جـمــهــــوريــــة الـطـرشــــــان

تفع جمهورية الطرشان في قارة افسديكيا بين مداري غسيل الاموال شمالا
والاختلاس جنوبا وبين خطي عرض
25% للوزير شمالا
و 15 % عمولة جنوبا
واهم حاجة في جمهورية الطرشان انو اي مواطن او زول بيتكلم، لكن ما بسمع
يعني ده مثال حي اذا اتلاقوا مرتين في الصباح يبدا الحوار التالي
- يا فلانة ماشة السوق
- لا لا انا ما شة السوق
- والله انا قايلاك ما شة السوق
- يا ريت لكن والله ماشة السوق
وهكذا كل الكلام في جمهورية الطرشان
وعلى كل الاصعدة
في اي محل
تمشي للدكان تقول ليه اديني فول
يقول ليك ماصرفتو لسة؟
تركب الحافلة
الكمساري يطقطق للراكب ساعة
يتلفت عليه
انت معاي
الكمساري يعني مع الحركة آي معاك
يرد الراكب في شنو؟
الكمساري : حقنا
الراكب : يا خ نزلني هنا كرهتونا المواصلات
اما الحاجة الغريبة يكون سواق الحافلة مشغل شريط ما معروف جابو من وين وبي اعلى صوت والركاب ساكتيييييييييييييين طرش تقيل وتلقى جوز لوز قاعد ورا وكلام بالاشارة وضحكات بي تحتحت ، ابداع طرش
اما على مستوى الدولة
فالعجب العجاب في اسواق حجاب
تحصل شكلة بين الحكومة وجماعة معارضة ويموتوا ناس موت الضان ،والقنوات العالمية تشتغل القرق ، ويظهروا ليك ناس بي بدل غريبة واخر غلاوة وحلاوة
المذيع يسال الواحد فيهم : انت بتتكلم عن قضايا الحريات وعن الحكومة ما هو دورك
يرد : هذا النظام الفاشي والمستبد لا يرعوي الا اذا استخدمنا معاه القوة

المذيع : انت كنت جزء من هذا النظام وقي اخر تعيينات استبعدت من التشكيل بعدها اعلنت عن قيام تنظيمك المسلح وهاجمت القوات المسلحة؟
ونواصل مع الطرش

من أمثال جمهورية الطرشان

بعيدة مدني والا جراي الحصان

حلو القنقليز بالعرديب

الفكرة جميلة
لكن بظتها (بوظتها) بكترة الغلطات المطبعية
وإنت سيد العارفين يا دكتور

Quote: الفكرة جميلة لكن بظتها (بوظتها) بكترة الغلطات المطبعية

الاخ الكريم نصر

العتب على السمع

تقدير وتشكرات

من الحكم التي يتداولها سكان جمهورية الطرشان

حكومة وشعبا


نكورك ليكم ما بتجوا

نجيكم تكوركوا

الحبيب محمد حسن

تحية على روحك الساخرة.. وطبعاً كترت الحزن بتعلم البكا .. أنا يا خوي بكامل سمعي ولكن ممكن بي مكرمة كدا تمنحوني جنسية الجمهورية السنية وسأدي القسم ( أقسم بالله العظيم وكتابه الكريم أن لا أسمع.. ولا أرى .. ولا أتكلم، ولا حتى أشير باليد أو أتحدث بلغة برايل.. وأن أكون مثلاً للحيوانات وأن ألتزم بعد الرفس والعض والركل وأن أتجرد من خبث ودهاء الثعالب.. وأن لا أبوح لأي جهة خارجية أو داخلية بما أعلم أو لا أعلم عن طريق الكتابة وأن أدعي الأميو والجهل .. والله على ما أقوله شهيد) .. كفاية القسم ده ولا أزيد!!

(تحية على روحك الساخرة.. وطبعاً كترت الحزن بتعلم البكا .. أنا يا خوي بكامل سمعي ولكن ممكن بي مكرمة كدا تمنحوني جنسية الجمهورية السنية وسأدي القسم ( أقسم بالله العظيم وكتابه الكريم أن لا أسمع.. ولا أرى .. ولا أتكلم، ولا حتى أشير باليد أو أتحدث بلغة برايل.. وأن أكون مثلاً للحيوانات وأن ألتزم بعد الرفس والعض والركل وأن أتجرد من خبث ودهاء الثعالب.. وأن لا أبوح لأي جهة خارجية أو داخلية بما أعلم أو لا أعلم عن طريق الكتابة وأن أدعي الأميو والجهل .. والله على ما أقوله شهيد) .. كفاية القسم ده ولا أزيد!! )
اغنية زيدان ما مسجلة عندنا لكن ممكن نسمعك وردي يا نور العين

نسبة لاشتعال الدافوري مع جلابة فرنسا نديها صنَ

يمكن صوت شيراك يصلنا

Quote: بعيدة مدني والا جراي الحصان حلو القنقليز بالعرديب

و في رواية أخرى


بعيدة مدني ولا جراي الحصان ؟

فأشار بسبابته اليمنى إلى علاء حيمورة ... و الذي كان يردد : ( يخوانا معقولة من ... إلى .... )؟

وذي ما عارف الأطرش في ذفت العرس مواطن صالح للجمهورية العرسان

وأن ينكر (الكوز )فوق غطأ الزير عابر السبيل والمحتاجين وذوي القربي

واليتامي (دوواوين الذكاة)

لا أري ولا أتكلم ولا أنظر وأكتفي بالذات اليد العلي خير من اليد السفلي

هل هذا الشعار يمكن أن تضمني به كمواطن في هذة الجمهورية الفتية دوووك

منتظرين طلب الأنضمام في الصف

الأصَم أبوقصى الأبكم

حلو التوقيع ده

Quote: حلو التوقيع ده

ابو الرقيع؟؟!!

Quote: فأشار بسبابته اليمنى إلى علاء حيمورة ... و الذي كان يردد : ( يخوانا معقولة من ... إلى .... )؟.... )¿ قلت لي د. نجيب زيادة؟!!!!

ملخص ما سبق

هذه قصة خيالية عن احدى الجمهوريات من بنات ابليس افكاري

Quote: المذيع : انت كنت جزء من هذا النظام وقي اخر تعيينات استبعدت من التشكيل بعدها اعلنت عن قيام تنظيمك المسلح وهاجمت القوات المسلحة؟

يرد المناضل الثوري: نحن بنعتمد على مؤيدينا من جماهير الشعب الكادح ومن الثوريين .....بلا بلا بلا بلا

ولما تقبل حكومة جمهوية الطرشان التفاوض بيكون شعارها المعلن ( نعم للسلام لا للحرب)
اما تحت تحت شعارها

ما بعاتبك
ما بخاصمك
لو تحارب بالسنين
اصلي عارف جيبك اكبر
وانت اصلك ما امين
-
اما تلفزيون جمهورية الطرشان فده كوم براه
عندهم مذيع اسمه هماميزو
ده بيهمزك لمن تحس بي الام في القولون المستقيم.. واكثر ضيفاته من الجنس اللطيف ناخد مثال :

نستشهد بمقولة الكاتب بيرجر هوت دوق في كتابه
كيف تاكل الشوأء نصف ناضج والذي تحول الى رواية من بطول الممثلة العالمية اونيون بان اويل بلا بلا بلا. طبعا بيكون بيقول في الكلام ده وهو صاري وشه، ثم يلتفت الى احى الضيفات
يااستاذة آ آ آ عواطف ، ما هي الرؤية الفلسفية لمنطق اونيون في مسألة التقطيع\\\ظ
عواطف : في الحقيقة اذا رجعنا للقاعدة الخاصة بي
هما ينط هماميزو
قبل ما تواصلي يا ستاذآ آ آ ايوة عواطف، في الحتة دي اذكر انه مستر بيز في لقاء ليه مع محطة يس نون ان قالت انه تقطيع ال... بلا بلا بلا

ونواصل

طرش وعمى

ومن الحاجات الغريبة في جمهورية الطرشان دي انومابقرو
لكن بكتبوا
يعني كية الكتابة الكتبوها في الصحف والمجلات في نصح للحكومات من خمسين سنة ، لو حكومة وااااحدة اشتغلت بيعا
كان جمهورية الطرشان الليلة في مصاف الدول الراقية
يا اخي دي جكهورية غريبة جدا
الوزير المفروض انو يكون تنفيذي ويحل قضايا الناس تلقاهو بقى مذيع في التلفزيون عشان ينضم
والوزير الما بنضم يكتب في الجرايد
والما بكتب في الجرايد يعمل مؤتمر صحفي
ولو سألوه عن حمى الوادي المتصدع
يقول
انو الامم المتحدة اصبحت العوبة في يد امريكا

ونواصل مع الطرش

في الحلقة القادمة نتكلم عن حكومة الشبيكين في هذه الجمهورية