Post: #1 Title: نحو تماضر العزيزة ، وياريتُم يصلن وافر ... Author: Ibrahim Algrefwi Date: 11-05-2007, 09:36 PM
ولا لوحُ ولا قلم ...
... ... كما وورد في الأثر " جلسن شـوف ياحلاتن ، إعداد وتقديم عوض بابكر ...
Post: #2 Title: الجنس للجنس رحمة ... Author: Ibrahim Algrefwi Date: 11-05-2007, 10:13 PM Parent: #1
Mauritania من يحكي لنا عن مورتانيا ؟
أُسقط في يدي - نأسف للإستخدام الخاطئ - لنقل وقع في بصري وسمعي هذا الإنشاد الصحراوي البديع في مجري " السيشن" اليومي في الإنترنيت وأنا ابحث عن مغني سنغالي عجيب اسمه "دابي " عرفته مؤخراً عبر فيديو في يوتيوب برضو " آند ايفري ثنق از يوتيوب " في حفل بباريس مع المغنية البديعة صاحبة الإسم الجميل "سُعاد ماسي" ، روابط في روابط ، دو في ريه في رابط قادني إلي مورتانيا ، فشدني هذا الفيديو بشكل غير مسبوق وسمعت التسجيل قرابة الالف دورة في ظرف ساعة واحدة، واشرقت برأسي تماضر شيخ الدين ، لا اعرف علي وجه التحديد ماهو الدرج ولكن ربما لعلاقتها بالفن الإجتماعي والانثروميوزك والدراماالإنسانية ومالف لفهاالفنان، والإبداع النسوي عموم، ربما التياب الولوفة علي البصر والبصيرة ، من صوت المنشدة الملائكي تذكرت وافر والمزيكة والصحاري وتكوين "تومي تومي " المختلف فعلاً ... التسجيل ممتع ومميز وغني ... ولكن من يحكي لنا عن مورتانيا "ويخلق من الشبه اربعين" ، الجارة الوسيمة، عن ناسها، ثقافاتها وموسيقاها ... من ؟
Post: #4 Title: Re: الجنس للجنس رحمة ... Author: Emad Abdulla Date: 11-05-2007, 10:32 PM Parent: #2
Quote: نحو تماضر
... نحوها .. و بنات الشناقيط .. نحوهن .. و نحونا يا زول يا قيافة .. عن شبهينا و إتلاقينا .. نحونا .
Post: #7 Title: Re: نحو تماضر العزيزة ، وياريتُم يصلن وافر ... Author: Tumadir Date: 11-06-2007, 02:13 AM Parent: #1
طيب انا اقول ليك ليه ربطت بينى وبين السيدات الفنانات الظريفات ديل يا ابراهيم
دى ما البت الغنت مع الوافر تومى تومى
وتومى تومى دى انا الحرشت الوافر عليها
والبت دى صاحبة اميمة ورشا اخواتى ورشا وهى غنوا مع بعض كتير وبت اختها مومى تقريبا ساكنة معاهم فى غرناطة وهى بتجى تزور اسبانيا عادى عشان تشوف البت دى ......
Post: #9 Title: Re: نحو تماضر العزيزة ، وياريتُم يصلن وافر ... Author: Ibrahim Algrefwi Date: 11-09-2007, 10:51 AM Parent: #1
سلمات وسلامات
كلمني أيمن حسين قال : في مورتانيا الفن نسوي .!
كُلما احاول ادخل البوست واضيف مشاركة واتداخل مع الاصدقاء وتماضر والحالة ، تصيبني هالة من الطرب الصحراوي الحار (ويمتصني ورد فوضوي اللون) وتجدني اسمع وانفعل واسمع واعيد تشغيل اللوح والقلم والصحراء وأنسى... لكن ياتماضر فعلاً ادهشتني الشابة واثارت طربي وانا مفتون اصلاً بالطريقة اياها ، وفاجأتني جداً جداً جداً كونها هي نفسها من غنت في تومي تومي ، لدرجة ثقتي تعاظمت في معرفتي واحساسي بالإشارات ، المهم بالطريقة دي بنمرض ياجماعة ، محبتي للجميع فانا لا اجد ما اضيفه علي كلام راوية العباسي المختصر المفيد الحلو فالصوت جميل وعالي ومختلف والروح مشبعة بالانشاد والنديه زاملة ، فمودتي يا تاج ويفرحني مايفرحك ياخال وفيما يخص السنغال والصهاري "والمسيكة" كما يسميها صديق يخصني سنتكون بيننا رسائل واحاديث وتحياتي يا كرفس علي اللطف المستمر ، تحياتي ومحبتي يا زميل ، اما انت ياعماد ياعبدالله فوينك ؟ داير اقول كمان انو الوافر فنان حقيقي ، حقيقي ببساطة بمعني انه يعرف كيف يقدم مادة موسيقية جديدة وممتعة تفتح الافاق ، ثم ان شكله جميل ، الوافر اقصد ... وجدت هذا الفيديو في صفحة لوافر ومليجي ، قديم درجة وممتع نوعاً ... وقديماً قالوا لا مقاومة خارج الفنون ، مقاومة الضجر ...
يا ابراهيم الجرفاااوي لماذا تذكرت عوالم الكاتب ابراهيم الكوني وعوالم لصحراء الغريب وبكل شخصياته الجافه شكلا وعاطفه انسانيه مضمونا لماذا الله اعلم فاالصوت الدافئ تراثيا قويا - والحس المرهف طاغيا علي اعضاء الجسم من اول اهه بالمقطع.....اليك تحيه واشواق ابراهيم علاقتك بتاج السر شنو؟ود مدني؟ولا فى محطه الحس المرهف اتلاقيتو؟ولا جابكم سيل الفن ؟ تماضر احب جدا الوافر برغم مالقيتو مطلقا لكن برضو بحبو لانوفنان جميل زيو وباقي اخوانو اما رشا شسخ الدين سنحت لي فرصه انا والاخ بهنس وناصر يوسف ان نشترك في عمل فيدو كليب باسم (امي) وكنت مساعد مخرج الوقت داك وكانت جايه من اسبانيا جديده لنج ومن ديك اتفرقنا الي حيث لا ندري تحيه تماضر تحيه ابراهيم الجريفاوبلغ شوقي لياسر زمراوي وصديق انصاري الطويل تاج السر وينك؟متين نشتغل المواضيع الجميله؟؟ عليش
علاقتىبجريفاوى بى ( بسينة)..اها بسينة دى بتها ( أغبال)..بت عمتى من جهة ناس فاطنة و بأبوى اللقب قرمبوز جاى من الماحى ، و الجريف و اللوبا ، ود اختى ( شفت الشبه؟؟ ما بنتفرز الا انا لابس حجاب و عندى ضربة فى الأنكل ( أغبال) السنة دى نجحت يمكن تقدم ( علوم) ..وضحت ليك القصة يا عليش بعدين انت من السماية ما شفناك تانى..اللحمة غلتت عليك؟؟ ......... ....... نسيت يا شفيف
السلام تماضر راوية نهال كرفس عماد عبد الله...شنو؟؟ الوافر ده ما هين يا جريفاوى ، انا كان سمعتك ( ليال) ، مقطوعة موسيقية..بسينه ما بتلم فيك تانى، حاجة مخيفة، طلعت فى ( كومبايليشن) مع مجموعه من الموسيقيين الأسبان، بنزلها فى البوست ده كان طال الزمن أم قصر لكم جميعا الود و الوداد
تعرف يا تاج السر بفتش لي في قشه للسنون ....باقي لي خلاص السنون وقعن وحكايه اديني سن الغزال وشيل سن الحمار اوعك تصدقها لانو سن الحمار ما بتقع بسهوله يا صديق
كنت بتكلم مع الشابه اميرة علي (اميرة مدني) وفجاة التلفون قطعو مني ومنها ان بقي عندك تلفون جديد مدني بيهو(مشروع مسرحيه جديد في السكه عليش
عشان تقوم تعمل الحاجة الماكويسة ديك لسنونك؟؟ أميرة دى ما عرست دحين؟؟ و الله عرسوها ، مسرحية بعد ده الله أعلم علا كان تلاوة ساكت بعدين سن الحمار بتقع من عض الرقاب الكتير ده ، يا زول انت لسه صبى ، الفحيط خلى لينا نحنا البركة فى ود اختى قرمبوز ، ولد ما ساهل الا مراوحو بتكبس مرات ، و الكلام ده اكيده ياريت تجى علينا مرة مرة قرمبوز و الله لقينا الصالون بارد و بدينا ونسة و كلها بتصب انشاء الله فى موريتانيا ، ديل أظنهم بقية الأمويين الفارين من السفاح ، بشوف ليك الحكاية فى مقدمة ابن خلدون لكن من فرقهم العنيفة ( تيناروين) محسوبين عليهم و لا مالى الله العليم لكن ( روبرت بلانت) بتاع ( ليد زبلن) أشتغل فى الصحراء معاهم و مع ناس من مالى ياريت القى فى اليوتيوب حاجة.
، محبتي للجميع فانا لا اجد ما اضيفه علي كلام راوية العباسي المختصر المفيد الحلو فالصوت جميل وعالي ومختلف والروح مشبعة بالانشاد والنديه زاملة ، فمودتي يا تاج ويفرحني مايفرحك ياخال وفيما يخص السنغال والصهاري "والمسيكة" كما يسميها صديق يخصني سنتكون بيننا رسائل واحاديث وتحياتي يا كرفس علي اللطف المستمر ، تحياتي ومحبتي يا زميل ، اما انت ياعماد ياعبدالله فوينك ؟