Post: #1
Title: فوضى حروف .. وشتـــــات خواطـــــر .. انشاء الله القيامه تقوم !!!!!!!!
Author: تاج السر حسن
Date: 11-02-2007, 12:14 PM
أكتر حاجه غايظانى و(فاقعه) مصرانى فى المنبر ده .. انه (البنيه) الخلاسيه الأسمها (تراجى) دى عامله انها ما (جكس) .. وتديك احساس زول (لابس) افرول (طوالى) أو (ميرى) زى ما بقولو ناس مصر و(قابضه) على الزناد .. مع أنها (جكس) ونص وخمسه .. وواضح انها انسانه جميله من الداخل والخارج وعندها صوت جميل جدا وساحر، كان اكثر شئ لفت نظرى يوم لقاء ال MBC !!
بس يا ريتها .. تبطل (تصريج) شويه .. يا اخى بعد الشر عليك !!
(تراجى) غنى ليها (الجلابى) الشاعر (محمد سعد دياب) رحمه الله:-
مادلينا..
الشرق اتى والغرب أتى .. يا مرحى.
مخارجه:-
يا قيافه ..
يا عسل ممزوج لطافه
يا بحر رقة ورهافه
كلما قربت منك
زادت الخطوات مسافه
|
Post: #2
Title: Re: فوضى حروف .. وشتـــــات خواطـــــر .. انشاء الله القيامه تقوم !!!!!!!!
Author: تاج السر حسن
Date: 11-02-2007, 11:06 PM
Parent: #1
مقطع من كلمات أغنية ملحنه، تبحث عن فنان (طمبور).
يا غريب من بلادك وفى بلادك
شائل الهم والحزن
يا بعيد من ديارك
ومن ديارا ناسا أحن
يا غريب من ديارك
من ابتلاءات الزمن
يعاديك الما بساويك
يا غريب من ديارك
يحسدك حتى ف (مشيك)
يا غريب من ديارك
بالخير تجيهو وبالشر يجيك
|
Post: #3
Title: Re: فوضى حروف .. وشتـــــات خواطـــــر .. انشاء الله القيامه تقوم !!!!!!!!
Author: Tragie Mustafa
Date: 11-02-2007, 11:55 PM
Parent: #2
الهلالابي المتعصب تاج السر تحياتي
وشكرا على البوست الخايفه يجيب لي كتاحة المريخاب اصحابي ايضا.
شكرا لك.....
وبوستك ده ضحكني وذرني مقولة
اخونا علاء حيموره عندما كتب لي :
Quote: تخريمة :
تراجي عليك الله كدي ارتاحي شوية ببوست يحسسنا بأنوثتك وكلام كده يخلي الناس يكسرو ليك التلج بدل كسير الحطب ده .. |
اها بوستك ده كسير ثلج بدل الحطب
فشكرا لاحساسك بي وبحوجتي لقليل من كسير الثلج بدل الحطب المدور فيني في البورد ده.
ومعليش لو لم ارى هذا البوست الا الآن
وزي ما قلت اشوفه بوين يا عيني علي من الحطب الرادميني بيه ده؟؟؟
برجع لك عشان نشوف الشرق و الغرب الذي آتى وقوم السانومي ده
|
Post: #4
Title: Re: فوضى حروف .. وشتـــــات خواطـــــر .. انشاء الله القيامه تقوم !!!!!!!!
Author: Tragie Mustafa
Date: 11-02-2007, 11:59 PM
Parent: #3
بعدين عنوانك ده مضلل....
| Quote: فوضى حروف .. وشتـــــات خواطـــــر .. انشاء الله القيامه تقوم !!!!!!!! |
كان تكتب (تراجي مصطفى)..... اي حاجه وتشوف العميان
الشايل المكسر البيجوك بجاي
الجاي ضابي عكازه
والجاي ضابي طبنجته...وكده.
واقل من 1و% الممكن يكون جاي ضابي الحق في جوانحه بهذا المنبر.
برجع لك.
عشان اوريك البقول الحق بيروح في داهيه كيف هنا
فنحن شعب مجامل او قل منافق ايضا......وآخر شيئ نحبه الحق.
|
Post: #5
Title: Re: فوضى حروف .. وشتـــــات خواطـــــر .. انشاء الله القيامه تقوم !!!!!!!!
Author: تاج السر حسن
Date: 11-03-2007, 00:09 AM
Parent: #1
اها يا تراجى
قلنا البوست ده نخليهو بعيد عن هلال/ مريخ .. نكتب فيه كلما كان المزاج رايق شتات خواطر، برضو انت اصريتى تجيبى سيرة الهلال .. وفرعو (البعيو) !!
غايتو مخيره .. ولو جاب كتاحه ح اخليهم ليك ولى قريبك (القرضابى)!!
كتبتى:-
Quote: الهلالابي المتعصب تاج السر تحياتي
وشكرا على البوست الخايفه يجيب لي كتاحة المريخاب اصحابي ايضا. |
وانا غايتو ما ح اوقف كسير تلج للصباح .. وان شاء الله القيامه تقوم هسه.
|
Post: #6
Title: Re: فوضى حروف .. وشتـــــات خواطـــــر .. انشاء الله القيامه تقوم !!!!!!!!
Author: تاج السر حسن
Date: 11-03-2007, 00:27 AM
Parent: #1
خاطره:-
السعاده !!
هل تكتمل سعادتى بتحقيقى لطموحاتى الخاصه وبنجاحى فى عملى وجمعى للمال، دون أن اهتم بتحقيق الآخرين لسعادتهم وطموحاتهم ؟؟
هل أشعر بسعادة حقيقيه حينا اقف متفرجا أو محائدا فى لحظة لا تحتمل (الحياد) ؟؟
هل اشعر بالسعادة !!
حينما الاحظ لأنسان آخر يرمى بما ليس فيه من صفات، فلا اعترض أو اشهد بما اعرفه عنه، من سلوك طيب وحميد حتى اظل على علاقة جيده مع جميع الأطراف (القاتل والمقتول) وحتى يستمر وصفى بالذوق والرقة والأدب والرزانة والتعقل والبعد عن مواطن الأنزلاق ؟؟
______________
اذا كانت الأجابه (بنعم) .. فهذه (سعادة) زائفه !!
|
|