Post: #1 Title: ألهلال عندوا ((امجاد)) بيستلم إيرادها كل شهر سايقا((الفريدو))!! Author: سامى عبد الوهاب مكى Date: 11-07-2007, 06:01 AM
معقولة يا هلال قاعد في مكانك ولااااااا مشارك في حتى ((ندوة)) وكل يوم ناطي لينا بي مكنة ((الهلال يتقدم في التصنيف))
يعني الحكاية زي الزول الاشترى((امجاد)) وشغل فيها سواق يجيب ليه الايراد!!
إذا كانت الشغلانة من واقع المشاركات..فـ ((ببح..))
خلو المكنات!!
عمرها ما تعمل كاس...
الايام دي نفسياتكم في السماء...مباراة المريخ عالجتكم!!
البيشوفكم يقول راجين تلعبو مباراة الرد في الفاينال!!
ولا يقول المجد كان كن نصيبكم!!
فعلاً ناس فاضية وشغالة بالفارغة ومقدودة.
Post: #2 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: Abdulbagi Mohammed Date: 11-07-2007, 06:18 AM Parent: #1
يا سامي سلام
Quote: ((امجاد)) وشغل فيها سواق يجيب ليه الايراد!!
يا اخي ما تخليها هايس
Post: #3 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: عمر الفاروق Date: 11-07-2007, 06:26 AM Parent: #1
امجادنا دي شغالة بي بنزين "نفطها" تونسي مش مصفاة الجيلي.. يا حليلك يا سامي بقيت تبرطم زي باقي اخوانك سااااااااااااااي.. والله السواها فيكم "كواسا" لمبور ما ظنيتا تطلع تاني.. شايف صاحبك مزمل بقا يقول نحن تواني الكونفدرالية ويكفي اننا جينا بي الميدالية الفضية إنت يا سامي مباراة الرد اتلعبت خلاص ؟
Post: #4 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: abuguta Date: 11-07-2007, 06:38 AM Parent: #3
ياود الفاروق خلوهم يتنفسو شوية قلوبنا معهم وهم يلعبون مبارتى الرد لكن لو المريخ قال كدا عملها وقلب الطاولة هزم الرجاء ,,واتفشى فى الصفاقس,, لكن يافاروق مفروض تخلوهم يهزمو الهلال فى المباراة الاولى عشان ينتعشو اكثر,,,كفاية عليهم الناس ديل ويجى الهلال يهزمهم فى الثانية,,,
تانى وصيييييف
اربعة ايام كساد فى صحفية الصدى
Post: #5 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: abas Date: 11-07-2007, 06:45 AM Parent: #1
سامي يا حلو
بقيت تسوق زي اخوانك
مع انك معترف انو سيد البلد تيمو صاح
المهم في الموضوع السواقه جوه البلد
هل سيد البلد عرسوه جوه بلده بي 4 اقوان وبعدين سوقوا سواقتكم
Post: #6 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: حمزاوي Date: 11-07-2007, 06:52 AM Parent: #1
سامي اخوي عايزين سواق للامجاد السواق قال من مؤهلاته انه بيعرف يقلب هوبا هوبا المجد واذا ما بينفع الشرميطي جاهز
Post: #8 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: abuguta Date: 11-07-2007, 07:03 AM Parent: #6
اشهر سواق امجاد
لاعب حريف جدا, لفريق المريخ له انجازات يتباهى بها القوم بهدفه المشهور الذى راوغ به دفاع الخصم احرز المريخ كاس سيكافا مازال المريخاب تتغنون به والصحافة تكتب عن ذلك الانجاز وتجنى الفائدة وهو سواق امجاد,,, ننزل الصورة وهو راكب الامجاد بين الصحافة والسوق الشعبى ولا مافى داعى
لكن والله حالتكم تحنن المغترب ابو لوحات حمر و امامو نقطة تفتيش,,,وياتوب لقى ليه شغل بعد اربعة سنين قاعد عاطل,,
Post: #7 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: Ahmed Alrayah Date: 11-07-2007, 07:02 AM Parent: #1
Quote: معقولة يا هلال قاعد في مكانك ولااااااا مشارك في حتى ((ندوة)) وكل يوم ناطي لينا بي مكنة ((الهلال يتقدم في التصنيف))
سلامات يا سامى عبد الوهاب
تصنيف الاتحاد الدولي لإحصاءات كرة القدم تصنيف نتائج وليس تصنيف مستوى، لأن مقارنة فرق لا تشارك مع بعضها في منافسة واحدة أمر لا يسنده منطق.
التصنيف يرتّب الأندية وقف نتائجها في آخر 12 شهر لحظة صدور الترتيب الشهري، وعلى سبيل المثال فإن آخر تصنيف كان يشمل الفترة من 1 نوفمبر 2006 حتى يوم 31 أكتوبر 2007
أما المنافسات التي تُعتمد نقاطها فهي المنافسات الوطنية (الدوري والكأس)، والمنافسات القارية، والمنافسات التي ينظمها الفيفا. وهذا يفسر لماذا تقدم الهلال والمريخ في التصنيف رغم خساراتهما لكل المباريات الإفريقية في شهر أكتوبر (النجم+دولفين)، فقد أضافا نقاطاً لرصيدهما بالفوز في مباريات الدوري الممتاز (فاز الهلال على مريخ الثغر والخرطوم واتحاد مدني والأمل بينما فاز المريخ على هلال الساحل وحي العرب والخرطوم).
البطولات الوطنية مصنفة بحسب مستوى الدول كرويا، بمعنى أن الفائز بمباراة في الدوري الإنجليزي -مثلا- يحصل على نقاط أكثر من الفائز بمباراة في الدوري السوداني. نقاط الفوز بمباريات الدوري أكثر من نقاط الفوز بمباريات الكأس، نقاط الفوز بمباراة في البطولة القارية الأولى (دوري الأبطال في إفريقيا) أكثر من نقاط الفوز بمباراة في البطولة القارية الثانية (الكونفدرالية في إفريقيا)، وعلى ذلك قِس.
لمزيد من التوضيح:
الفائز بمباراة في دوري أبطال إفريقيا ينال 9 نقاط، وينال المتعادل 4 نقاط ونصف الفائز بمباراة في الكونفدرالية ينال 7 نقاط، وينال المتعادل 3 نقاط ونصف
الهلال حقق هذا الموسم 81 نقطة في دوري أبطال إفريقيا بالفوز في 8 مباريات والتعادل مرتين المريخ حقق هذا الموسم 49 نقطة في الكونفدرالية بالفوز في 6 مباريات والتعادل مرتين
وهذا يفسر لماذا يتقدم الهلال على المريخ ب 45 نقطة في آخر تصنيف.
Post: #9 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: Ahmed Alrayah Date: 11-07-2007, 07:10 AM Parent: #1
... نسيت الإشارة لمصدر المعلومات الواردة أعلاه، وهو موقع الاتحاد الدولي لتأريخ وإحصاءات كرة القدم.هــنــا
Post: #10 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: محمد البشرى الخضر Date: 11-07-2007, 07:26 AM Parent: #1
اها يا سامي إن شاء الله لقيت إجابة لسؤالك و عرفت من ذبح المريخ
Quote: لايام دي نفسياتكم في السماء...مباراة المريخ عالجتكم!!
هي علاج نصاح هنو لكين علاج السرور ولسة الجرعة التانية و التالتة في رحلتي الرجاء و الصفع و نقضي فترة النقاهة يوم 29 في الرش كتر ومسخ محل القاعد بجيب قونو و القون بي السدر يتحاور
كدي هاك أسمع تعليق ندى القلعة على هدافكم الجديد
Post: #11 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: عمر الفاروق Date: 11-07-2007, 07:29 AM Parent: #1
احمد الريح : مسعول من الخير .. إنت يا أخوي الكونفدرالية دي لقيطة ولا بت حرام الإتحادات دي بتسوي فيها كده!!!
Quote: الفائز بمباراة في دوري أبطال إفريقيا ينال 9 نقاط، وينال المتعادل 4 نقاط ونصف الفائز بمباراة في الكونفدرالية ينال 7 نقاط، وينال المتعادل 3 نقاط ونصف
دي وجهة نظر إتحاد الإحصائات وكده .. أما إتحاد الكف ففارز ليهم عيشتهم حتى في مستوى الجوائز !!! ياخ الهلال الثالث نال جائزة مالية أفضل من الصفاقسي البطل !!!! والله انا خايف تاني الكونفدرالية مفروض يدفع للإتحاد!!
أما على مستوى الإعلام فالكونفدرالية ما عندها إستديو تحليلي بين الشوطين اللهم جاملوهم في النهائي وما عندها دعايات!!!!
Post: #12 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: سامى عبد الوهاب مكى Date: 11-07-2007, 07:36 AM Parent: #1
تعرف يا ابوقوتا مشكلتكـ عويصة.
لو أفتكرت إني بسخر من سائقي الامجاد تكون فعلاً رشاشة...
المقارنة فقط لاثبات مكنة كل شهر البقت ليكم العزاء الوحيد!!
((الهلال يتقدم في التصنيف!!!)) يعني يا ابوقوتة افرض بعد عشرة شهور والهلال ماشي بي امجادكم السايقا الفريدو دي وبقى العاشر عالمياً((هل يغني ذلك عن إحراز بطولات((كأسات))؟؟))
شكراً يا احمد الريح على التوضيح!!
فعلاً شرح مبسط وواضح...ولأول مرة أدخل على الرابط.
لكن يظل السؤال قائم ما جدوى مثل هذه التصنيفات!!
وهل نتعشم في عدم إزعاجنا بضوضاء التصنيف!!
Post: #13 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: abuguta Date: 11-07-2007, 07:43 AM Parent: #12
Quote: لو أفتكرت إني بسخر من سائقي الامجاد تكون فعلاً رشاشة...
سامى العزيز
انا فاهم كلامك,,ولكن الما وقع لى ووقع لمزمل كلام ود الريح دا
بس انا عاوز اشوفك انت لسع صاحى من الصدمة لانك صحيت قبل يومين وكتبت عن المشكلة,,من ذبح المريخ لكن تانى جاتك الغيبوبة بفعل ناس همهم غير همك قالو ليك دا شان مريخى ونسيت هدفك
مشكلة والله مشكلة ودمت
Post: #14 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: نادر محمد الراضي Date: 11-07-2007, 08:05 AM Parent: #13
إنتا عارف يا سامي موضوع التصنيف
بقى ليهم فرمالة وبيعدوهو كأنو كأس
ولم يدركوا حتى الآن أن تصنيف ألفريدو
الفطير قائم على الإستماع وإرسال النتائج
عن الطريق الإيميل والفاكس من أي مشجع
وبصراحة كدا تصنيف فيهو فريق من بنجلاديش
وماكاو وجزر المالديف ما بيشرفنا ولا نتفاخر بيهو
دعهم غييييهم وحقدهم يعمهون ....
Post: #15 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: عمر الفاروق Date: 11-07-2007, 12:42 PM Parent: #1
يا نادر وسامي:
Quote: ولم يدركوا حتى الآن أن تصنيف ألفريدو
الفطير قائم على الإستماع وإرسال النتائج
عن الطريق الإيميل والفاكس من أي مشجع
وعمّكم ألفريدو ده لمن جا صنّف هدّافين العالم يا ربي جا إستاد المريخ بي دفارات السوق الشعبي ؟؟؟ وتصنيف أمجاد ألفريدو ده لمن يكون حق العجب مالكم بيبقا ليكم زي راجل المرا حلو حلا .. ولمن العجب يتقدم شبر لي قدام بتقدونا بي التصنيف العالمي والهداف العالمي .. يا ربي يكون إيراد الشهر حقكم بتاع ركشة ؟؟ أعملوا حسابكم الجوكي ما يقوم بي القروش؟؟ كلها 20 ألف !!!!!
Post: #16 Title: Re: ألهلال عندوا ((امجاد)) بيستلم إيرادها كل شهر سايقا((الفريدو))!! Author: keiga2000 Date: 11-07-2007, 06:31 PM Parent: #15
الاخ سامي
وحيظلوا هكذا زي المره النقناقه في الفريق تدخل من بيت لبيت تنقل في الخبارات لحدى ماتصل لسنة الـ80 وتمشي بالعصايه وهي لسع بحاله
ديل الله غضبان عليهم غضب شديد ومسخوتين وديل عمائلهم الما بتقدمهم ابدا
