Post: #1
Title: لو قلت لـــــــــــــــــــــــيك منتظر القــــــــــــــــطر; مااااا حتصدق !!!
Author: Mohamed Abdelmotalib Hassan
Date: 11-04-2007, 05:55 AM
( المرا ) نقاقه لمن غلط ... كل يوم معذبه ليك الراجل بي موضوع الدولاب ... يومي شابكاهو ليك الدولاب ده عايز ليهو نجار ... الدولاب ده ما ثابت ... وعمك المسكين يشيل ويمشي يجيب النجار عشان يصلح دولاب الهنا ... وهو حق الفطور ما عندو ... الموضوع بقي مكرر والدولاب قصتو بقت قصه وعمك خلاص فتر من الشلهته والدين ...
يوم جا ليك زهجان قافله معاهو تك... المرا لي شلاقتها فتحت سيرة الدولاب تااااااااني ... بس يا زول عمك هاج وماج وحلف عليها طلاق لو تاني فتحت خشمها بي دولاب الزفت ده...
المسكينه أكلتها في حنانها وسكتت .... بس بعد يومين تلاته كده الشيطان بقي يزن ليها ... يا زووول .... قالت كده.... واتخمخمت ومشت تفتش لي نجار من الحلة التانية عشان الراجل ما يعرف لو جابت نفس النجار ..... وعلي التعتر ليها النجار داك طلع ( معلم ) كبير... بتاع تنظير.... مآخد فيها دكتوراه عديييل ....فايت حاج نظرية بي غاااااااادي..... بس حكت ليهو مشكلة الدولاب ... قام مشي معاها عشان يشوف القصة دي ويعمل معاينه علي الطبيعه وكده.... وهو في الطريق لمح ليك خط السكه حديد جنب البيت .... بعد خش البيت وعمل معاينه أوليه للدولاب ...وحسب تنظيرو: حنك المرا وأقنعها انو الدولاب مشلكتو القطر البجي ماري جنب البيت .... والمرا الداقسه المكنه قسمت فيها وصدقت الوهمه بتاعة النجار ... بس النجار زيادة في التنظير قال ليها : هو القطر بجي الساعة كم؟؟ قالت : بعد شويه بجي ماري... قال ليها: خلاص أنا بخش جوا الدولاب ولما يجي القطر حأقدر أعالج الموضوع ده من الداخل!!
بس يا زول دخلتو الدولاب كده ... كررررج كررررج باب الحوش فتح , والراجل جا راجع من الشغل وكالعادة تووووشك علي الدولاب عشان يغير هدومو ... وتك تك تك فتح الدولاب .. يلقي ليك عم النجار قاااااااعد جوا الدولاب ... النجار اتخلع وراسو ضرب وبي سرعة قال ليهو :
لو قلت ليك منتظر القطر ما حتصدق!!!!
|
Post: #2
Title: Re: لو قلت لـــــــــــــــــــــــيك منتظر القــــــــــــــــطر; مااااا حتصدق !!!
Author: محمد البشرى الخضر
Date: 11-04-2007, 06:18 AM
Parent: #1
وين ياعمك
النكتة دي في أمدرمان كانت بص الشنقيطي
أظنها وصلتكم هناك قطر
و بمناسبة القطر
قطرك دا محلي وكدا
و بمناسبة المحلي وكدا
كفارة ياخ
و بمناسبة كفارة وكدا
أما آن لك ان تعود لأرض الواقع
وتغير بروفايلك بحاجة تناسب إمكانياتكم
ميدالية فضية للقب وصيف الممتاز مثلا
|
Post: #3
Title: Re: لو قلت لـــــــــــــــــــــــيك منتظر القــــــــــــــــطر; مااااا حتصدق !!!
Author: Mohamed Abdelmotalib Hassan
Date: 11-04-2007, 02:02 PM
Parent: #2
Quote: وين ياعمك
النكتة دي في أمدرمان كانت بص الشنقيطي
أظنها وصلتكم هناك قطر
و بمناسبة القطر
قطرك دا محلي وكدا
و بمناسبة المحلي وكدا
كفارة ياخ
و بمناسبة كفارة وكدا
أما آن لك ان تعود لأرض الواقع
وتغير بروفايلك بحاجة تناسب إمكانياتكم
ميدالية فضية للقب وصيف الممتاز مثلا |
قــــاعدين يا عمـــــــــــك.
لو قلت ليك حاجة ما حتصدق :
النكته دي أنا قلبت فيها ( هوووووبا ) أديــــــل كده , تقوم تجي تطلعها لي كسور وبواقي؟؟
لكن ما مشكلة , اتخيلو بص الشنقيطي وملكك كمان , انشاء تقطعو بي عرق ( الشرميطي ).
البروفايل ده حيكون مستمر طوالي بصرف النظر عن كل شئ , الكفر ده جضمناهو زماااان وعارفنها ما بتدي حريف !!!
نشوفك تـــــاني وكده.
بعدين ما تنسي : التونسية دي الحجز بتاعكم كان قبلينا ذهاب ( وغياب ) زي ما بقولو .... وكده.!!!
|
|