أبو ساندرا... علّ العينين صبحن بي خير؟

كيف الأشواق يا زميل
كيفك
عل العينين صِبحن بي خير؟
ما الطير قال لَي
شافك بتحرّض في رمشيك
شان يحلبو ضي الشوف
لينقّط يصبح سيل
ضد الهدّام
الرمي قدّام،
عارفك فتران
مشوارنا طويل
لكن نسّام الصبر هديلو نبيل،
و أنا كل ما أشوف يدّك
كتبتلِي النَمْ
بسمع تُم تُم
و عويل الروح بتحوّل دفّه
تسوق وطني و نتلَمْ
و نلِم ما اتشتت في الكوراك،
اللون الأحمر فيك بيحب الشارع
و ذات الشارع
لمّا نصارع
و نفتح طاقة حسّو
بيبقي الطول الفارع فكره
و يبقي الحلم الناس الفاتو
و ختو الساس،
و أكيد
ماشيين في السكه نمد
من سيرة النسمه
العارفه معاني النيل و الحب
بتكُب في القلب اللون الواضح،
و حنمشي بصوتاً صادح
و نكتب في الكراس
عن قاسم و عبد الخالق
و عن رصّاصه
بترصد دم الناس الصاح،
بالصح كلّمني
كيفك...
عل العينين صبحن بي خير؟
و انا مفتكر يوم شاورت إيدك
علي هذا الخطر
و انّو بيوحّد شوقنا
ضد هذا النزيف المستمر،
بل كل ما يلمع علي الرمله النشيد
يقوي الحلم بالوقفه صفاً
جم بعض
يا كم جميلاً
حين تكورك في الجسد
كل الخلايا
بكم تحايا
الصبح أوسم من يضيع كدا في الزوايا
وطن يطنطن
زحمه لخمه
وطن يحنّن
لمّه سمحه
وطن يجنّن
و حين تزغرت بت هناك
و الناس تخش بيت الغنا
و المطره
تفتح بابا للشوق ضلفتين،
حتي الرمال الفي الخيال
تكتب علي القمصان تمام،
يا كل من خان البلد
بالدين فتح جبخانه
و فجأه جانا قعد معانا
سرق عشانا،
الجرح أعمق من نودّر شهقتو
و الفرحه عاتيه كما الجبال
رغم الحصل
نمشي في طريقا حجر حجر
و الصدق صافي كما النبال
نشّنا في كل اللي قال
إنّو البلد اتلبدت
سكتت
و مات حيل النضال
و أكيد تماماً
طالما روحنا بتبوح
بالممكنات المستحيله الوارفه
بحّة أناشيدنا بتروح
و الواطه ياها الفارعه
زي ما انيقاً في الشعر (حمّيد) بقول
دوماً لنا
نحنا البإيدنا القدره عدّالة العوج،
أفتح كتابك يا وريف
أقراك بلد
أقراك فتحت الطاقه
للمشتاقه للوكت الجميل
و أرفض معاي
أن لا نتساوي
و لا نتداوي
و لا نتخاوي
الأرض فسيحه
و برضو مريحه اذا اتسالمنا
و كدا نتوحّد و نبدا طريق،
يا رفيق
كيفك جداً
طمني عليك
علّ العينين صبحن بي خير؟

و سلام حتي مطلع الأمر
(الوردة لم ينطفئ عطرها إنما خيّل اليهم)

Quote: عل العينين صِبحن بي خير؟

لك التحايا اخي عاصم .... الاخ ابوساندرا بالف خير ويبلغك السلام .
العنين بالف خير مادام امثالك موجودين .... وباذن الله الواحد الاحد ستجري العملية وهي عبارة عن حقنة في العين يوم الثلاثاء 6/11/2007م صباحا في مستشفي حمد العام بواسطة طبيب عراقي وسيعود كل شئ الي طبيعته باذن الله خلال اسبوع .
ابوساندرا بقول : انا متاكد انوا الدعوات الكتيرة دي كانت سبب اساسي في استقرار حالته وتسهيل الامور من جميع النواحي .
سنكون معك ونمدك بكل جديد فقط اكثر من الدعوات حسب طلب الاخ ابوساندرا.
تحياتي
هارون دياب

عاصم كيفنك

ومشتاقين

قصيدتك بتهبش الروح من جوة
بالجد جميلة ومعبرة

وتحايا عبرك لابى ساندرا

رباب

Quote: كيف الأشواق يا زميل كيفك عل العينين صِبحن بي خير؟ ما الطير قال لَي شافك بتحرّض في رمشيك شان يحلبو ضي الشوف لينقّط يصبح سيل ضد الهدّام الرمي قدّام، عارفك فتران مشوارنا طويل لكن نسّام الصبر هديلو نبيل، و أنا كل ما أشوف يدّك كتبتلِي النَمْ بسمع تُم تُم و عويل الروح بتحوّل دفّه تسوق وطني و نتلَمْ و نلِم ما اتشتت في الكوراك، اللون الأحمر فيك بيحب الشارع و ذات الشارع لمّا نصارع و نفتح طاقة حسّو بيبقي الطول الفارع فكره و يبقي الحلم الناس الفاتو و ختو الساس، و أكيد ماشيين في السكه نمد من سيرة النسمه العارفه معاني النيل و الحب بتكُب في القلب اللون الواضح، و حنمشي بصوتاً صادح و نكتب في الكراس عن قاسم و عبد الخالق و عن رصّاصه بترصد دم الناس الصاح، بالصح كلّمني كيفك... عل العينين صبحن بي خير؟ و انا مفتكر يوم شاورت إيدك علي هذا الخطر و انّو بيوحّد شوقنا ضد هذا النزيف المستمر، بل كل ما يلمع علي الرمله النشيد يقوي الحلم بالوقفه صفاً جم بعض يا كم جميلاً حين تكورك في الجسد كل الخلايا بكم تحايا الصبح أوسم من يضيع كدا في الزوايا وطن يطنطن زحمه لخمه وطن يحنّن لمّه سمحه وطن يجنّن و حين تزغرت بت هناك و الناس تخش بيت الغنا و المطره تفتح بابا للشوق ضلفتين، حتي الرمال الفي الخيال تكتب علي القمصان تمام، يا كل من خان البلد بالدين فتح جبخانه و فجأه جانا قعد معانا سرق عشانا، الجرح أعمق من نودّر شهقتو و الفرحه عاتيه كما الجبال رغم الحصل نمشي في طريقا حجر حجر و الصدق صافي كما النبال نشّنا في كل اللي قال إنّو البلد اتلبدت سكتت و مات حيل النضال و أكيد تماماً طالما روحنا بتبوح بالممكنات المستحيله الوارفه بحّة أناشيدنا بتروح و الواطه ياها الفارعه زي ما انيقاً في الشعر (حمّيد) بقول دوماً لنا نحنا البإيدنا القدره عدّالة العوج، أفتح كتابك يا وريف أقراك بلد أقراك فتحت الطاقه للمشتاقه للوكت الجميل و أرفض معاي أن لا نتساوي و لا نتداوي و لا نتخاوي الأرض فسيحه و برضو مريحه اذا اتسالمنا و كدا نتوحّد و نبدا طريق، يا رفيق كيفك جداً طمني عليك علّ العينين صبحن بي خير؟

شكراً ياعاصم ياصديق الأمنيات شكراً لقلبك النضر ولروحك النبيلة وشكراً لعيني
زميلنا وحبيبنا أبو ساندرا سلمتم راكزين وماسكين دروب الحق ياصحابي

و الفرحه عاتيه كما الجبال
رغم الحصل
نمشي في طريقا حجر حجر
و الصدق صافي كما النبال
نشّنا في كل اللي قال
إنّو البلد اتلبدت
سكتت
و مات حيل النضال
و أكيد تماماً
طالما روحنا بتبوح
بالممكنات المستحيله الوارفه
بحّة أناشيدنا بتروح
و الواطه ياها الفارعه
زي ما انيقاً في الشعر (حمّيد) بقول
دوماً لنا
نحنا البإيدنا القدره عدّالة العوج،
أفتح كتابك يا وريف
أقراك بلد
أقراك فتحت الطاقه
للمشتاقه للوكت الجميل
و أرفض معاي
أن لا نتساوي
و لا نتداوي
و لا نتخاوي
الأرض فسيحه
و برضو مريحه اذا اتسالمنا
و كدا نتوحّد و نبدا طريق،
يا رفيق


العزيز أبو ساندرا
ما دي العيون كيفنها خلي بالك منها

عاصم الحزين

حروفك سحب طريق النضال يا زميل

مودتي

شكرا لأابى ساندرا
ولعينى أبى ساندرا .. اللتان
أعادتا لنا (عاصمنا الحزين) (والنضم السمح)...


عاصم

أبوساندرا


لكم حزمات من محبة


عبد الرحمن قوى

يا عاصم الحنين

اذا لماذا الصمت

وانت تشعر ما يروق صفاء صديقنا وقد ...................؟
واقول صديقنا حتى اذا لم تشرق الشمس يومها

الحديث بهذه اللغه اروع من الالفه
ومتسع من التواصل
والتواصل لغه الروح


ثلاثه ليالى كنا نفكر كيف نرد على صاحب الجبل هذا
ولكن تفوق الحزين تماما


وفى حاله من التواصل الروحى كما موضح اعلاه ليلا دون اجتهاد
جاء بنص
تتصل فيه كل معانى الحياه

سلمت اليها النبيل

يا ابو ساندرا

تلسم عيناك
يا صاحب الجبل

عيناك تزف دما فى اسفل العين
وايضا
نحن ننزف دمعا ليلا
اسفل الحقل

الحقل\يعرف ابوساندرا جيدا مما معنى الحقل


لك كل الود والاحترام
وعاجل الشفاء

عل العينين صبحن بي خير؟.

في مساء حافل بالهواتف
تسرب لي صوت الأصدقاء
عاصم الحزين
محمد سابل
عثمان بشرى
صوت واحد ذي أبعاد ثلاث
صوت الحب والشعر والثورة
توعدوني بالنشيد
وهنا أوفوا

فشكرآ جزيلآ

وشكرآ لكل المتداخلين هنا

ومنتظر { ختة} عثمان بشرى

وحتمآ نعود

عيناك والجرح القديم...مصطفى سند.. أما الشاب عاصم حتما هذه القصيدة ستزيل غشاوة هذه العين وسترمم كل الاربطةالتي انفرط عقدها ولكن عليك الترفق بنفسك قليلا
فالبشرى لك

عاصم
صباح الخير

Quote: كيف الأشواق يا زميل كيفك عل العينين صِبحن بي خير؟ ما الطير قال لَي شافك بتحرّض في رمشيك شان يحلبو ضي الشوف لينقّط يصبح سيل

ياعاصم عليك الله في زول حزين بكتب كلام ذي ده نطالب بالتغيير من عاصم الحزين الي عاصم الحنين
.... وبعدين صحبك ده قلنا ليه العيون النوركن بجهرا.
رد علينابي :

Quote: توعدوني بالنشيد

ونحنا نستقبله بالاحضان
لك التحايا
هارون دياب

Quote: أبو ساندرا... علّ العينين صبحن بي خير؟

مافى حل ياعاصم غير يصبحن بخير
عتمة الدرب محتاجة ضيء شوفهن الصاح للحال المايل

وحمدالله على السلامة صديقنا ابو ساندرا

وانت تأشِّر للنور والطيف
وأنت تبشّر بى قلب نضيف
وعالم حقّانى
تاوقت عينيك لى سكة شوف
لقيت الزحمة ..
والنور بيناضل ضد العتمة
الريح ما سكنت
دى مجرد كتمة
ويرجع النسام من تانى ..
القاك .. مبسوط أو تلقانى ..
يا واقف
على
حد السيف
من غير خوف
دخلت عينيك زى طفل شفيف ..
لقيتن بسقن حقل الدنيا وعود
مين قال دا نزيف ؟
هذا اللون القاني..
جدول سقيا
حتى اللقيا
يا زول موعود
بصادق الدعوة
و الناس الحلوة
الواقفة صفوف ..

عاصم
يا عالم من فرحة
اسمح لنا مشاركتك بهذا القطع الأخضر ..

Quote: عل العينين صِبحن بي خير؟ ما الطير قال لَي شافك بتحرّض في رمشيك شان يحلبو ضي الشوف لينقّط يصبح سيل ضد الهدّام الرمي قدّام،

ابو ساندرا..
ما تشوف شر وما تشوف شين
تختمك السلامة وتعقبك السلامة
يا زين في الزينين..

كل ما اقراء قصيدتكـ الجميله دي يا عاصم
بجي في راسي الموصلي و حنان النيل و يارزينة

و العيون كيفنها
خلي بالكـ منها



وكل ما تفتش كتف تلقي الكتف محتاج كتف
ابا ساندرا .. كلنا كتفكـ و عينيكـ
حمدلله علي سلامتكـ

خدر
------
شكلك كده ح تلحن لكذا شاعر في هذا البوست
عاصم الحزين
محمد عبدالغني سابل
نهال الطيب
محمد الحسن حسن سالم
معتصم الطاهر

والقادمون وفي طليعتهم إشراقة مصطفى

ومن تبعهم من الغاوون
مثل
عبدالرحمن حمدالنيل
هارون دياب

يا رفيق
كيفك جداً
طمني عليك
علّ العينين صبحن بي خير؟

ابوالساندرا!
شفت عاصم طاعم كيف؟

حب فايت الحدود ليكم الاتنين!

آخخخ يا جماعه لو كان ربنا رزقنى بموهبة الشعر
كان كتبت فى الراجل ده جنس نضم
شكرا...وكتر خيرك يا عاصم....لقد بحت بما يجيش بخاطر الكثيرين هنا

Quote: شكرا...وكتر خيرك يا عاصم....لقد بحت بما يجيش بخاطر الكثيرين هنا

شعراء
تبعهم غاوون
وكتاب مهرة
مثل:
{1} محمد أبوجودة

Quote: الأخ العزيز ،، عبدالرحمن بركات ..أبوسـاندرا ألف سلامـة ليك ، وأصدق دعواتي إليك بتمام الشـفاء وسلامة العين اليسرى عضداً لليُمنى لتكتمل زوايا النـّظــر، كما كانت لديك ، ويتتامّ بصرك ببصيرتك ، تلك التي تلمـّسناها نحن معاشر اصدقائك وصديقاتك ومريديك ومريداتك وزملائك و زميلاتك من خلال اهتمامك الحميد بما يهمّ أمر الناس وما تجري به أيامهم من صاعدٍ ونازل ولكَ من بين صفحات هذا المنبر مشاركات "مُقَدّرة" طامحة وراجحة ومؤثـِّــرة ومثيرة للتفاكر وجالبة، في أكثرها، للسعادة واحساس الامتلاء بالتعاضد والتوادد، والذي قد يأتي أحياناً بعد شيءٍ من التشاكس غير المبغوض ! أذكر أنّك قد شكوتَ من ضعف العين اليُسرى ونُصح الطبيب لك َ من عدم الاقتراب من الكمبيوتر ، ومع ذلك، فقد سما بكَ اهتمامك بالشأن العام ألاّ تضع بالاً لصـحـّة العين ! ومع أنّ في مثل هذا الصنيع شيءٌ من إلقاء العَـيْـن الى التهلكة ! إلا أنّه يُعرِب من ناحية أولى عن سـجية كرمٍ تتمتـّع به ومزيـّة أنسنة تلتئم بها شِـعاب نفسـَــك الآملة في انصلاح حال الناس والواثقة من ضرورة تعاطي الناس حول قضاياهم كآلية ناجعة ، حتى وإن كان هذا الهدف متقــاضَى من صِـحاح النـّظـَر .. والنّظَـرُ غالٍ . أثنــِّي الرؤية التي تنصَحك بالإسـراع في إجراء الجراحة بـأوفر مظانّ الســلامة، تلك المعروفة بقدرات المتوفـِّرين بها من جرّاحين ذوي علمٍ وخبرة والمزكــّاة بواسطة الإخوة الذين خضعوا من قبل لنفس " عطب العين " القابل للزوال بعد الجراحة وأنتَ يا عزيزي ، كثيرٌ بأهلك ومُحبـِّيــك والآملين فيك ، أؤلئك الذين لن يألوا جهداً في جعل هذه الجراحة ممكنة وميســّرة .. وتعود بعدها ، مواصلاً لمسيرك المحمود . إن كان ولا بد من توصيات ، فلنقـُل أنها ، بعد استشارة الطبيب المداويا ، تكون : من واقعنا ما مِن أكتــر ، فقد درجتْ أمّـهاتنا – والرحمة لمَن غابَن عنـّا والدعاء بطول العُمُر للاّئي يجمـِّلن حيواتنا بطيب الحِـنـِّية - دَعكُ العين ! وقاعها بالمُـكـَــمـَّدات الحارّة..ما بردَتْ ! أوّاه من ذاك الزفير المبارَك حيثما كانت تكوِّر الوالدة ، لها الرحمة ، طرف "توبا" وتنفخ فيه وتبثُّ في نفخها روح الطيَـبان والعافية ، ومن ثَم ، تضعه على " عينك " يا ولد ! فما هيَ إلا ثوانٍ يبتعد فيها عَــمَـشُ العين وطشاشها حتى لكأنّها تتفنجــل وتتقندَل وتُرسل ببصرها قويّاً نحو الأعالي من المرئيات . عليكَ كذلك، النزوع لرياضة العين بشـدّها بـَـحـْـلـَـقـةً تجاه كل الجهات الأصلية والفرعية من أمامٍ وخلفٍ ويمينٍ ويسار (وبالطبع، الأخير دي ما دايرلك فيها توصية !) شاملاً مترادفات هذه النواحي من جهات فرعية كشمال شرق وجنوب غرب وهكذا دواليك . أحياناً قد يكون من الأصوب تبريد العيـن! كأن تُبـَـلــِّل منديل ورق مطويِّ ، وتثـلـّجه لدقيقة بالفريزر وتضعه على العينـَــين مُغمَـضتــَـين وركــِّز على الأطراف ياباشـا ! ولا أستثني الهامِش ! كما يمكنك الاستعاضة بشريحة " خيار " وفي ذاك الخيار كمايقولون : حلا وحَـمَـار! إن لم يكن حلا وخضـار ..! ولابد ، كذلك ، من الحذر من دخاخين وجخانين السجائر وغيرها ، ومن مكيـِّف العربية أن يكون ضارباً في العين مباشرة ! وليس كل النظارات ساترة لأطراف العين ؛ طبعاً لابد من ضبط السكاكر والمحافظة على ما يؤكـّد انسياب سوائل الجسم داخل مواعينها بكل اللطفِ ، ويُـثـَـمـَّن السماع للموسيقى والألحان الشجـيّة تلك التي تتغلغل بالدواخل دون عثرات وبلا استئذان فتنفُثُ في العُقَد التي يربطها زمان التغرُّب والتهجـُّر والبِعاد ليُحيـلها الى ممرّات انبساط وانشراح كذلك، يُستَـطاب البُعد عموماً ممـّا من شأنه تعكير الصفاء . وَ مُجمل الكلام، عليكَ أن تستَـمِـعْ سمَـع الطائع لنداءات الرّشـَــد والرُّشــدية التي تنبلج من بين ثنايا الروح وثنيـّات البدن وذيـّاك العشم الشفوق ، والسلام يا روح البدن ، وعليكَ أن تخلـُد الى نومٍ ترتاح فيه أهداب العين قبل قيعانها فستستبطن ، حينها، عافية الإشراق المُشتهاة حسبما أعتقد، ولن يغلبك ، سـاعتئذٍ أن تُعمـّم تلك العافية قِسمةً عادلة غير ضيزى! تصون اقتسام المرئيــّات بين العيـنـَـين حِجِلاً بالرِّجل! ضيُّ عينيك الأماني ، يا أباسـاندرا ، وحُـلو المسـير ، ويقيني بأنّك ستخطو دروبها وســتراها كما هيَ عليه من إسعادٍ ومن دون أيِّ تلويحٍ من يُسرى العينَين ولا احتدادٌ من يُمناها .. فقط ، أرجوك ألاّ تقرأ هذه المطوَّلة ! بل استمِع إليها ؛ وماساقتني أصابعي لتطويلها إلاّ اعترافاً بمودِّةٍ أكنـّها لكَ وأمانٍ ودعواتٍ لك بسراعة الاستشفاء والعودة مكيناً لاستمرار النضال .. ودمتم بكل خيــر ..

{2} خطاب حسن أحمد

Quote: .ابوساندرا ..سلام وسلامتك . وانا ماعارف اخش ليك من ياتو عين . .. اجيك من وين وانا اللاحاسى لا شايف ! . . لاكين عليك بى كلام سلمى الشيخ سلامه.. . دكتور محمد عبدالله محمد صالح ..صاحبى . وانا بعرفو ,العين بى حسين .. . أها ده حسين زاطو..كما يقول هبانى .. .او حتى رسل ليهو الصور.. .. .وياريت نكون على اتصال . ماسنجر.! .اي حاجه..المهم.! .اسمع منك..

ابو ساندرا
مساء الخير
قلته شنو ....؟

Quote: ومن تبعهم من الغاوون مثل عبدالرحمن حمدالنيل هارون دياب

الغاوون
قال.... غاوون ....قال بالله شوف الزول ده ....!
انت قائل الغاوون ديل هينين ولاشنو ....؟
اسمع دي ياابو نضارات انت...!

اي حظ رزقتهي في الكمال
واحتوي سره ضمير الرمال
وتناها اليك كل جميل
قد تناها اليه كل جمال
وكأن الحصبا فيكي كرات
قد طلاها بناصع اللون طالي
وتعالت هضابك المشرئبات
الي موطن السحاب الثقال.
....
دي ياابو نضارات من طرف السوق بس
اي شنكبه .... عنكبه ... والله نوريك شغل تقول امروء القيس ده الجابه البورد منو ,,,!
شغل نضيييييييييييييييييييف.
تحياتي
هارون دياب

الرفيق ابو ساندرا
منور زي عوائدك.....
بس اختى البوستات البتجيب النكد زي فشل المؤتمر العام للحزب الشيوعي
اصلا لو هم بيسمعوا كلام الزيك ما كان ده حالهم.
تحياتي ومحبتي ودعواتي ان تظل بخير.

ابو ساندرا

صباحك نور وعيون الفرح تملأ دنياك ودنيانا

زمان قلت ليك لازم تتحصن كل يوم يا ابا ساندرا.

وما شاء الله وتبارك الله علي عيونك خلف النظارة.

اقترح عليك تغير صورتك في البوست والله مش كدا يا جماعة .

ودمت يا ابا ساندرا بنور العين مع اسرتك الكريمة واصدقائك واحبابك .

ابو ساندرا
صباح الخير

يااخوي عملت فيها مجنون .....
الناس شغالة ليك في شعر .... وتتصور مع هارون دياب.....
تجي اقول لينا الشعراء يتبعهم الغاوون ....
اها الشعراء طاروا ....!
اما نحن الغاوون ....!
فسنظل بجانبك
خليك في الهجيج ....... والرقيص...
ماعنك اي مشكلة .... ود القريش قاعد يصور ويكسر ليك في التلج سااااااكت ....!

وياعاصم ياحزين ..... زولك عيونوا بقت كويسة وسهر شديد .... اريتوا سهر الجداد.

وعل العينين صبحن بخير

التحايا
هارون دياب

Re: ياخي بعد الشر عليك ........ عاصم الحزين دعواتنا و قلوبنا معك

Re: مناشدة للأستاذة رجاء وللسودانيين بالمملكة الأردنية بخصوص عاصم الحزين