريخ في مباراة الرد في الصفاقسي التونسي تفسير حلمك دا انه يومها تمبس حيكون زي ام العروس

من مصلحتك تجيب الفنانين .. وتجي تفتح البيبسي .. وتوديني المطار أنا قايم بالتونسية إنت عارف مواعيده ما بتتأخر..

Quote: ان شاء الله ما صحيت تفيت علي شمالك تلاتة مرات

اتف كيف على شمالي يا اساسي وزولك قاعد محنن ....

Quote: اكيد التلاتة المحننات دي اقوان المريخ في مباراة الرد في الصفاقسي التونسي تفسير حلمك دا انه يومها تمبس حيكون زي ام العروس

الحنة لكن ما حمرت لما شفتها مما نستبعد فرضية اقوان المريخ ...

انت يا اساسي يا اخوي نحن الزول دا ندودر فيهو لينا سنين .. شيء رؤيا وشيء تحانيش تجي تسويـــهو ام العروس يوم كورة المريخ ...

Quote: بالرغم من أني ما قاعد أفسر الأحلام كتير..لكن أحاول:

Quote: الحنة في الإيدين معناها إنو حيفقد وظيفته أو قروش عنده.. والحنة في رجل واحدة معناها مصيبة في الأهل.. الرجاء تحديد الرجل المتحننة والغير متحننة .. يمين وللا شمال؟

.. دا شنو يا حرامي النت .. عايز تعمل لي فيها (سيد الالوسي) يعني .؟
بلاي الزول دا ما بليد عليكم الله ..
حسع انا لو عندي قروش عشان افقده بجي بصاقر خلقتك دي إنت واستيف وتراجي ودينق..؟
حسع لو عندي قروش مرصوصة كدا من هنا لحدي السجانة نوعيتك دي بتخليني افقده يا اب عرق ..؟

Quote: والحنة في رجل واحدة معناها مصيبة في الأهل..

مصيبة لما تاخدك قول آمين .. حسع في داعي للعوارة دي هنا..؟
اهــا ما قلت لي المرة الفاتت الغيبيات والحركات دي خرافات .. الليلة كمان طلعته (حنــانه) عديل كدا..؟

اها انا بلبس مقاس تلاتة وأربعين المصيبة دي وين ممكن تحدد لي ..؟
بلاي عليكم الله شوفو زي اب عرق دا ..؟

يا تمبس ..

Quote: مصيبة لما تاخدك قول آمين .. حسع في داعي للعوارة دي هنا..؟

أنا قلت في البداية اللهم أجعله خير..وبعدها بديت في التفسير..

وربنا يحفظك ويحفظ أهلك كمان..

لكن ده التفسير البعرفو..

وتاني اللهم أجعله خير..

قريت زمان كم كتاب عن تفسير الأحلام
والحاجة المعروفة إنو الحنة بالنسبة
للرجال في الحلم ما كويسة عموما..

واليد بالذات لما تتغطي بالحنة حاجة
سيئة جدا في الحلم , لأنو اليد معناها
الخير والعطاء فلما تتغطي فده معناهو
إنها ما حتقدر تدي..وتشيل..وتفسيرها بيختلف
من وضع لآخر..

Quote: أنا قلت في البداية اللهم أجعله خير..وبعدها بديت في التفسير.. وربنا يحفظك ويحفظ أهلك كمان.. لكن ده التفسير البعرفو.. وتاني اللهم أجعله خير..

.. بالمناسبة:
مسالة اهلي ديل وانا بيحفظنا الله الخلقنا وما منتظر منك دعاء ليهم .. طبعا لو في شوية روح عندك تكون بيها شخص سوي .. ما بتجي تكتب كلام زي دا هنا في بوست زي دا .. عنوانو زي دا .. لو فرضنا انو كلامك دا صاح .. الظاهرلي ما بتعدم ليك وسيلة علشان توصل بيها الفكرة دي زي ما وصلت لي بيها قبل كدا افكار كتيرة منك متذكر..؟
لكن طبعا زي ما عارف انا حسن النية ما قاعد اضعو فيك .. مطلقاً
الكتبتو هنا بيعكس بالضبط الروح البتتحلى بيها عامله كيف ..؟
وأي قلب تملك ومعدل السواد الفيهو قدر كيف ..
طبعا همك كان انك تلقى ليك فرصة توصل بيها فكرتك تجاهي ..
ما عارف ليه ذكرتني العجوزة القاعدين يجيبوها في الـ MBC العامله فيها عالمه روحية ديك
بس بتفرق منك إنها لبنانيه ..
وإنت زي ما سبق وقلت لينا هنا .. فيك عــرق.
نصيحة ليك والظاهر لي محتاج لي كتير من النصائح إنت ..
والدنيا دي ما علمتك غير تدس السم في الدسم لاني شايفك قبل كم يوم دخلت برضو كتبت ليك كلام لي معتصم .. في بوست كان القصد منك تقلل من شأنو .. كان برضو ممكن توصل ليهو الفكرة بي طريقة تانية انا مسكت معتصم من الرد ليك بالمناسبة..
اما نصيحتي ليك .. لو الاسود الفيك طاغي على روح الدعابة والانسانية المفترض تكون جواك (باي ديفولت) زيك وزي اي بشر خلقو ربنــا .. حقو تطور نفسك إنك تقرب للناس وتستفيد منهم علشان تعرف كيف تفهم سلوكيات البشر .. العزلة دي بالسواد الجواك دا حتبقيك فحم عديل كدا..
رايك شنو يا اب عرق..؟

إنت الظاهر لي اليومين دي علشان انا مديك حريتك قلت تجي تعمل زلزال هنا ..
اديها صنة خلي العرس دا ينتهي .. شوف بعمل ليك شنـو.؟

Quote: شفت الحنة ايدين ورجل واحدة والرجل التانية كما هي بيضاء من غير سوء

الأيدين المحننات دى العروس والرجل الواحدة المحننة دى دى تمبس!
الله يقويك يا تمبس!
جنى

Quote: الأيدين المحننات دى العروس والرجل الواحدة المحننة دى دى تمبس! الله يقويك يا تمبس!

.. يعني يا جــن المسالة دي خلاص باقية باقية ..؟
قالو الواحد يبدا ليهو التقييد دا من يوم حنتو ..
كان عياز يولع سجارة ساكت .. إلا يكلم صاحبو يشرب ليهو سجارة
ويجوك في الحلفة بالليل يشبكوك .. شيلو العريس ياجماعة .. ارفعو العريس يا جماعة

ياتمبس ألـف مبروك ياحبيب
التفسير والله أعلم
الحسان القاعد فى نصهن ديل حبايبك وفردك وصحابك
أهه وقصة الحنة الفى رجل فى ورجل مافى الظاهر عليك
حتشلت ناس مامدعوين جاين ضهب ساي بتكرهم شديد ومكجنون شليت شديد لحدى حنتك تطير من كورعك التانية ...
ماقلت لى يا تمبس أنت بتشوت بياتو رجل

Quote: حتشلت ناس مامدعوين جاين ضهب ساي بتكرهم شديد ومكجنون شليت شديد لحدى حنتك تطير من كورعك التانية ...

والله يا بوحميد كلامك دا ما بناباهو ..
إلا مسالة (التشليت) دي زي ما شايف بادية من هنا دا ..
بعدين مش تشليت بس .. وحاة خوتك عندنا سوط عنج عديل كدا ..
نحن حفلتنا ما بتتفرتق بالساهل

اللهم أجعله خير

أكيد يا تمبس عندك نية تتزوج في عيد الضحية.

ربنا يحقق أمانيك ويحفظك ويزيد لك في مالك.

Quote: اللهم أجعله خير

اللهم اميين .. عقبال ليك يا عزيز ..



ود الباوقة

حبيبنا ود الباوقة

زي ما بقولوا وإحنا في ديك الساعة ?

لكن وآخ من لكن ..... ما ترمرموا وتنوموا


بالمناسبة أول ما خطر ببالي بوست التركين تتذكره ?





عاطر التحايا ليك ولي تمبو عريس الحلم الجميل .




صلاح واسبه

اخي الكريم صلاح .. مشتاقوووووووووون وينك يا راجل ..

Quote: بالمناسبة أول ما خطر ببالي بوست التركين تتذكره ?

اها عشان خاطرك يا واسبة فطور عرس تمبس حايمون تركين بيور ...



ود الباوقة

الأخ تمبس
أتمنى لك كل الخير و أن يرزقك الله زوجة صالحة ذات دين و مال و جمال و حسب و نسب و أن يحفظك و يحفظ أهلك و أحبابك. بالنسبة لكلام الأخ خالد المنسي فهو صحيح لكن هناك قاعدة يجب ألا ننساها و هي قول الله تعالى (إن الله لا يصلح عمل المفسدين) فمن تعمد تفسير حلم تفسيرا سيئا حسدا و بقصد الإضرار فإنه لن يقع بإذن الله بل يدخل في قول الله تعالى (و ما هم بضارين به من أحد إلا بإذن الله، و يتعلمون ما يضرهم و لا ينفعهم).
خالد/عصام ما كنت متخيل قلبك ملان للدرجة دي. الله يكفينا شرك ياخي.

التعديل لتصحيح آية مع خالص الشكر للأخت الكريمة التي نبهتني إلى الخطأ فيها، أسأل الله أن يجعل ذلك في ميزان حسناتها.

ود الباوقة افتكر انو انتو كده بتبوظوا اعصابنا على الفاضى قول لى كيف؟

والله جد !!

عاين

انا هسة قبل اخش البوست ده بقيت اكابس افتش فى باقات الزهور والوردى والمحمد الامين زاتو عشان اجيبها لتمبس وكمان جاية مستعدة للزغاريد تقوم تقول لى حلم وكمان كراع محننة وكراع لا


تمبس

انت ماملاحظ انك مطنش (حنانى) زاتو .. ليه اخوى الغالى انت زعلان منى فى حاجة لا سمح الله

Quote: ود الباوقة افتكر انو انتو كده بتبوظوا اعصابنا على الفاضى قول لى كيف؟

والله يانادية انا من الحلمة دي ولحدي هس اعصابي بايظة 0وتمبس من كلمناه لا اكل ولا شرب يا كافي البلاء

اها يا نادية شدي حيلك معنا شوية عشان نخارج الزول دا 00 ما بتقصري ان شاء الله 00


ود الباوقة

العوض..

Quote: خالد/عصام ما كنت متخيل قلبك ملان للدرجة دي. الله يكفينا شرك ياخي

وسيدنا يوسف عليه السلام لما سألوهو المساجين قال ليهم : في واحد منكم حيتقطع راسو..!

نقول علي سيدنا يوسف قلبو ملان؟؟؟!!!!!!!!!!!!

Quote: وسيدنا يوسف

تسف التراب ان شاء الله يا خالد .. قال سيدنا يوسف قال ..



ود الباوقة

Quote: الله يكفينا شرك ياخي.

ربنا يكفينا شرو يا العوض 000

زول مشاتر بامتياز 00


ود الباوقة

Quote: اللهم اجعله خير يارب

آمـيـن.

أها الحنة كانت بي منو يا ود الباوقة؟

غايتو تمبس المستلب ده مفروض حنتو تكون بي " زينات بورسعيد "
____________________________

Quote: خالد الطيب أحمد

لم أشأ اقتباس أي من تعقيباتك السخيفة وفضلت اقتباس اسمك لاستنكارها.

يعني عشان قريت كتاب كتابين عن تفسير الأحلام تجي تعمل فيها أبو عرام؟!

أحمد الريح:

Quote: لم أشأ اقتباس أي من تعقيباتك السخيفة وفضلت اقتباس اسمك لاستنكارها. يعني عشان قريت كتاب كتابين عن تفسير الأحلام تجي تعمل فيها أبو عرام؟

التفسير ده ياخوي أنا جبتو من عندي؟

وللا قطعتوا من راسي!!!

التفسير معروف في حالة الحنة..ويمكن إنت ذاتك بتكون عارفه..

لوم ود الباوقة البيحلم بالحنة..!!

عالم غريبة..

ربنا يحفظ تمبس ويحفظ أهل تمبس..وأهلنا جميعا

Quote: أها الحنة كانت بي منو يا ود الباوقة؟

اخي الكريم ود الريح ..

الحنة كدي بنشوفا ليك في رؤية الليلة دي . لكن الارجح بالمطربة ام عيون كحيلة ..



ود الباوقة

Quote: مسالة اهلي ديل وانا بيحفظنا الله الخلقنا وما منتظر منك دعاء ليهم. طبعا لو في شوية روح عندك تكون بيها شخص سوي .. ما بتجي تكتب كلام زي دا هنا في بوست زي دا.. .. عنوانو زي دا

يا تمبس: زول "كبير" ما بيفهم الكلام ده براهو؛ ما بيفهمو لو قالوهو ليهو!

سيبك منو وأمشي كب الريالات لى زينات بورسعيد البتغني ليك دي ياخي.

الحنة للرجل والمرأة معا تعنى الزهو بالمال أو الأبناء
اما رجل بيضاء وأخرى محننة فتعنى عمل مربح ولكنه غير مضمون
والله أعلم

Quote: الحنة للرجل والمرأة معا تعنى الزهو بالمال أو الأبناء

نحنا يا امنة بس دايرنو يعرس المال والاولاد هينين ..



ود الباوقة

Quote: وسيدنا يوسف عليه السلام لما سألوهو المساجين قال ليهم : في واحد منكم حيتقطع راسو..! نقول علي سيدنا يوسف قلبو ملان؟؟؟!!!!!!!!!!!!

إنت ياخي كان بتقتفي آثار ناس سيدنا يوسف عليه و علي نبينا أفضل صلاة و أتم سلام، كان بتقتفي أثارهم كان بتعمل عمايلك دي؟ أول حاجة سيدنا يوسف عليه السلام سألوه مش جا متضهب بس همو يخرب على الناس و ينكد عليهم. ثانيا سيدنا يوسف عليه السلام عشان حكاية المشاعر دي قال أما أحدكما مش يا فلان إنت حيصلبوك.

ألف مبروك للاخ علاء تمبس, بالرفاه والبنين

تمبس
يازول ود الباوقه ده بحبك لما بيهضرب بك.



ويا جماعه ما دام طلعتوا.. كلكم سيد الالوسي يعني ...اها انا في زوله صاحبة موقع
كانت مكجانني شديد امبارح حلمانه بيها بتريدني ريده شديده خلاص وشغال لك كرم
عجيب فيني؟؟تفتكروا الحلم ده يكون من معناه شنو؟؟؟

كدي يا شباب خلوني ارد ليكم على كحيلة العين دي واجيكم راجع ....

Quote: يازول ود الباوقه ده بحبك لما بيهضرب بك

اقول ليك حلم تقولي هضربة ...

Quote: ويا جماعه ما دام طلعتوا.. كلكم سيد الالوسي يعني ...اها انا في زوله صاحبة موقع كانت مكجانني شديد امبارح حلمانه بيها بتريدني ريده شديده خلاص وشغال لك كرم عجيب فيني؟؟تفتكروا الحلم ده يكون من معناه شنو؟؟؟

يكون معناه منبرك دا سيعدم نفاخ النار من الاعضاء وشوية الزباين ومقطوعي الطريق ...


ود الباوقة

Quote: رجل واحدة والرجل التانية كما هي بيضاء

اللييييييلة و الليلة








إتنقشتا ..
أعمل ليبتون .

Quote: ألف مبروك للاخ علاء تمبس, بالرفاه والبنين

الله يبارك فيك يا سند00

والله كان كملت جميلك وجيت بي لبستك السمحة دي وعصايتك دي عقدت ليناليهو 00




ود الباوقة

Quote: أتمنى لك كل الخير و أن يرزقك الله زوجة صالحة ذات دين و مال و جمال و حسب و نسب و أن يحفظك و يحفظ أهلك و أحبابك. بالنسبة لكلام الأخ خالد المنسي فهو صحيح لكن هناك قاعدة يجب ألا ننساها و هي قول الله تعالى (إن الله لا يصلح عمل المفسدين) فمن تعمد تفسير حلم تفسيرا سيئا حسدا و بقصد الإضرار فإنه لن يقع بإذن الله بل يدخل في قول الله تعالى (و يتعلمون ما يضرهم و لا ينفعهم و ما هم بضارين به من أحد إلا بإذن الله).

الأخ الحبيب / العوض
عندما يفسر الحُلم لا يفسره أحد حتى يضر أحد لكن قد يفسر مفسر عن جهل ودون علم. تفسير الحُلم إضافة للعلم الشرعي يحتاج لحصافة وفراسة.
لذا نصحنا الرسول الكريم أن لا نحكي ما نراه أمام الملأ قد يكون منهم الشليق.
أخي في سنة 1998 كنت في البوسنة في زيارة. في يوم من الأيام ونحن جلوس قال لي أخ لقد رأيتك في رؤية حالق صلعة ولابس جلابية بيضاء ناصعة كل الموجودين قالوا اللهم أجعله خير.نط شليق وقال دا سجن صلعة وملابس بيضاء ( وكان على سبيل المزاح ).....
بعدها رجعت للمجر وصادف أن كسرت الفيزا ... والله على ما اقول شهيد سجنت 3 أيام
أخي ما يقوله الرسول لا يتضارب مع ماجاء في كتاب الله فأنه لا ينطق عن الهوى إنما هو وحي يوحى . الآيتين اللتان ذكرتهما هما في موضوع لا علاقة له بالحديث البتَّ
لك التحية المودة أخي الفاضل

Quote: امس بالليل كنا لحدي ساعة متأخرة معاهو في البيت انا ومعتصم دفع الله .. واتكلمنا في موضوع العرس دا كالعادة اليومين دي مقنطرننا انا ومعتصم لكن لحدي الآن صامدين ليهم اها يا خالد اضيف لذلك انو اتعشينا بي (فسيخ) ..والظاهر لي (الفسيخ) كان تقيل على ابوجهينة قام طوالي حنني (وفط سطر) زي ما شايف

الجميل الرائع / تمبس
تحياتي وأشواقي وأدعو الله أن يجعل اللقاء على الهواء حقاً ملموسا
فسيخ يا تمبس والله لي 3 سنوات ما ضقتَّ فسيخ ... هنيئاً لكم وصحة وعافية تنزل عليكم يا رب. ندعو الله أن نسمع في الأيام القادمة زواجك أنت ومعتصم دفع الله قول آميــــــــــن.
لك التحية والمودة والاحترام

خالد محجوب

Quote: هنيئاً لكم وصحة وعافية تنزل عليكم يا رب. ندعو الله أن نسمع في الأيام القادمة زواجك أنت ومعتصم دفع الله قول آميــــــــــن.

الاخ خالد .. غايتو اليوم داك العميان شيل المكسر ...



ود الباوقة

Quote: تمبس بي شحمو ولحمو وسط العديد من الحسان الفاخرات وتعال يا ديك الحنة الماخمج .. بش شفت الحنة ايدين ورجل واحدة والرجل التانية كما هي بيضاء من غير سوء ..

تبنياً للنظرية البارودية ( محمود سامي البارودي ) للأحلام ، فإن الحلم هو ما تريه الخواطر . خواطر أخونا تمبس قد أرهقتها في الأيام الماضية هزيمة المريخ أو إنتصار الصفاقسي التونسي ، عليه يكون تفسير الحلم

سوف ينتصر فريق المريخ في مباراة الرد 3 / صفر والدلائل هي كما يلي :-

- وجود تمبس ( وسط العديد من الحسان الفاخرات ) هذا يعني الفرح . وحيث أنهن حسان فاخرات فهذا يدل على كونهن ( سودانيات ) تأسيساً على قول الشاعر ( يا خوانا الجمال موجود في كل مكان لكين الجمال الأصلي في السودان ). والحال هكذا يكون الفريق الذي سوف ( يفرح ) تمبس لانتصاره هو فريق المريخ ( السوداني ).
- أما عن كون النتيجة 3 أهداف للمريخ في ظاهرة بوضوح في ( ايدين ورجل واحدة ) مما يعني أن الأهداف سوف تكون ( هدفين ) بالرأس وأشار لهما باليدين لأن اللاعب في داخل خط تمنتاشر يؤشر عادة ( بيديه ) لزميله الذي ( يعكس ) الكرة ليعكسها له ليضعها برأسه في المرمى . والهدف الثالث بالرجل وقد تمت الإشارة إليه صراحة . أما عن كون فريق الصفاقسي لم يحرز هدفاً فهي واضحة من القول ( والرجل التانية كما هي بيضاء من غير سوء ) وبذلك تكون المحصلة النهائية 3 / صفر لصالح المريخ .

- الأصل في ( بياض ) تفسير الأحلام أن يدفع بعملة بلد المفسر( اللي هو أنا ) لكن من أجل التسهيل تقبل عملة الريال (السعودي ) .

تسلم نومتك يا ود الباوقة
ودي احلي نومة واحسن حلمة (عرس تمبس)
الذي لن ياتي مثل الاعراس التقليدية بل سيكون مثل اللوحة التي رسمها الطيب صالح في خواتم (رواية عرس الزين)
الصقرية
المداح
الدلاليك
التم تم
والمردوم
وقد نضيف الجالوه والاسلو دانص
ومزايك تخلد للدليب وطمبور ويقرع الشتم باطراف ايادي اهلنا البسطاء فلما لا انه عرس تمبس
ذاكرة الفن المنبر ية وموزع اغاني بطعم عجيب وغريب...
الهلال الذي سيرتديه صديقي تمبس يجب ان يكون مرصعا بسيرة النيل وغناوي الحقيبة ولحن التم تم
وترسم عليه سيرة كل الرائعين الذي مروا علي نجائل الهلال..قاقرين جكسا ..كسلا كندورة وباكمبا لانو بيتهم قريب ..
عفوا تمبس لابد من شدة علي اطراف الخيمة الضخمة وسنجلب لها من عمق(كمبو الري) جوك وبلية وحواء ليمون ولا عزاء للظلاميين ناس ود الباوقة وقريش فاليوم يوم عرس تمبس
لكم فكي سعيد سيمارس خشوع الترتيل وسيردد خلفه الصبية ايات القران بصوت ملي بالخشوع حتي يبارك الله
لتمبس في حياته الزوجية...
..سناتي من اعماق كنجو كنجو بقارعي طبول نقارة الترم ترم وسنصنع السيوف للقادمين من فيافي ارض الحلنقي
وعمر الشاعر وابو امنة حامد وكل اصحاب الوجدان الجميل الذين اهدانا اليها تمبس اغانيهم
...وياريت لي جناح طائر حتي احظي بلوحة عرس تمبس حتي نرقص علي نغمات الكمبلا..
وده الحلم يا بلاش يا باوقة وبالله دائما خلي احلامك كده وريحنا من فتحو كبري ولا قفلو كبري ..

Quote: تسلم نومتك يا ود الباوقة

عبد الكريم الليلة دايرين ننوم بالخيرة لاخونا معتصم دفع الله ...



ود الباوقة

شوف يا أصلي ..

قبل المكنة دي ما تمسك نار
تقوم طوالي تخش عبدالمعطي لصوفي أبوطالب من توفيق الدقن بتاعة ود الباوقة ده ..
و ظيييييط تخش ليها صلاح حريقة .. و طوالي صحيح البخاري من راسك لكرعينك المفاريك ديلك ..
و بعدها تتخمد تنوم و تتغطى تقيل .


الليلة عندنا حولية في الحلة يا أخو ( فتة كده و دهون و حاجات ) .. فضلة خيرك
أنا ح " أرجحن " و أمسك ليك إسم , و أجرو ليك ..

ود الباوقة خليهو بعد داك يشوف ليهو " أب كرنك " لأب كباس بتاعو ده يلبسو ليهو .


عدلنا ( كرعينك )

Quote: ود الباوقة خليهو بعد داك يشوف ليهو " أب كرنك " لأب كباس بتاعو ده يلبسو ليهو .

اخي عماد يا اخوي اب كباس اب ترباس المهم الرؤيا بالنتيجة ... انت يعني مستبعد عرس تامبا ..

والله تراه بعيد وربما هو على الابواب ..


ود الباوقة

Quote: أما عن كون النتيجة 3 أهداف للمريخ في ظاهرة بوضوح في ( ايدين ورجل واحدة ) مما يعني أن الأهداف سوف تكون ( هدفين ) بالرأس وأشار لهما باليدين لأن اللاعب في داخل خط تمنتاشر يؤشر عادة ( بيديه ) لزميله الذي ( يعكس ) الكرة ليعكسها له ليضعها برأسه في المرمى . والهدف الثالث بالرجل وقد تمت الإشارة إليه صراحة . أما عن كون فريق الصفاقسي لم يحرز هدفاً فهي واضحة من القول ( والرجل التانية كما هي بيضاء من غير سوء ) وبذلك تكون المحصلة النهائية 3 / صفر لصالح المريخ

الله يقطع مصرينك يا عاطف قطعت مصارينا من الضحك ..

Quote: الأصل في ( بياض ) تفسير الأحلام أن يدفع بعملة بلد المفسر( اللي هو أنا ) لكن من أجل التسهيل تقبل عملة الريال (السعودي )

كان العرس تم نديك باليورو .. قصرنا معاك



ود الباوقة

الأخ العزيز خالد
أنا متفق معك تماما في كل ما قلته. فقط ماذا لو حكى أحدهم رؤيا و تعمد شخص أن يفسرها بصورة تضر شخصا معينا. يقيني أن الله لا يمكن أمثال هؤلاء الأشرار من عباده و إلا لألحقوا بهم من الضرر ما الله به عليم. كلامي كله كان منصبا على هذه الحالة. و أتفق معك في كل ما قلته.

عليكم الله يا جماعة نحن هس في حالة زواج ما تعكروا مزاجنا وتعكننوه .

الردود سنأتي لها بالترتيب ...


ود الباوقة

Quote: الأخ العزيز خالد أنا متفق معك تماما في كل ما قلته. فقط ماذا لو حكى أحدهم رؤيا و تعمد شخص أن يفسرها بصورة تضر شخصا معينا. يقيني أن الله لا يمكن أمثال هؤلاء الأشرار من عباده و إلا لألحقوا بهم من الضرر ما الله به عليم. كلامي كله كان منصبا على هذه الحالة. و أتفق معك في كل ما قلته.

الحبيب العوض
الله لا جاب الخِلاف وإن شاءالله دوماً متفقين
من كان يقصد الله لا يجب إلى مايرمي ويرده عليه
لكن أنا كنت أيضاً أتحدث عن الشليق الذي لا يقصد الضرر بل شلاقة وبس, هذا الذي حذر منه الرسول الكريم

سبعة قدور محلبية
سبعة قدور صندلية
سبعة قدور ريحة نيه
نسيبتو قالت شويه
حرمان ما بدخلن عليا..



كراع واحدة .. كراعين كلو ماشى
اها يلا نبدا ..
قولو مبروووووووك

ان شاء الله يا بشري لما يشوف الصينية دي قلبو يحن ...



ود الباوقة

Quote: بش شفت الحنة ايدين ورجل واحدة والرجل التانية كما هي بيضاء من غير سوء

يعني بس لو صبرتا شوية وكملتا حلمك ياود الباوقة كان كملو ليو الحنة

مستعجل صاحي مالك؟؟

Quote: مستعجل صاحي مالك؟؟

تماضر..

كدي النشوف جكتو في رؤية الليلة دي ...


ود الباوقة

هاك دي يا عريس:

أخونا خالد الطيب/عصام أحمد كتب:

Quote: بالرغم من أني ما قاعد أفسر الأحلام كتير..لكن أحاول

طيب شوف دي ولاحظ التفسير الوردي اللطيف الظريف:



أسي لو ده إنت يا تمبس كان خالد الطيب/عصام أحمد قال الطيران في الحلم دليل
على إنو حا تطير منك قروش أو وظيفة... والغمام في الحلم دليل على البكا

Quote: : الأيدين المحننات دى العروس والرجل الواحدة المحننة دى تمبس! الله يقويك يا تمبس!

اليدين الاتنين المحننات حقات العروس ديل يا تيمان يا اتنين مليون دولار!
ما تمشى بعيد خالص تتخلع وتخلى العرس !
فى زمن الهندسة الوراثية اى حاجة ممكن
جنى

ايوووووووووويه ايووووووووووووويه

فكيت الزقروته قبل ما أعرف عن محتوى

البوست ودالباوقة ،،


دي بس أمنية قلبية كلنا في دواخلنا ،،

آميييييييييين يا تامبا يا غالي ،،

Quote: ايوووووووووويه ايووووووووووووويه فكيت الزقروته قبل ما أعرف عن محتوى البوست ودالباوقة ،،

تصدقي يا خالدة لو كا كان زغروتك دي كان حضرنا الجرتق هي الصحتني من النوم ..

لك الود 00


ود الباوقة

تمبس ربنا يتمم عليك علي الف خير

وبيت مال وعيال ....

وانت ما براك الليلة

نحن معاك في السيرة ..

اي مناسبة عرس بجئ زول كده يخرمجها وبتصدوا ليه

الناس اول مرة اشوف لي عريس بشاكل يا زول بتكرفس الهدوم السمحة

وبعدين مرتك دي قاعده هناك براها امشي عليها

Quote: تمبس بي شحمو ولحمو وسط العديد من الحسان الفاخرات

تمبس..شكلك كده واقع موريتانيا !!

يا جماعة حفلتكم دي لسه ما بدت ..؟
اول حاجة شكرا لي كل الناس الجات تبارك ولقتو مقلب من الريس ود الباوقــة .. وحلم (فسيخ) ساكت

معليش يا جماعة انا والله معاي ضيوف في البيت .. كنت بتابع البوست اللطيف دا .. بوست عرسي الاسفيري .. الضيوف ديل فيهم أهل العروس طبعا والواحد الشاف (رجلو) التانية دي دخلت الحوش ما كضب
لكن يا ود الباوقــة مبدئيا كدا هاك :

ود الباوقة .... سلام

تمبس ده (الدردقة) للعرس بتاعه ... إبتدت من بوست أخونا / هاشم بتاع توب تمبس

أها غايتو ..لو الموضوع ده حصل ...ياهو تمبس اللي ح يوديوه الضل في نص الليل

عموماً مبروك ...لعريس الموسم... وكلنا لها ياتمبس ...

وأهلنا قالوا ... الموت سمح ماتخربوا بالرفسي

-

إنتو (دينــق) وين ..؟
يا دينـــق:
والله دا يوم حوبتك الليلة .. كلو For free لكــن تخلق اي (تلوث بيئي) بي حنتي دي بتغابى فيك العرفه

صباحية مباركة يا عريس
العرس بحررو اسيادو

Quote: إنتو (دينــق) وين

دينق دا قال بجي يحضر الجرتق ...



ود الباوقة

Quote: الموت سمح ماتخربوا بالرفسي

غايتو ياحاتم مثلك دا يطرشنا ما سمعنا بيهو ..

المثل هو الموت وسط الجماعة عرس .. مش رفس ..



ود الباوقة

Quote: وأهلنا قالوا ... الموت سمح ماتخربوا بالرفسي

لوووووووووووول يا مجنون !
البرفس منو الميت ولا أهلو!
والله بى اربعة آلاف فولت ما يرفس!
هو نحن المرقنا من السودان شنو غير الخوف من الموت!
والله انا لوكنت فى السودان كان يكون عندى شاهدين قدر حجر الأساس من الملاريا من سنة 1985 !
علا نفدت بى جلدى!
ود الباوقة ملاريا واحدة فى الاجاززة الا لحقها بى راجمات ارضية!
يعنى انا الا بى B54 !
جنى

تمبس
إنت عارف يا فرده الجماعه الحاقدين (المتزوجين)
وراك لحدي ما يدبسوك
بعد داك هاك يا سؤال عن الولاده
بعد الاول اسألوا عن التاني
اها حدهم الخامس
بعد داك اتونسوا بيك و يقولو والله المسكين محمول
ودابكدوك

Quote: بعد داك اتونسوا بيك و يقولو والله المسكين محمول

ابو كدوك .. محمول جوا مش كدا ..

والله صاحبك تمبس دا تفتيحة وما اظن يتورط ..



ود الباوقة

Quote: ود الباوقة ملاريا واحدة فى الاجاززة الا لحقها بى راجمات ارضية! يعنى انا الا بى B54 !

غايتو يا جني كان جاتك ملاريا كان لا هس راقد في التجاني الماحي ....



ود الباوقة

دليل على انو عينو طايرة ..
ودا آخر كلام عندي .

يا عريس
ياسايق الفيات عج بي وخد سنده
بالدرب التحت تجاه ربوع هند
زغت بى الدرب التحت يا عريس!
محظوظ الزمن دا البقع ليهو فى عروس وارثة!
شقتين وعليك التاثيث!
كاش لا تقبل الفيزا والماستر كارد !
والا عليك بالشقق المفروشة!

الإيدين المحننات ديل شتات والكاردينال

والكرعين واحدة محننة وواحدة فاضية
ديل معتصم وحميدة لأنهم ديما مختلفين

بس العرس حاصِل حاصِل
ما تتزاوغ يا عريس..

أها العروس هِنا ولّا هناك؟

Quote: وأهلنا قالوا ... الموت سمح ماتخربوا بالرفسي

شكيتك على الله كان داير( تموتنى) من الضحك و (الرفسى)
انا الموت ما نى خايف منوعلا خايف ما أقدر اتنفس جوة القبر!!
دى ياها العوجة ذاتها!
سؤال منكر ونكير فى مشى كدارى وركشة وامجاد اكل ويكة وفول وكان بالغنا بامية مطبوخة!
الله لينا من الراجينا!
جنى

" target="_blank">http://://www.youtube.com/v/i6zaFrPkK4U&rel=1"><...l />


ألف ألف مبروك لأبن الهامش تمبس.

أها العروس من وين؟

العباسية ولا حي الضباط؟



دينق.

الأخ مفترع البوست " ود الباوقة"
الأخ العريس تمبس ...
وجميع المتداخلين .....


أولا مبارك يا تمبس عليك العرسة الجاياك دي وتاني الحنة دي حنان شديد جاييك وأظن بعد حنان الأم تاني إلا حنان الزوجة لو كانت صالحة والله البنات .... والله أعلم ..

يازول جهز نفسك والموضوع دة تم خلاص وتستاهل ياعريس ...

Quote: يازول جهز نفسك والموضوع دة تم خلاص وتستاهل ياعريس

اخي انور تامبا جاهز بس باقي ليهو الشيلة واجار الشقة واستخراج الاستقدام واغراض البيت ..

شكرا على المرور الكريم



ود الباوقة

يا جماعة الخير انا الشمار كاتلني عديل كدا
الحقيقة لا حلم ولا يحزنون
الموضوع حصل والحنة كان جد جد
والربا حصلت وهاك يا ططش
وهاجر جبره
وراجل المرا حلو حلا
والجبجباوالشمشرا
وكلام كتير كدا بالعربي انا ما فهمتو
بس ما غنوا لينا عديله
ودا الخلاني ما قدرت اخبي الشمار
واديكم الشمار بتاع العروسة
هنا معانا في البورد
أحي أنا من الشمار الواجعني دا
موضوع الحلم طبخه عملناها عشان نرضي جماعة كدا
وكلفنا ودالباوقة
وأن عدتم عدنا

ود الباوقة

كدى خلونا فى الاحلام دى,,,,نحن ما نسوى الموضوع جدا جد نشوف مشكلة الجميلين تمبس ومعتصم وين وفى شنو بس انتو عاوزنهم شموع تتحرق ليكم طوااااالى كدا
ياتمبس احجز الاستراحة وياتمبس اعمل اعلان كذاويامعتصم انت وين من وداع فلان وحفلة علان
وياتمبس الاستراحة ديييك الحريم قالن ما كويسة,,,وياجماعة نحن مش عاوزين جلسة عذابية
وما حصل يوم واحد شفت تمبس ولا معتصم او شتات واحد فيهم اعتزر كدا ساى مافى
مش زى ابقوتة لو لا الصادق خليفة او هولاء الجميلين كان طلعت اسم مستعار بكتب من قرية من قرى الجزيرة,,,,

نخلى البوست دا دعوة جميلة موجهة لفيام فرح لهولاء الجميلين
ونبحث عن المشكلة وين,,,,وريدك بقى المشكلة
اكيييييييد ثم اكييييد العروسات موجودات لو هنا او السودان
طيب المشكلة وين,,,
الاستراحة موجودة الفنانين مجودين الالات العزف موجودة
اذا العروس موجودة هنا يبقى من حساب لحساب وانا على رسوم النقل
واذا كانت العروسات فى السودان,,,والاقامات لا تسمح بقدومهن,,انا على استخراج الاستقدام,,من مكتب خدمات,,بس سعر الاستقدام 12 الف,,,وممكن نجيب الثلاثة نسوان فى استقدام واحد اذا كان مكانهن السودان,,واذا تبرع الخيلان الاعمام من استخراج
زكاتهم من محصول السعودية مش بطال,,,

نبقى للدفع,,,,اول الداقين صدورهم حيكون صاحب البوست
1- ود الباوقة
2-
3-
4-
5-
6-
0
0
0






20- احمد ابقوتة 1000 ريال سعودى

طبعا انا خليت الارقام الفوق دى لاناس الدفع التقيل

وخلونا نفرح والعافبة عندكم فى المسرات

Quote: يا جماعة الخير انا الشمار كاتلني عديل كدا الحقيقة لا حلم ولا يحزنون الموضوع حصل والحنة كان جد جد والربا حصلت وهاك يا ططش وهاجر جبره وراجل المرا حلو حلا والجبجباوالشمشرا وكلام كتير كدا بالعربي انا ما فهمتو

يا خـال دي اشاعة ..
ود الباوقة الفسيخ قام بيهو وحلم بي الحنة..
أمس الجمعة دي طبعا بتكون (جهجهته) التركين (جهجهة) شديدة، وشايفك تميت الحفلة لي ود الباوقة ..
بلاي تاني اتعشو لينا خفيف واشربو لبن .. عشان ما تعملو لينا نفسيات ..

تامبـــا ..
مبروك ياعريس ..
وياود الباوقه .. الحنة في اليدين خير كتير .. وأما الكراع المامحننه فده معناهو إما العروس في السودان .. أو نص نص .. مره في السودان ومره مافي السودان .. وإمكن كمان تكون سودانية عندها جواز تاني [ أمريكي - بريطاني ..الخ ] أو تكون نص نص .. يعني سودانية وما سودانية .. ملخبطة ..
المهم مبروك ..
أما عن خالد الطيب .. فده ضهب .. عندنا ليهو حلين :
1- سوط العنج بتاع الأرباب .. نعمل فيه حكاية الضهب الحكاها ناذر الخليفة .. نقع فيهو بالسوط شبطك شبطك .. لمن يشتت .
2- عيار طايش .. من الطبنجات الشغالة أثناء العقد .. نجيب آخره ..و السلام .
المهم ياعريس .. ماعليك .. نحنا شفوت متعودين على الضهب البجو لاطين .. ويقعدوا يرموا الكلام يمين شمال .. ومرات يفسروا علي كيفهم .. عندنا خبرة كبيرة في التعامل معهاهم في الحفلات .. خليك في حنتك .. والضهب خليهم علينا .. وإظنك إنته مجربنا في الحفلات .. وعارفنا شفوت
ود الباوقـــة .. أحلم لينا بالصبحية .
وزير العريس الأرباب

Quote: والجبجباوالشمشرا

نسال الله العافية .. مالك يا خال في زول غلت عليك ..



ود الباوقة

يعني الواحد يغيب خميس جمعة من المنبر دا يلقى تمبس حننوهو !!!!

ود الباوقة احسن ترجع تكمل نومتك وتشوف لينا الرجل التانية حصل فيها شنو

ود الباوقة

تحياتي

Quote: بش شفت الحنة ايدين ورجل واحدة والرجل التانية كما هي بيضاء من غير سوء .. نرجو من مفسري الاحلام مساعدتنا بما يستطيعون الى ذلك سبيلا ..

دة غايتو زواج مسيار .. لأنو زواج المسيار بيمشوا ليهو خطوة قدام و خطوة لي ورا حفاظاً على التستر.

تمبس

ود الباوقة يقول : أنه غير متأكد من الرجل هل هي اليسرى أم اليمنى ..
يعني يا علاء حتى إنت في الحلم شغال فوتو شوب و مرات جب بي جي و مرات بي دي إف ؟


ود الباوقة .. لما تنوم طفي الكمبيوتر و الشاشة و شيل كل أجهزتك دي من غرفة النوم

نصيحة اخوية للعريس تمبس عليك بشراء كتاب " كيف تحقق أحلام الأخرين" ... بعد ما تقرأ الكتاب تقوم طوالي تقرر الزواج بأسرع وقت ممكن... وبذلك تكون حققت حلم الاخ ودالباوقة.

Quote: تمبس عريس ...

Quote: والله يا جماعة الخير نايم في امان الله .. فجاة وبدون اي مقدمات ارى فيما يرى النائم تمبس بي شحمو ولحمو وسط العديد من الحسان الفاخرات وتعال يا ديك الحنة الماخمج

..

Quote: عبد الكريم الليلة دايرين ننوم بالخيرة لاخونا معتصم دفع الله ...

والله يا ودالباوقة شكلك كده عايز تخرب لينا الرصة ..
ودا بعتبر إنتهاب لحقوق المعذبون في الأرض أقص العذاب
غايتو أنا إلا تنوم لي بي فاليوم


يا تامبا ..
أعمل حاسبك من شتات والطيب حسن ..

أها تفسيري دا كيف ياريس

اليدين المنحننات دي البي قفاهو دي

والرجل المحننة .. كلك نظر

ود الباوقه كترت المحلبيه
يكون سد مالو بشيك في انتظار التغطيه والله شنو؟


تخريمه:-
تمبس انا ماتقولي ظهرت من وين
جيت في باص السيره

وانشاء الله تضوقو يا تمبس

والله المــره دى شركو ليك شرك ماكن
جد جد





قول آمين يا تامبا


إنشــــــــاء ( طق يقبضك )
من رجلك المجننه





ــــــــــــــ

ود الباوقه عليك الله ( ما تشوف لى الخيره معاك بالمره كدا )

والله انا لما إتخلعت
من الفرح

آمين تصدق الرؤيا يا جماعة الخير

سلامى للجميع
سؤال لود الباوقة /هل نمت طاهر ام .... واتعشيت بو شنو بام على ولا ابو على و بخصوص تمبس مازال صغير و جاهل اهلوا ماشبعوا منه ومن اغترابة اما تفسيرى للحكاية اليدين هما ترحيل المواصلات لميدان جكسا و الاستاد اما الرجل المقصود منها مواقف سكة حديد و لاللتمبس مجزأة و يااخى تمبس اكثر من البنصبربيها شويا و ياجبل مايهزك ريح مع امنياتى لك بحياة سعيدة

يا ود الباوقة تاني إتعشى خفيف وإتغطي كويس قبل ما تنوم خاصة الأيام دي البرد نزل . يا أخوي ( ثلاثي أضواء النت ) ديل حالفين ما يعرسوا ( تمبس ، موو ، شتات ) .

Quote: وتوديني المطار أنا قايم بالتونسية إنت عارف مواعيده ما بتتأخر..

هسه عليك الله يا عريس في داعي تقلب علينا المواجع دي !!!! أها المصرية مالا عيبا لي يعني إلا التونسية دي .... أخاف كمان تشيلك الهاشمية وتقول حرم شهر العسل في تونس ..... مع أمنياتي بأن أراك وصحابي في ( الكوشة ) بس من غير كاميرا ..


مودتي ،،،

تمبس حبينا
بقيت تكتب سطر وتفط عشرة!
اها وكت قلت الروب!
عتقتك لوجه الله!
قلنا نريحك تغلبك بالمال وبالعيال مع بعض الاتنين!
المال والبنون زينة الحياة الدنيا!
فى زول بيابى ليهو مرة ماركة خروف ابوسعن صرفة وجراد!
جنى

الله علي العنابي يا تامبا ..

دا حايكون ختم الماذون ياتمبس ..



ود الباوقة

تعرف يا ود الباوقة زمان تمبس ده اتقدم طالب يد بنتي هبة الله ( اصغر بوردابية ) وطبعا هبة كانت عاملة تقيلة جدا والمدام كانت منتظرة فتح الخشم ان شاء بكرتونين بامبرز ... وحاتك ما اشتغل بينا ... اها قلنا انو هبة تسافر وتجي راجعة ونشاورها في الامر كان سكتت خير وبركة ( بما انو لا اعتقد ان شيم هذا الجيل الخجل ) وكمان كان قالت لا بتبقى حنتو دي لزولة تانية ..



مودتي ود الباوقة وامنياتنا ان نشوف تمبس عريس ..

يا تمبس بعد دة يا اخوي وكرت تب
يكون فضل لينا دكين