Post: #1
Title: التحية لمدرب المريخ الذي قاد المريخ لتقليل الفارق
Author: علاء الدين حيموره
Date: 11-03-2007, 08:27 PM
الدقيقة 20 من زمن المباراة
هدف بمعدل كل 7 دقائق ..
هدف ضائع بمعدل كل 6 دقائق ..
هجمة صفاقسية بمعدل كل 5 دقائق ..
تحضير لهجمة صفاقسية بمعدل كل 4 دقائق ..
3 دقائق الكرة مع المريخ عندما يبدأ اللعب بعد كل هدف ..
الدقيقة 22 مشجع يخلع قميصه الاحمر ويفضل فنلته الداخلية ناصعة البياض ..
فتوقع الجميع الكارثة .. الا ان مدرب الفريق الخواجة ابو سيجارة ( يكونو لحقوه بخضراء ) فببراعته وقراءته لمجرى اللعب وبعد ان قرر ان لا ينتبه لكلام راكوبة وتهميشه لنصائح مزمل ابو القاسم التى لم يجد فيها ضالته قرر العمل على تقليص الفارق تاركا للحكم المساعدة الطفيفة بأهداءه ضربة جزاء عند الحوجة ..
سيفقد المريخ جهوده اذا استعجلوا الكاميرونيين .. ولا مناص لان تتكون هيئة التدريب من طاقم الكتاب بهذا المنبر بقيادة المدرب الاخ (مزمل ابو القاسم) ومساعدا له (راكوبة) ومدرب الحراس (شيبا) والمدلك (طلحة) وسيتم تعيين اساسي لمتابعة الفكي ابو اربعة الربيعان واعتماد الخال حمزاوي خالا للقبيلة الحمراء وصديق الموج يجيب الكورة من برة ..
سننتظر ترشيح بقية الكتاب متى ما توفر منصب ..
نسال الله السلامة ..
المحلي شكلو وصل الدامر ..
في انتظار الترشيحات ...
|
Post: #2
Title: Re: التحية لمدرب المريخ الذي قاد المريخ لتقليل الفارق
Author: علاء الدين حيموره
Date: 11-03-2007, 08:59 PM
Parent: #1
سامي عبد الوهاب مديرا للتغذية
|
Post: #3
Title: Re: التحية لمدرب المريخ الذي قاد المريخ لتقليل الفارق
Author: mohanad haimoura
Date: 11-03-2007, 09:18 PM
Parent: #2
علا الدين اخوي
كيفنك
انت نسيت الخمسات
ولما الهلال يتغلب ما بتجي خاشي البيت الا بعد الساعه 4 صباحا
ومحمد بخت ليك الورقه في باب غرفتك
ياخوي
عادي
اربعات
خمسات
وشوفت الجمهور العاقل ده
بالجد جمهور صفوه
لا فليق ولا مراتب لحماية الاعبين
عم احمد الليله بكون اشتري 4 صناديق بارد و وزاعه في الحله
كل الود والشوق
|
Post: #4
Title: Re: التحية لمدرب المريخ الذي قاد المريخ لتقليل الفارق
Author: علاء الدين حيموره
Date: 11-03-2007, 09:31 PM
Parent: #3
مهند اخوي كيفك ..
هي لكن زي حصلت ؟؟
تعرف لو ما هبة شجعتكم كان طلعتو بخور سبعات ..
حسي لو انا كنت في البيت كان محمد برحل مع نسابتو ..
كدي نقر بانها فضيحة تاريخية ..
وشكرا لمدربكم برضو ما قصر لغاية هنا ..
اها اقتراحي بتاع هيئة التدريب ده عملتو فيه شنو ؟
|
Post: #5
Title: Re: التحية لمدرب المريخ الذي قاد المريخ لتقليل الفارق
Author: علاء الدين حيموره
Date: 11-03-2007, 09:53 PM
Parent: #4
صحي حاتسافرو تونس ؟
|
Post: #6
Title: Re: التحية لمدرب المريخ الذي قاد المريخ لتقليل الفارق
Author: haroon diyab
Date: 11-04-2007, 06:07 AM
Parent: #1
علاء الدين
صباح الخير
| Quote: المحلي شكلو وصل الدامر .. |
وبرضو المحلي دخل عطبرة زمااااااااااااااااااااان .
تحياتي
هارون دياب
|
Post: #7
Title: Re: التحية لمدرب المريخ الذي قاد المريخ لتقليل الفارق
Author: محمد البشرى الخضر
Date: 11-04-2007, 06:15 AM
Parent: #6
| Quote: وبرضو المحلي دخل عطبرة زمااااااااااااااااااااان . |
هارون صباح الخير
وينك ياخ
أنا(قاعد) بفتش ليك من أمس لي (أربعة) يوم كدا
قلت لي محلي وكدا
أها يا عمك إنتو داخلين وين إن شاء الله
ولا آااا
إنتو محليكم براه
محلي صفوة
وكدا
كفارة ياخ واحد
كفارة ياخ إتنين
كفارة ياخ تلاتة
أخ فترت
كفارة ياخ أربعة
الحمد لله الوقفت على كدا
كان قطعتوا نفسنا
|
Post: #9
Title: Re: التحية لمدرب المريخ الذي قاد المريخ لتقليل الفارق
Author: علاء الدين حيموره
Date: 11-04-2007, 06:53 AM
Parent: #7
حبيبنا محمد البشري
اربعة الف تحية
Quote: كفارة ياخ واحد
كفارة ياخ إتنين
كفارة ياخ تلاتة
أخ فترت
كفارة ياخ أربعة
|
وانا بردد معاك
كفارة ليك يا زول والغلب ما بكتلو زول ..
بس عليكم الله براحة عليهم .. يعني البوستات دي ما تستمر لبعد مباريات الرد بكتير ..
مودتي
|
Post: #10
Title: Re: التحية لمدرب المريخ الذي قاد المريخ لتقليل الفارق
Author: محمد البشرى الخضر
Date: 11-04-2007, 07:00 AM
Parent: #9
| Quote: بس عليكم الله براحة عليهم .. يعني البوستات دي ما تستمر لبعد مباريات الرد بكتير |
حاضرين
تامر امر
حدنا باقي اليوم دا
وكان بالغنا بكرة إن شاء الله
|
Post: #8
Title: Re: التحية لمدرب المريخ الذي قاد المريخ لتقليل الفارق
Author: علاء الدين حيموره
Date: 11-04-2007, 06:44 AM
Parent: #6
الحبيب هارون
تحياتي يا زبون
اول حاجة انا ما بقدر اغلط عليك افضالك علينا اربعة ... لكن
| Quote: وبرضو المحلي دخل عطبرة زمااااااااااااااااااااان |
دحين يااخوي هارون دخل عطبرة مثقل بجنس الفضائح دي ؟؟؟
فاكرنو قطن يا ربي ؟؟
ارشح الخال حمزاوي لحراسة المرمي في مباريات الرد ..
مودتي
|
Post: #11
Title: Re: التحية لمدرب المريخ الذي قاد المريخ لتقليل الفارق
Author: haroon diyab
Date: 11-04-2007, 07:41 AM
Parent: #8
علاء الدين
حمد الله علي السلامة
زي ماقلت ليك المحلي دخل عطبرة زماااااااااااااااااااان .... لكن ده المجري داخل عطبرة عشان يعملوا ليه شوية صيانة كده لانوا المدة الفاتت كان شغال طواااااااااااالي شئ دوري ممتاز.... وشئ كاس العرب .... وبطولة افريقية والاجمل استعداد للانتر يعني الحكاية ومافيها انوا هناك شوية ارهاق اثرت علي مستوي العالمي مما ادي الي ان يتاخر قليلا عن مواصلة رحلته الظافرة باذن الله .
اما عن المحلي الاصلي :
فانه حتي وهو في عطبرة لازال يجر اذيال الخيبة التونسية والهوبا السورية .....!
وبرضو المحلي داخل عطبرة.
تخريمة لابد منها :
عارف عيبك الوحيد انك رشاشة .... يارشاشة .
ابقي واصل
تحياتي
هارون دياب
|
|