اغلقوا نادى المريخ وسرحوا الفضائح

والله عيب فضحتونا ...... الله ستر بس ! معقول مدافع اسمو ابالو .....

فعلا الجاهل عدو نفسه ، اى لاعب كورة لم يتلقى قسطا وافرا من التعليم لا يمكن ان يكون لاعبا مميزا، كم جاهلا بين لعيبتنا ؟

اخونا العزيز أبو محمد

أنا غايتو المغصة كاتلاني

تعرف يا أبو محمد أخوك الأزهري عزابي طبعاً وناس السودان رسلوا لينا جبنة سودانية وزيت سمسم قمتا مشيت جبتا لي عيش حار وظبتا فول بي جبنة وسمسم وقلتا اتعشى وانا بشوف الكورة والله مالحقت اتهنا بالعشاء والاقوان بدت تهز شباك المريخ بطني طمت وماقدرتا آكل لقمة واحدة .

انا بشكل عام مابتابع الكورة لكن الواحد من صغير بشجع المريخ لكن والله هسع كان سألتني بلعب فيه منو ماعارف .

في الفترة الأخيرة الهلال حقق نتائج ممتازة وسمعة طيبة للكورة السودانية لكن هسع المريخ فضحنا وشرط عينا. الله يسامحهم بس .

اخى ابو الزهور ، انا اليوم طلعت بدرى من المستشفى ، وقلت احصل الكورة فى البيت ، اخوك مريخابى على السكين ، وصلت مع الموعد ، ومع فتحت التلفزيون لقينا قون ، فى هذه اللحظة اتصل اخوك محمدهجو وقلت ليهو الدقيقة الاولى وواحد صفر ، قام كبر فاكرو للمريخ ، وخليتو على كده عشان ما يدعم فى الطريق ، لما دخل البيت لقاها ثلاثه وبس !هسع مسكبن نائم( بلا عشاء) عندى بت صغيره مى عارفه الحاصل شنو ، بعد نهاية المباراة قالت السودان فاز .

كبســـــور .... فيـــديو ..

يابومحمد
اعصابك
ما تجيب ليك مرض لي نفسك
الفهم ده هو سبب المشكلة
البفهم وذكي ولماح
بميز بين الخطة والخيته والخـتا
وديل دايرات فهم
ياخي اي زول في السودان بعرف انو الفريق بدخل
الميدان وتركيزو على انو العشرة دقايق الأولى
لازم ولابد وعكلتة ما يخش فيها قون
2 في عشرة دقايق
مش الواحد اطلع فنيلتو
اطلع زيتو
زاتو
عشان كده قوم نوم
وصباحاته بيض
محبة وسلام

العم هجو ..بعيدا عن الخيط..
ألف حمد لله علي سلامة الخالة أم محمد..
وربنا يديها الصحة والعافية..

ما كنت عارف والله..

تقبل تحياتي